Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "bargashta"

نظم کے متعلقہ نتیجہ "bargashta"

نظم

آسماں بادل کا پہنے خرقۂ دیرینہ ہے
کچھ مکدر سا جبین ماہ کا آئینہ ہے
چاندنی پھیکی ہے اس نظارۂ خاموش میں
صبح صادق سو رہی ہے رات کی آغوش میں
کس قدر اشجار کی حیرت فزا ہے خامشی
بربط قدرت کی دھیمی سی نوا ہے خامشی
باطن ہر ذرۂ عالم سراپا درد ہے
اور خاموشی لب ہستی پہ آہ سرد ہے
آہ جولاں گاہ عالمگیر یعنی وہ حصار
دوش پر اپنے اٹھائے سیکڑوں صدیوں کا بار
زندگی سے تھا کبھی معمور اب سنسان ہے
یہ خموشی اس کے ہنگاموں کا گورستان ہے
اپنے سکان کہن کی خاک کا دل دادہ ہے
کوہ کے سر پر مثال پاسباں استادہ ہے
ابر کے روزن سے وہ بالائے بام آسماں
ناظر عالم ہے نجم سبز فام آسماں
خاک بازی وسعت دنیا کا ہے منظر اسے
داستاں ناکامئ انساں کی ہے ازبر اسے
ہے ازل سے یہ مسافر سوئے منزل جا رہا
آسماں سے انقلابوں کا تماشا دیکھتا
گو سکوں ممکن نہیں عالم میں اختر کے لیے
فاتحہ خوانی کو یہ ٹھہرا ہے دم بھر کے لیے
رنگ و آب زندگی سے گل بدامن ہے زمیں
سیکڑوں خوں گشتہ تہذیبوں کا مدفن ہے زمیں
خواب گہ شاہوں کی ہے یہ منزل حسرت فزا
دیدۂ عبرت خراج اشک گلگوں کر ادا
ہے تو گورستاں مگر یہ خاک گردوں پایہ ہے
آہ اک برگشتہ قسمت قوم کا سرمایہ ہے
مقبروں کی شان حیرت آفریں ہے اس قدر
جنبش مژگاں سے ہے چشم تماشا کو حذر
کیفیت ایسی ہے ناکامی کی اس تصویر میں
جو اتر سکتی نہیں آئینۂ تحریر میں
سوتے ہیں خاموش آبادی کے ہنگاموں سے دور
مضطرب رکھتی تھی جن کو آرزوئے ناصبور
قبر کی ظلمت میں ہے ان آفتابوں کی چمک
جن کے دروازوں پہ رہتا ہے جبیں گستر فلک
کیا یہی ہے ان شہنشاہوں کی عظمت کا مآل
جن کی تدبیر جہانبانی سے ڈرتا تھا زوال
رعب فغفوری ہو دنیا میں کہ شان قیصری
ٹل نہیں سکتی غنیم موت کی یورش کبھی
بادشاہوں کی بھی کشت عمر کا حاصل ہے گور
جادۂ عظمت کی گویا آخری منزل ہے گور
شورش بزم طرب کیا عود کی تقریر کیا
دردمندان جہاں کا نالۂ شب گیر کیا
عرصۂ پیکار میں ہنگامۂ شمشیر کیا
خون کو گرمانے والا نعرۂ تکبیر کیا
اب کوئی آواز سوتوں کو جگا سکتی نہیں
سینۂ ویراں میں جان رفتہ آ سکتی نہیں
روح مشت خاک میں زحمت کش بیداد ہے
کوچہ گرد نے ہوا جس دم نفس فریاد ہے
زندگی انساں کی ہے مانند مرغ خوش نوا
شاخ پر بیٹھا کوئی دم چہچہایا اڑ گیا
آہ کیا آئے ریاض دہر میں ہم کیا گئے
زندگی کی شاخ سے پھوٹے کھلے مرجھا گئے
موت ہر شاہ و گدا کے خواب کی تعبیر ہے
اس ستم گر کا ستم انصاف کی تصویر ہے
سلسلہ ہستی کا ہے اک بحر نا پیدا کنار
اور اس دریائے بے پایاں کی موجیں ہیں مزار
اے ہوس خوں رو کہ ہے یہ زندگی بے اعتبار
یہ شرارے کا تبسم یہ خس آتش سوار
چاند جو صورت گر ہستی کا اک اعجاز ہے
پہنے سیمابی قبا محو خرام ناز ہے
چرخ بے انجم کی دہشت ناک وسعت میں مگر
بیکسی اس کی کوئی دیکھے ذرا وقت سحر
اک ذرا سا ابر کا ٹکڑا ہے جو مہتاب تھا
آخری آنسو ٹپک جانے میں ہو جس کی فنا
زندگی اقوام کی بھی ہے یوں ہی بے اعتبار
رنگ ہائے رفتہ کی تصویر ہے ان کی بہار
اس زیاں خانے میں کوئی ملت گردوں وقار
رہ نہیں سکتی ابد تک بار دوش روزگار
اس قدر قوموں کی بربادی سے ہے خوگر جہاں
دیکھتا بے اعتنائی سے ہے یہ منظر جہاں
ایک صورت پر نہیں رہتا کسی شے کو قرار
ذوق جدت سے ہے ترکیب مزاج روزگار
ہے نگین دہر کی زینت ہمیشہ نام نو
مادر گیتی رہی آبستن اقوام نو
ہے ہزاروں قافلوں سے آشنا یہ رہ گزر
چشم کوہ نور نے دیکھے ہیں کتنے تاجور
مصر و بابل مٹ گئے باقی نشاں تک بھی نہیں
دفتر ہستی میں ان کی داستاں تک بھی نہیں
آ دبایا مہر ایراں کو اجل کی شام نے
عظمت یونان و روما لوٹ لی ایام نے
آہ مسلم بھی زمانے سے یوں ہی رخصت ہوا
آسماں سے ابر آزاری اٹھا برسا گیا
ہے رگ گل صبح کے اشکوں سے موتی کی لڑی
کوئی سورج کی کرن شبنم میں ہے الجھی ہوئی
سینۂ دریا شعاعوں کے لیے گہوارہ ہے
کس قدر پیارا لب جو مہر کا نظارہ ہے
محو زینت ہے صنوبر جوئبار آئینہ ہے
غنچۂ گل کے لیے باد بہار آئینہ ہے
نعرہ زن رہتی ہے کوئل باغ کے کاشانے میں
چشم انساں سے نہاں پتوں کے عزلت خانے میں
اور بلبل مطرب رنگیں نوائے گلستاں
جس کے دم سے زندہ ہے گویا ہوائے گلستاں
عشق کے ہنگاموں کی اڑتی ہوئی تصویر ہے
خامۂ قدرت کی کیسی شوخ یہ تحریر ہے
باغ میں خاموش جلسے گلستاں زادوں کے ہیں
وادی کہسار میں نعرے شباں زادوں کے ہیں
زندگی سے یہ پرانا خاک داں معمور ہے
موت میں بھی زندگانی کی تڑپ مستور ہے
پتیاں پھولوں کی گرتی ہیں خزاں میں اس طرح
دست طفل خفتہ سے رنگیں کھلونے جس طرح
اس نشاط آباد میں گو عیش بے اندازہ ہے
ایک غم یعنی غم ملت ہمیشہ تازہ ہے
دل ہمارے یاد عہد رفتہ سے خالی نہیں
اپنے شاہوں کو یہ امت بھولنے والی نہیں
اشک باری کے بہانے ہیں یہ اجڑے بام و در
گریۂ پیہم سے بینا ہے ہماری چشم تر
دہر کو دیتے ہیں موتی دیدۂ گریاں کے ہم
آخری بادل ہیں اک گزرے ہوئے طوفاں کے ہم
ہیں ابھی صد ہا گہر اس ابر کی آغوش میں
برق ابھی باقی ہے اس کے سینۂ خاموش میں
وادئ گل خاک صحرا کو بنا سکتا ہے یہ
خواب سے امید دہقاں کو جگا سکتا ہے یہ
ہو چکا گو قوم کی شان جلالی کا ظہور
ہے مگر باقی ابھی شان جمالی کا ظہور

علامہ اقبال
نظم

مآل مسرت وہ مجبور آنسو
وہ کیف طرب کا غم انجام ہونا
پر الزام باتیں وہ سب کی زباں پر
محبت کے قصے کا وہ عام ہونا
وہ برگشتہ خاطر بزرگوں کی باتیں
وہ معصوم روحوں کا بدنام ہونا
تو ہی مجھ سے کہہ دے میں کیوں بھول جاؤں

عرش ملسیانی
نظم

دل ربا لالہ ہو فضا تیری
مجھ کو بھائی نہ اک ادا تیری
لطف سے بڑھ کے ہے جفا تیری
واہ رے ہندوستاں وفا تیری
میں نہ مانوں کبھی ترا کہنا
میں نہ بخشوں کبھی خطا تیری
برتر از خار ہے ترا گلشن
زہر سے کم نہیں ہوا تیری
خالی از کیفیت تری ہر چیز
بات ہر ایک بے مزا تیری
درد دل میں تڑپ کے مر جاؤں
میں نہ ڈھونڈوں کبھی شفا تیری
کون سی بات تیری لطف آمیز
کون سی چیز دل کشا تیری
تجھ کو جنت نشان کہتے ہیں
ہم جہنم کی جان کہتے ہیں
تجھ کو کس بات پر ہے ناز بتا
کیا نہیں اور ملک تیرے سوا
تیری آب و ہوا لطیف سہی
تجھ سے بڑھ کر سپین کا خطہ
تجھ کو اپنی زمین کا ہے گھمنڈ
تجھ سے افضل کہیں ہے امریکہ
حسن پر اپنے ناز ہے تجھ کو
حسن تجھ سے سوا اطالیہ کا
تجھ کو گنگا کا اپنی دھوکا ہے
تو نے دیکھا نہیں ہے سین کو جا
موسیقی پر تجھے ہے ناز بہت
اس میں جز درد و غم دھرا ہے کیا
فلسفہ تیرا اگلے وقتوں کا
فلسفہ دیکھ جا کے یورپ کا
تجھ میں پھر آن کیا رہی باقی
تیری محفل نہ کچھ نہ کچھ ساقی
ہاں مروت کا تجھ میں نام نہیں
ہاں اخوت کا تجھ میں نام نہیں
تجھ سے بد نام عشق سا استاد
اور محبت کا تجھ میں نام نہیں
آشتی سیکھے تجھ سے آ کے کوئی
ہاں خصومت کا تجھ میں نام نہیں
تیری ہر بات میں صفائی ہے
اور کدورت کا تجھ میں نام نہیں
تجھ کو اور حریت سے کیا نسبت
اس ضرورت کا تجھ میں نام نہیں
شاد ہیں تیرے اپنے بیگانے
اور شکایت کا تجھ میں نام نہیں
تیری تہذیب تجھ کو موجب فخر
ہاں جہالت کا تجھ میں نام نہیں
بات دنیا سے ہے جدا تیری
واہ اے ہندوستاں ادا تیری
تیرے رسم و رواج نے مارا
اس مرض کے علاج نے مارا
تیری غیرت نے کر دیا برباد
خاندانوں کے لاج نے مارا
کیا کریں ہر گھڑی یہی ہے فکر
روز کی احتیاج نے مارا
آئے دن کال کا ہے ذکر اذکار
اک ذرا سے اناج نے مارا
اور سب پر وبا کا اک طرہ
اس انوکھے خراج نے مارا
بخت برگشتہ آرزوئیں بہت
ہوس سیم و عاج نے مارا
نہ کریں کام کچھ تو کھائیں کیا
روز کے کام کاج نے مارا
تو تو رہنے کا کچھ مقام نہیں
تجھ میں انسانیت کا نام نہیں
قید تو نے کیا حسینوں کو
مہ جبینوں کو نازنینوں کو
زیور علم سے رکھا عاری
تو نے قدرت کے ان نگینوں کو
اختیار و پسند کی اے ہند
کیا ضرورت نہ تھی حسینوں کو
خوب پہچانی تو نے قدر ان کی
خوب سمجھا تو ان خزینوں کو
کنویں جھنکوائے نازنینوں سے
زہر کھلوایا مہ جبینوں کو
ڈوبے جاتے ہیں کون آ کے بچائے
بحر ہستی کے ان سفینوں کو
تو مکاں تھا مکان ہو کے دیا
خوف آرام ان مکینوں کو
تجھ پہ تہذیب طعن کرتی ہے
تجھ پہ الزام خلق دھرتی ہے
آرزو ہے تجھے حکومت کی
جاہ و ثروت کی شان و شوکت کی
کیوں نہ ہو تجھ میں ہمت عالی
دھوم ہر سو ہے تیری جرأت کی
تو نے کسب فنون جنگ کیا
سب میں شہرت ہے تیری قوت کی
قسمیں کھاتے ہیں لوگ دنیا میں
تیری ملت تری اخوت کی
ملک داری میں ملک گیری میں
واہ کیا پیدا قابلیت کی
تو تو استاد سے بھی بڑھ نکلا
حیرت انگیز تو نے محنت کی
آپ عالم میں تو ہے اپنی مثال
آدمیت کی اور شجاعت کی
ہم سری کی کسی کو تاب نہیں
ترا آفاق میں جواب نہیں
داغ دل کے کسے دکھائیں ہم
ایسا مشفق کہاں سے لائیں ہم
دل میں ہے اپنے ہم نشیں اک روز
آپ رو کر تجھے رلائیں ہم
اس طبیعت کو کس طرح بہلائیں
دل کو کس چیز سے لگائیں ہم
کب تلک روز کے کہیں صدمے
کب تلک آفتیں اٹھائیں ہم
زہر کیوں اے فلک نہ ہم کھا لیں
جی سے اپنے گزر نہ جائیں ہم
جو شکایت ہو کیوں نہ لب پر آئے
ایک دکھ ہو اسے چھپائیں ہم
اے تمدن کے راحت و آرام
ہائے کس طرح تم کو پائیں ہم
لوگ اٹھاتے ہیں زندگی کے مزے
ہم اٹھاتے ہیں ناخوشی کے مزے

میر سید نذیر حسین ناشاد
نظم

دق تجھ سے کتابیں ہیں بہت کرم کتابی
تو دشمن دزدیدہ ہے خاکی ہو کہ آبی
الفاظ کی کھیتی ہے فقط تیری چراگاہ
معنی کی زمیں تیرے سب سایوں نے دابی
ہونے کو تری اصل ہے صیاد مکیں گاہ
کہنے کو فقط تیری حقیقت ہے سرابی
تو نے تو ہر اک سمت لگائی ہیں سرنگیں
پارینہ ہو فرمان کتابیں ہوں نصابی
بادامی ہو کاغذ تو مزا اور ہی کچھ ہے
لقمہ ہوا تحریر کا ہر مغز شتابی
گھن ساتھ ہی گیہوں کے ہے پستہ ہوا دیکھا
برگشتہ ورق لا نہ سکا تجھ پہ خرابی
کیا خوب ہے یہ مجلس اوراق کہن بھی
ویران کتب خانوں کی دیمک تری لابی
فردوسی و خلدوں کی کتابیں ہیں ہراساں
وہ قلعہ‌ معنی تیرا حملہ ہے جوابی
پردہ ہے خموشی تری آہنگ فنا کی
بھونرا ہے فقط کنج گلستاں کا ربابی
تو چاٹ گیا دانش کہنہ کی فصیلیں
بنیاد عمارت کو ہے ڈھانا تری ہابی
اعداد کے قالب میں ہے تو صفر کی طاقت
صفحات کے سوراخ کا بے نام حسابی
تاریخ کے اس سیل میں انسان نے پائی
ایک آدھ کوئی موج نفس وہ بھی حبابی
بکتے سر بازار ہیں مانند زغال آج
جو تازہ نفس خواب تغیر تھے شہابی
کھا جاتی ہے اک دن اسے سب گرد زمانہ
مٹی کی وہ صحنک ہو کہ چینی کی رکابی
بدلی ہوئی دنیا میں تغیر کا عمل ہے
تو کرم کتابی نہیں اک کرم خلل ہے

عزیز حامد مدنی
نظم

مجھے رنگون سے جب دعوت شعر و سخن آئی
طبیعت فاصلے اور وقت کے چکر سے گھبرائی
دل برگشتہ کو لیکن یہ میں نے بات سمجھائی
''نہیں کچھ سبحہ و زنار کے پھندے میں گیرائی''
''وفاداری میں شیخ و برہمن کی آزمائش ہے''
وہاں رنگینئ شعر و سخن کی آزمائش ہے

سید محمد جعفری
نظم

جل بجھے آنکھوں میں خوابوں کے مہکتے پیکر
اب کہیں کوئی شرارہ ہے نہ شعلہ نہ دھواں
کھو گئے وقت کی پتھریلی گزر گاہوں پر
چند بے نام تمناؤں کے قدموں کے نشاں
ایک پرچھائیں ہوں جس میں نہ کوئی رنگ نہ روپ
صرف احساس ہو تم جس کا کوئی نام نہیں
میں بھی پابستہ ہوں حالات کی زنجیروں میں
تم پہ بھی عہد فراموشی کا الزام نہیں
میرے احساس پہ بھی برف جمی ہے جیسے
آنچ دیتا نہیں جذبات کو کوئی موسم
دھڑکنیں آج تمہاری بھی ہیں بے لفظ و بیاں
اب برستی نہیں دل دار نظر سے شبنم
میں بھی کچھ صورت حالات سے برگشتہ ہوں
تم بھی ہو اپنے خیالات پہ پچھتائی ہوئی
میں نے بھی جان لیا ہے کہ حقیقت کیا ہے
تم بھی خوابوں سے نظر آتی ہو اکتائی ہوئی
جب نہ میں میں ہوں نہ تم تم ہو تو پھر آنکھوں میں
یہ گرانبارئی احساس شناسائی کیوں
بار ہو جاں پہ تو پیمان رفاقت کیسا
بوجھ ہوں دل پہ تو جذبوں کی پذیرائی کیوں
مجھ کو یوں پیار کی رسوائیاں منظور نہیں
تم بھی اس رشتے پہ الزام نہ آنے دینا
میری سانسوں میں نہ مہکے گی تمہاری خوشبو
تم بھی ہونٹوں پہ مرا نام نہ آنے دینا

شاہد اختر
نظم

تمہیں کہو ہے مرا کون سا کرم فرما
کہ جس کی خاطر برگشتہ میں غبار نہیں

م حسن لطیفی
نظم

مگر میں بخت برگشتہ
سحر تا شام سر گرداں
ابھی تک سوچتا ہوں میں
کہ یار گم شدہ
وہ اندروں میرا کہاں ہے

شہرام سرمدی
نظم

مطربہ ساز اٹھا مجھ کو مگر نے دے دے
میرے احساس کو نازک سی کوئی شے دے دے
تیری خوددار طبیعت کا تقاضا ہے یہی
آج کی رات یہ معلوم ہوا
میرا ماضی مرے اوہام سے زیادہ تو نہیں
مجھ کو یہ وہم تھا ہر شے کو مری حاجت ہے
مجھ کو یہ وہم تھا ہر شے سے مجھے الفت ہے
مجھ کو یہ وہم تھا میں عالم موجود کا مستقبل ہوں
اس کے برعکس
طبع انسان سے برگشتہ ہوں
اپنی ضد آپ ہیں اوہام مرے مذہب کے
میں بھی مجموعۂ ازداد بنا بیٹھا ہوں
مجھ کو یہ وہم ہے ہر چیز یہاں فانی ہے
مجھ کو یہ وہم ہے میں خود بھی فسانہ ہوں یہاں
مجھ کو یہ وہم ہے ہر خواب مرا جھوٹا ہے

محمد شمیم الزماں
نظم

اگر میں چیخوں
میں اپنے دل کی تمام گہرائیوں سے چیخوں
تو کائناتی نظام میں کیا خلل پڑے گا
یہی کہ
اندھے کنویں سے اک بازگشت ہوگی
کہے گی کیوں تم کو کیا ہوا ہے؟
تمہی بڑے آئے ہو کہیں کے
یہ آسمان و زمیں
یہ سورج یہ چاند تارے
تمام ماں باپ سارے اجداد
شہر کے سب شریف زادے
انہیں بھی دیکھو
یہ سب مصیبت زدہ، متانت سے
بردباری میں سہہ رہے ہیں
تمہی میں برداشت کی کمی ہے
اگر میں چیخوں تو
میری آواز بھی ملامت کرے گی مجھ کو
وہ سب کہیں گے
کہ کون یہ شور کر رہا ہے
ہماری نیندیں اچاٹ کر دیں
اگر میں چیخوں
تو سارا امن و سکون
نظم اور نسق
مجھ کو خلاف قانون، دشمن خلق کہہ کر
صلیب دے گا
مگر یہ چیخوں بھرا ہوا دل
کسی بھی لمحے
مجھے کہیں خوفناک راہوں پہ ڈال دے گا
صلاح دے گا
کہ زور سے چیخو
کہ جسم کے ساتھ
روح بھی سرد ہو گئی پھر
تو کیا کرو گے

فرحت احساس
نظم

میں ایک پتھر سہی مگر ہر سوال کا بازگشت بن کر جواب دوں گا
مجھے پکارو مجھے صدا دو
میں ایک صحرا سہی مگر مجھ پہ گھر کے برسو
مجھے مہکنے کا ولولہ دو
میں اک سمندر سہی مگر، آفتاب کی طرح مجھ پہ چمکو
مجھے بلندی کی سمت اڑنے کا حوصلہ دو

احمد ندیم قاسمی
نظم

یہ صدا
یہ صدائے بازگشت
بے کراں وسعت کی آوارہ پری
سست رو جھیلوں کے پار
نم زدہ پیڑوں کے پھیلے بازوؤں کے آس پاس
ایک غم دیدہ پرند
گیت گاتا ہے مری ویران شاموں کے لیے

منیر نیازی
نظم

خامشی رینگتی ہے راہوں پر
ایک افسوں بہ دوش خواب لیے
رات رک رک کے سانس لیتی ہے
اپنی ظلمت کا بوجھ اٹھائے ہوئے

محمود ایاز
نظم

میں جیسے درد کا موسم
گھٹا بن کر جو بس جاتا ہے آنکھوں میں
دھنک کے رنگ خوشبو نذر کرنے کی تمنا لے کے جس منظر تلک جاؤں
سیہ اشکوں کے گہرے کہر میں ڈوبا ہوا پاؤں
میں اپنے دل کا سونا
پیار کے موتی
ترستی آرزو کے پھول جس در پر سجاتا ہوں
وہاں جیسے مکیں ہوتا نہیں کوئی
بنا ہوں ایک مدت سے صدائے بازگشت ایسی
جو دیواروں سے ٹکرائے
ہراساں ہو کے لوٹ آئے
دھڑکتے دل کے سونے پن کو سونا اور کر جائے
میں اپنے آپ کو سنتا ہوں
اپنے آپ کو چھوتا ہوں
اپنے آپ سے ملتا ہوں خوابوں کے سہانے آئنہ گھر میں
تو میرا عکس مجھ پر مسکراتا ہے
یہ کہتا ہے
سلیقہ تجھ کو جینے کا نہ آنا تھا نہیں آیا
صدائیں پتھروں کی طرح مجھ پر
میرے خوابوں کے بکھرتے آئنہ گھر پر برستی ہیں
ادھر تارا ادھر جگنو
کہیں اک پھول کی پتی کہیں شبنم کا اک آنسو
بکھر جاتا ہے سب کچھ روح کے سنسان صحرا میں
میں پھر سے زندگی کرنے کے ارماں میں
اک اک ریزے کو چنتا ہوں سجاتا ہوں نئی مورت بناتا ہوں
دھنک کے رنگ خوشبو نذر کرنے کی تمنا میں قدم آگے بڑھاتا ہوں
تو اک بے نام گہری دھند میں سب ڈوب جاتا ہے
کسی سے کچھ شکایت ہے نہ شکوہ ہے
کہ میں تو درد کا موسم ہوں
اپنے آپ میں پلتا ہوں اپنے آپ میں جیتا ہوں
اپنے آنسوؤں میں بھیگتا ہوں مسکراتا ہوں
مگر سب لوگ کہتے ہیں
تجھے جینا نہیں آتا

بشر نواز
نظم

نغمہ زار درد کی جانب چلے ہم
ایک بھی ذرہ نہ کچلا جائے اس رفتار سے
نغمہ زار درد کی جانب چلے ہم
کنج میں پیڑوں کے سورج جھانکتا تھا
کوہساروں سبزہ زاروں میں جھمکتی روشنی کا جشن تھا
جشن جاری ہی رہے گا تا ابد
جاری رہے
نغمہ زار درد کی جانب چلے ہم
لعل و مرمر سے گندھا قالب
اور اس کے محور اس کے قریب
بجلیوں جیسا مصفا اک وجود
چار سو بکھرے ہوئے خاموش سونے آسماں
ہم کہاں ہیں ہم کہاں نغمہ زار درد ہے یہ ہم کہاں
اتنا بے آواز جیسے
آتما اپنی شعاعیں
ریشے ریشے سے بدن کے کھینچ لے
آہستگی سے بے گزند
اور دوری بے فغاں ہو جسم کی اور روح کی
کیا سبک رفتار کر دیتی ہے ہم کو بے دلی بے حاصلی
جیسے اک بادل کا ٹکڑا
اپنی چھاگل پھینک دے اونچی فضا میں
پیاسے ذروں کی طرف
پھر ہلکے پھلکے پنکھ پھیلائے اڑے
ہلکورے لے
اک مٹتی بنتی رنگ کی تحریر سی
سیراب ذرے اس کو دیکھیں
اور پکار اٹھیں
وہ کافوری سا شعلہ عظمت نا رس
دوام درد ہے وہ سرخ نرمل روشنی
لو سانس کے سرچشمے سوکھے ہر شکایت مٹ گئی
کیا شکایت سانس کے سر چشمہ سے ان کو رہی
جو سانس لیتے ہیں یہاں
موج بے ہنگام خندہ
کیسے پھوٹی میرے لب سے
کوئی شکتی ہم میں ہے
جو یوں ہمیں پامال کر ہنس سکے
یہ ہمیں آغاز ہی سے ختم کرنے پر تلی تھی
چاہے پھر خود ہی مجاور بن سکے انجام کار
احتجاج اس کا جو اک شکتی ہے مجھ میں
کس قدر پر شور ہے
کس قدر پر زور ہے
نغمہ زار درد سے آگے لئے جاتا مجھ کو
ان فضاؤں میں جہاں
بازگشت اک گیت بن جاتی ہے اس کی
جیسے سب ٹیلے چٹانیں اور کہستاں
سانس کے چشمے میں شامل ہیں
دھڑکتے ذی نفس اور ہم نوا

شفیق فاطمہ شعریٰ
نظم

آج تھی میرے مقدر میں عجب ساعت دید
آج جب میری نگاہوں نے پکارا تجھ کو
میری تشنہ نگاہوں کی صدا
کوئی بھی سن نہ سکا

مجید امجد
نظم

کبھی کبھی بے حد ڈر لگتا ہے
کہ دوستی کے سب روپہلے رشتے
پیار کے سارے سنہرے بندھن
سوکھی ٹہنیوں کی طرح
چٹخ کر ٹوٹ نہ جائیں
آنکھیں کھلیں، بند ہوں دیکھیں
لیکن باتیں کرنا چھوڑ دیں
ہاتھ کام کریں
انگلیاں دنیا بھر کے قضیے لکھیں
مگر پھول جیسے بچوں کے
ڈگمگاتے چھوٹے چھوٹے پیروں کو
سہارا دینا بھول جائیں
اور سہانی شبنمی راتوں میں
جب روشنیاں گل ہو جائیں
تارے موتیا چمیلی کی طرح مہکیں
پریت کی ریت
نبھائی نہ جائے
دلوں میں کٹھورتا گھر کر لے
من کے چنچل سوتے سوکھ جائیں
یہی موت ہے!
اس دوسری سے
بہت زیادہ بری
جس پر سب آنسو بہاتے ہیں
ارتھی اٹھتی ہے
چتا سلگتی ہے
قبروں پر پھول چڑھائے جاتے ہیں
چراغ جلتے ہیں
لیکن یہ، یہ تو
تنہائی کے بھیانک مقبرے ہیں
دائمی قید ہے
جس کے گول گنبد سے
اپنی چیخوں کی بھی
بازگشت نہیں آتی
کبھی کبھی بے حد ڈر لگتا ہے

سجاد ظہیر
نظم

یہ جبر ماہ و سال میں گھری ہوئی زمیں مری گواہ ہے
نشاط کی ابد کنار منزلوں میں ایک عمر سے میں ان کریم اور جمیل ساعتوں کا منتظر ہوں
جن کی بازگشت سے مرے وجود کی صداقتوں کا انکشاف ہو
خدا کرے بشارتیں سنانے والے خوش کلام طائروں کی ٹولیاں
افق سے شاخ گل تلک علامت وصال کی لکیریں کھینچ دیں
لہو کی وسعتوں کا انکشاف ہو
لہو کی عظمتوں کا انکشاف ہو
بدن کے راستے وجود کی صداقتوں کا انکشاف ہو

افتخار عارف
نظم

سوالیہ نشان کی قطار میں کھڑے ہوئے مفکرو!
جواب دو
وہ کون، کیسا، کس لیے، کہاں پہ، کب سے، کب تلک؟
سوال شش جہات کا جواب کوئی اب تلک؟
''مگر یہاں کشاد چشم و لب کسی کے بس میں ہے
سوال تک رسائی جب محال ہے
تو ہمت جواب کس کے بس میں ہے
وہ کس کی دسترس میں ہے
جو معرفت کے لب کھلے
تو پتھروں کی بارشوں سے سولیاں لہولہان ہو گئیں
اگر کسی پیمبر عظیم کی نظر اٹھی
نگاہ بازگشت نامراد کی شکستگی کے وار سے
بصیرتوں کے زعم میں بصارتیں بھی جل گئیں
تو ٹھیک ہے
تمہیں کشاد چشم و لب کی لذتوں کی کیا خبر
سو تم ہنوز برزخ تذبذب و گمان میں پڑے رہو
مفکرو!
سوالیہ نشان کی قطار میں کھڑے رہو

سید مبارک شاہ
نظم

انار میں جو قید تھا جو ذرہ ذرہ صید تھا
وہ جن ابل پڑا
سیاہیاں سفید سرخ نیلگوں طیور سے چمک اٹھیں
مگر نہ جانے پھر کدھر طیور اڑ گئے
انار کو شب برات نے ندی میں دفن کر دیا
صدائے بازگشت قطرہ قطرہ کنکروں کی طرح غرق ہو گئی

شمس الرحمن فاروقی
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے