کی تلاش کا نتیجه | موضو - نظم, صفحہ fursat-e-aaraam-e-gash

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "fursat-e-aaraam-e-gash"

نظم کے متعلقہ نتیجہ "fursat-e-aaraam-e-gash"

نظم

یہ بات عجیب سناتے ہو وہ دنیا سے بے آس ہوئے
اک نام سنا اور غش کھایا اک ذکر پہ آپ اداس ہوئے
وہ علم میں افلاطون سنے وہ شعر میں تلسی داس ہوئے
وہ تیس برس کے ہوتے ہیں وہ بی اے ایم اے پاس ہوئے
یہ باتیں جھوٹی باتیں ہیں یہ لوگوں نے پھیلائی ہیں
تم انشاؔ جی کا نام نہ لو کیا انشاؔ جی سودائی ہیں

ابن انشا

نظم

قحط اور جنگ نے انساں کو کیا اپنا شکار
نفسی نفسی ہے پڑی کون ہو کس کا غم خوار
عرصۂ دہر میں ہر آن ہے جینا دشوار
زندگی آج ہے گہوارۂ آفت اے دوست
کس کو ہے فرصت تجدید محبت اے دوست

عبدالقیوم زکی اورنگ آبادی

نظم

مجھے مت کہو پھول باغ ارم کا
کہ پھولوں کے حصہ اذیت بہت ہے
شمع بھی نہ کہنا
کہ جلنا بھلے ہی خوشی کا سبب ہو
کسی کو جلانے میں تہمت بہت ہے
مجھے رنگ و نکہت سے یکسانیت کی بھی چاہت نہیں ہے
نزاکت کا پیکر کہے جانے کی بھی مرے قلب ویراں کو حاجت نہیں ہے
نہ ہے مجھ کو ارماں کہ میری ستائش میں دنیا کے سب استعاروں کو ہارو
حوالے سے میرے
لبوں پر تمہارے
لقب اور کوئی بھی جنچتا نہیں ہے
سو گر ہو سکے تو مرے غم شناسا
مجھے تم مرے نام سے ہی پکارو

کائنات

نظم

آہ اے آرام جاں تسکین دل لخت جگر
آہ اے گھر کے اجالے آہ اے نور نظر
رات جنگل کی اداسی ہر طرف تاریک گھر
چین سے سونا تمہارا ہو کے بے خوف و خطر

سراج لکھنوی

نظم

اے وطن اے راحت و آرام کے دل کش دیار
تیرے شہروں پر تصدق تیرے صحرا پر نزار

شاطرحکیمی

نظم

غیرت باغ ارم ہیں کھیتیاں ہر گاؤں میں
خلد کا آرام ہے پیڑوں کی ٹھنڈی چھاؤں میں

عرش ملسیانی

نظم

سب جانتے ہیں علم سے ہے زندگی کی روح
بے علم ہے اگر تو وہ انساں ہے نا تمام
بے علم و بے ہنر ہے جو دنیا میں کوئی قوم
نیچر کا اقتضا ہے رہے بن کے وہ غلام
تعلیم اگر نہیں ہے زمانہ کے حسب و حال
پھر کیا امید دولت و آرام و احترام
سید کے دل میں نقش ہو اس خیال کا
ڈالی بنائے مدرسہ لے کر خدا کا نام
صدمے اٹھائے رنج سہے گالیاں سنیں
لیکن نہ چھوڑا قوم کے خادم نے یہ کام
دکھلا دیا زمانہ کو زور دل و دماغ
بتلا دیا وہ کرتے ہیں کرنے والے کام
نیت جو تھی بخیر تو برکت خدا نے دی
کالج ہوا درست بہ صد شان و احتشام
سرمائے میں کمی تھی سہارا کوئی نہ تھا
سید کا دل تھا درپئے تکمیل انتظام
آخر اٹھا سفر کو وہ مرد خستہ پئے
احباب چند ساتھ تھے ذی علم و خوش کلام
قسمت کہ رہبری سے ملی منزل مراد
فرماں روائے ملک دکن کو کیا سلام
حالت دکھائی اور ضرورت بیان کی
خوبی ث التماس کیا قوم کا پیام
رحم آ گیا حضور کو حالت پہ قوم کی
پھر کیا تھا موجزن ہوا دریا فیض عام
ماہانہ دو ہزار کیا اک ہزار ث
امید ث زیادہ عطا تھی یہ لا کلام
اکبرؔ کی ی دعا ہے خدا کی جناب میں
تا حشر اس رئیس و ریاست کو ہو قیام
کیا وقت پر ہوئی ہے کہ بے احتجاج فکر
تاریک اپنی آپ ہے فیاضی نظام

اکبر الہ آبادی

نظم

تعبیر خواب گاندھیؔ تفسیر حال نہروؔ
آزادؔ کی ریاضت سردارؔ کی تگاپو
رخشاں ہے حریت کا زیبا نگار دلجو
تسکین قلب مسلم آرام جان ہندو
روز سعید آیا چھبیس جنوری کا
دور جدید لایا بھارت کی برتری کا

تلوک چند محروم

نظم

پیچ در پیچ مسائل میں سدا
زندگی نے مجھے الجھائے رکھا
اور میں پیٹ کے دوزخ کے لئے
روز و شب تنگ سیہ رستوں پر
لے کے امید کا چھوٹا سا دیا
کبھی اس گوشے کبھی اس گوشے
عزت نفس و انا ساتھ لئے
بیج محنت کے سدا بوتی رہی
بستر عیش کے سپنے لے کر
فرش سنگیں پہ سدا سوتی رہی
اپنی ہستی کو مٹا کر اکثر
کار دشوار کو آسان کیا
اپنے بچوں کے تعیش کے لئے
ہو کے بیگانۂ آرام و سکوں
ہر گھڑی کام فقط کام کیا
آج جب بچے جواں سال ہوئے
بے نیازانہ یہ کہہ کر گزرے
آج تک آپ نے جو کچھ بھی کیا
ہم پہ احسان نہیں ہے یہ نہ قرض
یہ حقیقت میں ہے ماں باپ کا فرض

رضیہ سبحان

نظم

موسم سرما کی بارش کا یہ پہلا روز ہے
دھند ہے اطراف میں سورج کے خواب گرم پر
میں کہ جو محصور ہوں آرام حسن یار میں
اک حفاظت سی ہے مجھ کو جسم کی مہکار میں
یاد اور موجود دونوں کی حقیقت اس میں ہے
غم کی طاقت کو غلط کرنے کی ہمت اس میں ہے
سحر اتنے ہیں جمال مہربان یار میں
جتنے اس سرما کی بارش کے حسیں اسرار میں

منیر نیازی

نظم

پھر یہ موسم یہ حسیں شام ملے یا نہ ملے
فرصت گردش ایام ملے یا نہ ملے
پھر تمہیں کاملؔ بدنام ملے یا نہ ملے

کامل چاند پوری

نظم

اے طبیب الم محروماں
چارہ فرمائے ہموم و افکار
تجھ سے آشفتہ سری کا درماں
ہیں شفایاب تجھی سے بیمار
ہے مدبر تو ہی نیچر کے شفا خانے کی
تو ہی لا ریب ہے مے زیست کے پیمانے کی

عظیم الدین احمد

نظم

اے دل غمگیں نہ کہہ یہ زندگی اک خواب ہے
زندگی ہے اک حقیقت گوہر نایاب ہے
زندگی اک ولولہ ہے زندگی اک جوش ہے
دامن طوفاں میں اک ہنگامۂ خاموش ہے
گو بظاہر زندگی اک نغمۂ بے ساز ہے
گوش حاضر کے لئے یہ غیب کی آواز ہے
زندگی دشت و بیاباں بے خبر کے واسطے
رشک صد باغ ارم اہل نظر کے واسطے
زندگی عیش و طرب میں خوش کبھی رہتی نہیں
یہ کلی کھلتی نہیں جب تک الم سہتی نہیں
گور اس کی منزل مقصود اے غافل نہیں
بحر بے پایاں ہے یہ اس کا کوئی ساحل نہیں
ہو اثر انداز اس پر موت میں یہ دم نہیں
زندگی مٹ جائے تو بھی باعث ماتم نہیں
سلسلہ ہے ارتقا کا زندگی انسان کی
تازہ دم ہوتی ہے جام‌‌ مرگ پی کر زندگی
زندگی ہے نفس کو زیر نگیں لانے کا نام
زندگی ہے موت کی حد سے گزر جانے کا نام
عہد ماضی لاکھ روشن ہو مگر بے سود ہے
صبح فردا کی ضیاؤں پر نظر بے سود ہے
حال کے لمحے ہیں زریں ان کا دامن تھام لے
مستعد ہو کر عمل کر جذب دل سے کام لے
خوگر تقلید ہو تو زندگی بے کار ہے
دوسروں کی پیروی اک روگ ہے آزار ہے
کشتیٔ نوع بشر کا ناخدا بن کر دکھا
خضر بھی سجدہ کرے وہ رہنما بن کر دکھا
زندگی تیری مثال مرد میداں ہو عظیم
طور ہو یہ جسم خاکی روح مانند کلیم
رہ گزر تیری بسان کہکشاں تاباں رہے
تیری ہستی پر زمانہ تا ابد نازاں رہے

صابر ابو ہری

نظم

غم دوراں سے جب بھی فرصت یک لمحہ پائیں گے
تری یادوں میں کھو جائیں گے خود کو بھول جائیں گے

عبد الاحد ساز

نظم

مکدر ہے فضائے عالم امکاں سیاست سے
بہت بے آبرو ہے آج کل انساں سیاست سے
ضمیر و ظرف کی اس کے یہاں قیمت نہیں کوئی
جہاں میں در بدر ہیں صاحب ایماں سیاست سے
یہ احساسات تہذیب و تمدن کو مٹاتی ہے
سیاست آج کل کی کیسے کیسے گل کھلاتی ہے
نہیں شیوہ سیاست کا محبت اور رواداری
سکھاتی ہے پرستاروں کو اپنے یہ ریا کاری
نہ اس کا کوئی مسلک ہے نہ اس کا کوئی مذہب ہے
دل حرس و ہوس میں بن کے رہتی ہے یہ چنگاری
کسی کا گھر گراتی ہے کسی کا گھر سجاتی ہے
سیاست آج کل کی کیسے کیسے گل کھلاتی ہے
لڑاتی ہے یہی اک دوسرے کو ذات و مذہب پر
اسی کی شہہ پہ قتل عام ہوتا ہے یہاں اکثر
رعونت یہ سکھاتی ہے منافق حکمرانوں کو
اسی کے بطن سے ہوتے ہیں پیدا جبر و ظلم و شر
یہ اپنے محسنوں کا خون پی کر مسکراتی ہے
سیاست آج کل کی کیسے کیسے گل کھلاتی ہے
سدا یہ اتحاد باہمی پر وار کرتی ہے
تعصب کو ہوا دیتی ہے دل بیزار کرتی ہے
کہیں تعمیر کرتی ہے عبادت گاہ فتنوں سے
کہیں خود ہی عبادت گاہ کو مسمار کرتی ہے
فریب و مکر سے اپنے یہ ہر سو قہر ڈھاتی ہے
سیاست آج کل کی کیسے کیسے گل کھلاتی ہے
اسی کے دم سے فصلیں لہلہاتی ہیں فسادوں کی
یہی تکمیل کرتی ہے حکومت کے ارادوں کی
اسی کی مصلحت سے بغض کے پودے پنپتے ہیں
گرا دیتی ہے یہ دیوار باہم اعتمادوں کی
ہوا دے کر یہ بد عنوانیوں کی لو بڑھاتی ہے
سیاست آج کل کی کیسے کیسے گل کھلاتی ہے
اشارے پر اسی کے شہر قصبے گاؤں جلتے ہیں
اسی کی آستیں میں سازشوں کے ناگ پلتے ہیں
ستم گاروں پہ کرتی ہے یہ سایہ اپنے آنچل کا
اسی کی آڑ میں اشرار و قاتل بچ نکلتے ہیں
یہ قانون و عدالت کو بھی اب آنکھیں دکھاتی ہے
سیاست آج کل کی کیسے کیسے گل کھلاتی ہے
جسارت کو یہی دہشت گری کا نام دیتی ہے
یہ ہم سایے کو خود ہی جنگ کا پیغام دیتی ہے
بدلتی ہے یہی تقدیر ارباب قیادت کی
یہ اپنے وارثوں کو سر خوشی کا جام دیتی ہے
یہ وعدوں کے گھروندے ریگزاروں میں بناتی ہے
سیاست آج کل کی کیسے کیسے گل کھلاتی ہے

رہبر جونپوری

نظم

عظمت آدم خاکی کا پرستار گرا
ایک مینار گرا
جس کی تنویر نے ذروں کو عطا کی تابش
جس کی تقریر نے توڑا ہے طلسم زر و سیم
جس کی تحریر نے اک خواب بنا خواب سحر
جس کی تعبیر میں اک قوم اٹھی قوم عظیم
وہی سردار وہی قافلہ سالار گرا
ایک مینار گرا
جس نے فرسودہ روایات کے ایوانوں میں
محنت و جشن مساوات کے پرچم لہرائے
جبر و بیداد و غلامی کے سیہ خانوں میں
تابش حریت فکر کے فانوس جلائے
پیکر نور نہیں خالق انوار گرا
ایک مینار گرا
جس نے اوہام پہ دانش کی کمندیں ڈالیں
جس کی آواز پہ طوفان بپھر جاتے تھے
نازی افواج کے سیلاب کو موڑا جس نے
غیظ سے جس کے شہنشاہ بھی تھراتے تھے
امن کا کوہ گراں صلح کا شہکار گرا
ایک مینار گرا
اپنے ہاتھوں میں لیے رخش بغاوت کی عناں
اٹھا آندھی کی طرح ابر کی صورت برسا
اب کوئی پوجے نہ پوجے یہ لکھا جائے گا
امن و انصاف و مساوات کا وہ دیوتا تھا
دے کے منزل کا نشاں کارواں سالار گرا
ایک مینار گرا

قمر رئیس

نظم

مجھے کیا خبر وقت کے دیوتا کی حسیں رتھ کے پہیوں تلے پس چکے ہیں
مقدر کے کتنے کھلونے زمانوں کے ہنگامے صدیوں کے صد ہا ہیولے
مجھے کیا تعلق میری آخری سانس کے بعد بھی دوش گیتی پہ مچلے
مہ و سال کے لا زوال آبشار رواں کا وہ آنچل جو تاروں کو چھو لے
مگر آہ یہ لمحۂ مختصر جو مری زندگی میرا زاد سفر ہے
مرے ساتھ ہے میرے بس میں ہے میری ہتھیلی پہ ہے یہ لبا لب پیالہ
یہی کچھ ہے لے دے کے میرے لیے اس خرابات شام و سحر میں یہی کچھ
یہ اک مہلت کاوش درد ہستی یہ اک فرصت کوشش آہ و نالہ

مجید امجد

نظم

وطن کی خدمت بے لوث ہے ہر شخص پر لازم
یہی وہ کام ہے جو آدمی کے کام آتا ہے
لگا دی جاتی ہے حب وطن میں سر کی بازی بھی
اک ایسا بھی وفور جوش میں ہنگام آتا ہے
پلٹنے ہی کو ہے قسمت تمہاری اے وطن والو
تمہارے واسطے یہ عرش سے پیغام آتا ہے
غلامی دور ہوتی ہے تمہاری اب کوئی دم میں
حکومت اور سرداری کا پھر ہنگام آتا ہے
مصیبت ہے یہ بالکل عارضی اس پر نہ گھبرانا
بس اب آتا ہے عہد راحت و آرام آتا ہے
وہی پھر بزم ہوگی پھر وہی رنگینیاں ہوں گی
وہی پیمانہ آتا ہے وہی پھر جام آتا ہے
تم اپنی ناتوانی سے پریشاں اس قدر کیوں ہو
کبھی کمزور ہونا بھی بشر کے کام آتا ہے
مٹا دیتا ہے دم میں نخوت نمرود اک مچھر
کبھی ایسا بھی دور گردش ایام آتا ہے
خدارا اس نزاع باہمی کو ختم فرما دو
ذرا سوچو کہ تم پر کس قدر الزام آتا ہے
کبھی چھڑتا ہے گر مذکور قوموں کی جہالت کا
تو سب سے پہلے کانوں میں تمہارا نام آتا ہے
یہ نکتہ یاد رکھو اس کو بھولا کہہ نہیں سکتے
جو وقت صبح جا کر گھر پہ وقت شام آتا ہے

احمق پھپھوندوی

نظم

محو آرام ہے جس میں کوئی ممتازؔ محل
اہل الفت کی نشانی ہے یہی تاج محل

سکندر عرفان

نظم

میں خود ہوں آبلہ پا کم نصیب خاک بسر
ہے میری بزم فروزاں بہ فیض داغ جگر
بھلا کہاں میں کہاں فرصت فریب نظر
ہے پھر بھی خواہش دیدار اور دیدۂ تر
خدا کے واسطے اتنا نہ تم قریب آؤ

بانو طاہرہ سعید

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے