کی تلاش کا نتیجه | موضو - نظم, صفحہ sip

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "sip"

نظم کے متعلقہ نتیجہ "sip"

نظم

میں نے چاہا تھا اسے روح کی راحت کے لیے
آج وہ جان کا آزار بنی بیٹھی ہے
میری آنکھوں نے جسے پھول سے نازک سمجھا
اب وہ چلتی ہوئی تلوار بنی بیٹھی ہے
ہم سفر بن کے جسے ناز تھا ہم راہی پر
رہزنوں کی وہ طرفدار بنی بیٹھی ہے
کسی افسانے کا کردار بنی بیٹھی ہے
اس کی معصومیت دل پہ بھروسہ تھا مجھے
عزم سیتا کی قسم عصمت مریم کی قسم
یاد ہیں اس کے وہ ہنستے ہوئے آنسو مجھ کو
خندۂ گل کی قسم گریۂ شبنم کی قسم
اس نے جو کچھ بھی کہا میں نے وہی مان لیا
حکم حوا کی قسم جذبۂ آدم کی قسم
پاک تھی روح مری چشمۂ زمزم کی قسم
میں نے چاہا تھا اسے دل میں چھپا لوں ایسے
جسم میں جیسے لہو سیپ میں جیسے موتی
عمر بھر میں نہ جھپکتا کبھی اپنی آنکھیں
میرے زانوں پہ وہ سر رکھ کے ہمیشہ سوتی
شمع یک شب تو سمجھتا ہے اسے ایک جہاں
کاش ہو جاتی وہ میرے لیے جیون جوتی
در بدر اس کی تمازت نہ پریشاں ہوتی
میں اسے لے کے بہت دور نکل جاؤں مگر
وہ مری راہ میں دیوار بنی بیٹھی ہے
زندگی بھر کی پرستش اسے منظور نہیں
وہ تو لمحوں کی پرستار بنی بیٹھی ہے
میں نے چاہا تھا اسے روح کی راحت کے لیے
وہ مگر جان کا آزار بنی بیٹھی ہے
کسی افسانے کا کردار بنی بیٹھی ہے

قتیل شفائی

نظم

جو پڑھنے بیٹھو تو آنکھ مہکے
وہ اچھے لفظوں کی ڈایری ہے
ہزار غزلوں کا ترجماں ہے
وہ اس کا چہرہ تو شاعری ہے
جو دیکھو مدھم سی روشنی میں
گماں یہ گزرے کہ چاند اترے
جھکا کے نظریں جو ہنس دے اک پل
ہزاروں لاکھوں ستارے بکھریں

اشفاق احمد صائم

نظم

چھوٹے چھوٹے ہوٹلوں میں شہر کے
مضطرب دل کی تسلی کے لیے
آنے والے کل کے منصوبوں میں گم
چند انساں
چائے سپ کرتے ہوئے
پی رہے ہیں
سارے دن کی تلخیاں

اسعد بدایونی

نظم

چائے کا ایک سپ
لگاتے ہی
اس کے ہونٹوں کی
یاد تازہ ہوئی
کپ بورڈ میں رکھے
سلیقے سے چائے کے
کپس جن پہ
اس نے اپنے
ہونٹوں کے لمس
یہ کہہ کر چھوڑے تھے
کہ سنو جاناں
انہیں تم جب بھی
اپنے خوبصورت
ہونٹوں سے لگاؤ گے
مجھے اپنی سانسوں
میں پاؤ گے

اسلم نور اسلم

نظم

یاد ہے اس نے مجھ سے کہا تھا
جاناں
بیٹھو
آج بڑے دن بعد آئی ہو
شاید تم تو ان گلیوں کو ان رستوں کو دروازوں کو
اک مدت سے بھول چکی ہو
رشتوں کے دروازوں سے دروازے ملتے ہیں
اور دیواریں دیواروں سے
آنکھوں سے اوجھل ہونے سے
رشتے کم نہیں پڑ جاتے
اس نے کہا پھر
بیٹھو جاناں چائے پیو گی
آج تمہیں میں اپنے ہاتھ کی چائے لا کر دیتا ہوں
پی کر مجھے بتانا تم
کیسی ہے یہ
جانتی ہو نا مجھے
بھلکڑ سا ہوں میں
چیزیں اکثر رکھ کر کہیں پہ بھی
کھو جاتا ہوں
سوچوں میں گم ہو جاتا ہوں
یاد نہیں رہتا ہے اکثر
چینی ڈالی ہے یا پھیکی
لیکن چھوڑو میری گمشدگی کی باتیں
چائے پی کر بتلانا تم
اس میں میٹھا کم یا زیادہ
یا پھیکی ہے
میٹھا ڈالنا بھول گیا ہوں
یا پھر
اس کے چہرے پر آئی
اس ایک تمنا کی وہ رنگت
شادابی میں دیکھ رہی تھی
اس کی آنکھیں میرے لبوں سے
داد طلب تھیں
اس کی آنکھیں ڈھونڈ رہی تھیں جانے کیا
میری آنکھوں میں
اس نے کہا پھر
جاناں
چائے میٹھی ہوئی تو تم جیسی ہے
پھیکی ہوئی تو مجھ جیسی
ہنستے ہنستے چائے کا پھر سپ لیا میں نے
اس کا دھیان بٹا کر
پھر باتوں باتوں میں میں نے
اس کا کپ بھی پی ڈالا
اس چہرے کی شادابی
کے مرجھانے سے پہلے پہلے
اس اک پھول کے کمہلانے سے پہلے پہلے
چاہت کے موسم کی سرحد
میٹھے پھیکے
دو لفظوں کی دوری پر ہے

جاناں ملک

نظم

وہ خاموش تھی
اپنے دوزخ میں جلتی ہوئی
نیلگوں پانیوں کے شکنجے میں جکڑی ہوئی
اک مچلتی ہوئی موج مہتاب کی سمت لپکی
مگر
ریت پر آ گری سیپ اگلتی ہوئی
خامشی کے بھنور سے نکلتی ہوئی
وہ ہنسی اور ہنسی
بریزیر میں سے باہر پھسلتی ہوئی
اب وہ لڑکی نہیں صرف انگڑائی تھی
اک توانائی تھی
نیم وا آنکھ میں کسمساتی ہوئی
ہاتھ ملتی ہوئی
اک سمندر تھا بپھرا ہوا
اک شب تھی نہ ڈھلتی ہوئی

جاوید انور

نظم

کوئی افسانہ کسی ٹوٹی ہوئی مضراب کا
فصل گل میں رائیگاں عرض ہنر جانے کی بات
سیپ کے پہلو سے موتی کے جدا ہونے کا ذکر
موج کی، ساحل سے ٹکرا کر بکھر جانے کی بات
دیدۂ پر خوں سے کاسہ تک کی منزل کا بیاں
زندگانی میں ہزاروں بار مر جانے کی بات
عدل گاہ خیر میں پا سنگ شر کا تذکرہ
آئینہ خانے میں خال و خط سے ڈر جانے کی بات

شاذ تمکنت

نظم

زندگی سعدیہؔ کے ساتھ کھلے
دم بہ دم یم بہ یم حیات کھلے
محو ہو جائے سب گمان نفی
اس کے چہرے پہ جب ثبات کھلے
لمس سے اس کے ننھے ہاتھوں کے
غنچۂ انکشاف ذات کھلے
سیپ ہونٹوں میں موتیوں کی قطار
جب کھلے گوہر صفات کھلے
مسکرائے تو رو میں آئے حیات
کھلکھلا دے تو کائنات کھلے
اس کی شفاف نیند میٹھے خواب
گھر میں تاروں بھری سی رات کھلے
صبح جب آنکھ میں کرن جاگے
دور تک سبزۂ حیات کھلے
وہ جواں ہو تو شاعری نکھرے
اک غزل سعدیہؔ کے ساتھ کھلے

عبد الاحد ساز

نظم

زمیں اک بڑی سیپ ہے
بیچ بارش کا وحدانیت سے لبالب بھرا
ایک قطرہ ہے
جو سیپ میں گرتا ہے
اور موتی میں ڈھلتا ہے
حرفوں کے
کون ایسے جملے بناتا ہے
جملے میں
اک کوڈ کی طرح
معنی چھپاتا ہے
عشرے گزرتے ہیں
اک نسل آتی ہے
معنی کو
جملے کی زنجیر سے آ کے آزاد کرتی ہے
معنی بھرے چیت کا پھول ہے
چیت کے پھول کا
اور تری انگلیوں کا
ہزاروں برس کا پرانا تعلق ہے
میں چیت کا پھول ہوں
اور معلق پڑا ہوں
کسی درمیانی زمانے میں
پہنچوں گا
برفیلے رستے سے ہوتا
خنک رت میں
خوشبو بھرے پھول کی میٹھی مٹھی
کی تحویل سے ہوتا
اپنے ابد سے
پرانے ٹھکانے میں!!

اقتدار جاوید

نظم

ہر سال نو کو مل کے
یہ رسم ہے بنائی
لیکن ہے یاد رکھنا
جو سال پچھلا گزرا
جو حادثے ہوئے ہیں
جو فاصلے ہوئے ہیں
کچھ رابطے بڑھے ہیں
کچھ سلسلے کٹے ہیں
محفوظ پہلے کر لیں
مضبوط پہلے کر لیں
پھر خوش گوار لمحے
خوشبو بھری وہ باتیں
سب چاندنی کی راتیں
یادوں کی کہکشائیں
کندن سی آتمائیں
سب چندرما سے چہرے
نکھرے ہوئے سویرے
آشا کے دیپ بھی ہوں
سوچوں کے سیپ بھی ہوں
مخمور ہوں گھٹائیں
مسحور ہوں فضائیں
آنچل دھنک سے بکھریں
ساتھی نہ کوئی بچھڑیں
باغ و بہار من ہو
من میں یہی لگن ہو
آؤ کہ آج کے دن
پھر ایک بار مل کے تجدید عہد کر لیں
اس دیس کی زمیں میں
خوشیاں ثمر لگائیں
آؤ امر ہو جائیں

بہارالنساء بہار

نظم

سپنوں کے مہکتے آنگن میں
کرنیں نہ بکھریں چاہت کی
خوشبو نے آنکھ کہاں کھولی
سونی ہیں بانہیں قربت کی

نصیر پرواز

نظم

سیپ کے ہونٹ پر ایک موتی جڑا
اک سنہری ہتھیلی پہ ہیرا پڑا
ہند ساگر کی بانہوں میں بکھرا ہوا
یہ ہمارا وطن سورگ کا گیت ہے

بیکل اتساہی

نظم

خوابوں کے جزیرے سے کسی روز نکل کر
تعبیر کے پھیلے ہوئے صحرا میں بھی گھومیں
کب تک یوں ہی
موتی کی طرح سیپ میں ہم قید رہیں گے
یہ دائرہ در دائرہ بڑھتی ہوئی الجھن
یہ ذہن پہ ہر لمحہ سوالات کے پہرے
سوچوں کا یہ سیلاب کہاں جا کے رکے گا
کس موڑ پہ جذبوں کا یہ طوفان تھمے گا
خوشبو کا فقط پھول ہی مسکن تو نہیں ہے
خوشبو تو ہواؤں کے بھی ہم راہ چلی ہے
پھر کیوں یہ تکلف یہ تصنع یہ بناوٹ
ملتے ہیں تو پھر مل کے لپٹ کیوں نہیں جاتے
در پردہ کبھی شعر کبھی گیت کی لے پر
معصوم وفاؤں کا یہ اظہار ہے کیسا
یہ پیار ہے کیسا
ہونٹوں میں دبی بات کا اب ذائقہ چکھ لیں
بے نام سے رشتے کا کوئی نام ہی رکھ لیں

رؤف انجم

نظم

دھنک اوڑھ کر پھر رہی ہو مگر
تم نے سوچا کبھی
یہ ٹھنڈی پھواریں
تمہارے سلگتے بدن کو خنک باریاں دے سکیں گی
آج تک
کتنے تپتے ہوئے موسموں نے جلایا ہے تن کا شجر
زندگی کی کھلی مٹھیوں میں سبھی آندھیاں
بانجھ جذبات کی سرد ہوتی ہوئی راکھ بھرتی رہیں
درد کی سیپ میں ایک بھی بوند موتی نہیں بن سکی
دل کے کشکول میں ایک سکہ مسرت کا کھنکا نہیں
پیاسے ہونٹوں کے نم ساحلوں کے بدن
تشنگی کی جمی ریت پر کسمساتے رہے
پھول جلتی ہتھیلی کے کمھلا گئے
انگلیوں پر خزاں چھا گئی
زلف کی سب سیہ ناگنیں

رفیعہ شبنم عابدی

نظم

مدتوں سے
خموشی کے بے انت ورنوں کی اندھی گپھا میں
کھڑا وہ
مری پتلیوں میں
سوالوں کا نیزہ اتارے ہوئے پوچھتا ہے
میں تیری تمنا میں اپنے لیے
درد کے اک سیہ رو سمندر سے
تنہائیوں کے سیہ سیپ لایا
سکھ کے سارے دئے
اور
مسرت کی مالاؤں کو توڑ کر
دکھ کا ور میں نے مانگا
کہ تو میری رکھشا کو آئے
مگر مجھ کو کیوں
ان اذیت کی کالی صلیبوں پہ
خاموشیوں کی درندہ صفت کیل سے جڑ دیا ہے
مجھے کس لیے
کالے شبدوں کے بے نور کیچڑ میں
پھینکا گیا ہے
سیہ رات کا ماتمی ساز چھیڑے
بجھی بانجھ نظروں سے وہ پوچھتا ہے
میں اک ور کی خاطر
بھلا کیوں
سزا وار سمجھا گیا ہوں

اعجاز راہی

نظم

جنگوں خون آشامیوں کی گرد
چہروں پر اوڑھے
حیراں لب بستہ بچو
ساحل پر سیپ کی مانند
اوندھے منہ بکھرے موتی جیسے بچو
بے لباس سڑکوں پر بھاگتے
دہشت زدہ سوکھے بچو
خدا کو اس دنیا کی شکایت لگانے والے
روتے بلکتے جاں سے گزرتے بچو
تار تار پیراہن جسم دریدہ روح راکھ بدن
عظیم انسانی تہذیب کے
ملبے تلے دبے مظلوم بچو
طیاروں کی گھن گرج سن کر سہمتے
گولہ باری سے پیٹ بھرتے بچو
کچرے سے چن کر کھاتے بے خانماں سیارو
پیٹ کا دوزخ بھرنے کو
گھاس ابالتے بچو
ہم نے تمہارے لیے
کتنی ہی اداس نظمیں لکھیں
نوحے گائے
مرثیے پڑھے
اور تم پھر بھی ساکت بیٹھے ہو
دنیا کو شاکی نظر سے تکتے ہو
بتاؤ بھلا
کی بورڈ ایکٹیوسٹ
اور کیا کر سکتا تھا

سبین علی

نظم

موجوں کے بے رحم کچوکے سہتا
میں ساگر کی تہہ تک پہنچا
پانی کے اندھے صحرا میں
ساتھ یہ آنکھیں دیتیں بھی کیا
ہاتھوں ہی کو آنکھ بنایا
پونجی اک چھوٹی سی سمیٹی

حرمت الااکرام

نظم

چائے خانے میں بیٹھا مزدور
اپنی امید کے بھربھرے خواب ریزے لیے
سر سے پاؤں تلک زندگی کے بکھیڑوں میں الجھا ہوا آدمی
دائیں بائیں کی میزوں سے اٹھتے ہوئے شور سے بے خبر
ویٹر اس سمت دیکھو ارے چار چائے میاں دم تو لے
ایک سو دس ہوئے میز خالی ہے کیا
ایسی بے ربط اور بے سر و پا صداؤں میں بیٹھا ہوا
کپ کی حدت کو انگلی کے پوروں کا رستہ دکھاتے ہوئے
چائے کے سپ کی شیرینیوں سے ورا
آنے والے نئے کل کی بے چینیوں سے پریشان ہے
سامنے شاخ دیوار پر اٹکے ٹی وی کے ہریال منظر نظر کے لیے بوجھ ہیں
رنگ آواز خوشبو طلب ذائقہ
سب جزیرے بکھیڑوں میں الجھے ہوئے آدمی کے لیے کچھ نہیں
جس نظر میں کئی آفتاب اپنی ضو کھو چکے
اس نظر کے لیے رنگ آواز خوشبو طلب ذائقہ کچھ نہیں

عبدالرحمان واصف

نظم

دسمبر کی کسی یخ بستہ رنگیں شام کی صورت
جدائی رینگتی آتی ہے یادوں کے چناروں سے
خیالوں کے دریچوں میں
پرانے عکس کے سائے
دھنک کے رنگ بن کر پھیل جاتے ہیں
کبھی جب ہجر کی راتیں
سسکتے چاند کی صورت
فلک کی گود میں روتی ہیں
تو پھر دل کے نہاں خانوں میں خاموشی
کسی ٹھہرے ہوئے دریا کی صورت بول پڑتی ہے
محبت کی مسافت میں
ہزاروں میل کا فاصلہ
کسی لرزیدہ لمحے کی ہوس میں دب نہیں سکتا
وہی جو ساتھ چلتے تھے
وہی جو ہاتھ ملتے تھے
وہ اب خوابوں کی بستی کے کسی گمنام رستے پر
ہوا کے لمس سے اپنا تعارف پوچھتے ہوں گے
سمندر کی تہوں میں جس طرح
کچھ سیپ خاموشی سے مرتے ہیں
جدائی کا سفر بھی کچھ اسی انداز کا دکھ ہے
یہ وہ بوجھل اداسی ہے
جو پلکوں کی منڈیروں پر
کسی سوکھے ہوئے پتے کی صورت تھرتھراتی ہے
مگر اس کرب کی تپتی ہوئی پگڈنڈیوں پر بھی
تمہاری یاد کی خوشبو
ہمیشہ ساتھ رہتی ہے

محمد اعجازالحق

نظم

مدتوں سے
خموشی کے بے انت ورنوں کی اندھی گپھا میں
کھڑا وہ
میری پتلیوں میں
سوالوں کا نیزہ اتارے ہوئے پوچھتا ہے
میں تیری تمنا میں اپنے لیے
درد کے اک سیہ رو سمندر سے
تنہائیوں کے سیہ سیپ لایا
سکھ کے سارے دیئے
اور
مسرت کی مالاؤں کو توڑ کر
دکھ کا ور میں نے مانگا
کہ تو میری رکھشا کو آئے
مگر مجھ کو کیوں
ان اذیت کی کالی صلیبوں پہ
خاموشیوں کی درندہ صفت کیل سے جڑ دیا ہے
مجھے کس لیے
پھینکا گیا ہے

اعجاز راہی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے