کی تلاش کا نتیجه | موضو - نظم, صفحہ dast-basar

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "dast-basar"

نظم کے متعلقہ نتیجہ "dast-basar"

نظم

کیسی تاریک فضا کیسا بھیانک منظر
ہر طرف چھایا ہوا شہر خموشاں کا سکوت
اور تا حد نظر رات کے سانپوں کے ابھرتے ہوئے سر
ہر طرف رقص میں گزرے ہوئے لمحات کی نازک پریاں
اژدہا وقت کا منہ کھولے ہوئے
حال کے زہر سے ماضی کے پری خانے کو آغوش فنا میں دیتے
ہر طرف چشم شرر بار سے تخیل کی تجسیم کو جھلساتا ہوا
اپنی پھنکار سے برسوں کے درختوں کو نگوں کرتا ہوا
ہر طرف ایک فسوں کرتا ہوا
جانے کس سمت سے آیا ہے کدھر جائے گا
اور گم گشتہ منزل کی
ایک انجان بھٹکتی ہوئی روح
اس اندھیرے میں خموشی میں سراسیمہ خرام
مضطرب دست بہ دل خاک بسر
جانے کس سمت چلی جاتی ہے
کون ہے
کون بھٹکتی ہوئی روح
کس طرف گرم سفر نالہ کناں شعلہ بجاں
کس طرف کس کے تعاقب میں چلی جاتی ہے

بشیر زیدی اسیر

نظم

دیکھو ابھی ہے وادیٔ کنعاں نگاہ میں
تازہ ہر ایک نقش کف پا ہے راہ میں
یعقوب بے بصر سہی یوسف کی چاہ میں
لہرا رہا ہے آج بھی طرہ کلاہ میں

حمایت علی شاعر

نظم

گھر کی تیسری منزل پر
دن میں دس بار پہنچنا
کوسوں پیدل چلنا
دوڑ لگانا
دن کی تھکن کا
رات کی بیداری میں مخل نہ ہونا
دو دو روز مسلسل
چونسٹھ خانے سامنے رکھے
مہرے آگے پیچھے کرنا
سب معمول کی باتیں

باصر سلطان کاظمی

نظم

وہ کتنا خوش خصال تھا
وہ کتنا خوش جمال تھا
جلو میں اپنے جو لیے تھا
لمحۂ وصال تھا

سعید الظفر چغتائی

نظم

پان بولا کہ جلاتا ہے تو کیوں قلب و جگر
ایشیائی میں ہوں، مغرب کا ہے تو سوداگر
کاش تو اپنے گریبان میں منہ ڈالے اگر
تو وہ بے بس ہے کہ ماچس کا جو ہو دست نگر
آگ برسانے میں ساری تری رعنائی ہے
اور یہ چنگاری بھی باہر سے کہیں پائی ہے

سید محمد جعفری

نظم

میرے زہر میں نشہ بھی ہے
ایسا نشہ جس کا کوئی خمار نہیں
وہ ناگن اب مست نشے میں جھومے گی
بہک بہک کر ہر سو مجھ کو ڈھونڈے گی
اس کی زباں باہر کو نکلی
اس کے منہ میں جھاگ
آج ہے لوگو پورن ماشی
زخمی ناگن زہر اگلتی
انسانوں کو ڈس کے ان کے خون میں اپنا زہر بھرے گی
ایسا زہر کہ جس کا منتر کوئی نہیں
ان کی رگ رگ میں چنگاری
ان کے لہو میں آگ
اس کی زباں باہر کو نکلی
اس کے منہ میں جھاگ

سجاد باقر رضوی

نظم

رخصت ہوا وہ باپ سے لے کر خدا کا نام
راہ وفا کی منزل اول ہوئی تمام
منظور تھا جو ماں کی زیارت کا انتظام
دامن سے اشک پونچھ کے دل سے کیا کلام
اظہار بے کسی سے ستم ہوگا اور بھی
دیکھا ہمیں اداس تو غم ہوگا اور بھی
دل کو سنبھالتا ہوا آخر وہ نونہال
خاموش ماں کے پاس گیا صورت خیال
دیکھا تو ایک در میں ہے بیٹھی وہ خستہ حال
سکتا سا ہو گیا ہے یہ ہے شدت ملال
تن میں لہو کا نام نہیں زرد رنگ ہے
گویا بشر نہیں کوئی تصویر سنگ ہے
کیا جانے کس خیال میں گم تھی وہ بے گناہ
نور نظر یہ دیدۂ حسرت سے کی نگاہ
جنبش ہوئی لبوں کو بھری ایک سرد آہ
لی گوشہ ہائے چشم سے اشکوں نے رخ کی راہ
چہرہ کا رنگ حالت دل کھولنے لگا
ہر موئے تن زباں کی طرح بولنے لگا
آخر اسیر یاس کا قفل دہن کھلا
افسانۂ شدائد رنج و محن کھلا
اک دفتر مظالم چرخ کہن کھلا
وا تھا دہان زخم کہ باب سخن کھلا
درد دل غریب جو صرف بیاں ہوا
خون جگر کا رنگ سخن سے عیاں ہوا
رو کر کہا خموش کھڑے کیوں ہو میری جاں
میں جانتی ہوں جس لیے آئے ہو تم یہاں
سب کی خوشی یہی ہے تو صحرا کو ہو رواں
لیکن میں اپنے منہ سے نہ ہرگز کہوں گی ہاں
کس طرح بن میں آنکھوں کے تارے کو بھیج دوں
جوگی بنا کے راج دلارے کو بھیج دوں
دنیا کا ہو گیا ہے یہ کیسا لہو سپید
اندھا کیے ہوئے ہے زر و مال کی امید
انجام کیا ہو کوئی نہیں جانتا یہ بھید
سوچے بشر تو جسم ہو لرزاں مثال بید
لکھی ہے کیا حیات ابد ان کے واسطے
پھیلا رہے ہیں جال یہ کس دن کے واسطے
لیتی کسی فقیر کے گھر میں اگر جنم
ہوتے نہ میری جان کو سامان یہ بہم
ڈستا نہ سانپ بن کے مجھے شوکت و حشم
تم میرے لال تھے مجھے کس سلطنت سے کم
میں خوش ہوں پھونک دے کوئی اس تخت و تاج کو
تم ہی نہیں تو آگ لگا دوں گی راج کو
کن کن ریاضتوں سے گزارے ہیں ماہ و سال
دیکھی تمہاری شکل جب اے میرے نونہال
پورا ہوا جو بیاہ کا ارمان تھا کمال
آفت یہ آئی مجھ پہ ہوئے جب سفید بال
چھٹتی ہوں ان سے جوگ لیا جن کے واسطے
کیا سب کیا تھا میں نے اسی دن کے واسطے
ایسے بھی نامراد بہت آئیں گے نظر
گھر جن کے بے چراغ رہے آہ عمر بھر
رہتا مرا بھی نخل تمنا جو بے ثمر
یہ جائے صبر تھی کہ دعا میں نہیں اثر
لیکن یہاں تو بن کے مقدر بگڑ گیا
پھل پھول لا کے باغ تمنا اجڑ گیا
سرزد ہوئے تھے مجھ سے خدا جانے کیا گناہ
منجدھار میں جو یوں مری کشتی ہوئی تباہ
آتی نظر نہیں کوئی امن و اماں کی راہ
اب یاں سے کوچ ہو تو عدم میں ملے پناہ
تقصیر میری خالق عالم بہل کرے
آسان مجھ غریب کی مشکل اجل کرے
سن کر زباں سے ماں کی یہ فریاد درد خیز
اس خستہ جاں کے دل پہ چلی غم کی تیغ تیز
عالم یہ تھا قریب کہ آنکھیں ہوں اشک ریز
لیکن ہزار ضبط سے رونے سے کی گریز
سوچا یہی کہ جان سے بیکس گزر نہ جائے
ناشاد ہم کو دیکھ کے ماں اور مر نہ جائے
پھر عرض کی یہ مادر ناشاد کے حضور
مایوس کیوں ہیں آپ الم کا ہے کیوں وفور
صدمہ یہ شاق عالم پیری میں ہے ضرور
لیکن نہ دل سے کیجیے صبر و قرار دور
شاید خزاں سے شکل عیاں ہو بہار کی
کچھ مصلحت اسی میں ہو پروردگار کی
یہ جعل یہ فریب یہ سازش یہ شور و شر
ہونا جو ہے سب اس کے بہانے ہیں سر بسر
اسباب ظاہری میں نہ ان پر کرو نظر
کیا جانے کیا ہے پردۂ قدرت میں جلوہ گر
خاص اس کی مصلحت کوئی پہچانتا نہیں
منظور کیا اسے ہے کوئی جانتا نہیں
راحت ہو یا کہ رنج خوشی ہو کہ انتشار
واجب ہر ایک رنگ میں ہے شکر کرد گار
تم ہی نہیں ہو کشتہ نیرنگ روزگار
ماتم کدے میں دہر کے لاکھوں ہیں سوگوار
سختی سہی نہیں کہ اٹھائی کڑی نہیں
دنیا میں کیا کسی پہ مصیبت پڑی نہیں

چکبست برج نرائن

نظم

اپنا بھی وہ دوست تھا ہم بھی پاس اس کے بیٹھ آتے ہیں
ادھر ادھر کے قصے کہہ کے جی اس کا بہلاتے ہیں
اکھڑی اکھڑی بات کرے ہے بھول کے اگلا یارانا
کون ہو تم کس کام سے آئے؟ ہم نے نہ تم کا پہچانا
جانے یہ کس نے چوٹ لگائی جانے یہ کس کو پیار کرے
تمہی کہو ہم کس کو ڈھونڈیں آہیں کھینچے نام نہ لے
پیت میں ایسے جان سے یارو کتنے لوگ گزرتے ہیں
پیت میں ناحق مر نہیں جاتے پیت تو سارے کرتے ہیں
اے متوالو ناقوں والو! نگری نگری جاتے ہو
کہیں جو اس کی جان کا بیری مل جائے یہ بات کہو
چاک گریباں اک دوانہ پھرتا ہے حیراں حیراں
پتھر سے سر پھوڑ مرے گا دیوانے کو صبر کہاں
تم چاہو تو بستی چھوڑے تم چاہو تو دشت بسائے
اے متوالو ناقوں والو ورنہ اک دن یہ ہوگا
تم لوگوں سے آتے جاتے پوچھیں گے انشاؔ کا پتا

ابن انشا

نظم

چھوٹے موٹے گول اور توندل
ایک میاں تھے مسٹر دھوندھل
پیٹ تھا ان کا جیسے مٹکا
چلتے تھے کھا کھا کر جھٹکا
اٹک اٹک کر چلتے تھے وہ
مٹک مٹک کر چلتے تھے وہ
قد سچ مچ فٹ بال تھا ان کا
کپا اک اک گال تھا ان کا
عمر تھی ان کی آٹھ برس کی
آٹھ نہیں تو نو کی دس کی
جب وہ دعوت میں کہیں جاتے
دس دس باقر خانیاں کھاتے
فیرینی دس بیس پیالے
بے گنتی زردے کے نوالے
اس پر بھی جب پیٹ نہ بھرتا
بھوکا مرتا کیا نہیں کرتا
گھر آ کر وہ شور مچاتے
ماں سے مانگ کے کھانا کھاتے
محنت سے گھبراتے تھے وہ
سارے دن بس کھاتے تھے وہ
پیدل چلنا چھوٹ گیا تھا
گھر سے نکلنا چھوٹ گیا تھا
وہ نکلے اور سب چلائے
توندل آئے توندل آئے
اک دن اپنے گھر سے نکلے
چل کر وہ بازار میں پہنچے
بازاری کتوں نے گھیرا
دھوندھل چلائے بہتیرا
بن نہ پڑا جب کچھ تو بھاگے
کتے پیچھے دھوندل آگے
کتے ان کو جان گئے تھے
وقت کو بھی پہچان گئے تھے
جب وہ گھر سے باہر آتے
کتے روز انہیں دوڑاتے
روز یہ ان پر آتی آفت
بنتی ان کی روز یہی گت
توند اس ورزش سے کچھ پٹکی
مٹکا تھی اب رہ گئی مٹکی
کتوں نے یہ خوب دوا دی
چھٹ گئی ان کے جسم کی بادی
اچھے خاصے ہو گئے دھوندھل
کوئی نہ کہتا اب انہیں توندل

محمد شفیع الدین نیر

نظم

میں کہ صبح ازل
جستجوئے بشر میں چلا تھا
جستجوئے بشر میں چلا تھا
آج تک رات دن صرف چلتا رہا

علی عباس امید

نظم

بالکنی سے باہر جھانکا
آئینے میں صورت دیکھی
لپ اسٹک سے ہونٹ سنوارے
اپنی گھڑی کو جھوٹا سمجھا
باہر آ کر وقت ملایا
وقت کو بھی جب سچا پایا
غصے میں دانت اپنے پیسے
ریشم جیسے بال کھسوٹے
سارے خط چولھے میں جھونکے
آئینے پر پتھر مارا
اتنے میں پھر آہٹ پائی
دوڑی دوڑی باہر آئی
لیکن خود کو تنہا پایا
آج اس نے پھر دھوکا کھایا!

آفتاب شمسی

نظم

بھول کے سب دنیا کے غم
جھگڑا ہوگا پھر اس بار
لڈو پیڑے کھائیں ہم
ہم ہیں دس اور لڈو چار

قتیل شفائی

نظم

1
شہر جاں
آج ویران ہے
جیسے گہری سیہ رات ہو
درد کی تیز آندھی میں سارے دیے بجھ گئے
ہر طرف تیرگی
ایک جگنو بھی باقی نہیں
بس اندھیروں کی دیوار ہے
یاس کے دشت میں
نارسائی کی یلغار ہے
حسرت و غم کی زنجیر ہلتی ہے جھنکار ہے
کوئی مونس نہیں
زندگی بار ہے

عابد رضا

نظم

روز اڑا دے نیند
تلخی بھرا اک خواب
خواب کے پردے پر
روز یہ فلم چلے
ایک لق و دق دشت
اس پہ کڑکتی دھوپ
بار گراں بر دوش
اک ننھی سی جان
تشنہ تھکن سے چور
اور فقط امید
اک بے سایہ پیڑ

کاشف رفیق

نظم

یہ کس نے چہروں پہ تان دی ہے
ناآشنائی کی پھر سے چادر
کہ اس کی اجلی زمیں پہ میں نے
برش سے آنکھوں کے
ایک پیکر بنا دیا تھا
وہ ایک پیکر کہ جس میں اپنے تمام خوابوں کا خوں بھرا تھا
بہار بن کر کھلیں تھیں اس پر
مری تمنا کی ساری کلیاں
مگر وہاں اب بسیرا کرتی ہے
ناآشنائی
وہ ساری کلیاں
شناسا ہوں جن سے عمر بھر کا
کھلیں تو خوشبو وہ ناآشنائی کی میرے گھر میں
بسا گئی ہیں
مری نگاہوں کے سارے منظر کو
دشت ویراں بنا گئی ہیں

عابد جعفری

نظم

گھڑی کی سوئی گھما سکو تو
صدی کی
فصل بہار موسم کے در پہ روکو
جہاں ہوا نے بدن چھوا تھا
تو دست جاناں کی گوندھی مٹی
مہک اٹھی تھی

انور شمیم

نظم

چشم نم جان شوریدہ کافی نہیں
تہمت عشق پوشیدہ کافی نہیں
آج بازار میں پا بہ جولاں چلو
دست افشاں چلو مست و رقصاں چلو
خاک بر سر چلو خوں بداماں چلو
راہ تکتا ہے سب شہر جاناں چلو
حاکم شہر بھی مجمع عام بھی
تیر الزام بھی سنگ دشنام بھی
صبح ناشاد بھی روز ناکام بھی
ان کا دم ساز اپنے سوا کون ہے
شہر جاناں میں اب با صفا کون ہے
دست قاتل کے شایاں رہا کون ہے

فیض احمد فیض

نظم

برسوں پہلے فصل بہار کی آمد پر
اک دن آنکھ نے یہ منظر بھی دیکھا تھا

علامہ طالب جوہری

نظم

ضو فشاں ہے فلک پہ ماہ مبیں
چاندنی سے چمک اٹھی ہے زمیں
ہو گئی ہے ہر ایک شے سیمیں
تابش نور کا جواب نہیں

سید عابد علی عابد

نظم

بارش اندر بھی برساتی تھی
بارش باہر بھی برس گئے
عمر یوں بھی گزرتی تھی
عمر یوں ہی گزر گئے
میں نے کچھ کہا اس نے کچھ سنا
بات اپنی آئی سی ہو گئی
رات کاٹے نہ کٹی تھی دوست میری
شکر ہے کہ صبح ہو گئی
یہ جو اتنا خرابہ ہوا اپنا لوگو
کہتے ہیں محبت تھی ہو گئی

عروج جعفری

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے