کی تلاش کا نتیجه | موضو - نظم, صفحہ chaadar-e-abr

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "chaadar-e-abr"

نظم کے متعلقہ نتیجہ "chaadar-e-abr"

نظم

آج دل میں ویرانی
ابر بن کے گھر آئی
آج دل کو کیا کہیے
با وفا نہ ہرجائی
پھر بھی لوگ دیوانے
آ گئے ہیں سمجھانے
اپنی وحشت دل کے
بن لیے ہیں افسانے
خوش خیال دنیا نے
گرمیاں تو جاتی ہیں
وہ رتیں بھی آتیں ہیں
جب ملول راتوں میں
دوستوں کی باتوں میں
جی نہ چین پائے گا
اور اوب جائے گا
آہٹوں سے گونجے گی
شہر دل کی پہنائی
اور چاند راتوں میں
چاندنی کے شیدائی
ہر بہانے نکلیں گے
آزمانے نکلیں گے
آرزو کی گہرائی
ڈھونڈنے کو رسوائی
سرد سرد راتوں کو
زرد چاند بخشے گا
بے حساب تنہائی
بے حجاب تنہائی
شہر دل کی گلیوں میں

ابن انشا

نظم

شہر دل کی گلیوں میں
شام سے بھٹکتے ہیں
چاند کے تمنائی
بے قرار سودائی
دل گداز تاریکی
جاں گداز تنہائی
روح و جاں کو ڈستی ہے
روح و جاں میں بستی ہے
شہر دل کی گلیوں میں
تاک شب کی بیلوں پر
شبنمیں سرشکوں کی
بے قرار لوگوں نے
بے شمار لوگوں نے
یادگار چھوڑی ہے
اتنی بات تھوڑی ہے
صد ہزار باتیں تھیں
حیلۂ شکیبائی
صورتوں کی زیبائی
قامتوں کی رعنائی
ان سیاہ راتوں میں
ایک بھی نہ یاد آئی
جا بجا بھٹکتے ہیں
کس کی راہ تکتے ہیں
چاند کے تمنائی
یہ نگر کبھی پہلے
اس قدر نہ ویراں تھا
کہنے والے کہتے ہیں
قریۂ نگاراں تھا
خیر اپنے جینے کا
یہ بھی ایک ساماں تھا
آج دل میں ویرانی
ابر بن کے گھر آئی
آج دل کو کیا کہئے
با وفا نہ ہرجائی
پھر بھی لوگ دیوانے
آ گئے ہیں سمجھانے
اپنی وحشت دل کے
بن لئے ہیں افسانے
خوش خیال دنیا نے
گرمیاں تو جاتی ہیں
وہ رتیں بھی آتی ہیں
جب ملول راتوں میں
دوستوں کی باتوں میں
جی نہ چین پائے گا
اور اوب جائے گا
آہٹوں سے گونجے گی
شہر دل کی پنہائی
اور چاند راتوں میں
چاندنی کے شیدائی
ہر بہانے نکلیں گے
آرزو کی گیرائی
ڈھونڈنے کو رسوائی
سرد سرد راتوں کو
زرد چاند بخشے گا
بے حساب تنہائی
بے حجاب تنہائی
شہر دل کی گلیوں میں

ابن انشا

نظم

کیوں شام کا آنچل میلا ہے
ہر سمت دھواں سا پھیلا ہے
معدوم ہوئے آثار سبھی
کلیوں کی چنچل آنکھیں
جھکی جھکی سی موندے پلکیں
گل بدن سر نگوں ہو گئے
خوشبو بھی اڑی
اور گیسوئے شب میں جا الجھی

رخسانہ نکہت لاری ام ہانی

نظم

مر کر ملی ہے چادر خاک وطن مجھے
مٹی نے اس زمیں کی دیا ہے کفن مجھے

برق دہلوی

نظم

چھائے ہوئے ہیں چار طرف پارہ ہائے ابر
آغوش میں لیے ہوئے دنیائے آب و رنگ
میرے لیے ہے ان کی گرج میں سرود و چنگ
پیغام انبساط ہے مجھ کو صدائے ابر
اٹھی ہے ہلکے ہلکے سروں میں نوائے ابر
اور قطر ہائے آب بجاتے ہیں جل ترنگ
گہرائیوں میں روح کی جاگی ہے ہر امنگ
دل میں اتر رہے ہیں مرے نغم ہائے ابر
مدت سے لٹ چکے تھے تمنا کے بار و برگ
چھایا ہوا تھا روح پہ گویا سکوت مرگ
چھوڑا ہے آج زیست کو خواب جمود نے
ان بادلوں سے تازہ ہوئی ہے حیات پھر
میرے لیے جوان ہے یہ کائنات پھر
شاداب کر دیا ہے دل ان کے سرود نے!

ن م راشد

نظم

حدیث بادہ و ساقی نہیں تو کس مصرف
خرام ابر سر کوہسار کا موسم

فیض احمد فیض

نظم

فلک پر لکۂ ابر سبک رفتار رقصاں تھا
بہشت‌ حسن تھا دنیا کی برنائی کا ہر ذرہ

شاطرحکیمی

نظم

جانتا ہوں تیری باہوں کی لچک کو بد شعار
کیوں دکھاتی ہے جڑاؤ کنگنوں کو بار ابر

ماہر القادری

نظم

وہ روز ابر میں کیف و نشاط کی بارش
حسین چاندنی راتوں کا وہ لطیف گداز

میکش اکبرآبادی

نظم

اے نازش کونین ستم کیش و ستم گار
اے خون رگ ابر رواں جان چمن زار
اے ساز محبت کی مچلتی ہوئی جھنکار
میرا کوئی ساتھی ہے نہ ہمدم ہے نہ غم خوار

اظہار ملیح آبادی

نظم

ریگزاروں میں بگولوں کے سوا کچھ بھی نہیں
سایۂ ابر گریزاں سے مجھے کیا لینا

ساحر لدھیانوی

نظم

کوئی چاند زینۂ ابر سے
اتر آئے اور مجھے تھام لے
کوئی خواب رو بڑی گہری نیند سے
چونک کر مرا نام لے

ثمینہ راجہ

نظم

اوڑھ کر چادر سیماب کوئی زہرہ جمال
جگمگاتے ہوئے تاروں سے اترتی ہے ضرور
گا کے دھرتی کی نگاہوں میں خماریں نغمے
دے کے آواز دبے پاؤں گزرتی ہے ضرور

فرید عشرتی

نظم

یہ وہ جمنا ہے جہاں لے لے کے جلوت کے مزے
لوٹے ہیں عشاق نے برسوں محبت کے مزے
یہ وہ جمنا ہے کہ رادھا سی حسیں نے مدتوں
برج کی اک پاک دامن نازنیں نے مدتوں
بنسی والے کی جدائی میں اڑا کر سر پہ خاک
اپنے اشکوں سے کیا ہے دامن ساحل کو پاک
یہ وہ جمنا ہے جہاں اک بانوے پردہ نشیں
آگرہ میں محو آسائش ہے جو زیر زمیں
رخ سے آہستہ الٹ کر چادر آب رواں
دیکھتی تھی مسکرا کر منظر آب رواں

سرور جہاں آبادی

نظم

کیوں طبیعت کو نہ ہو بے خودیٔ شوق پہ ناز
حضرت ابر کے قدموں پہ ہے یہ فرق نیاز

چکبست برج نرائن

نظم

خبر لے جلد کہ عمر عزیز فانی ہے
سرائے دہر کی ہر چیز آنی جانی ہے
برنگ ابر رواں فصل نوجوانی ہے
چھلکنے والا ہے ساغر پلا بھی جا سلمیٰ
بہار بیتنے والی ہے آ بھی جا سلمیٰ

اختر شیرانی

نظم

اٹھی پھر آج وہ پورب سے کالی کالی گھٹا
سیاہ پوش ہوا پھر پہاڑ سربن کا
نہاں ہوا جو رخ مہر زیر دامن ابر
ہوائے سرد بھی آئی سوار توسن ابر
گرج کا شور نہیں ہے خموش ہے یہ گھٹا
عجیب مے کدۂ بے خروش ہے یہ گھٹا
چمن میں حکم نشاط مدام لائی ہے
قبائے گل میں گہر ٹانکنے کو آئی ہے
جو پھول مہر کی گرمی سے سو چلے تھے اٹھے
زمیں کی گود میں جو پڑ کے سو رہے تھے اٹھے
ہوا کے زور سے ابھرا بڑھا اڑا بادل
اٹھی وہ اور گھٹا لو برس پڑا بادل
عجیب خیمہ ہے کہسار کے نہالوں کا
یہیں قیام ہو وادی میں پھرنے والوں کا

علامہ اقبال

نظم

مرا مشورہ
لکۂ ابر چھوٹی پہاڑی
بلند آسماں چھونے والے پہاڑوں کو
اشکوں سے
نہلائے گا
اور میں
اپنی ہی آگ میں اندر اندر
پگھل جاؤں گا

شاہد کلیم

نظم

سحر کے وقت
کنواری زمین شبنم میں نہا کے لیٹی ہے
وہ سبز چادر گل تاب
عارض مہتاب
خمار خواب کا عالم
وہ انتظار کا عالم
کہ دور دیس سے جیسے
کبھی تو آئے گا
وہ دور دیس سے سورج کا دیوتا آیا
اور اپنی تیز نگاہوں سے گدگدی کرتا
وہ جوف الارض کے نصف النہار پر پہنچا
زمیں پہ خوف کی اک زرد لہر سی پھیلی
مگر وہ سبز سا جادو کنواری دلہن کا
فضا پہ چھا ہی گیا اک خمار کا عالم
اتر گیا ہرے شیشے میں دیوتا آخر

اعجاز فاروقی

نظم

ماہ و انجم کنول ستارے سنو
جب وہ مہ وش نہیں ہے اپنے پاس
باد ابر بہار ہے بے کیف
چاندنی مضمحل ہے چاند اداس
اس کی فرقت کا کس قدر احساس

پاشا رحمان

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے