کی تلاش کا نتیجه | موضو - نظم, صفحہ farfar

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "farfar"

نظم کے متعلقہ نتیجہ "farfar"

نظم

اک لڑکی تھی چھوٹی سی
دبلی سی اور موٹی سی
ننھی سی اور منی سی
بالکل ہی تھن متھنی سی
اس کے بال تھے کالے سے
سیدھے گھنگریالے سے
منہ پر اس کے لالی سی
چٹی سی مٹیالی سی
اس کی ناک پکوڑی سی
نوکیلی سی چوڑی سی
آنکھیں کالی نیلی سی
سرخ سفید اور پیلی سی
کپڑے اس کے تھیلے سے
اجلے سے اور میلے سے
یہ لڑکی تھی بھولی سی
بی بی سی اور گولی سی
ہر دم کھیل تھا کام اس کا
شاداں بی بی نام تھا اس کا
ہنستی تھی اور روتی تھی
جاگتی تھی اور سوتی تھی
ہر دم اس کی اماں جان
کھینچا کرتی اس کے کان
کہتی تھیں مکتب کو جا
کھیلوں میں مت وقت گنوا
امی سب کچھ کہتی تھی
شاداں کھیلتی رہتی تھی
اک دن شاداں کھیل میں تھی
آئے اس کے ابا جی
وہ لاہور سے آئے تھے
چیزیں ویزیں لائے تھے
باکس میں تھیں یہ چیزیں سب
خیر تماشا دیکھو اب
ابا نے آتے ہی کہا
شاداں آ کچھ پڑھ کے سنا
گم تھی اک مدت سے کتاب
کیا دیتی اس وقت جواب
دو بہنیں تھیں شاداں کی
چھوٹی ننھی منی سی
نام تھا منجھلی کا سیماں
گڑیا سی ننھی ناداں
وہ بولی اے ابا جی
اب تو پڑھتی ہوں میں بھی
بلی ہے سی اے ٹی کیٹ
چوہا ہے آر اے ٹی ریٹ
منہ ماؤتھ ہے ناک ہے نوز
اور گلاب کا پھول ہے روز
میں نے ابا جی دیکھا
خوب سبق ہے یاد کیا
شاداں نے اس وقت کہا
میں نے ہی تو سکھایا تھا
لیکن ابا نے چپ چاپ
کھولا باکس کو اٹھ کر آپ
اس میں جو چیزیں نکلیں
ساری سیماں کو دے دیں
اک چینی کی گڑیا تھی
اک جادو کی پڑیا تھی
اک ننھی سی تھی موٹر
آپ ہی چلتی تھی فر فر
گیندوں کا اک جوڑا تھا
اک لکڑی کا گھوڑا تھا
اک سیٹی تھی اک باجا
ایک تھا مٹی کا راجا
شاداں کو کچھ بھی نہ ملا
یعنی کھیل کی پائی سزا
اب وہ غور سے پڑھتی ہے
پورے طور سے پڑھتی ہے

حفیظ جالندھری

نظم

اس ساحرانہ کشش سے ہار کر
اپنا تہمد اتار کر
وہ مردہ پانی میں کود پڑے
جل کنبھی سے الجھے
تو ہفتے عشرے کے حمل کے مانند
نرم اور خام سروں والے
گل گتھنے
(صداکار میڈکوں کے
دم دار بچے)
شارک لہروں کے شور
سے ڈر کے
فرفر ہر طرف بھاگ کھڑے ہوئے
اور شیر امداد علی گلے گلے پانی میں تھے
اور کنول دور تھا....

ساقی فاروقی

نظم

اے موٹے آلو یہ تو بتاؤ
کیا ہے تمہارا منڈی میں بھاؤ
کتنے کے کتنے ملتے ہو یعنی
پیمانہ اپنا ہم کو بتاؤ
گن گن کے لیتے ہیں لوگ تم کو
یا سینٹی میٹر میں ناپے جاؤ
یا کہ لیٹر میں لگتی ہے قیمت
یا بیچے جاؤ تم پاؤ پاؤ
مجھ پہ مصیبت باجی نے ڈالی
منو کے بچے آلو تو لاؤ
تم ہی بتاؤ کیسے خریدوں
اے موٹے آلو جلدی بتاؤ
اے موٹے منو گولو مٹولو
جاؤ سڑک پر سیٹی بجاؤ
لالا للا لا لالا للا لا
لالا للا لا بس گائے جاؤ
پتھر اچھالو ڈنڈے سنبھالو
کتوں کے لشکر فرفر بھگاؤ
کچھ الٹے سیدھے کرتب دکھا کر
کچھ اونگی بونگی باتیں بناؤ
پڑھنا نہ آئے لکھنا نہ آئے
کرنے چلے ہو تم بھاؤ تاؤ
اے موٹے منو پیمانے سیکھو
مجھ سے نہ الجھو بس جاؤ جاؤ

احمد حاطب صدیقی

نظم

ایک دن حضرت حافظ نے یہ دیکھا منظر
طوق زریں سے مزین ہے ہمہ گردن خر
اور چھکڑے میں جتا رینگ رہا ہے تازی
زخم ہی زخم ہے کوڑے کا ز سر تا بہ کمر
تھے جو مرحوم بڑے سادہ دل و نیک مزاج
''ایں چہ شوریست'' کہا اور گرے چکرا کر
وہ تو اس غم کو لیے خلد بریں میں پہنچے
کئی صدیوں کا زمانے نے لگایا چکر
آج ہم پر بھی مگر جبر نظارہ ہے وہی
وہی نیرنگ تماشا وہی نیرنگ نظر
وہ چراگاہ سیاست ہو کہ میدان ادب
طوق زریں ہے وہی اور وہی گردن خر
اختیارات کی کرسی پہ خران فربہ
متمکن نظر آتے ہیں بہ صد کر و فر
ایک کرسی پہ کسی طرح اچک کر پہنچے
اور پھر دھڑ سے کھلے کشف و کرامات کے در
پھر تو بقراطؔ اور ارسطوؔئے زمانہ ہیں وہ
علم و حکمت میں نہیں پھر کوئی ان کا ہمسر
پھر تو صحرائے جہالت بھی ہے دریائے علوم
پھر تو اس بے ہنری میں بھی ہیں سو سو جوہر
خواہ دو حرف بھی تعلیم نہ حاصل کی ہو
طوق زریں کے کرشمے سے بنے دانشور
کوئی جلسہ ہو وہ ''مہمان خصوصی'' ہوں گے
کوئی موقع ہو دھڑلے سے وہ دیں گے لیکچر
وہ زمیں کے ہوں مسائل کے خلا کی باتیں
مثل مقراض زباں چلتی رہے گی فر فر
عالم و فاضل و دانشور و اہل حکمت
سب نظر آئیں گے قدموں پہ جھکائے ہوئے سر
طوق زریں کا جو اس کو نہ کرشمہ کہیے
ناطقہ سر بہ گریباں کہ اسے کیا کہیے

رضا نقوی واہی

نظم

کیسی ہوا ہے فرفر فرفر
کانپتے ہیں سب تھر تھر تھر تھر

محمد شفیع الدین نیر

نظم

ننھی منی پیاری فرحتؔ
ہے ماں باپ کے دل کی راحت
شوق سے مکتب جاتی ہے وہ
جی پڑھنے میں لگاتی ہے وہ
استانی جی کی ہے وہ پیاری
ماں کی ہے وہ راج دلاری
خوب سبق فرفر ہے سناتی
مکتب سے انعام ہے پاتی
ماں جو سبق سنتی ہے گھر پر
پیار سے کرتی خوش ہو ہو کر
باپ ہے لاتا واسطے اس کے
چیزی کپڑے گڑیاں کھلونے
اور بھی شوق سے پڑھتی ہے وہ
پڑھنے میں یوں بڑھتی ہے وہ
لڑکیوں کو وہ چھوڑ کے پیچھے
سب سے نکل جاتی ہے آگے
اتنے نمبر وہ ہے پاتی
دنگ ہے استانی رہ جاتی
بچیو تم بھی شوق سے پڑھنا
اگلی جماعت میں یوں چڑھنا
مدرسہ بھر میں نام بھی پاؤ
لو شاباش انعام بھی پاؤ
جی پڑھنے میں خوب لگانا
تم بھی فرحتؔ بن کے دکھانا

نشتر جالندھری

نظم

فر فر اڑنے والا پنچھی
ٹیں ٹیں بولنے والا طوطا

شاہین اقبال اثر

نظم

جو بھی فرفر سبق سنائے
چھٹی وہ فوراً پا جائے

شمیم انجم وارثی

نظم

ننھی منی پیاری فرحت
ہے ماں باپ کے دل کی راحت
شوق سے مکتب جاتی ہے وہ
جی پڑھنے میں لگاتی ہے وہ
استانی جی کی ہے وہ پیاری
ماں کی ہے وہ راج دلاری
خوب سبق فرفر ہے سناتی
مکتب سے انعام ہے پاتی
ماں جو سبق سنتی ہے گھر پر
پیار ہے کرتی خوش ہو ہو کر
باپ ہے لاتا واسطے اس کے
چیزی کپڑے گڑیاں کھلونے
اور بھی شوق سے پڑھتی ہے وہ
پڑھنے میں یوں بڑھتی ہے وہ
لڑکیوں کو وہ چھوڑ کے پیچھے
سب سے نکل جاتی ہے آگے
اتنے نمبر وہ ہے پاتی
دنگ ہے استانی رہ جاتی
بچیو تم بھی شوق سے پڑھنا
اگلی جماعت میں یوں چڑھنا
مدرسہ بھر میں نام بھی پاؤ
لو شاباش انعام بھی پاؤ
جی پڑھنے میں خوب لگانا
تم بھی فرحت بن کے دکھانا

نشتر جالندھری

نظم

میرا چنا جو کوئی کھائے
پھر وہ اس کا ہی ہو جائے
سبق وہ فرفر خوب سنائے
اپنی کلاس میں اول آئے
چنا جور گرم

حامد علی نقوی

نظم

معلوم ہمیں سب قیس میاں کا قصہ بھی
سب ایک سے ہیں، یہ رانجھا بھی یہ انشاؔ بھی
فرہاد بھی جو اک نہر سی کھود کے لایا ہے
سب مایا ہے

ابن انشا

نظم

گر عشق کیا ہے تب کیا ہے کیوں شاد نہیں آباد نہیں
جو جان لیے بن ٹل نہ سکے یہ ایسی بھی افتاد نہیں
یہ بات تو تم بھی مانو گے وہ قیسؔ نہیں فرہاد نہیں
کیا ہجر کا دارو مشکل ہے کیا وصل کے نسخے یاد نہیں
یہ باتیں جھوٹی باتیں ہیں یہ لوگوں نے پھیلائی ہیں
تم انشاؔ جی کا نام نہ لو کیا انشاؔ جی سودائی ہیں

ابن انشا

نظم

اپنے ماضی کے تصور سے ہراساں ہوں میں
اپنے گزرے ہوئے ایام سے نفرت ہے مجھے
اپنی بے کار تمناؤں پہ شرمندہ ہوں
اپنی بے سود امیدوں پہ ندامت ہے مجھے

ساحر لدھیانوی

نظم

سفید شرٹ تھی تم سیڑھیوں پہ بیٹھے تھے
میں جب کلاس سے نکلی تھی مسکراتے ہوئے
ہماری پہلی ملاقات یاد ہے نا تمہیں
اشارے کرتے تھے تم مجھ کو آتے جاتے ہوئے
تمام رات وہ آنکھیں نہ بھولتی تھیں مجھے
کہ جن میں میرے لئے عزت اور وقار دکھے
مجھے یہ دنیا بیابان تھی مگر اک دن
تم ایک بار دکھے اور بے شمار دکھے
مجھے یہ ڈر تھا کہ تم بھی کہیں وہی تو نہیں
جو جسم پر ہی تمنا کے داغ چھوڑتے ہیں
خدا کا شکر ہے کہ تم ان سے مختلف نکلے
جو پھول توڑ کے غصے میں باغ چھوڑتے ہیں
زیادہ وقت نہ گزرا تھا اس تعلق کو
کہ اس کے بعد وہ لمحہ قریں قریں آیا
چھوا تھا تم نے مجھے اور مجھے محبت پر
یقین آیا تھا لیکن کبھی نہیں آیا
پھر اس کے بعد میرا نشۂ سکوت گیا
میں کشمکش میں تھی تم میرے کون لگتے ہو
میں امرتا تمہیں سوچوں تو میرے ساحر ہو
میں فارحہ تمہیں دیکھوں تو جون لگتے ہو
ہم ایک ساتھ رہے اور ہمیں پتہ نہ چلا
تعلقات کی حد بندیاں بھی ہوتی ہیں
محبتوں کے سفر میں جو راستے ہیں وہی
ہوس کی سمت میں پگڈنڈیاں بھی ہوتی ہیں
تمہارے واسطے جو میرے دل میں ہے حافیؔ
تمہیں میں کاش یہ سب کچھ کبھی بتا پاتی
اور اب مزید نہ ملنے کی کوئی وجہ نہیں
بس اپنی ماں سے میں آنکھیں نہیں ملا پاتی

تہذیب حافی

نظم

مگر یہ سطریں بڑی عجب ہیں
کہیں توازن بگڑ گیا ہے
یا کوئی سیون ادھڑ گئی ہے:
''فرار ہوں میں کئی دنوں سے
جو گھپ اندھیرے کی تیر جیسی سرنگ اک کان سے
شروع ہو کے دوسرے کان تک گئی ہے،
میں اس نلی میں چھپا ہوا ہوں،
تم آ کے تنکے سے مجھ کو باہر نکال لینا

گلزار

نظم

نیٹ فرہاد کو شیریں سے ملا دیتا ہے
عشق انسان کو گوگل پہ بٹھا دیتا ہے

خالد عرفان

نظم

اس نے اتنی کتابیں چاٹ ڈالیں
کہ اس کی عورت کے پیر کاغذ کی طرح ہو گئے
وہ روز کاغذ پہ اپنا چہرہ لکھتا اور گندہ ہوتا
اس کی عورت جو خاموشی کاڑھے بیٹھی تھی
کاغذوں کے بھونکنے پر سارتر کے پاس گئی
تم راںؔ بو اور فرائڈؔ سے بھی مل آئے ہو کیا
سیفوؔ میری سیفوؔ میرابائیؔ کی طرح مت بولو
میں سمجھ گئی اب اس کی آنکھیں
کیٹسؔ کی آنکھیں ہوئی جاتی ہیں
میں جو سوہنی کا گھڑا اٹھائے ہوئے تھی
اپنا نام لیلیٰ بتا چکی تھی
میں نے کہا
لیلیٰ مجمع کی باتیں میرے سامنے مت دہرایا کرو
تنہائی بھی کوئی چیز ہوتی ہے
شیکسپئیر کے ڈراموں سے چن چن کر اس نے ٹھمکے لگائے
مجھے تنہا دیکھ کر
سارتر فرائڈؔ کے کمرے میں چلا گیا
وہ اپنی تھیوری سے گر گر پڑتا
میں سمجھ گئی اس کی کتاب کتنی ہے
لیکن بہر حال سارتر تھا
اور کل کو مجمع میں بھی ملنا تھا
میں نے بھیڑ کی طرف اشارہ کیا تو بولا
اتنے سارے سارتروں سے مل کر تمہیں کیا کرنا ہے
اگر زیادہ ضد کرتی ہو تو اپنے وارث شاہؔ
ہیر سیال کے کمروں میں چلے چلتے ہیں
سارتر سے استعارہ ملتے ہی
میں نے ایک تنقیدی نشست رکھی
میں نے آدھا کمرہ بھی بڑی مشکل سے حاصل کیا تھا
سو پہلے آدھے فرائڈؔ کو بلایا
پھر آدھے راںؔ بو کو بلایا
آدھی آدھی بات پوچھنی شروع کی
جان ڈنؔ کیا کر رہا ہے
سیکنڈ ہینڈ شاعروں سے نجات چاہتا ہے
چوروں سے سخت نالاں ہے
دانتےؔ اس وقت کہاں ہے
وہ جہنم سے بھی فرار ہو چکا ہے
اس کو شبہ تھا
وہ خواجہ سراؤں سے زیادہ دیر مقابلہ نہیں کر سکتا
اپنے پس منظر میں
ایک کتا مسلسل بھونکنے کے لیے چھوڑ گیا ہے
اس کتے کی خصلت کیا ہے
بیاترؔچے کی یاد میں بھونک رہا ہے
تمہارا تصور کیا کہتا ہے
سارتروں کی تصور کے لحاظ سے
اب اس کا رخ گوئٹےؔ کے گھر کی طرف ہو گیا ہے

سارا شگفتہ

نظم

مکافات عمل تاریخ انساں کی روایت ہے
کرو گے کب تلک ناوک فراہم ہم بھی دیکھیں گے
کہاں تک ہے تمہارے ظلم میں دم ہم بھی دیکھیں گے

ساحر لدھیانوی

نظم

چھین لے ہاتھ سے استاد کے ڈنڈا کوئی
بدلے ڈنڈے کے کھلا دے ہمیں انڈا کوئی

سیدہ فرحت

نظم

یہ دھڑکتا ہوا گنبد میں دل شاہجہاں
یہ در و بام پہ ہنستا ہوا ملکہ کا شباب
جگمگاتا ہے ہر اک تہ سے مذاق تفریق
اور تاریخ اڑھاتی ہے محبت کی نقاب
چاندنی اور یہ محل عالم حیرت کی قسم
دودھ کی نہر میں جس طرح ابال آ جائے
ایسے سیاح کی نظروں میں کھپے کیا یہ سماں
جس کو فرہاد کی قسمت کا خیال آ جائے
دوست میں دیکھ چکا تاج محل
۔۔۔۔۔واپس چل

کیفی اعظمی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے