کی تلاش کا نتیجه | موضو - نظم, صفحہ kirche.n

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "kirche.n"

نظم کے متعلقہ نتیجہ "kirche.n"

نظم

روشنیوں کی پیلی کرچیں پورب پچھم پھیل گئیں
تو نے کس شے کے دھوکے میں پتھر پر دے پٹکا چاند

ابن انشا

نظم

بس اک لمحہ کا جھگڑا تھا
در و دیوار پر ایسے چھناکے سے گری آواز جیسے کانچ گرتا ہے
ہر اک شے میں گئیں اڑتی ہوئی، جلتی ہوئی کرچیں
نظر میں، بات میں، لہجے میں، سوچ اور سانس کے اندر
لہو ہونا تھا اک رشتے کا سو وہ ہو گیا اس دن!!
اسی آواز کے ٹکڑے اٹھا کے فرش سے اس شب
کسی نے کاٹ لیں نبضیں
نہ کی آواز تک کچھ بھی
کہ کوئی جاگ نہ جائے!

گلزار

نظم

ٹکڑا اک نظم کا
دن بھر میری سانسوں میں سرکتا ہی رہا
لب پہ آیا تو زباں کٹنے لگی
دانت سے پکڑا تو لب چھلنے لگے
نہ تو پھینکا ہی گیا منہ سے، نہ نگلا ہی گیا
کانچ کا ٹکڑا اٹک جائے حلق میں جیسے

گلزار

نظم

میں سوتیلا بیٹا
اپنے باپ کی تیسری بیوی کا
ان تینوں میں
پہلے میری ماں آئی
پھر میں آیا
لیٹا بیٹھا
کھڑا ہوا دیوار پکڑ کر
چلنا جب آیا تو ماں کو روگ لگا
میرے کھلونے
سستے اور مٹی کے تھے
سب ٹوٹ گئے
باری باری سب کی خاطر رویا میں
لیکن ماں کے مرنے پر
میں رویا نہیں
ٹوٹا تھا
اور بکھرا تھا
جیسے میرے کھلونے ٹوٹے بکھرے تھے
میرا بچپن
میرا آخری کھلونا تھا
جس کی کرچیں
اب بھی مجھ میں چبھتی ہیں
اور ٹوٹنے کی آوازیں
گونجتی ہیں

شکیل اعظمی

نظم

بچپن کی گلیوں میں جن جن گھروں کے شیشے میری گیند سے ٹوٹے تھے
ان سب کی کرچیں کبھی کبھی میری آنکھوں میں چبھنے لگتی ہیں
جلتی دوپہروں میں میرے ہاتھوں اجڑے ہوئے گھونسلوں کے بے حال پرندوں کی
چیخیں فریادیں میری بے گھر شاموں میں کہرام مچاتی رہتی ہیں
چکناچور دنوں ریزہ ریزہ راتوں میں سوئے ہوئے سب خواب جگاتی رہتی ہیں
اپنے خنجر اپنے ہی سینے میں اترنے لگتے ہیں
زندہ چہرے جلتے بجھتے لمحوں کی آغوش میں مرنے لگتے ہیں

افتخار عارف

نظم

ارے آؤ
بے فکر ہو کے آؤ
میری زندگی میں
گھبراؤ نہیں
کوئی ٹوٹ پھوٹ نہیں ہوگی تم سے
آؤ تو
دراصل یہاں کچھ باقی ہی نہیں ٹوٹنے کو
ہاں کچھ پرانے خوابوں کی کرچیں ہیں
تمہارے آنے تک صاف ہو جائیں گی
اس کے بعد جو ہوگا سب تمہارا ہی ہوگا
جاتے وقت جو کچھ سلامت بچے
لے جانا
خوابوں کی کرچیں گر رہ گئیں تمہارے بعد تو سمیٹ کے رکھ دینا میرے ہونٹھوں پہ
مسکراہٹوں میں باندھ کے

گیتانجلی رائے

نظم

میں نظمیں نہیں کہتی
میں دعائیں لکھتی ہوں
درد کی کرچیں چنتی ہوں
تیرے پیروں کی انگلیاں سہلاتی ہوں
ماتھے سے بھوں کے بیچ
ایک چاند تیرے نام کرتی ہوں
ہونٹھوں پے اٹکے کانچ کے ٹکڑے چوم کر
خواہش کہتی ہوں
تیرے بائیں حصے پے ہاتھ رکھ کر
کچھ سنسناہٹ اپنی نسوں میں بھرتی ہوں
اور انگلی سے آسمان پر
میں تیرے لئے دعائیں لکھتی ہوں

ورشا گورچھیہ

نظم

زندگی کی تلخیاں ناکامیاں ٹوٹے ہوئے
خوابوں کی کرچیں
روز و شب کو مضمحل کر دیں
تو میرے ساتھ آؤ
ذرا ٹھہرو
میں اپنی جادو نگری کی جھلک دکھلاؤں تم کو
وہ دیکھو کس طرح سے آسماں کے کینوس پر بادلوں کا رقص ہوتا ہے
کبھی تم نے گھنے جنگل میں شاخوں سے ٹپکتے شبنمی موتی نہیں دیکھے
کبھی سرما کی رت میں برف کی چادر پہ بکھری چاند کی روپا نہیں دیکھی
کبھی گندم کے کھیتوں میں اگا سونا نہیں دیکھا
کبھی اونچی چٹانوں کوہساروں سے گئی صدیوں کے افسانے سنے تم نے
کسی گمبھیر ساحل سے نہیں دیکھا
کہ کیسے چیختا بپھرا سمندر دھیرے دھیرے شانت ہوتا ہے
کبھی معصوم بچوں کی ہنسی کے نقرئی گھنگرو سمیٹے ہیں
کبھی چاہت کے ہونٹوں سے کسی جلتے ہوئے ماتھے کو چوما ہے
ذرا سوچو
کہ تم نے ماں کی لوری کی حلاوت
خاندانوں کی شرافت
پیار کی راحت نہیں پائی
ذرا سوچو
یہ ساری جادو نگری مہرباں دنیا تمہاری ہے

عذرا نقوی

نظم

اور مرے پاؤں میں کرچیں چبھ گئیں

خالد غنی

نظم

صبح ہونے کو ہے
کوئی دم میں یہ زخموں بھری رات کی گرم چادر
اجالے کے صابن میں دھل کر نکھر آئے گی
ہر طرف نرم و نازک سی خوشیوں کے چھینٹے
کواڑوں کو چھیڑیں گے سلائیں گے
پھول کھل جائیں گے
قہقہوں چہچہوں کی جوالا
سیاہی کے دھبوں کو کھا جائے گی
سوچتا ہوں
یہ اک تیز سی دھار ایسی چمکتی صدا
جس کی کرچیں مری ایک اک رگ میں
پنجوں کو گاڑے کھڑی ہیں
کہاں جائے گی
اتنی صدیوں کے بن باس کو جھیل کر
اپنے گھر آئی ناری سے اب کس طرح میں کہوں
جاؤ
یہ گھر تو خوشیوں کی رانی کا گھر ہے

وزیر آغا

نظم

خنک ہوا جیسے کانچ کی تیز کرچیں رگ رگ کو چیرتی ہیں
خنک ہوا جیسے تلخ مے کائنات کے جسم میں رواں ہے

ضیا جالندھری

نظم

اور میں بڑھتا گیا
اونچا اٹھتا گیا
دور پربت پہنچا تو گونگا نگر
مجھ کو حیرت سے تکنے لگا
سونے آکاش سے
ٹوٹے کنگن کی کرچیں برسنے لگیں
نیچے پگڈنڈیوں پر بھی کوئی نہ تھا

وزیر آغا

نظم

دل و دلبر کی آشفتہ سری ہے
دل و دلبر کی راہوں میں
فقط شیشے کی کرچیں ہیں

اکرام خاور

نظم

اور اس سال ہماری فصلوں کو ٹڈیاں کھا گیں
اس سال ہم نے ندامت کے روزے رکھے
اور کھاتے بھی کیا کچھ تھا ہی نہیں
تمام پیغمبروں اور مسیحاؤں کو جیل سے رہا کر دیا گیا
۳۸۰۰۰ پیغمبر اور ۳۷۶ مسیحا
سڑکوں پر منڈلاتے رہے اور تقریریں کرتے رہے
انسان کے بیٹو ہم صدیوں سے ٹوٹی کرچیں چن رہے ہیں
اب ان کرچوں سے تمہارے لئے ایک نئی کائنات کی تخلیق کریں گے
اور تمہارے ہاتھوں سے اجنبی اسلحہ لے کر پھر سے تمہیں پتھر دے دیں گے

عین رشید

نظم

ذہن کے چوکھٹے میں اک تصویر
اس طرح نمایاں تھی
جیسے تاروں کے درمیاں مہتاب
جیسے پھولوں کے بیچ سرخ گلاب
دیکھتے دیکھتے مگر اک دن
چوکھٹا گر کے چور چور ہوا
اور
کرچیں شیشے کی
مسخ چہرے کو کر گئیں اس طرح
جیسے میں آشنا نہیں اس سے

علقمہ شبلی

نظم

میں نے لاکھوں سپنے دیکھے
کانچ سے نازک
دھنک سے رنگین
لیکن آخر رفتہ رفتہ
کرچیں کرچیں
ریزہ ریزہ
کانچ سے سپنے
آنکھوں میں ہی ٹوٹ گئے

سیمیں برلاس

نظم

جھلمل جھلمل کرنیں آئیں
مجھ کو چندن ہار پہنانے
جگ مگ جگ مگ تارے آئے
پھر سے میری مانگ سجانے

جاں نثار اختر

نظم

آنکھ کھل گئی میری
ہو گیا میں پھر زندہ
پیٹ کے اندھیروں سے
ذہن کے دھندلکوں تک
ایک سانپ کے جیسا
رینگتا خیال آیا
آج تیسرا دن ہے۔۔۔۔۔۔ آج تیسرا دن ہے
اک عجیب خاموشی
منجمد ہے کمرے میں
ایک فرش اور اک چھت
اور چار دیواریں
مجھ سے بے تعلق سب
سب مرے تماشائی
سامنے کی کھڑکی سے
تیز دھوپ کی کرنیں
آ رہی ہیں بستر پر
چبھ رہی ہیں چہرے میں
اس قدر نکیلی ہیں
جیسے رشتے داروں کے
طنز میری غربت پر
آنکھ کھل گئی میری
آج کھوکھلا ہوں میں
صرف خول باقی ہے
آج میرے بستر میں
لیٹا ہے مرا ڈھانچہ
اپنی مردہ آنکھوں سے
دیکھتا ہے کمرے کو
آج تیسرا دن ہے
آج تیسرا دن ہے

جاوید اختر

نظم

گلی میں جاتی ہو
جاتے ہی لوٹ آتی ہو
کہیں کی چیز
کہیں رکھ کے بھول جاتی ہو
کچن میں!
روز کوئی پیالی توڑ دیتی ہو
مسالہ پیس کر
سل یونہی چھوڑ دیتی ہو
نصیحتوں سے خفا
مشوروں سے الجھن سی
کمر میں درد کی لہریں
رگوں میں اینٹھن سی

ندا فاضلی

نظم

آج بھی کتنی ان گنت شمعیں
میرے سینے میں جھلملاتی ہیں
کتنے عارض کی جھلکیاں اب تک
دل میں سیمیں ورق لٹاتی ہیں
کتنے ہیرا تراش جسموں کی
بجلیاں دل میں کوند جاتی ہیں
کتنی تاروں سے خوش نما آنکھیں
میری آنکھوں میں مسکراتی ہیں
کتنے ہونٹوں کی گل فشاں آنچیں
میرے ہونٹوں میں سنسناتی ہیں
کتنی شب تاب ریشمی زلفیں
میرے بازو پہ سرسراتی ہیں
کتنی خوش رنگ موتیوں سے بھری
بالیاں دل میں ٹمٹماتی ہیں
کتنی گوری کلائیوں کی لویں
دل کے گوشوں میں جگمگاتی ہیں
کتنی رنگیں ہتھیلیاں چھپ کر
دھیمے دھیمے کنول جلاتی ہیں
کتنی آنچل سے پھوٹتی کرنیں
میرے پہلو میں رسمساتی ہیں
کتنی پائل کی شوخ جھنکاریں
دل میں چنگاریاں اڑاتی ہیں
کتنی انگڑائیاں دھنک بن کر
خود ابھرتی ہیں ٹوٹ جاتی ہیں
کتنی گل پوش نقرئی بانہیں
دل کو حلقے میں لے کے گاتی ہیں
آج بھی کتنی ان گنت شمعیں
میرے سینے میں جھلملاتی ہیں
اپنے اس جلوہ گر تصور کی
جاں فزا دل کشی سے زندہ ہوں
ان ہی بیتے جوان لمحوں کی
شوخ تابندگی سے زندہ ہوں
یہی یادوں کی روشنی تو ہے
آج جس روشنی سے زندہ ہوں
آؤ میں تم سے اعتراف کروں
میں اسی شاعری سے زندہ ہوں

جاں نثار اختر

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے