کی تلاش کا نتیجه | موضو - نظم, صفحہ koraa

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "koraa"

نظم کے متعلقہ نتیجہ "koraa"

نظم

گردن میں چندن ہار ہے ہاتھوں میں ہے کنگن
امڈے ہوئے عشوے ہیں گرجتا ہوا جوبن
جولاں ہے جوانی کے دھندلکے میں لڑکپن
کورا ہے جو پنڈا تو جنوں خیز ہے ابٹن
گل رنگ شلوکا ہے قبا ناردنی ہے
کیا گل بدنی گل بدنی گل بدنی ہے

جوش ملیح آبادی

نظم

ہم کس دکھ سے اپنے مکان فروخت کرتے ہیں
اور بھوک کے لئے چیونٹی بھر آٹا خریدتے ہیں
ہمیں بند کمروں میں کیوں پرو دیا گیا ہے
ایک دن کی عمر والے تو ابھی دروازہ تاک رہے ہیں
چال لہو کی بوند بوند مانگ رہی ہے
کسی کو چرانا ہو تو سب سے پہلے اس کے قدم چراؤ
تم چیتھڑے پر بیٹھے زبان پہ پھول ہو
اور آواز کور سی کور
انسان کا پیالہ سمندر کے پیالے سے مٹی نکالتا ہے
مٹی کے سانپ بناتا ہے اور بھوک پالتا ہے
تنکے جب شعاعوں کی پیاس نہ بجھا سکے تو آگ لگی
میں نے آگ کو دھویا اور دھوپ کو سکھایا
سورج جو دن کا سینہ جلا رہا تھا
آسمانی رنگ سے بھر دیا
اب آسمان کی جگہ کورا کاغذ بچھا دیا گیا
لوگ موسم سے دھوکا کھانے لگے
پھر ایک آدمی کو توڑ کر میں نے سورج بنایا
لوگوں کی پوریں کنویں میں بھر دیں
اور آسمان کو دھاگہ کیا
کائنات کو نئی کروٹ نصیب ہوئی
لوگوں نے اینٹوں کے مکان بنانا چھوڑ دئے
آنکھوں کی زبان درازی رنگ لائی
اب ایک قدم پہ دن اور ایک قدم پہ رات ہوتی
حال جرأت گذشتہ ہے
آ تیرے بالوں سے شعاعوں کے الزام اٹھا لوں
تم اپنی صورت پہاڑ کی کھوہ میں اشارہ کر آئے
کند ہواؤں کا اعتراف ہے
سفر ایڑی پہ کھڑا ہوا
سمندر اور مٹی نے رونا شروع کر دیا ہے
بیلچے اور بازو کو دو بازو تصور کرنا
سورج آسمان کے کونے کے ساتھ لٹکا ہوا تھا
اور اپنی شعاعیں اپنے جسم کے گرد لپیٹ رکھی تھیں
میں نے خالی کمرے میں معافی رکھی
اور میرا سینہ دوسروں کے دروازے پر دھڑکتا رہا

سارا شگفتہ

نظم

تیرا چہرہ سادہ کاغذ
ہے تأثر کورا کورا
داغ ہے کوئی نہ کوئی نقش ہے!
کیوں یہ کھڑکی بند ہے؟

عمیق حنفی

نظم

وہ ایک لڑکی
جو کورا برتن تھی
جس کا فاتح ہی اس کا مفتوح
وہ کورا برتن
کہ جس کو جینے کا لمس دینے کی اندھی خواہش
ہمیشہ وصل نفی کی صورت میں
اپنے فاتح کو مارتی ہے

ن م دانش

نظم

کس کو اپنا مانوں آخر
کس مکھ پر اپنا نام لکھوں
یہ جیون اک کورا کاغذ
اب کس کو کیا پیغام لکھوں

