کی تلاش کا نتیجه | موضو - نظم, صفحہ tote

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "tote"

نظم کے متعلقہ نتیجہ "tote"

نظم

ہر آن نفع اور ٹوٹے میں کیوں مرتا پھرتا ہے بن بن
ٹک غافل دل میں سوچ ذرا ہے ساتھ لگا تیرے دشمن
کیا لونڈی باندی دائی دوا کیا بندا چیلا نیک چلن
کیا مندر مسجد تال کنواں کیا کھیتی باڑی پھول چمن
سب ٹھاٹھ پڑا رہ جاوے گا جب لاد چلے گا بنجارا

نظیر اکبرآبادی

نظم

تین ہماری بہنیں چھوٹی
مل کر کھائیں آدھی روٹی
نا پتلی نا بالکل موٹی
میدو ان میں سب سے چھوٹی
میدو نے اک طوطا پالا
اس طوطے کا رنگ نرالا
نیچے نیلا اوپر کالا
ٹڈے ایسی آنکھوں والا
اس طوطے کی ہوئی چڑھائی
دن بھر کر کے مغز کھپائی
شام کو دی میدو نے دہائی
اس طوطے کو لینا بھائی
لاکھ پڑھائیں خاک نہ بولے
دم نہ ہلائے چونچ نہ کھولے
بہت کہو تو ہولے ہولے
فرش پہ مارے رہ رہ ٹھولے
بھائی نے سوچا اس کو بلائیں
چھیڑا جو اس کو دائیں بائیں
طوطا بولا کائیں کائیں
میدو بولی ہائیں ہائیں
میں نے اس کو طوطا سمجھا
یہ طوطا تو کوا نکلا
اس کوے کی دم میں تاگا
اس کے پیچھے چھوڑو کتا

ابن انشا

نظم

کرگل اڑ کر وہ پلکھن پر جا بیٹھی
پیپل میں طوطے نے بچے دے رکھے ہیں
گلدم جو پکڑی تھی کل بے چاری مر گئی
نجمہؔ کے بیلے میں کتنی کلیاں آئیں ہیں
پھولوں کی خوشبو سے کیا کیا یاد آتا ہے
یہ جب کا قصہ ہے سڑکوں پر نئی نئی بجلی آئی تھی
اور مجھے سینے میں دل ہونے کا احساس ہوا تھا
عید کے دن ہم نے لٹھے کی شلواریں سلوائی تھیں
اور سویوں کا زردہ ہمسائے میں بھجوایا تھا
سب نیچے بیٹھک میں بیٹھے تھے
میں اوپر کے کمرے میں بیٹھا
کھڑکی سے زینبؔ کے گھر میں پھولوں کے گچھے پھینک رہا تھا
کل زینبؔ کا گھر نیلام ہو رہا ہے
سرکاری تحویل میں تھا اک مدت سے!

اختر الایمان

نظم

کوے آئے کیں کیں کرتے
طوطے آئے ٹیں ٹیں کرتے
بلبل چونچ ہلاتی آئی
ٹوٹ بٹوٹ نے کھیر پکائی

صوفی غلام مصطفےٰ تبسم

نظم

مرغی آئی انڈا لے کر
بندر آیا ڈنڈا لے کر
آئے طوطے جھنڈا لے کر
گوریا سرکنڈا لے کر

مظفر حنفی

نظم

بیا سے چڑیا
چڑیا سے طوطے
اور طوطے سے کوے
نیل کنٹھ ووڈ پیکر
اور لالی تک
پرندوں جانوروں
اور انسانوں کا
رزق اور جیون
باہم
آپس میں جڑے ہوئے ہیں
درختوں پودوں
پھولوں اور پھلوں سے
ہم سب کا جیون ہے
درختوں کی ہریالی تک
ہم سب ہریل ہیں
کل جب
درخت نہیں ہوں گے
تو
کچھ بھی نہ ہوگا
بد بختی ہم پر
کتے کی صورت بھونکے گی

اشرف جاوید ملک

نظم

گرمی کا ہے زمانہ
سردی ہوئی روانہ
آنکھیں دکھائے سورج
تن من جلائے سورج
پانی ہوا ہوا ہے
جنگل جلا ہوا ہے
ہوتی ہے سائیں سائیں
غصے میں ہیں ہوائیں
اٹھتے ہیں یوں بگولے
جیسے گگن کو چھو لے
تیتر بٹیر طوطے
کھائیں ہوا میں غوطے
دھرتی دہک رہی ہے
مٹی سلگ رہی ہے
گر جائے جو زمیں پر
بھن جائے ہے وہ دانہ
گرمی کا ہے زمانہ
سردی ہوئی روانہ
موسم بدل رہا ہے
انساں پگھل رہا ہے
اترا گلے سے مفلر
منہ تک رہی ہے چادر
تہ ہو گئی رضائی
خالی ہے چارپائی
کمبل سہج رکھی ہے
ململ گلے لگی ہے
پنکھوں کو جھل رہے ہیں
اب فین چل رہے ہیں
ہیٹر سے خوف کھائیں
کولر چلائے جائیں
ہر شے بدل رہی ہے
کیا مرد کیا زنانا
گرمی کا ہے زمانہ
سردی ہوئی روانہ
آتی ہے یاد نانی
کرتے ہیں پانی پانی
شربت کا دور آئے
قلفی دلوں کو بھائے
تربوز بک رہے ہیں
خربوز بک رہے ہیں
دوکان کوئی کھولے
بیچے ہیں برف گولے
گھر گھر میں ہم نے دیکھا
پیتے ہیں روح افزا
لسی کا بول بالا
کافی کا منہ ہے کالا
جس سے ملے ہے ٹھنڈک
اس کا جہاں دوانہ
گرمی کا ہے زمانہ
سردی ہوئی روانہ

حیدر بیابانی

نظم

ڈرو اس وقت سے
پنجرے میں بیٹھے سبز طوطے
اپنے مالک کی رٹائی بولیوں کو بھول کر
جب ایسے ایسے لفظ سیکھیں گے
جنہیں پڑھتے ہی
لوہے کی سلاخیں ٹوٹ جاتی ہیں

شعیب کیانی

نظم

ایک ٹہنی پہ بیٹھے تھے مٹھو میاں
آ گیا ایک کوا بھی اڑ کر وہاں
آئیے آئیے شوق فرمائیے
میٹھا امرود ہے آپ بھی کھائیے
بولا کوا کہ خاموش ٹیں ٹیں نہ کر
ورنہ میں پھوڑ دوں گا ابھی تیرا سر
بے وقوفوں سے میں بات کرتا نہیں
اپنے درجے سے نیچے اترتا نہیں
کون سا تو عقاب اور شاہین ہے
منہ لگانا تجھے میری توہین ہے
بولیں کوے نے جب ایسی بڑ بولیاں
تو غصے میں بولے یہ مٹھو میاں
تو نے کیا تیر مارے ہیں میں بھی سنوں
تیری چالاکیوں پر ذرا سر دھنوں
بولا کوا کہ او رٹو طوطے یہ سن
میری دانش کا ہر شخص گاتا ہے گن
کر دوں روشن ابھی تیرے چودہ طبق
یاد ہے بچے بچے کو میرا سبق
ایک دن جب بہت سخت پیاسا تھا میں
یہ سمجھ لے کہ بس ادھ مرا سا تھا میں
ایک مٹکے میں پانی کی دیکھی جھلک
چونچ ڈالی تو پہنچی نہ پانی تلک
ذہن نے کام کرنا شروع کر دیا
مٹکا کنکر سے بھرنا شروع کر دیا
ان کی تعداد مٹکے میں جب بڑھ گئی
سطح پانی کی اوپر تلک چڑھ گئی
میں نے پانی گٹاگٹ گٹاگٹ پیا
پھر پھدکتے ہوئے کائیں کائیں کیا
دیکھ لے کس قدر تیز طرار ہوں
کتنا چالاک ہوں کتنا ہشیار ہوں
بولے مٹھو میاں مار کر قہقہہ
بے وقوفی کی بس ہو گئی انتہا
جانے مٹکے میں پانی تھا کب سے پڑا
پھر ڈھکنا بھی نہیں تھا کھلا تھا گھڑا
گندے کنکر بھی بھرتا گیا اس میں تو
پی گیا ایسے پانی کو پھر آخ تھو
ایسے پانی سے لگتی ہیں بیماریاں
پیش آتی ہیں کتنی ہی دشواریاں
خود کو کہتا عقل مند و دانا ہے تو
لیکن افسوس احمق کا نانا ہے تو
تو اگر گندی چیزیں نہ کھائے پیے
لوگ پالیں تجھے تو مزے سے جیے
صاف ہوتا تو گھر گھر بلاتے تجھے
اس طرح مار کر کیوں بھگاتے تجھے
کوا سنتے ہی یہ بات رونے لگا
اپنے پر آنسوؤں سے بھگونے لگا
اور کہنے لگا بات سچ ہے تری
لوگ کرتے ہیں نفرت شکل سے مری
کوا رو رو کے جب آہ بھرنے لگا
اس پہ مٹھو نے یہ ترس کھا کر کہا
چھوڑ دے اس تکبر بڑائی کو تو
اپنی عادت بنا لے صفائی کی تو
گندا پانی نہ پی گندی چیزیں نہ کھا
ان میں ہوتا ہے ڈیرا جراثیم کا
یہ جراثیم بیمار کر دیتے ہیں
اچھے خاصوں کو بیکار کر دیتے ہیں
یوں بظاہر تھا کوا بہت کائیاں
اس کو سمجھا کے ہر بات مٹھو میاں
اڑ گئے اپنے پر پھڑپھڑاتے ہوئے
مٹھو بیٹے کے نعرے لگاتے ہوئے

احمد حاطب صدیقی

نظم

چڑیا گھر میں بسنے والی
کیسا مزاج عالی ہے
منو بھیا پوچھ رہے ہیں
کیا کوئی پنجرہ خالی ہے
دوڑ میں سب سے اول چیتا
جنگل کی ہر ریس میں جیتا
جلدی جلدی بول رے ساتھی
کچا پپیتا پکا پپیتا
جنگل کے سلطان کو دیکھو
شیر ببر کی شان کو دیکھو
ایسا بہادر کوئی نہیں ہے
دل والے مہمان کو دیکھو
بھاگ رہا ہے ہانپ رہا ہے
ڈر کے مارے کانپ رہا ہے
بزدل گیدڑ نام ہے اس کا
دیکھو کیسا بھانپ رہا ہے
ہاتھی سونڈ ہلانے والے
لمبے دانت دکھانے والے
دریا دریا جنگل جنگل
بھاری بوجھ اٹھانے والے
باتوں میں بے باک بہت ہے
سب پر اس کی دھاک بہت ہے
بچو اس کا نام بتاؤ
یہ بی بی چالاک بہت ہے
بن مانس کے کھیل عجب ہیں
سرکس جیسے سارے ڈھب ہیں
ایسے کھیل کہاں سے سیکھے
دیکھنے والے حیراں سب ہیں
ناچ دکھانے والے بھالو
تو کالا تیرا نام ہے کالو
کس سے ہے تری رشتہ داری
تو آخر ہے کس کا خالو
ڈگ ڈگ ڈگ ڈگ بندر آئے
خوشی خوشی سسرال کو جائے
چھن چھن چھن چھن ناچے بندریا
جیسے مداری چاہے نچائے
زیبرا دیکھو دھاریوں والا
پایا جس نے روپ نرالا
صبح بھی اس کی شام بھی اس کی
آدھا گورا آدھا کالا
یہ کچھوے سے ہارنے والا
جھوٹی شیخی بگھارنے والا
آخر منہ کی کھا جاتا ہے
اوروں کو للکارنے والا
سانپ جو پل پل بل کھاتے ہیں
بین بجے تو لہراتے ہیں
لہرائیں تو جاگے سوئے
لاکھوں رنگ نظر آتے ہیں
کنٹھی پہنے طوطے آئے
ہرے ہرے سے پر پھیلائے
مٹھو بیٹا پڑھ لیتے ہیں
کوئی ان کو اگر پڑھائے
سارس دیکھو کتنا بڑا ہے
بادل جیسے آن پڑا ہے
مچھلی آئے اور پکڑ لوں
پانی میں چپ چاپ کھڑا ہے
وہ دیکھو وہ آیا زرافہ
جیسے کوئی بیرنگ لفافہ
ہم دیتے ہیں اس کو دعائیں
گردن میں ہو اور اضافہ

رئیس فروغ

نظم

اک طوطے کا پنجرہ بھی ہے
ایک صراحی رکھی ہوئی ہے

محسن آفتاب کیلاپوری

نظم

کھیت وہاں بھی ہوتے ہیں کیا باغ وہاں بھی ہوتے ہیں
گیت سناتی چڑیاں ہیں یا باتیں کرتے طوطے ہیں

سیدہ فرحت

نظم

نہ سر پہ ٹوپی ہے ان کے نہ پاؤں میں جوتی
بغل میں طوطے کا پنجڑا نبی جی بھیجو جی

محمد علی تشنہ

نظم

طوطے والا طوطے لایا
طوطے لو طوطے چلایا
سبز پروں کی وردی سب کی
ٹیڑھی چونچ نرالے ڈھب کی
طوطے والے کو بلوا کر
اک طوطے کے دام چکا کر
قیمت دی اور ہم نے خریدا
لوہے کے پنجرے میں رکھا
پنجرے میں اک روٹی ڈالی
خوش ہو کر طوطے نے اٹھا لی
آپ تو بس تھوڑا ہی کھایا
کتر کتر کر ڈھیر لگایا
ہم نے اسے کچھ بول سکھائے
لفظ بہت سے یاد کرائے
دن بھر ٹیں ٹیں کرتا رہتا
پھل لے لے کے کترتا رہتا
لفظ بہت سے جان گیا تھا
جملے بھی پہچان گیا تھا
رٹتا رہتا جملے یہی دو
مٹھو بیٹے نبی جی بھیجو
صبح اندھیرے شور مچاتا
شور مچا کر سب کو جگاتا
قید کا یوں دکھ سہتے سہتے
مدت گزری رہتے رہتے
اک دن کھڑکی کھلی جو پائی
پھر کیا تھا اوس کی بن آئی
دیکھو طوطے کی استادی
اڑ کر حاصل کی آزادی
اب یہ باغوں میں جائے گا
یاروں میں جی بہلائے گا

محمد شفیع الدین نیر

نظم

جنگل جنگل پڑی پکار
چوہے نے چھاپہ اخبار
نیلے پیلے صفحے چار
تصویریں چالیس ہزار
اس پر خبروں کی بھر مار
ایک کے اوپر ایک سوار
رشتے ناطوں کے جھگڑے
طوطے مینا کی تکرار
پھول سجائے بلبل نے
خوب رہا مینا بازار
بندر کی تصویروں پر
شہد کی مکھی کی یلغار
گیدڑ نے اعلان کیا
سارس گیا سمندر پار
زرافے کی گردن میں
کھیلوں کی خبروں کے ہار
ہاتھی دنگل جیت گیا
شیر چلا کرنے کو شکار
بکرے دنبے اور ہرن
کھڑے ہوئے ہیں نمبردار
کوئل سائے میں خوش ہے
بھینسے گرمی سے بیزار
مہنگائی میں مندہ ہے
بھالو سیٹھ کا کاروبار
لومڑ کھو گیا رستے میں
امی روئیں زار و زار
سہی معمہ حل کر کے
بکری جیتی پانچ ہزار
لیکن جنگل میں کیا ہے
گاہک آئے بس دو چار
کتر کتر کر کھا گیا آخر
چوہا سب ردی اخبار
چوہے نے چھاپہ اخبار

عابد حسن

نظم

چھوٹی نے طوطا پالا تھا
بڑی بہن نے بلی
بلی کو گھی کم بھاتا تھا
اور طوطے کو تلی
دلی میں ہے سب کہتے ہیں
دونوں کی سسرال
آؤ بچو چل کر دیکھیں
ہم ان کے احوال
تم سمجھے تھے دونوں بہنیں
پھونکتی ہوں گی چولہا
لیکن وہ تو اپو گھر میں
جھول رہی ہیں جھولا
ناچ رہی ہے کالی بلی
اس کے سر پر طوطا
سوچ رہی ہے ساری دلی
ایکا سب میں ہوتا

مظفر حنفی

نظم

ہم پر تھی پیارے بچو نانی کی مہربانی
روزانہ رات کو وہ کہتی تھیں اک کہانی
اک رات کو سنایا برسات کا فسانہ
کہنے لگیں کہ موسم اک روز تھا سہانا
تھا دیکھنے کے قابل فوارہ آسمانی
دریا سے لا کے بادل برسا رہے تھے پانی
تالاب بن گیا تھا آنگن ہمارے گھر کا
ٹہنی پے اس کی بچو بیٹھا تھا ایک طوطا
اس کو جھلا رہا تھا آ کر ہوا کا جھونکا
دالان میں سے بلی طوطے کو تک رہی تھی
لالچ میں رال اس کی گویا ٹپک رہی تھی
جلدی سے اس نے حملہ پرچھائیں پر کیا جو
طوطا نہ ہاتھ آیا پانی میں گر گئی وہ
پچھتائی اپنے دل میں گھبرا کے آئی گھر میں
آخر تو جانور تھی کامل نہ تھی نظر میں
بچو خدا نے تم کو بخشی ہے ہوشیاری
ہر کام سے ہو ظاہر دانشوری تمہاری

شاکر انصاری

نظم

دو پیسے میں تین کھلونے دو پیسے میں تین
سادہ اور رنگین
یہ چینی کی گڑیا ہے
ایک طرف سے ننھی منی ایک طرف سے بڑھیا ہے
جیب میں یوں آ جاتی ہے یہ جیسے ذرا سی پڑیا ہے
سادہ اور رنگین
دو پیسے میں تین کھلونے دو پیسے میں تین
یہ مٹی کی گھوڑی ہے
اس کی مانگ بہت ہے لیکن اس کی قیمت تھوڑی ہے
ساتھ اگر گھوڑا بھی ہو تو سب سے اچھی جوڑی ہے
سادہ اور رنگین
دو پیسے میں تین کھلونے دو پیسے میں تین
یہ چھوٹی سی موٹر ہے
ٹلو آؤ پلو آؤ دیکھو کیسی موٹر ہے
سب سے بہتر سب سے پیاری سب سے اچھی موٹر ہے
سادہ اور رنگین
دو پیسے میں تین کھلونے دو پیسے میں تین
یہ چڑیا کا بچہ ہے
اس میں بالکل جان نہیں ہے جسم بھی کچھ کچھ کچا ہے
جھوٹ نہیں بولوں گا ہرگز میرا وعدہ سچا ہے
سادہ اور رنگین
دو پیسے میں تین کھلونے دو پیسے میں تین
یہ طوطے کا پنجرہ ہے
اک ننھا منا سا طوطا اس میں گم سم بیٹھا ہے
کچھ نہیں کھاتا کچھ نہیں پیتا یوں ہی بیٹھا رہتا ہے
سادہ اور رنگین
دو پیسے میں تین کھلونے دو پیسے میں تین

انور افسر شعور

نظم

کفر و باطل کے اڑے ہاتھوں کے طوطے اے چرخؔ
حق پرستی کا وہ یوں ڈنکا بجاتا آیا

چرخ چنیوٹی

نظم

ہائے تقدیر کہ میں آن پھنسا پنجرے میں
اب نہیں خاک بھی جینے کا مزہ پنجرے میں
چھٹ گئے قید میں مجھ سے مرے بیوی بچے
کوئی ساتھی ہے نہ غم خوار مرا پنجرے میں
گھر کی دیواریں بھی افسوس ہیں اونچی اونچی
کبھی آتی نہیں جنگل کی ہوا پنجرے میں
تازے تازے ہیں کہاں آج وہ پھل باغوں کے
ملتی ہے سوکھی سڑی مجھ کو غذا پنجرے میں
کوئی امرود نہیں آم نہیں بیر نہیں
کبھی کیلا بھی نہ کھانے کو ملا پنجرے میں
ہائے اس شاخ سے اس شاخ پہ اڑ کر جانا
یاد آتا ہے وہ اڑنے کا مزا پنجرے میں
تیلیوں سے مرا سر پھوٹتا ہے وائے نصیب
چوٹ لگتی ہے جو اڑتا ہوں ذرا پنجرے میں
اب تو سب بھول گیا بیٹھ کے ٹیں ٹیں کرنا
چپ پڑا رہتا ہوں میں بت سا بنا پنجرے میں
کہتے ہیں چھوٹے بڑے گھر کے میاں مٹھو سب
واہ یہ خوب لقب مجھ کو ملا پنجرے میں
میں سمجھتا ہوں جو مطلب ہے میاں مٹھو کا
باؤلا جانتی ہے خلق خدا پنجرے میں
اسی حالت میں گزر جائیں گے باقی دن بھی
اک دن آ جائے گی بس میری قضا پنجرے میں
رحم کر رحم کر اللہ مرے حال پہ تو
مل چکی اب تو مجھے خوب سزا پنجرے میں
تیری قدرت ہے بڑی جلد چھڑا دے مجھ کو
دم مرا جینے سے رہتا ہے خفا پنجرے میں

وجاہت حسین وجاہت

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے