Search result for

SEARCH RESULTS

Showing search results for "shukr"

See All

POETS/AUTHORS/ARTISTS

born.1943

born.1994

born.1996

born.1965

born.1931

1925 - 2011

MOST RELEVANT MATCHES FOR "shukr"

Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal

Ghazal

sab apne apne qariine se muntazir us ke
kisii ko shukr kisii ko shikaayate.n karnii

Ahmad Faraz

Ghazal

kab yaad me.n teraa saath nahii.n kab haat me.n teraa haat nahii.n
sad-shukr ki apnii raato.n me.n ab hijr kii ko.ii raat nahii.n

Faiz Ahmad Faiz

Ghazal

na dekhaa Gam-e-dostaa.n shukr hai
hamii.n daaG apnaa dikhaa kar chale

Meer Taqi Meer

Ghazal

shukr hai is nigaah-e-kam kaa miyaa.n
pahle hii ham khaTak ga.e ho.nge

Jaun Eliya

See All

DICTIONARY MATCHES

REKHTA DICTIONARY

shukr

शुक्रشُکْر

Arabic, Sanskrit

gratitude, thankfulness, thanksgiving, thanks

jhuke

झुकेجُھکے

bow, stoop, bend, succumb

jhukaa

झुकाجُھکا

bent, stooping, curved

shukr hai

शुक्र हैشُکْر ہے

خُدا کا شکر ہے ، شُکرِ خدا.

See All

BOOKS MATCHES FOR "shukr"

Shukr-ul-Masnavi

Maulana Ashraf Ali Thanvi

Islamiyat

Alam-e-Shukr

Naseer Niyazi

Sabr-o-Shukr

Tahniyatunnisa Begam Tahniyat

Majmua

Shukr Guzar Shikari

Aqeedatullah Qasmi

Hikayaat

Haqeeqat-e-Shukr

Maulana Abdul Raheem Matala Surti

Islamiyat

Shukr Baba

Mushtaq Mehdi

Drama

Kulliyat-e-Anwar Shaoor

Anwar Shuoor

Kulliyat

Deewar Mein Ek Khidki Rahti Thi

Vinod Kumar Shukl

Novel

Raag Darbari

Shiri Laal Shukl

Novel

Shuoor Ki Ru Aur Qurratul Ain Haidar

Haroon Ayyub

Fiction Criticism

Zauq-e-Adab Aur Shuoor

Syed Ehtisham Husain

Hali Ka Siyasi Shuoor

Moin Ahsan Jazbi

Criticism

Shuoor-o-Shayari

Mohammad Baqar Shams

Criticism

Ghalib Aur Aaj Ka Shuoor

Mohammad Ali Siddiqi

Criticism

Ghalib Ka Tanqeedi Shuoor

Akhlaq Husain Aarif

Criticism

MORE MATCHES FOR "shukr"

Ghazal

der lagii aane me.n tum ko shukr hai phir bhii aa.e to
aas ne dil kaa saath na chho.Daa vaise ham ghabraa.e to

Andaleeb Shadani

Ghazal

go naama-bar se KHush na hu.aa par hazaar shukr
mujh ko vo mere naam se pahchaan to gayaa

Dagh Dehlvi

Ghazal

ai 'fanaa' shukr hai aaj baa'd-e-fanaa us ne rakh lii mire pyaar kii aabruu
apne haatho.n se us ne mirii qabr pe chaadar-e-gul cha.Dhaa.ii mazaa aa gayaa

Fana bulandshahri

Sher

kuchh is adaa se aap ne puuchhaa miraa mizaaj
kahnaa pa.Daa ki shukr hai parvardigaar kaa

Jaleel Manikpuri

Nazm

ai ishq-e-junun-pesha

jo jism kaa ii.ndhan thaa
gulnaar kiyaa ham ne
vo zahr ki amrit thaa
jii bhar ke piyaa ham ne
sau zaKHm ubhar aa.e
jab dil ko siyaa ham ne
kyaa kyaa na mohabbat kii
kyaa kyaa na jiyaa ham ne
lo kuuch kiyaa ghar se
lo jog liyaa ham ne
jo kuchh thaa diyaa ham ne
aur dil se kahaa ham ne
ruknaa nahii.n darveshaa
yuu.n hai ki safar apnaa
thaa KHvaab na afsaana
aa.nkho.n me.n abhii tak hai
fardaa kaa parii-KHaana
sad-shukr salaamat hai
pindaar-e-faqiiraana
is shahr-e-KHamoshii me.n
phir naara-e-mastaana
ai himmat-e-mardaana
sad-KHaaraa-o-yak-tesha
ai ishq-e-junuu.n-pesha
ai ishq-e-junuu.n-pesha

Ahmad Faraz

Ghazal

baad-e-KHizaa.n kaa shukr karo 'faiz' jis ke haath
naame kisii bahaar-e-shimaa.il se aa.e hai.n

Faiz Ahmad Faiz

Nazm

nazm

safed shirt thii tum sii.Dhiyo.n pe baiThe the
mai.n jab class se niklii thii muskuraate hu.e
hamaarii pahlii mulaaqaat yaad hai naa tumhe.n
ishaare karte the tum mujh ko aate jaate hu.e
tamaam raat vo aa.nkhe.n na bhuultii thii.n mujhe
ki jin me.n mere liye 'izzat aur vaqaar dikhe
mujhe ye duniyaa bayaabaan thii magar ik din
tum ek baar dikhe aur be-shumaar dikhe
mujhe ye Dar thaa ki tum bhii kahii.n vahii to nahii.n
jo jism par hii tamanna ke daaG chho.Dte hai.n
KHudaa kaa shukr hai ki tum un se muKHtalif nikle
jo phuul to.D ke Gusse me.n baaG chho.Dte hai.n
ziyaada vaqt na guzraa thaa is ta'alluq ko
ki is ke baa'd vo lamha qarii.n qarii.n aaya
chhu.aa thaa tum ne mujhe aur mujhe mohabbat par
yaqiin aaya thaa lekin kabhii nahii.n aaya
phir us ke baa'd meraa nashsha-e-sukuut gayaa
mai.n kashmakash me.n thii tum mere kaun lagte ho
mai.n amritaa tumhe.n sochuu.n to mere saahir ho
mai.n faarehaa tumhe.n dekhuu.n to jaun lagte ho
ham ek saath rahe aur hame.n pata na chalaa
ta'alluqaat kii had-bandiyaa.n bhii hotii hai.n
mohabbato.n ke safar me.n jo raaste hai.n vahii
havas kii samt me.n pagDa.nDiyaa.n bhii hotii hai.n
tumhaare vaaste jo mere dil me.n hai 'haafii'
tumhe.n mai.n kaash ye sab kuchh kabhii bataa paatii
aur ab maziid na milne kii ko.ii vaj.h nahii.n
bas apnii maa.n se mai.n aa.nkhe.n nahii.n milaa paatii

Tahzeeb Hafi

Nazm

maulana

bahut mai.n ne sunii hai aap kii taqriir maulaanaa
magar badlii nahii.n ab tak mirii taqdiir maulaanaa
KHudaaraa shukr kii talqiin apne paas hii rakkhe.n
ye lagtii hai mire siine pe ban kar tiir maulaanaa
nahii.n mai.n bol saktaa jhuuT is darja DhiTaa.ii se
yahii hai jurm meraa aur yahii taqsiir maulaanaa
haqiiqat kyaa hai ye to aap jaane.n yaa KHudaa jaane
sunaa hai jimmy-carter aap kaa hai piir maulaanaa
zamiine.n ho.n vaDero.n kii mashiine.n ho.n luTero.n kii
KHudaa ne likh ke dii hai ye tumhe.n tahriir maulaanaa
karo.Do.n kyuu.n nahii.n mil kar filistii.n ke liye la.Dte
du.aa hii se faqat kaTtii nahii.n zanjiir maulaanaa

Habib Jalib

Ghazal

baar takliifo.n kaa mujh par baar-e-ehsaa.n se hai sahl
shukr kii jaa hai agar haajat-ravaa miltaa nahii.n

Akbar Allahabadi

Ghazal

shukr-e-karam ke saath ye shikva bhii ho qubuul
apnaa saa kyuu.n na mujh ko banaa kar chale ga.e

Jigar Moradabadi

SEARCH RESULTS

POETS/AUTHORS/ARTISTS

MOST RELEVANT MATCHES FOR "shukr"

Nazm

jawab-e-shikwa

Allama Iqbal

Ghazal

Ahmad Faraz

Ghazal

Faiz Ahmad Faiz

Ghazal

Meer Taqi Meer

Ghazal

Jaun Eliya

DICTIONARY MATCHES

REKHTA DICTIONARY

shukr

jhuke

jhukaa

shukr hai

BOOKS MATCHES FOR "shukr"

MORE MATCHES FOR "shukr"

Ghazal

Andaleeb Shadani

Ghazal

Dagh Dehlvi

Ghazal

Fana bulandshahri

Sher

Jaleel Manikpuri

Nazm

ai ishq-e-junun-pesha

Ahmad Faraz

Ghazal

Faiz Ahmad Faiz

Nazm

nazm

Tahzeeb Hafi

Nazm

maulana

Habib Jalib

Ghazal

Akbar Allahabadi

Ghazal

Jigar Moradabadi

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books