نصیر پرواز

نظم

ہم سارے اسکول کے بچے
چڑیا گھر کی سیر کو پہنچے
اس کا ہر اک راز نیا ہے
جنگل کا انداز نیا ہے
نیولا چوہا بندر دیکھا
لومڑ گھوڑا کتا دیکھا
جنگل کے راجا کو دیکھا
پنجرے میں بے چارہ بیٹھا
ساتھ ہی اک تالاب بڑا تھا
اس میں مگرمچھ ایک پڑا تھا
چھوٹے چھوٹے ساتھ تھے پھرتے
اک دوجے پر آ آ گرتے
دور سے اک چنگھاڑ سی آئی
ہاتھی نے پھر شکل دکھائی
کنگارو بھی ہم نے دیکھا
اود بلاؤ بھی اچھا تھا
دیکھا ہم نے بھالو آیا
گھوم رہا تھا کالا سایا
کالا تھا یا گورا گورا
عقل سے لیکن تھا وہ کورا
ریچھ عجب انداز سے آئے
آ کر اچھے ناچ دکھائے
گینڈے کی بھی بات عجب ہے
ڈھال عجب ہے چال عجب ہے
آہوئے تاتار بھی دیکھا
بارہ سنگا ساتھ وہیں تھا
بندر کے اوصاف کو دیکھا
ہم نے پھر زراف کو دیکھا
سارس مور اور سانپ جہاں تھے
بکری اور خرگوش وہاں تھے
طوطا مینا تیتر کوا
اور تھی رنگا رنگ کی چڑیا
باز بھی دیکھا چیل بھی دیکھی
ہم نے تو ابابیل بھی دیکھی
ان سے ہم نے لطف اٹھایا
ان کو دیکھ کے دل بہلایا
دیکھ کے چڑیا گھر جب آئے
دل میں خوشی کے پھول کھلے تھے

بیتاب علی پوری

نظم

قوس قزح سے پیراہن میں سندر سندر جسم
ہونٹوں کی پھسلن پر گرتا پڑتا کورا اسم

الیاس بابر اعوان

نظم

میں ایک کورا کاغذ
جس پر ہر دو نسلوں نے اپنی کہانی لکھی
یا ایک درخت
جس کے سایہ میں بیٹھے لوگوں نے
اس کے پتوں کو نوچا
کبھی نہ سوچا
سایہ دینے والے کو بھی سایہ اچھا لگتا ہوگا
میں ایک کوئل
جو آواز کا جادو بانٹے
یا پھر بادل
جو بنا تفریق کئے برس جائے
یا پھر پاگل
جو کچھ نہ سمجھے
جس کے ذہن میں ایک خزانہ اور دل خالی
جس کا بدن ہے بوڑھا اور دل بچہ
جس کے پاس نہ دھن نہ دولت
نہ ہی ندامت
کیونکہ میں ہاتھ ہوں دینے والا
میں پھیلا ہاتھ نہیں ہوں

آصفہ نشاط

نظم

ساون
تیری بھیگی پلکیں
جھکی ہوئی اچھی لگتی ہیں
ٹپ ٹپ گرتی نرمل بوندیں
شب بھر ٹین کی ٹھنڈی چھت پر
نازک سی پوروں سے ٹائپ کرتی ہوئی
اچھی لگتی ہیں
گئے دنوں کے نام
معطر خط لکھتی اچھی لگتی ہیں
چھت کے نیلے کاغذ کے نیچے میں خود بھی
جیسے اک میلا سا کورا کاغذ ہوں
میرے بدن پر
پوروں کی میٹھی ضربوں سے
لفظوں کے سائے اترے ہیں
خط کے سارے شبد مجھے پہچان گئے ہیں
کیا لکھا ہے
کیا جانوں میں کیا لکھا ہے
کون سی ایسی انہونی سی بات تھی جس نے
برسوں پہلے
نہ کہنے کے پلو سے خود کو باندھا تھا
اور پھر دل کی ڈولی میں محبوس ہوئی تھی
اتنے لمبے بوجھل سالوں
خود سے بھی وہ چھپی رہی تھی
آج اسے کس مجبوری نے
لفظوں کے لب چھو لینے پر اکسایا ہے
گئے دنوں کے نام یہ نامہ لکھوایا ہے
ساون کا یہ آخری دن ہے
کل جب بھادوں آ جائے گا
ٹین کی چھت پر اپنے اجلے پر پھیلانا
آنے والی سرخ رتوں کے
خوابوں میں جب کھو جائے گا
سب آوازیں تھم جائیں گی
پلکیں تھک کر سو جائیں گی
گئے دنوں کا نام
منوں مٹی کے نیچے دب جائے گا
اگلا ساون کب آئے گا

وزیر آغا

نظم

وہ ایک لڑکی
جو کورا برتن تھی
جس کا فاتح ہی اس کا مفتوح
وہ کورا برتن
کہ جس کو جینے کا لمس دینے کی اندھی خواہش
ہمیشہ وصل نفی کی صورت میں
اپنے فاتح کو مارتی ہے

ن م دانش

نظم

ساقی پلا شراب نیا سال آ گیا
روشن ہو آفتاب نیا سال آ گیا
کورا نہ دے جواب نیا سال آ گیا
ہاں ہاں چکا حساب نیا سال آ گیا
لے دام دام ہاتھ میں باقی شراب دے
ساقی شراب دے ہمیں ساقی شراب دے

چندر بھان کیفی دہلوی

نظم

ی تک پڑھی ہوئی ساری کتابیں
دیکھی ہوئی تمام دنیا بلکہ دنیائیں
اندر سے باہر کے تمام تجربات
ماضی کا حصہ ہیں
تاریخ بن چکے ہیں
یہاں سے آگے سفر نیا ہے بالکل نیا
کاغذ کورا ہے بالکل کورا
بلکہ تمام کاغذ کورے ہیں بالکل کورے
تحریر منتظر ہے
نقطۂ آغاز سے بلکہ موہوم ہے
ہندسۂ یکم ہے بلکہ صفر ہے
حرف الف ہے
بلکہ اک نیا الف ہے

پرتپال سنگھ بیتاب

نظم

پڑھنے کے بعد
پھر سے ہو گیا کورا
کاغذ

نثار راہی

نظم

سب ستارے چاند سورج پھول پھل گئے
کب کہاں اور کون کے سب سلسلے اب ختم ہیں
وقت پر موت آ گئی موسم بدل گئے
وقت کا لمحۂ فانی لے گیا سب روشنی اور رنگ و بو
اب نہ پیالہ ہے نہ پانی
ایک کورا آسماں ہے
بے در و دیوار روزن اور بے نام و نشاں
شکل اور شیشے کی آرائش کا منظر بھی نہیں
نور کی نظریں بھی پتھر ہو گئیں
اب رہو تم منتظر
خاک و خوں کی چاشنی میں کون اب لائے گا وصل و ہجر کے موسم یہاں
اب وہ گم گشتہ خزینوں کی خبر
پھول کی پتی میں لرزاں پھر نہ دیکھو گے کبھی
یہ خیال و خواب کی خاکستری خبروں کے دن
اور خوابیدہ نشے میں لوٹتی راتوں کی بتیاں گل ہوئیں
خاک داں سب جل بجھے
خون کی ہولی کے کھیل
تیری میری ضد کے سارے میل جول
وصل کی سب قربتیں اور ہجر کے سب فاصلے
سب صدائیں اور صدیاں موسموں کے قافلے
ڈھل ڈھلا کر رنگ کی آمیزشوں کے سائے میں
تیرے میرے سر سے سارے وار کر
چاندنی اور دھوپ کے ان نقرئی سکوں کا روپ
لے اڑے ہیں کاغذی پیراہنوں کے دوش پر
تیری میری کلفتوں اور الفتوں کی داستاں
قافلوں کا وقت اب باقی نہیں
چھوڑ دو پیمائش سود و زیاں
دور اب ریگ رواں کا ختم ہے
وقت کا وقفہ نیا آئے گا بھی
پھر بساط دل بچھائیں گے نئی
پھر کھلے گا موسم گل بھی نیا
باندھ رکھ رخت سفر
اے ہم سفر
میں وہی مشت غبار رہگزر
ہوں منتظر

غالب احمد

نظم

ہم امن چاہتے ہیں مگر ظلم کے خلاف
گر جنگ لازمی ہے تو پھر جنگ ہی سہی
ظالم کو جو نہ روکے وہ شامل ہے ظلم میں
قاتل کو جو نہ ٹوکے وہ قاتل کے ساتھ ہے
ہم سر بکف اٹھے ہیں کہ حق فتح یاب ہو
کہہ دو اسے جو لشکر باطل کے ساتھ ہے
اس ڈھنگ پر ہے زور تو یہ ڈھنگ ہی سہی
ظالم کی کوئی ذات نہ مذہب نہ کوئی قوم
ظالم کے لب پہ ذکر بھی ان کا گناہ ہے
پھلتی نہیں ہے شاخ ستم اس زمین پر
تاریخ جانتی ہے زمانہ گواہ ہے
کچھ کور باطنوں کی نظر تنگ ہی سہی
یہ زر کی جنگ ہے نہ زمینوں کی جنگ ہے
یہ جنگ ہے بقا کے اصولوں کے واسطے
جو خون ہم نے نذر دیا ہے زمین کو
وہ خون ہے گلاب کے پھولوں کے واسطے
پھوٹے گی صبح امن لہو رنگ ہی سہی

ساحر لدھیانوی

نظم

قلب و نظر کی زندگی دشت میں صبح کا سماں
چشمۂ آفتاب سے نور کی ندیاں رواں!
حسن ازل کی ہے نمود چاک ہے پردۂ وجود
دل کے لیے ہزار سود ایک نگاہ کا زیاں!
سرخ و کبود بدلیاں چھوڑ گیا سحاب شب!
کوہ اضم کو دے گیا رنگ برنگ طیلساں!
گرد سے پاک ہے ہوا برگ نخیل دھل گئے
ریگ نواح کاظمہ نرم ہے مثل پرنیاں
آگ بجھی ہوئی ادھر، ٹوٹی ہوئی طناب ادھر
کیا خبر اس مقام سے گزرے ہیں کتنے کارواں
آئی صدائے جبرئیل تیرا مقام ہے یہی
اہل فراق کے لیے عیش دوام ہے یہی
کس سے کہوں کہ زہر ہے میرے لیے مئے حیات
کہنہ ہے بزم کائنات تازہ ہیں میرے واردات!
کیا نہیں اور غزنوی کارگہ حیات میں
بیٹھے ہیں کب سے منتظر اہل حرم کے سومنات!
ذکر عرب کے سوز میں، فکر عجم کے ساز میں
نے عربی مشاہدات، نے عجمی تخیلات
قافلۂ حجاز میں ایک حسین بھی نہیں
گرچہ ہے تاب دار ابھی گیسوئے دجلہ و فرات!
عقل و دل و نگاہ کا مرشد اولیں ہے عشق
عشق نہ ہو تو شرع و دیں بتکدۂ تصورات!
صدق خلیل بھی ہے عشق صبر حسین بھی ہے عشق!
معرکۂ وجود میں بدر و حنین بھی ہے عشق!
آیۂ کائنات کا معنئ دیر یاب تو!
نکلے تری تلاش میں قافلہ ہائے رنگ و بو!
جلوتیان مدرسہ کور نگاہ و مردہ ذوق
جلوتیان میکدہ کم طلب و تہی کدو!
میں کہ مری غزل میں ہے آتش رفتہ کا سراغ
میری تمام سرگزشت کھوئے ہوؤں کی جستجو!
باد صبا کی موج سے نشو و نمائے خار و خس!
میرے نفس کی موج سے نشو و نمائے آرزو!
خون دل و جگر سے ہے میری نوا کی پرورش
ہے رگ ساز میں رواں صاحب ساز کا لہو!
فرصت کشمکش میں ایں دل بے قرار را
یک دو شکن زیادہ کن گیسوئے تابدار را
لوح بھی تو، قلم بھی تو، تیرا وجود الکتاب!
گنبد آبگینہ رنگ تیرے محیط میں حباب!
عالم آب و خاک میں تیرے ظہور سے فروغ
ذرۂ ریگ کو دیا تو نے طلوع آفتاب!
شوکت سنجر و سلیم تیرے جلال کی نمود!
فقر جنیدؔ و بایزیدؔ تیرا جمال بے نقاب!
شوق ترا اگر نہ ہو میری نماز کا امام
میرا قیام بھی حجاب !میرا سجود بھی حجاب!
تیری نگاہ ناز سے دونوں مراد پا گئے
عقل، غیاب و جستجو! عشق، حضور و اضطراب!
تیرہ و تار ہے جہاں گردش آفتاب سے!
طبع زمانہ تازہ کر جلوۂ بے حجاب سے!
تیری نظر میں ہیں تمام میرے گزشتہ روز و شب
مجھ کو خبر نہ تھی کہ ہے علم تخیل بے رطب!
تازہ مرے ضمیر میں معرکۂ کہن ہوا!
عشق تمام مصطفی! عقل تمام بو لہب!
گاہ بحیلہ می برد، گاہ بزور می کشد
عشق کی ابتدا عجب عشق کی انتہا عجب!
عالم سوز و ساز میں وصل سے بڑھ کے ہے فراق
وصل میں مرگ آرزو! ہجر میں لذت طلب!
عین وصال میں مجھے حوصلۂ نظر نہ تھا
گرچہ بہانہ جو رہی میری نگاہ بے ادب!
گرمئ آرزو فراق! شورش ہائے و ہو فراق!
موج کی جستجو فراق! قطرہ کی آبرو فراق!

علامہ اقبال

نظم

فسوں کارہ نگارا نو بہارا آرزو آرا
بھلا لمحوں کا میری اور تمہاری خواب پرور
آرزو مندی کی سرشاری سے کیا رشتہ
ہماری باہمی یادوں کی دل داری سے کیا رشتہ
مجھے تم اپنی بانہوں میں جکڑ لو اور میں تم کو
یہاں اب تیسرا کوئی نہیں یعنی محبت بھی

جون ایلیا

نظم

بیٹھے بے فکر کیا ہو ہم وطنو
اٹھو اہل وطن کے دوست بنو
مرد ہو تم کسی کے کام آؤ
ورنہ کھاؤ پیو چلے جاؤ
جب کوئی زندگی کا لطف اٹھاؤ
دل کو دکھ بھائیوں کے یاد دلاؤ
پہنو جب کوئی عمدہ تم پوشاک
کرو دامن سے تا گریباں چاک
کھانا کھاؤ تو جی میں تم شرماؤ
ٹھنڈا پانی پیو تو اشک بہاؤ
کتنے بھائی تمہارے ہیں نادار
زندگی سے ہے جن کا دل بیزار
نوکروں کی تمہارے جو ہے غذا
ان کو وہ خواب میں نہیں ملتا
جس پہ تم جوتیوں سے پھرتے ہو
واں میسر نہیں وہ اوڑھنے کو
کھاؤ تو پہلے لو خبر ان کی
جن پہ بپتا ہے نیستی کی پڑی
پہنو تو پہلے بھائیوں کو پہناؤ
کہ ہے اترن تمہاری جن کا بناؤ
ایک ڈالی کے سب ہیں برگ و ثمر
ہے کوئی ان میں خشک اور کوئی تر
سب کو ہے ایک اصل سے پیوند
کوئی آزردہ ہے کوئی خورسند
مقبلو! مدبروں کو یاد کرو
خوش دلو غم زدوں کو شاد کرو
جاگنے والے غافلوں کو جگاؤ
تیرنے والو ڈوبتوں کو تراؤ
ہیں ملے تم کو چشم و گوش اگر
لو جو لی جائے کور و کر کی خبر
تم اگر ہاتھ پاؤں رکھتے ہو
لنگڑے لولوں کو کچھ سہارا دو
تندرستی کا شکر کیا ہے بتاؤ
رنج بیمار بھائیوں کا ہٹاؤ
تم اگر چاہتے ہو ملک کی خیر
نہ کسی ہم وطن کو سمجھو غیر
ہو مسلمان اس میں یا ہندو
بودھ مذہب ہو یا کہ ہو برہمو
جعفری ہووے یا کہ ہو حنفی
جین مت ہووے یا ہو ویشنوی
سب کو میٹھی نگاہ سے دیکھو
سمجھو آنکھوں کی پتلیاں سب کو
ملک ہیں اتفاق سے آزاد
شہر ہیں اتفاق سے آباد
ہند میں اتفاق ہوتا اگر
کھاتے غیروں کی ٹھوکریں کیوں کر
قوم جب اتفاق کھو بیٹھی
اپنی پونجی سے ہات دھو بیٹھی
ایک کا ایک ہو گیا بد خواہ
لگی غیروں کی پڑنے تم پہ نگاہ
پھر گئے بھائیوں سے جب بھائی
جو نہ آنی تھی وہ بلا آئی
پاؤں اقبال کے اکھڑنے لگے
ملک پر سب کے ہاتھ پڑنے لگے
کبھی تورانیوں نے گھر لوٹا
کبھی درانیوں نے زر لوٹا
کبھی نادر نے قتل عام کیا
کبھی محمود نے غلام کیا
سب سے آخر کو لے گئی بازی
ایک شائستہ قوم مغرب کی
یہ بھی تم پر خدا کا تھا انعام
کہ پڑا تم کو ایسی قوم سے کام
ورنہ دم مارنے نہ پاتے تم
پڑتی جو سر پہ وہ اٹھاتے تم
ملک روندے گئے ہیں پیروں سے
چین کس کو ملا ہے غیروں سے

الطاف حسین حالی

نظم

برف پگھلے گی جب پہاڑوں سے
اور وادی سے کہرا سمٹے گا
بیج انگڑائی لے کے جاگیں گے
اپنی السائی آنکھیں کھولیں گے
سبزہ بہہ نکلے گا ڈھلانوں پر

گلزار

نظم

کس زباں سے کہہ رہے ہو آج تم سوداگرو
دہر میں انسانیت کے نام کو اونچا کرو
جس کو سب کہتے ہیں ہٹلر بھیڑیا ہے بھیڑیا
بھیڑیے کو مار دو گولی پئے امن و بقا
باغ انسانی میں چلنے ہی پہ ہے باد خزاں
آدمیت لے رہی ہے ہچکیوں پر ہچکیاں
ہاتھ ہے ہٹلر کا رخش خود سری کی باگ پر
تیغ کا پانی چھڑک دو جرمنی کی آگ پر
سخت حیراں ہوں کہ محفل میں تمہاری اور یہ ذکر
نوع انسانی کے مستقبل کی اب کرتے ہو فکر
جب یہاں آئے تھے تم سوداگری کے واسطے
نوع انسانی کے مستقبل سے کیا واقف نہ تھے
ہندیوں کے جسم میں کیا روح آزادی نہ تھی
سچ بتاؤ کیا وہ انسانوں کی آبادی نہ تھی
اپنے ظلم بے نہایت کا فسانہ یاد ہے
کمپنی کا پھر وہ دور مجرمانہ یاد ہے
لوٹتے پھرتے تھے جب تم کارواں در کارواں
سر برہنہ پھر رہی تھی دولت ہندوستاں
دست کاروں کے انگوٹھے کاٹتے پھرتے تھے تم
سرد لاشوں سے گڈھوں کو پاٹتے پھرتے تھے تم
صنعت ہندوستاں پر موت تھی چھائی ہوئی
موت بھی کیسی تمہارے ہات کی لائی ہوئی
اللہ اللہ کس قدر انصاف کے طالب ہو آج
میر جعفرؔ کی قسم کیا دشمن حق تھا سراجؔ
کیا اودھ کی بیگموں کا بھی ستانا یاد ہے
یاد ہے جھانسی کی رانی کا زمانہ یاد ہے
ہجرت سلطان دہلی کا سماں بھی یاد ہے
شیر دل ٹیپوؔ کی خونیں داستاں بھی یاد ہے
تیسرے فاقے میں اک گرتے ہوئے کو تھامنے
کس کے تم لائے تھے سر شاہ ظفر کے سامنے
یاد تو ہوگی وہ مٹیا برج کی بھی داستاں
اب بھی جس کی خاک سے اٹھتا ہے رہ رہ کر دھواں
تم نے قیصر باغ کو دیکھا تو ہوگا بارہا
آج بھی آتی ہے جس سے ہائے اخترؔ کی صدا
سچ کہو کیا حافظے میں ہے وہ ظلم بے پناہ
آج تک رنگون میں اک قبر ہے جس کی گواہ
ذہن میں ہوگا یہ تازہ ہندیوں کا داغ بھی
یاد تو ہوگا تمہیں جلیانوالا باغ بھی
پوچھ لو اس سے تمہارا نام کیوں تابندہ ہے
ڈائرؔ گرگ دہن آلود اب بھی زندہ ہے
وہ بھگتؔ سنگھ اب بھی جس کے غم میں دل ناشاد ہے
اس کی گردن میں جو ڈالا تھا وہ پھندا یاد ہے
اہل آزادی رہا کرتے تھے کس ہنجار سے
پوچھ لو یہ قید خانوں کے در و دیوار سے
اب بھی ہے محفوظ جس پر طنطنہ سرکار کا
آج بھی گونجی ہوئی ہے جن میں کوڑوں کی صدا
آج کشتی امن کے امواج پر کھیتے ہو کیوں
سخت حیراں ہوں کہ اب تم درس حق دیتے ہو کیوں
اہل قوت دام حق میں تو کبھی آتے نہیں
''بینکی'' اخلاق کو خطرے میں بھی لاتے نہیں
لیکن آج اخلاق کی تلقین فرماتے ہو تم
ہو نہ ہو اپنے میں اب قوت نہیں پاتے ہو تم
اہل حق روشن نظر ہیں اہل باطن کور ہیں
یہ تو ہیں اقوال ان قوموں کے جو کمزور ہیں
آج شاید منزل قوت میں تم رہتے نہیں
جس کی لاٹھی اس کی بھینس اب کس لئے کہتے نہیں
کیا کہا انصاف ہے انساں کا فرض اولیں
کیا فساد و ظلم کا اب تم میں کس باقی نہیں
دیر سے بیٹھے ہو نخل راستی کی چھاؤں میں
کیا خدا ناکردہ کچھ موچ آ گئی ہے پاؤں میں
گونج ٹاپوں کی نہ آبادی نہ ویرانے میں ہے
خیر تو ہے اسپ تازی کیا شفا خانے میں ہے
آج کل تو ہر نظر میں رحم کا انداز ہے
کچھ طبیعت کیا نصیب دشمناں ناساز ہے
سانس کیا اکھڑی کہ حق کے نام پر مرنے لگے
نوع انساں کی ہوا خواہی کا دم بھرنے لگے
ظلم بھولے راگنی انصاف کی گانے لگے
لگ گئی ہے آگ کیا گھر میں کہ چلانے لگے
مجرموں کے واسطے زیبا نہیں یہ شور و شین
کل یزیدؔ و شمرؔ تھے اور آج بنتے ہو حسینؔ
خیر اے سوداگرو اب ہے تو بس اس بات میں
وقت کے فرمان کے آگے جھکا دو گردنیں
اک کہانی وقت لکھے گا نئے مضمون کی
جس کی سرخی کو ضرورت ہے تمہارے خون کی
وقت کا فرمان اپنا رخ بدل سکتا نہیں
موت ٹل سکتی ہے اب فرمان ٹل سکتا نہیں

جوش ملیح آبادی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے