Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dast-basar"

Nazm MATCHES FOR "dast-basar"

Nazm

taaqub

kaisii taariik fazaa kaisaa bhayaanak manzar
har taraf chhaayaa hu.aa shahr-e-KHamoshaa.n kaa sukuut
aur taa-hadd-e-nazar raat ke saa.npo.n ke ubharte hu.e sar
har taraf raqs me.n guzre hu.e lamhaat kii naazuk pariyaa.n
azhdahaa vaqt kaa mu.nh khole hu.e
haal ke zahr se maazii ke parii-KHaane ko aaGosh-e-fanaa me.n dete
har taraf chashm-e-sharar-baar se taKHayyul kii tajsiim ko jhulsaataa hu.aa
apnii phunkaar se barso.n ke daraKHto.n ko niguu.n kartaa hu.aa
har taraf ek fusuu.n kartaa hu.aa
jaane kis samt se aayaa hai kidhar jaa.egaa
aur gum-gashta-e-manzil kii
ek anjaan bhaTaktii hu.ii ruuh
is a.ndhere me.n KHamoshii me.n saraasiima-KHiraam
muztarib dast-ba-dil KHaak-basar
jaane kis samt chalii jaatii hai
kaun hai
kaun bhaTaktii hu.ii ruuh
kis taraf garm-e-safar naalaa-kunaa.n sho.ala-ba-jaa.n
kis taraf kis ke ta.aaqub me.n chalii jaatii hai

Bashir Zaidi Aseer
Nazm

haarun ki aawaz

dekho abhii hai vaadii-e-kan.aa.n nigaah me.n
taaza har ek naqsh-e-kaf-e-paa hai raah me.n
yaaquub be-basar sahii yuusuf kii chaah me.n
lahraa rahaa hai aaj bhii turra kulaah me.n

Himayat Ali Shayar
Nazm

kya wo main hi tha

ghar kii tiisrii manzil par
din me.n das baar pahu.nchnaa
koso.n paidal chalnaa
dau.D lagaanaa
din kii thakan kaa
raat kii bedaarii me.n muKHil na honaa
do do roz musalsal
chau.nsaTh KHaane saamne rakkhe
mohre aage piichhe karnaa
sab ma.amuul kii baate.n

Basir Sultan Kazmi
Nazm

shams-e-tabrez

vo kitnaa KHush-KHisaal thaa
vo kitnaa KHush-jamaal thaa
jilau me.n apne jo liye thaa
lamha-e-visaal thaa

Saeed-ul-Zafar Chughtai
Nazm

cigarette aur pan ka mukalima

paan bolaa ki jalaataa hai tuu kyuu.n qalb-o-jigar
eshiyaa.ii mai.n huu.n, maGrib kaa hai tuu saudaagar
kaash tuu apne garebaan me.n mu.nh Daale agar
tuu vo be-bas hai ki maachis kaa jo ho dast-e-nigar
aag barsaane me.n saarii tirii ra.anaa.ii hai
aur ye chi.ngaarii bhii baahar se kahii.n paa.ii hai

Syed Mohammad Jafri
Nazm

zahr ka safar

mere zahr me.n nasha bhii hai
aisaa nasha jis kaa ko.ii KHumaar nahii.n
vo naagin ab mast nashe me.n jhuumegii
bahak bahak kar har-suu mujh ko Dhuu.nDegii
us kii zabaa.n baahar ko niklii
us ke mu.nh me.n jhaag
aaj hai logo puuran-maashii
zaKHmii naagin zahr ugaltii
insaano.n ko Das ke un ke KHuun me.n apnaa zahr bharegii
aisaa zahr ki jis kaa mantar ko.ii nahii.n
un kii rag rag me.n chi.ngaarii
un ke lahuu me.n aag
us kii zabaa.n baahar ko niklii
us ke mu.nh me.n jhaag

Sajjad Baqar Rizvi
Nazm

ramayan ka ek scene

ruKHsat hu.aa vo baap se le kar KHudaa kaa naam
raah-e-vafaa kii manzil-e-avval hu.ii tamaam
manzuur thaa jo maa.n kii ziyaarat kaa intizaam
daaman se ashk po.nchh ke dil se kiyaa kalaam
iz.haar-e-be-kasii se sitam hogaa aur bhii
dekhaa hame.n udaas to Gam hogaa aur bhii
dil ko sa.nbhaaltaa hu.aa aaKHir vo naunihaal
KHaamosh maa.n ke paas gayaa suurat-e-KHayaal
dekhaa to ek dar me.n hai baiThii vo KHasta-haal
saktaa saa ho gayaa hai ye hai shiddat-e-malaal
tan me.n lahuu kaa naam nahii.n zard rang hai
goyaa bashar nahii.n ko.ii tasviir-e-sa.ng hai
kyaa jaane kis KHayaal me.n gum thii vo be-gunaah
nuur-e-nazar ye diida-e-hasrat se kii nigaah
jumbish hu.ii labo.n ko bharii ek sard aah
lii gosha-ha-e-chashm se ashko.n ne ruKH kii raah
chehre kaa rang haalat-e-dil kholne lagaa
har muu-e-tan zabaa.n kii tarah bolne lagaa
aaKHir asiir-e-yaas kaa qufl-e-dahan khulaa
afsaana-e-shadaa.id-e-ra.nj-o-mehan khulaa
ik daftar-e-mazaalim-e-charKH-e-kuhan khulaa
vaa thaa dahaan-e-zaKHm ki baab-e-suKHan khulaa
dard-e-dil-e-Gariib jo sarf-e-bayaa.n hu.aa
KHuun-e-jigar kaa rang suKHan se 'ayaa.n hu.aa
ro kar kahaa KHamosh kha.De kyuu.n ho merii jaa.n
mai.n jaantii huu.n jis liye aa.e ho tum yahaa.n
sab kii KHushii yahii hai to sahraa ko ho ravaa.n
lekin mai.n apne mu.nh se na hargiz kahuu.ngii haa.n
kis tarah ban me.n aa.nkho.n ke taare ko bhej duu.n
jogii banaa ke raaj-dulaare ko bhej duu.n
duniyaa kaa ho gayaa hai ye kaisaa lahuu sapiid
andhaa kiye hu.e hai zar-o-maal kii umiid
anjaam kyaa ho ko.ii nahii.n jaantaa ye bhed
soche bashar to jism ho larzaa.n misaal-e-biid
likkhii hai kyaa hayaat-e-abad in ke vaaste
phailaa rahe hai.n jaal ye kis din ke vaaste
letii kisii faqiir ke ghar me.n agar janam
hote na merii jaan ko saamaan ye baham
Dastaa na saa.np ban ke mujhe shaukat-o-hasham
tum mere laal the mujhe kis saltanat se kam
mai.n KHush huu.n phuu.nk de ko.ii is taKHt-o-taaj ko
tum hii nahii.n to aag lagaa duu.ngii raaj ko
kin kin riyaazato.n se guzaare hai.n maah-o-saal
dekhii tumhaarii shakl jab ai mere naunihaal
puuraa hu.aa jo byaah kaa armaan thaa kamaal
aafat ye aa.ii mujh pe hu.e jab safed baal
chhaTtii huu.n un se jog liyaa jin ke vaaste
kyaa sab kiyaa thaa mai.n ne isii din ke vaaste
aise bhii naa-muraad bahut aa.e.nge nazar
ghar jin ke be-charaaG rahe aah 'umr bhar
rahtaa miraa bhii naKHl-e-tamannaa jo be-samar
ye jaa-e-sabr thii ki du'aa me.n nahii.n asar
lekin yahaa.n to ban ke muqaddar biga.D gayaa
phal phuul laa ke baaG-e-tamannaa uja.D gayaa
sarzad hu.e the mujh se KHudaa jaane kyaa gunaah
ma.njdhaar me.n jo yuu.n mirii kashtii hu.ii tabaah
aatii nazar nahii.n ko.ii amn-o-amaa.n kii raah
ab yaa.n se kuuch ho to 'adam me.n mile panaah
taqsiir merii KHaaliq-e-aalam bahal kare
aasaan mujh Gariib kii mushkil ajal kare
sun kar zabaa.n se maa.n kii ye fariyaad-e-dard-KHez
us KHasta-jaa.n ke dil pe chalii Gam kii teG-e-tez
'aalam ye thaa qariib ki aa.nkhe.n ho.n ashk-rez
lekin hazaar zabt se rone se kii gurez
sochaa yahii ki jaan se bekas guzar na jaa.e
naashaad ham ko dekh ke maa.n aur mar na jaa.e
phir arz kii ye maadar-e-naashaad ke huzuur
maayuus kyuu.n hai.n aap alam kaa hai kyuu.n vafuur
sadma ye shaaq 'aalam-e-piirii me.n hai zaruur
lekin na dil se kiijiye sabr-o-qaraar duur
shaayad KHizaa.n se shakl 'ayaa.n ho bahaar kii
kuchh maslahat isii me.n ho parvardigaar kii
ye jaa'l ye fareb ye saazish ye shor-o-shar
honaa jo hai sab us ke bahaane hai.n sar-ba-sar
asbaab-e-zaahirii me.n na in par karo nazar
kyaa jaane kyaa hai parda-e-qudrat me.n jalva-gar
KHaas us kii maslahat ko.ii pahchaantaa nahii.n
manzuur kyaa use hai ko.ii jaantaa nahii.n
raahat ho yaa ki ranj KHushii ho ki intishaar
vaajib har ek rang me.n hai shukr-e-kird-gaar
tum hii nahii.n ho kushta-e-naira.ng-e-rozgaar
maatam-kade me.n dahr ke laakho.n hai.n sogvaar
saKHtii sahii nahii.n ki uThaa.ii ka.Dii nahii.n
duniyaa me.n kyaa kisii pe musiibat pa.Dii nahii.n

Chakbast Braj Narayan
Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha
Nazm

mister dhondhal

chhoTe moTe gol aur to.ndal
ek miyaa.n the mister dho.ndhal
peT thaa un kaa jaise maTkaa
chalte the khaa khaa kar jhaTkaa
aTak aTak kar chalte the vo
maTak maTak kar chalte the vo
qad sach-much footbaal thaa un kaa
kuppaa ik ik gaal thaa un kaa
umr thii un kii aaTh baras kii
aaTh nahii.n to nau kii das kii
jab vo daavat me.n kahii.n jaate
das das baaqar-KHaaniyaa.n khaate
fiiriinii das biis pyaale
be-gintii zarde ke nivaale
us par bhii jab peT na bhartaa
bhuukaa martaa kyaa nahii.n kartaa
ghar aa kar vo shor machaate
maa.n se maa.ng ke khaanaa khaate
mehnat se ghabraate the vo
saare din bas khaate the vo
paidal chalnaa chhuuT gayaa thaa
ghar se nikalnaa chhuuT gayaa thaa
vo nikle aur sab chillaa.e
to.ndal aa.e to.ndal aa.e
ik din apne ghar se nikle
chal kar vo baazaar me.n pahu.nche
baazaarii kutto.n ne gheraa
dho.ndhal chillaa.e bahteraa
ban na pa.Daa jab kuchh to bhaage
kutte piichhe dho.ndal aage
kutte un ko jaan ga.e the
vaqt ko bhii pahchaan ga.e the
jab vo ghar se baahar aate
kutte roz unhe.n dau.Daate
roz ye un par aatii aafat
bantii in kii roz yahii gat
to.nd is varzish se kuchh paTkii
maTkaa thii ab rah ga.ii maTkii
kutto.n ne ye KHuub davaa dii
chhuT ga.ii un ke jism kii baadii
achchhe KHaase ho ga.e dho.ndhal
ko.ii na kahtaa ab unhe.n to.ndal

Mohammad Shafiuddin Nayyar
Nazm

gyan

mai.n ki sub.h-e-azal
justujuu-e-bashar me.n chalaa thaa
justujuu-e-bashar me.n chalaa thaa
aaj tak raat-din sirf chaltaa rahaa

Ali Abbas Ummeed
Nazm

shikast

balcony se baahar jhaa.nkaa
aa.iine me.n suurat dekhii
lipstick se ho.nT sa.nvaare
apnii gha.Dii ko jhuuTaa samjhaa
baahar aa kar vaqt milaayaa
vaqt ko bhii jab sachchaa paayaa
Gusse me.n daa.nt apne piise
resham jaise baal khisoTe
saare KHat chuulhe me.n jho.nke
aa.iine par patthar maaraa
itne me.n phir aahaT paa.ii
dau.Dii dau.Dii baahar aa.ii
lekin KHud ko tanhaa paayaa
aaj us ne phir dhokaa khaayaa!

Aftab Shamsi
Nazm

chaar baTe das

bhuul ke sab duniyaa ke Gam
jhag.Daa hogaa phir is baar
laDDuu pe.De khaa.e.n ham
ham hai.n das aur laDDuu chaar

Qateel Shifai
Nazm

bipolar

1
shahr-e-jaa.n
aaj viiraan hai
jaise gahrii siyah raat ho
dard kii tez aa.ndhii me.n saare diye bujh ga.e
har taraf tiirgii
ek jugnuu bhii baaqii nahii.n
bas a.ndhero.n kii diivaar hai
yaas ke dasht me.n
naa-rasaa.ii kii yalGaar hai
hasrat-o-Gam kii zanjiir hiltii hai jhankaar hai
ko.ii muunis nahii.n
zindagii baar hai

Abid Raza
Nazm

be-saya peD

roz u.Daa de nii.nd
talKHii bharaa ik KHvaab
KHvaab ke parde par
roz ye film chale
ek laq-o-daq dasht
us pe ka.Daktii dhuup
baar-e-garaa.n bar-dosh
ik nannhii sii jaan
tishna thakan se chuur
aur faqat ummiid
ik be-saaya pe.D

Kashif Rafiq
Nazm

na-ashnai

ye kis ne chehro.n pe taan dii hai
naa-aashnaa.ii kii phir se chaadar
ki us kii ujlii zamii.n pe mai.n ne
brush se aa.nkho.n ke
ek paikar banaa diyaa thaa
vo ek paikar ki jis me.n apne tamaam KHvaabo.n kaa KHuu.n bharaa thaa
bahaar ban kar khilii.n thii.n us par
mirii tamanna kii saarii kaliyaa.n
magar vahaa.n ab baseraa kartii hai
naa-aashnaa.ii
vo saarii kaliyaa.n
shanaasaa huu.n jin se umr-bhar kaa
khilii.n to KHushbuu vo naa-aashnaa.ii kii mere ghar me.n
basaa ga.ii hai.n
mirii nigaaho.n ke saare manzar ko
dasht-e-viiraa.n banaa ga.ii hai.n

Aabid Jafri
Nazm

isi hawa-e-bahaar mein tum se phir milunga

gha.Dii kii suu.ii ghumaa sako to
sadii kii
fasl-e-bahaar mausam ke dar pe roko
jahaa.n havaa ne badan chhu.aa thaa
to dast-e-jaanaa.n kii guu.ndhii miTTii
mahak uThii thii

Anwar Shamim
Nazm

aaj bazar mein pa-ba-jaulan chalo

chashm-e-nam jaan-e-shoriida kaafii nahii.n
tohmat-e-ishq-e-poshiida kaafii nahii.n
aaj baazaar me.n paa-ba-jaulaa.n chalo
dast-afshaa.n chalo mast o raqsaa.n chalo
KHaak-bar-sar chalo KHuu.n-ba-daamaa.n chalo
raah taktaa hai sab shahr-e-jaanaa.n chalo
haakim-e-shahr bhii majma-e-aam bhii
tiir-e-ilzaam bhii sang-e-dushnaam bhii
sub.h-e-naashaad bhii roz-e-naakaam bhii
un kaa dam-saaz apne sivaa kaun hai
shahr-e-jaanaa.n me.n ab baa-safaa kaun hai
dast-e-qaatil ke shaayaa.n rahaa kaun hai

Faiz Ahmad Faiz
Nazm

sachcha aaina

barso.n pahle fasl-e-bahaar kii aamad par
ik din aa.nkh ne ye manzar bhii dekhaa thaa

Allama Talib Jauhari
Nazm

sham-e-bahaar

zau-fishaa.n hai falak pe maah-e-mubii.n
chaa.ndnii se chamak uThii hai zamii.n
ho ga.ii hai har ek shai siimii.n
taabish-e-nuur kaa javaab nahii.n

Syed Aabid Ali Aabid
Nazm

mohabbat

baarish andar bhii barsaatii thii
baarish baahar bhii baras ga.e
umr yuu.n bhii guzartii thii
umr yuu.nhii guzar ga.e
mai.n ne kuchh kahaa us ne kuchh sunaa
baat apnii aa.ii sii ho ga.ii
raat kaaTe na kaTii thii dost merii
shukr hai ki sub.h ho ga.ii
ye jo itnaa KHaraaba hu.aa apnaa logo
kahte hai.n mohabbat thii ho ga.ii

Urooj Jafri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now