کی تلاش کا نتیجه | موضو - نظم, صفحہ tama.a-e-zar

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "tama.a-e-zar"

نظم کے متعلقہ نتیجہ "tama.a-e-zar"

نظم

جب بھی ظلمت کے جگر چاک کئے ہیں ہم نے
اک نئی صبح کا پیغام دیا کرتے ہیں
جب بھی مہتاب زر افشاں کے ہو چہرے پہ نقاب
جان ہم رکھ کے ہتھیلی پر الٹ دیتے ہیں

نور شمع نور

نظم

دریدہ تن ہے وہ قحبائے سیم و زر جس کو
بہت سنبھال کے لائے تھے شاطران کہن

ساحر لدھیانوی

نظم

عفریت سیم و کے کلیجے میں کیوں ہے پھانس
کیوں رک رہی ہے سینے میں تہذیب نو کی سانس

مخدومؔ محی الدین

نظم

مری انتہائے محبت مسرت سوا اس کے کیا اور ہوگی
بجائے کوئی مسند‌‌ عالیہ تخت طاؤس و زر مانگنے کے

اختر الایمان

نظم

زبان دل سے پھر کہوں تمہیں مری بہار ہو
سکون قلب زار ہو سرور صد خمار ہو

اقبال عمر

نظم

اک جسم نحیف و زار مگر اک عزم جوان و مستحکم
چشم بینا معصوم کا دل خورشید نفس ذوق شبنم

آنند نرائن ملا

نظم

ابھی دماغ پہ قحبائے سیم و زر ہے سوار
ابھی رکی ہی نہیں تیشہ زن کے خون کی دھار
شمیم عدل سے مہکیں یہ کوچہ و بازار
گزر بھی جا کہ ترا انتظار کب سے ہے

مخدومؔ محی الدین

نظم

اصول تندرستی پر اگر دائم چلے انساں
مثال‌ نخل باغ بے خزاں پھولے پھلے انساں
مثال مہر زر صحت کے سانچے میں ڈھلے انساں
نعم سے ناز سے آغوش راحت میں پلے انساں

افق لکھنوی

نظم

اب بزم سخن صحبت لب سوختگاں ہے
اب حلقۂ مے طائفۂ بے طلباں ہے
گھر رہیے تو ویرانئ دل کھانے کو آوے
رہ چلیے تو ہر گام پہ غوغائے سگاں ہے
پیوند رہ کوچۂ زر چشم غزالاں
پابوس ہوس افسر شمشاد قداں ہے
یاں اہل جنوں یک بہ دگر دست و گریباں
واں جیش ہوس تیغ بکف درپئے جاں ہے
اب صاحب انصاف ہے خود طالب انصاف
مہر اس کی ہے میزان بدست دگراں ہے
ہم سہل طلب کون سے فرہاد تھے لیکن
اب شہر میں تیرے کوئی ہم سا بھی کہاں ہے

فیض احمد فیض

نظم

عجب تھا ہند پارینہ کا وہ قانون بھی جس میں
جو کوئی مرد آوارہ
کسی عورت کو صندل زیورات جوہر و زر پیرہن مالا شراب ارسال کرتا تو
زنا کی ایک صورت مانتے تھے اس عمل کو بھی
کیے جاتے تھے جس پر بھاری جرمانے

کرشن موہن

نظم

ارباب دولت و زر کنگال ہو گئے سب
صناع جس قدر تھے حمال ہو گئے سب
فقر و فنا کے ہاتھوں بے حال ہو گئے سب
برباد ہو گئے سب پامال ہو گئے سب
اب ان پہ رحم فرما او آسمان والے
ہیں سخت مشکلوں میں ہندوستان والے

احمق پھپھوندوی

نظم

ہر ایک بام پہ اک پرچم زر افشاں ہے

اسرار الحق مجاز

نظم

پچاس لاکھ فسردہ گلے سڑے ڈھانچے
نظام زر کے خلاف احتجاج کرتے ہیں

ساحر لدھیانوی

نظم

وہ ہیرا اکڑ شاہ نے بیچ کر
کیا حاصل اپنے لیے مال و زر

محمد اسامہ سرسری

نظم

یہ فقر دل زار کا عوضانہ بہت ہے
شاہی نہیں مانگیں گے ولایت نہ کریں گے

فیض احمد فیض

نظم

صاحب ملک علم مالک رام
مالک ملک حلم مالک رام
مولد‌ پاک پھالیہ کی زمیں
ہیر و رانجھا کی سر زمیں کے قریں
شہر گجرات میں رہے ہے یہ مقیم
ارض لاہور میں ہوئی تعلیم
نیکی و خیر و خلق میں فیاض
دوستی کے بہت بڑے نباض
کارواں کارگاہ حکمت کے
لعل اک معدن محبت کے
طلبا کے شفیق و یاور ہیں
بحر تحقیق کے شناور ہیں
اکمل و افضل و علیم و خطیب
اکرم و اعظم و شریف و نحیف
صاحب فقر و بندۂ درویش
دوستوں کے بڑے عقیدے کیش
ان کے مسلک میں بے ریائی ہے
ان کی رندی میں پارسائی ہے
نثر میں ان کی نظم کی بو باس
نظم کی انتہا کے رمز‌‌ شناس
کس قدر آن بان ہے ان کی
بے نیازانہ شان ہے ان کی
اب بھی چہرے پہ ہے شباب کا نور
سربسر علم کی شراب کا نور
بات کرنے میں پھول جھڑتے ہیں
کبھی لڑتے نہ یہ جھگڑتے ہیں
علم کی جستجو پہ جان نثار
بہر تحقیق روز و شب بیدار
راہ تحقیق پہ چلے ہیں مدام
چھان ڈالے عراق و مصر و شام
جرمنی روس بلجیم لندن
ہر جگہ دیکھے علم کے معدن
کارواں علم کا ہے تیز خرام
اور اس کے امیر مالک رام
صاحب علم و صاحب اخلاق
دوستی میں یہ فرد خلق میں طاق
آشتی اور علم کا اک گنج
ان سے پہنچا نہیں کسی کو رنج
رمز داں ہیں یہ فکر غالب کے
ہیں مصنف یہ ذکر غالب کے
محترم دوست عرش فرشی کے
ہیں مرتب یہ نذر عرشی کے
ہیں بہ ہر رنگ عالموں کے حبیب
نذر ذاکر انہوں نے دی ترتیب
عربی فارسی ہو یا اردو
ان کی باتوں میں سب کی ہے خوشبو
ان کی تصنیف عورت اور اسلام
پائے گی دہر میں بقائے دوام
خوب لکھا تلامذہ کا حال
خاندان اسد کا حسن مقال
گل رعنا ہے نسخۂ ارتنگ
یہ بھی با کیف ہے گل صد رنگ
برتنا بم کہ ارمغاں بہ‌ دہم
بس غنیمت کہ قلب و جاں بدہم
علم را دادہ از نظر تمکیں
رہنمائے براہ علم و یقیں
ذہن فرخندہ مغز تابندہ
باد در شہر علم پایندہ
رو راز حرص و آز و طمع و ہوس
نیک خو نیک قلب و نیک نفس
شہر نا مردمان و ہد آزاد
بس ہمیں مرد است خوش اطوار
ملک معنی کا بادشاہ ہے یہ
شہر انشا کا کج کلاہ ہے یہ
ختم ہے عرش اب دعا پہ کلام
یہ رہیں با مراد و شاد مدام
حسن سیرت کی شمع جلتی رہے
شاخ امید اور پھلتی رہے
زندگی کو ملے نشاط تمام
پر ہمیشہ رہے سرور کا جام
نور خورشید کی طرح دمکے
علم و تحقیق کی ضیا چمکے
علم کی روشنی بڑھاتے رہیں
ہم کو بھی کچھ نہ کچھ سکھاتے رہیں

عرش ملسیانی

نظم

بلی کو سمجھانے آئے
چوہے کئی ہزار
بلی نے اک بات نہ مانی
روئے زار و زار

صوفی غلام مصطفےٰ تبسم

نظم

مال و زر خرچ ہو بیواؤں یتیموں پہ مرا
میرے اللہ مجھے ایسی سخاوت دے دے

سعید احمد سعید کڑوی

نظم

مفلس و محتاج ہوں یا اہل زر
ظالم و مظلوم ہوں یا تاجور

عظیم آمبوری

نظم

تیری خوشبو سے مہکتی ہیں فضائیں دل کی
خامشی ہے تری آواز کا آہنگ لئے
جو حسیں شے ہے مری آنکھ کے آئینے میں
تیری شوخی تری رعنائی ترا رنگ لئے
میرے ہر شعر میں آہٹ ہے ترے قدموں کی
میرے ہر نقش میں پنہاں ہے ترا عکس شباب
آج لیکن مری جاں حال دل زار نہ پوچھ
آج کی رات مری آنکھ میں کچھ اور ہیں خواب

علی مینائی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے