Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kirche.n"

Nazm MATCHES FOR "kirche.n"

Nazm

us aangan ka chand

raushniyo.n kii piilii kirche.n puurab pachchhim phail ga.ii.n
tuu ne kis shai ke dhoke me.n patthar par de paTkaa chaa.nd

Ibn۔e۔Insha
Nazm

KHud-kushi

bas ik lamhe kaa jhag.Daa thaa
dar-o-diivaar par aise chhanaake se girii aavaaz jaise kaa.nch girtaa hai
har ik shai me.n ga.ii.n u.Dtii hu.ii, jaltii hu.ii kirche.n
nazar me.n, baat me.n lahje me.n, soch aur saa.ns ke andar
lahuu honaa thaa ik rishte kaa so vo ho gayaa us din!!
usii aavaaz ke Tuk.De uThaa ke farsh se us shab
kisii ne kaaT lii.n nabze.n
na kii aavaaz tak kuchh bhii
ki ko.ii jaag na jaa.e!

Gulzar
Nazm

kirchen

Tuk.Daa ik nazm kaa
din bhar merii saa.nso.n me.n saraktaa hii rahaa
lab pe aayaa to zabaa.n kaTne lagii
daa.nt se pak.Daa to lab chhilne lage
na to phe.nkaa hii gayaa mu.nh se, na niglaa hii gayaa
kaa.nch kaa Tuk.Daa aTak jaa.e halaq me.n jaise

Gulzar
Nazm

aaKHiri khilaune ka matam

mai.n sautelaa beTaa
apne baap kii tiisrii biivii kaa
in tiino.n me.n
pahle merii maa.n aa.ii
phir mai.n aayaa
leTaa baiThaa
kha.Daa hu.aa diivaar paka.D kar
chalnaa jab aayaa to maa.n ko rog lagaa
mere khilaune
saste aur miTTii ke the
sab TuuT ga.e
baarii baarii sab kii KHaatir royaa mai.n
lekin maa.n ke marne par
mai.n royaa nahii.n
TuuTaa thaa
aur bikhraa thaa
jaise mere khilaune TuuTe bikhre the
meraa bachpan
meraa aaKHirii khilaunaa thaa
jis kii kirche.n
ab bhii mujh me.n chubhtii hai.n
aur TuuTne kii aavaaze.n
guu.njtii hai.n

Shakeel Azmi
Nazm

chak-pheri

bachpan kii galiyo.n me.n jin jin gharo.n ke shiishe merii ge.nd se TuuTe the
un sab kii kirche.n kabhii kabhii merii aa.nkho.n me.n chubhne lagtii hai.n
jaltii dopahro.n me.n mere haatho.n uj.De hu.e gho.nslo.n ke behaal parindo.n kii
chiiKHe.n fariyaade.n merii be-ghar shaamo.n me.n kohraam machaatii rahtii hai.n
chaknaachuur dino.n reza reza raato.n me.n so.e hu.e sab KHvaab jagaatii rahtii hai.n
apne KHanjar apne hii siine me.n utarne lagte hai.n
zinda chehre jalte bujhte lamho.n kii aaGosh me.n marne lagte hai.n

Iftikhar Arif
Nazm

kiraya-dar

are aa.o
be-fikr ho ke aa.o
merii zindagii me.n
ghabraa.o nahii.n
ko.ii TuuT-phuuT nahii.n hogii tum se
aa.o to
dar-asl yahaa.n kuchh baaqii hii nahii.n TuuTne ko
haa.n kuchh puraane KHvaabo.n kii kirche.n hai.n
tumhaare aane tak saaf ho jaa.e.ngii
us ke baa'd jo hogaa sab tumhaaraa hii hogaa
jaate vaqt jo kuchh salaamat bache
le jaanaa
KHvaabo.n kii kirche.n gar rah ga.ii.n tumhaare baa'd to sameT ke rakh denaa mere ho.nTho.n pe
muskuraahaTo.n me.n baa.ndh ke

Geetanjali Rai
Nazm

dua

mai.n nazme.n nahii.n kahtii
mai.n du.aa.e.n likhtii huu.n
dard kii kirche.n chuntii huu.n
tere pairo.n kii u.ngliyaa.n sahlaatii huu.n
maathe se bhau.n ke beach
ek chaa.nd tere naam kartii huu.n
ho.nTho.n pe aTke kaa.nch ke Tuk.De chuum kar
KHvaahish kahtii huu.n
tere baa.e.n hisse pe haath rakhkar
kuchh sansanaahaT apnii naso.n me.n bhartii huu.n
aur u.nglii se aasmaan par
mai.n tere liye du.aa.e.n likhtii huu.n

Varsha Gorchhia
Nazm

jadu nagri

zindagii kii talKHiyaa.n naakaamiyaa.n TuuTe hu.e
KHvaabo.n kii kirche.n
roz-o-shab ko muzmahil kar de.n
to mere saath aa.o
zaraa Thahro
mai.n apnii jaaduu-nagrii kii jhalak dikhlaa.uu.n tum ko
vo dekho kis tarah se aasmaa.n ke canvas par baadalo.n kaa raqs hotaa hai
kabhii tum ne ghane jangal me.n shaaKHo.n se Tapakte shabnamii motii nahii.n dekhe
kabhii sarmaa kii rut me.n barf kii chaadar pe bikhrii chaa.nd kii ruupaa nahii.n dekhii
kabhii gandum ke kheto.n me.n ugaa sonaa nahii.n dekhaa
kabhii uu.nchii chaTaano.n kohsaaro.n se ga.ii sadiyo.n ke afsaane sune tum ne
kisii gambhiir saahil se nahii.n dekhaa
ki kaise chiiKHtaa biphraa samundar dhiire dhiire shaant hotaa hai
kabhii ma.asuum bachcho.n kii ha.nsii ke nuqra.ii ghu.ngruu sameTe hai.n
kabhii chaahat ke ho.nTo.n se kisii jalte hu.e maathe ko chuumaa hai
zaraa socho
ki tum ne maa.n kii lorii kii halaavat
KHaandaano.n kii sharaafat
pyaar kii raahat nahii.n paa.ii
zaraa socho
ye saarii jaaduu-nagrii mehrbaa.n duniyaa tumhaarii hai

Azra Naqvi
Nazm

aablon ki kirchen

aur mire paa.nv me.n kirche.n chubh ga.ii.n

Khalid Ghani
Nazm

raat bhar ek sada

sub.h hone ko hai
ko.ii dam me.n ye zaKHmo.n bharii raat kii garm chaadar
ujaale ke saabun me.n dhul kar nikhar aa.egii
har taraf narm-o-naazuk sii KHushiyo.n ke chhii.nTe
kivaa.Do.n ko chhe.De.nge sulaa.e.nge
phuul khil jaa.e.nge
qahqaho.n chahchaho.n kii jvaalaa
syaahii ke dhabbo.n ko khaa jaa.egii
sochtaa huu.n
ye ik tez sii dhaar aisii chamaktii sadaa
jis kii kirche.n mirii ek ik rag me.n
panjo.n ko gaa.De kha.Dii hai.n
kahaa.n jaa.egii
itnii sadiyo.n ke ban-baas ko jhel kar
apne ghar aa.ii naarii se ab kis tarah mai.n kahuu.n
jaa.o
ye ghar to KHushiyo.n kii raanii kaa ghar hai

Wazir Agha
Nazm

buland peDon ke sabz patton mein sath-e-dariya ki silwaTon par

KHunuk havaa jaise kaa.nch kii tez kirche.n rag rag ko chiirtii hai.n
KHunuk havaa jaise talKH mai kaa.enaat ke jism me.n ravaa.n hai

Zia Jalandhari
Nazm

alamiya

aur mai.n ba.Dhtaa gayaa
uu.nchaa uThtaa gayaa
duur parbat pahu.nchaa to guu.ngaa nagar
mujh ko hairat se takne lagaa
sone aakaash se
TuuTe ka.ngan kii kirche.n barasne lagii.n
niiche pagDanDiyo.n par bhii ko.ii na thaa

Wazir Agha
Nazm

mahshar

dil-o-dilbar kii aashufta-sarii hai
dil-o-dilbar kii raaho.n me.n
faqat shiishe kii kirche.n hai.n

Ekram Khawar
Nazm

aabnusi KHayal

aur is saal hamaarii faslo.n ko TiDDiyaa.n khaa gii.n
is saal ham ne nadaamat ke roze rakhe
aur khaate bhii kyaa kuchh thaa hii nahii.n
tamaam paiGambaro.n aur masiihaa.o.n ko jail se rihaa kar diyaa gayaa
38000 paiGambar aur 376 masiihaa
sa.Dko.n par ma.nDlaate rahe aur taqriire.n karte rahe
insaan ke beTo ham sadiyo.n se TuuTii kirche.n chun rahe hai.n
ab in kircho.n se tumhaare liye ek na.ii kaa.inaat kii taKHliiq kare.nge
aur tumhaare haatho.n se ajnabii aslaha le kar phir se tumhe.n patthar de de.nge

Ain Rashid
Nazm

na-ashnai

zehn ke chaukhaTe me.n ik tasviir
is tarah numaayaa.n thii
jaise taaro.n ke darmiyaa.n mahtaab
jaise phuulo.n ke biich surKH gulaab
dekhte dekhte magar ik din
chaukhaTaa gir ke chuur chuur hu.aa
aur
kirche.n shiishe kii
masKH chehre ko kar ga.ii.n is tarah
jaise mai.n aashnaa nahii.n us se

Alqama Shibli
Nazm

meri aankhen zaKHmi hain

mai.n ne laakho.n sapne dekhe
kaa.nch se naazuk
dhanak se rangiin
lekin aaKHir rafta rafta
kirche.n kirche.n
reza reza
kaa.nch se sapne
aa.nkho.n me.n hii Tuut ga.e

Seemin Barlas
Nazm

KHamosh aawaz

jhilmil jhilmil kirne.n aa.ii.n
mujh ko chandan-haar pahnaane
jagmag jagmag taare aa.e
phir se merii maa.ng sajaane

Jan Nisar Akhtar
Nazm

bhuk

aa.nkh khul ga.ii merii
ho gayaa mai.n phir zinda
peT ke a.ndhero.n se
zehn ke dhundalko.n tak
ek saa.np ke jaisaa
re.ngtaa KHayaal aayaa
aaj tiisraa din hai…… aaj tiisraa din hai
ik ajiib KHaamoshii
munjamid hai kamre me.n
ek farsh aur ik chhat
aur chaar diivaare.n
mujh se be-ta.alluq sab
sab mire tamaashaa.ii
saamne kii khi.Dkii se
tez dhuup kii kirne.n
aa rahii hai.n bistar par
chubh rahii hai.n chehre me.n
is qadar nukiilii hai.n
jaise rishte-daaro.n ke
tanz merii Gurbat par
aa.nkh khul ga.ii merii
aaj khokhlaa huu.n mai.n
sirf KHol baaqii hai
aaj mere bistar me.n
leTaa hai miraa Dhaa.ncha
apnii murda aa.nkho.n se
dekhtaa hai kamre ko
aaj tiisraa din hai
aaj tiisraa din hai

Javed Akhtar
Nazm

suna hai maine

galii me.n jaatii ho
jaate hii lauT aatii ho
kahii.n kii chiiz
kahii.n rakh ke bhuul jaatii ho
kitchen me.n!
roz ko.ii pyaalii to.D detii ho
masaala piis kar
sil yuu.nhii chho.D detii ho
nasiihato.n se KHafaa
mashvaro.n se uljhan sii
kamar me.n dard kii lahre.n
rago.n me.n ai.nThan sii

Nida Fazli
Nazm

raushniyan

aaj bhii kitnii an-ginat sham.e.n
mere siine me.n jhilmilaatii hai.n
kitne aariz kii jhalkiyaa.n ab tak
dil me.n siimii.n varaq luTaatii hai.n
kitne hiiraa-taraash jismo.n kii
bijliyaa.n dil me.n kau.nd jaatii hai.n
kitnii taaro.n se KHush-numaa aa.nkhe.n
merii aa.nkho.n me.n muskuraatii hai.n
kitne ho.nTo.n kii gul-fishaa.n aa.nche.n
mere ho.nTo.n me.n sansanaatii hai.n
kitnii shab-taab reshmii zulfe.n
mere baazuu pe sarsaraatii hai.n
kitnii KHush-ra.ng motiyo.n se bharii
baaliyaa.n dil me.n TimTimaatii hai.n
kitnii gorii kalaa.iyo.n kii lave.n
dil ke gosho.n me.n jagmagaatii hai.n
kitnii ra.ngii.n hatheliyaa.n chhup kar
dhiime dhiime ka.nval jalaatii hai.n
kitnii aa.nchal se phuuTtii kirne.n
mere pahluu me.n rasmasaatii hai.n
kitnii paayal kii shoKH jhankaare.n
dil me.n chi.ngaariyaa.n u.Daatii hai.n
kitnii a.ng.Daa.iyaa.n dhanak ban kar
KHud ubhartii hai.n TuuT jaatii hai.n
kitnii gul-posh naqra.ii baa.nhe.n
dil ko halqe me.n le ke gaatii hai.n
aaj bhii kitnii an-ginat sham.e.n
mere siine me.n jhilmilaatii hai.n
apne is jalva-gar tasavvur kii
jaa.n-fazaa dilkashii se zinda huu.n
in hii biite javaan lamho.n kii
shoKH-taabindagii se zinda huu.n
yahii yaado.n kii raushnii to hai
aaj jis raushnii se zinda huu.n
aa.o mai.n tum se e'tiraaf karuu.n
mai.n isii shaa.irii se zinda huu.n

Jan Nisar Akhtar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now