کی تلاش کا نتیجه | موضو - نظم, صفحہ v

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "v"

نظم کے متعلقہ نتیجہ "v"

نظم

مانگ ہے اسٹیریو کی اور وی سی آر کی
خیر ہو اب آڈیو ویڈیو کے کاروبار کی
شکل ملنے لگ گئی ہپی سے بر خوردار کی
جس کے لپ پر ہر گھڑی ڈسکو ترانہ چاہئے
دوستو! یوں جشن آزادی منانا چاہئے؟

سرفراز شاہد

نظم

کئی دنوں سے
اداس ہوں میں
جواز کیا ہے پتہ نہیں ہے
کسی نے
کچھ بھی کہا نہیں ہے
برا بھی تو
کچھ ہوا نہیں ہے
کسی سے
دل بھی دکھا نہیں ہے
خطا بھی
کوئی ہوئی نہیں ہے
سزا بھی
کوئی ملی نہیں ہے
جواز کیا ہے
اداس ہوں میں
ابھی تو
نکلا ہوں مال سے میں
تمام خوشیاں
خرید کر کے
مگر
یہ تھیلے
تو بوجھ سے ہیں
وہ ساری چیزیں
جو خواہشوں میں ہیں دوسروں کی
وہ مجھ کو حاصل ہیں پھر بھی مجھ کو خوشی نہیں ہے
جواز کیا ہے
اداس ہوں میں
کلیگ آفس میں
خوش ہیں مجھ سے
ہے میرے یاروں کو
ناز مجھ پر
بہت سے لوگوں کے
دل میں گھر ہے
تمام رشتہ نبھا رہا ہوں
کہیں پہ کوئی کمی نہیں ہے
مگر میں خود سے
کٹا کٹا ہوں
جدا جدا ہوں
جواز کیا ہے
اداس ہوں میں
ابھی تو بیٹھا تھا
ساتھ یاروں کے قہقہوں میں
ابھی تو
محفل جمی ہوئی تھی
ابھی تو
میں نے غزل کہی تھی
ابھی تو
لوگوں نے داد دی تھی
یہ سب
خوشی تھی
مگر
یہ مجھ میں
کہیں نہیں تھی
جواز کیا ہے
اداس ہوں میں
ابھی تو میں نے
ڈنر کیا تھا
شہر کے مخصوص ریسٹورینٹ میں
حسین ویٹریس نے مسکراہٹ سے
مجھ کو ٹیبل سجا کے دی تھی
تمام کھانے لذیذ تھے پر
مرے لیے کچھ مزہ نہیں تھا
جواز کیا ہے
اداس ہوں میں
نئے کلر سے
پرانے پردے بدل دیے ہیں
خرید لایا ہوں
چائے کا کپ برانڈڈ اک
تمام قسموں کے پھول
گملوں میں لا کے میں نے
سجا دیے ہیں
پرانا ٹی وی
بدل دیا ہے
تمام چینل بھی میں نے
ایچ ڈی میں لے لیے ہیں
ہزار موضوع پے سیریئل ہیں
ہر ایک جانر کی ان پے فلمیں بھری پڑی ہیں
مگر میں
چینل بدل رہا ہوں
کہیں بھی لگتا تو جی نہیں ہے
مجھے کہیں بھی
سکوں نہیں ہے
خوشی کے
سامان تو بہت ہیں
مگر کسی میں خوشی نہیں ہے
جواز کیا ہے
اداس ہوں میں
یہ نظم
پڑھنا
تو لوٹ آنا
تمہیں یہ شاید پتہ نہیں ہے
بہت زیادہ
اداس ہوں میں
جواز تم ہو

سراج فیصل خان

نظم

زندگی
اتنی سادہ بھی نہیں کہ ایک بلیک اینڈ وائٹ ٹی وی سیٹ
اس کے رنگوں کا احاطہ کر سکے
مگر رنگین سیٹ بھی تو شاعرانہ مبالغے سے کام لیتے ہیں
ہو سکتا ہے پیکٹ بھر حیات میں سات پیکٹ رنگ
انڈیلنے والوں کی حقیقی زندگی یہی ہو
روح اور ضمیر کی عمر بھر کی کمائی سیاہ رنگ کی پڑیا ہے
کسی فاحشہ کے بدن سے اڑتے ہوئے لمحے کا
دھنک بھر معاوضہ تو نہیں
ماہرین گرانی اور گناہ میں تناسب معکوس نہیں مانتے
تو آؤ زندگی کو انہی نگیٹیوز میں دیکھیں

غلام محمد قاصر

نظم

کاغذ گم ہیں اور کتابیں
الماری میں گم صم ہیں
منظر مبہم مبہم سے ہیں
سوچیں گتھم گتھا ہیں
ٹی وی پر کچھ شکلیں وکلیں
شور شرابہ جاری ہے
لکھنے بیٹھا ہوں کچھ لیکن
کچھ بھی نہیں ہے لکھنے کو
تم ناراض جو ہو

ارسلان احمد

نظم

امی کہتیں کھیل نہ کھیلو گھر کے کام میں ہاتھ بٹاؤ
ابو کہتے پڑھنے بیٹھو ٹی وی میں مت وقت گنواؤ

اسنی بدر

نظم

پیارا ہندستان ہمارا پیارا ہندوستان
جان فدا ہے اس پر اپنی دل اس پر قربان
ملک نہیں یہ ہے جنت کا دل کش ایک مکان
پیارا ہندستان ہمارا پیارا ہندوستان
پیارے پیارے دریا اس کے پیاری پیاری نہریں
پیارے پیارے چشمے اس کے پیاری پیاری لہریں
پیارے پیارے منظر پیاری پیاری اس کی شان
پیارا ہندستان ہمارا پیارا ہندستان
پیاری کھیتی باڑی پیاری پیاری پیداوار
پیاری پیاری آب و ہوا ہے پیاری اس کی بہار
دل میں ہمارے رہتا ہے ہر وقت اسی کا دھیان
پیارا ہندستان ہمارا پیارا ہندستان
پیارا پیارا دن ہے اس کا پیاری پیاری رات
پیارا شام و سحر کا جلوہ پیاری ہر اک بات
پیارے پیارے نظاروں کی پیاری پیاری کان
پیارا ہندستان ہمارا پیارا ہندستان
پیارے پھل پیاری ترکاری پیارے اس کے پھول
پیارے آم اور جامن اس کے پیارے نیم ببول
پیارے غلے پیارے میوے پیارے پیارے دھان
پیارا ہندستان ہمارا پیارا ہندوستان
پیاری گرمی پیاری سردی پیاری ہر برسات
پیاری ہر ہر بات ہے اس کی پیاری ہر ہر گھات
پیاری ہے ہر اک ادا پیارا ہر ایک نشان
پیارا ہندستان ہمارا پیارا ہندستان
اقبالؔ اور ٹیگورؔ سے شاعر پی سی رے سے فاضل
وی سی رامن شاہ سلیماں جے سی بوس سے کامل
گاندھیؔ اور جناحؔ سے لیڈر ذاکرؔ سے ودوان
پیارا ہندستان ہمارا پیارا ہندستان
جوہرؔ انصاریؔ اجملؔ آزادؔ جواہر لالؔ
دادا بھائیؔ داسؔ تلکؔ گوکھیلؔ سے نیک خصال

محمد شفیع الدین نیر

نظم

نیند پالکی اتری رات دور جنگل میں
خواب خواب منظر تھا دھیرے دھیرے بہتی تھی
سمفنی ہواؤں کی رات چاند بادل میں
چاندنی کی بانہوں میں جھیل والتز کرتی تھی
دھیمی دھیمی سی خوشبو ساتھ ساتھ چلتی تھی
کنج میں درختوں کے بے خودی کے عالم میں مست ڈار ہرنوں کی
بیلے رقص کرتی تھی
ہرنیوں کی آنکھوں میں مشک سی مہکتی تھی
کالے پیرہن پہنے با وقار پیڑوں نے وائلن سنبھالے تھے
جھومتے ہوئے پتے تالیاں بجاتے تھے
گنگناتی بیلوں پر پھول کسمساتے تھے
جگنوؤں کی جھلمل سے راج ہنس سوتے سے جاگ جاگ اٹھتے تھے
آہٹیں پرندوں کی اپنے شب بسیروں میں پائلیں بجاتی تھیں
اپنے بند کمرے میں آنکھ جو کھلی دیکھا
شہر کی کثافت سے مضمحل سا سورج پھر
ایک اور نئے دن کی دھول لے کے آیا تھا
ٹی وی والے کمرے میں صبح کا خبر نامہ اطلاع دیتا تھا
ایک اور جنگل کو کاٹ کر نکالیں گے راستہ ترقی کا

عذرا نقوی

نظم

جنگل میں ون ڈے کرکٹ کا ہوا انوکھا میچ
بندر نے کی خوب فیلڈنگ پکڑے چھ چھ کیچ
زیرو پر لنگور گیا تو ہرن تین پر آؤٹ
ایل بی ڈبلیو گینڈا بھاگا نہیں تھا کوئی ڈاؤٹ
گیدڑ نے آتے ہی جیسے لی اپنی پوزیشن
کنگارو کی گیند تھی اسپن بدل گئی سچویشن
وکٹ بچا نہ پایا گیدڑ بلا عجب گھمایا
بندر کے ہاتھوں میں سیدھے اپنا کیچ تھمایا
سینگ ہلاتے بارہ سنگھا نے اب بیٹ سنبھالا
کنگارو کی سیکنڈ بال تھی چوک گیا بیچارہ
گیند گھسی اسٹمپ بکھیرا گلی چھٹکی دور
ایک بڑا اسکور کا سپنا ہو گیا آخر چور
لوٹ چلا جب بارہ سنگھا بھالو چاچا آئے
گیند تیسری کنگارو کی وہ بھی جھیل نہ پائے
لگاتار تینوں گیندوں پر وکٹ گرے تھے تین
کنگارو کے اس اوور نے بدل دیا تھا سین
جلدی جلدی وکٹ گنوائے بگڑ گئی تھی حالت
جمے جمائے ہاتھی دادا بھیج رہے تھے لعنت
بھالو گیا زیبرا آیا اب کے بلا تھامے
نوے پر ہاتھی پہنچا تھا لگا اسے سمجھانے
بلا چمکا گیند اڑی امپائر بولا سکس
ہاتھی نے پھر فوراً ٹوکا پہلے ہولو فکس
چوکے اور چھکے کی بارش تھوڑا رک کر کرنا
میچ اگر ہے ہمیں جیتنا وکٹ بچائے رکھنا
اوور نیا لیے چیتا اب بالنگ کرنے آیا
دو گیندوں پر لگاتار ہاتھی نے سکس جمایا
بنا سینچری ہاتھی نے ارمان نئے کچھ باندھے
چیتے کی اک تیز گیند نے توڑے سبھی ارادے
ہاتھی کے آؤٹ ہوتے ہی جو آیا وہ بے بس
ناٹ آؤٹ کا تمغہ لے کر ہوا زیبرا واپس
کپتانی تھی شیر کے ذمے جیت لیا تھا میچ
بندر نے کی خوب فیلڈنگ پکڑے چھ چھ کیچ

طارق منظور

نظم

سردی کا اک اپنا مزہ ہے
کوٹ سوئیٹر پہن لیا ہے
کینو مالٹوں کی کثرت ہے
گھر میں چلتا یہ شربت ہے
ابو دفتر سے گھر آئیں
مونگ پھلی چلغوزے لائیں
بیٹھ کے سب ٹی وی کے آگے
کٹ کٹ کٹ کٹ کھاتے جائیں

شہناز مزمل

نظم

جس میز پر ٹی وی رکھتے تھے
وہ اب اسٹور روم میں رکھی ہے
دیوار پہ ٹنگتی ہے اب ٹی وی
میز اناتھ ہو گئی ہے اب
کچھ جیؤں کو کھانا مل گیا
کسی کام تو آ رہی ہے
اب اس کو دیمک کھا رہی ہے

سچن دیو ورما

نظم

ایک ٹی وی جس پر آپ خبر نامے
میں اپنے نام کی خبر سننے
کے انتظار میں زندگی بسر کر دیں

مددثر عبّاس

نظم

پرندہ جو ہونٹوں پہ پر تولتا تھا
اسے باز رکھنے کی خاطر اک آسیب تھا میرے در پے
قد اس کا فلک ناپتا تھا
نگاہیں اٹھاؤ جو چہرے کی جانب
تو گھٹنے سے اٹکیں
مجھے اس نے مہرے کی صورت اٹھایا
اور اک سوئمنگ پول میں لا کے ڈالا
وہ یہ چاہتا تھا کہ پانی میں یہ آگ بھڑکانے والی حسیں مچھلیاں
مجھ کو رنگوں میں اپنے جکڑ لیں
مرے خوں میں یہ آتش رنگ بھر کر
مجھے بھسم کر دیں
مگر جب نہ ہو پایا ایسا
تو اس نے مجھے اک پہاڑی گپھا میں اتارا
جہاں سیم و زر کا اک انبار سا تھا
اس انبار میں کھل جا سم سم کی یاد آئی
چالیس چوروں کی دہشت در آئی
مجھے اس نے قاسم کی صورت میں دیکھا تھا
اس کو یقیں تھا
چکا چوند زر کی مجھے دشت نابود کی راہ پر ڈال دے گی
مگر جب نہ ہو پایا ایسا
تو اس نے مری اک کف دشت پر چاند اور دوسری پہ
رکھا لا کے سورج
اور خود اپنی ٹانگوں سے اے اور وی انگلیوں سے بنا کر
عجب طنطنے سے کھڑا تھا
مرے ہاتھ نے اس کی وی پر یہ چاند اور سورج اچھالے
چھناکا ہوا زور کا میں نے دیکھا زمیں پر
یہ چاند اور سورج شکستہ تھے
اور ہونٹ کے مستقر سے
پرندہ فضاؤں کے آغوش میں تیرتا تھا
زمیں آسماں کے قلابے ملاتا ہوا دیو آسیب
قد میں
مری اونچی گردن کے جوتے کے ہمسر ہوا تھا

ادیب سہیل

نظم

بچے ٹی وی ہی دیکھتے ہوتے
چائے بھی گھر میں بن رہی ہوتی
پیالیاں کھنکھنا رہی ہوتیں
چہرے چہرے پہ زندگی ہوتی

شمیم شہزاد

نظم

تیری قربت میں تیرے سائے میں
چار دن زندگی کے جینا ہے
تیرے سر کی قسم کبھی کھا کر
تیری آنکھوں سے پی کے جینا ہے
عشق دشوار ہی سہی لیکن
مجھ کو دشوار کام کرنا ہے
دھوپ میں عشق چاندنی میں عشق
عشق ہی صبح و شام کرنا ہے
مل کے تجھ سے اے میری محبوبہ
جانے کتنی ہی
تھوڑی سچی بھی تھوڑی جھوٹی بھی
قسمیں کھانی تھیں
وعدے کرنے تھے
پر مری جاناں
جیسے مجموعہ شائع کرتے سمے
پھینک دیتا تھا اپنی رچنائیں
دل میں پنہاں جو ایک ردی کی
ٹوکری جس میں پال رکھی تھیں
آج تجھ سے اے میری محبوبہ
اتنا اظہار مجھ کو کرنا ہے
کل اگر مجھ کو تھوڑا پیسہ ملا
تو لکھوں گا
ایک کاغذ خرید کر دل سے

وی سدھاکر راؤ

نظم

جلتے ہوئے مکانوں کی
ہم تصویر اتار رہے ہیں
ان کی جو جانیں بچا بچا کر بھاگ رہے ہیں
ہم انتہائی سنجیدگی کی شکلوں میں جو ہمارے چہروں کو
رلانے کے بن رہی تھیں
اپنے منہ بگاڑ بگاڑ کر ان لوگوں کو دیکھ رہے ہیں
جو کھڑکیوں اور دروازوں سے اپنی جانوں کو بچانے کے دھوکے میں
موت سے گدم پٹخنے کر رہے ہیں
یہ تصویریں اخباروں کی زینت بن رہی ہیں
ٹی وی ان پر اداس لفظوں کی بھر مار کر رہے ہیں
لیکن یہ سب جلتے ہوئے دھوئیں کے بجھنے کے ساتھ چپ ہو جائے گا
اور میرا دل جو نا مناسب وقت میں جھلسنے کے لیے ہر وقت تیار رہتا ہے
ابھی تک کوئی کیمرہ ایجاد نہیں ہوا
جو اس کے جھلسنے کی مناسب تصویر اتار سکے

عذرا عباس

نظم

مرے نزدیک کے گھر میں ہے اک ٹی وی عجب آیا
اسے جانے کہاں سے میرا ہمسایہ اٹھا لایا
شب اول ہی ظالم نے کچھ ایسا سحر فرمایا
کہ جس نے بھی اسے دیکھا وہی گھبرا کے چلایا
یہاں اک پل نہ ٹھہرو بھاگنے میں عافیت جانو
جو دیکھو گے تو مٹ جاؤ گے اے غافل مسلمانو

اسد جعفری

نظم

بکے ہوئے یہ ٹی وی انکر
بھول صحافت کی سب قدریں
آقاؤں کے کہے مطابق
گھڑتے ہیں جو جھوٹی خبریں

صدا انبالوی

نظم

اک بڑے صاحب صدارت کے لیے ہیں دستیاب
کیونکہ پی ٹی وی میں اب جاری نہیں ہے ان کی جاب

جبار واصف

نظم

بہت کچھ سوچ کر نکلے تھے گھر سے ہم
کہ ہجرت کر رہے ہیں اک مہذب ملک کی جانب
کہ شہرہ ہے اسی کا سارے عالم میں
کہ اچھا ہے اسی خوش حال خطہ میں
زیادہ سے زیادہ ہوں گی اپنی خواہشیں پوری
ہمارے بچے بھی اک اچھے سے ماحول میں رہ کر
مہذب ہی بنیں گے
اور مستقبل بھی ہو جائے گا
ان کا ہر طرح روشن
تو پھر آئینۂ تہذیب میں
ہر عکس ہی عریاں نظر آیا
اور آنکھیں بھی زمیں سے لگ گئیں
ایسا ہوا پھر
روز گھر میں ضد سے
وی سی آر ٹی وی میں
ہمارے بچوں نے دیکھا
وہی عریاں تماشہ
کیونکہ خبروں سے انہیں کوئی بھی دلچسپی نہیں
اب صرف فلمیں دیکھنا ہی ان کی عادت ہے
ہم ان کو منع کرتے تھے مگر وہ مانتے کیسے
کہ جس ماحول میں وہ رہتے ہیں اس میں
اور جو بچے ہیں وہ آزاد ہیں
ماں باپ ان کو ڈانٹ بھی سکتے نہیں
اس ملک کا قانون اس کی پشت پر ہے
جو بغاوت پر انہیں آمادہ کرتا ہے
لہٰذا ہم دباؤ ان پہ کیسے ڈال سکتے ہیں
تو ہم یہ سوچتے ہیں
اب یہاں رہنا مناسب ہی نہیں ہوگا
مگر بچے کہاں یہ چاہتے ہیں
لوٹ کر جائیں وطن
یعنی ہماری واپسی ممکن نہیں
اس فکر میں ہم اور بھی ہیں مبتلائے غم
ہمارے خواب کی دنیا اجڑ کر رہ گئی ہے
کس نے یہ سوچا تھا
ہو جائے گا کیا سے کیا
ہمیں تو اب یہی محسوس ہوتا ہے
غموں کی آگ میں جلنا پڑے گا
عمر بھر ہم کو

محمد سالم

نظم

قصہ ہے یہ دو سال پہلے کا
اک معصوم سی بچی کے بچپنے کا
پوچھا مجھ سے بیٹی کی بیٹی نے
یعنی پیاری سی اک نواسی نے
نانو کبھی جاڑوں میں کبھی گرمی میں
اور کبھی تیز موسلا دھار بارش میں
کیا کیا کہانیاں آپ مجھے سناتی ہیں
سنتے سنتے میں کبھی سو جاتی ہوں
کبھی محو حیرت بنی تخیل میں کھو جاتی ہوں
میرا ننھا سا ذہن مایوس سا رہ جاتا ہے
قصۂ یوسف کی زلیخا تو بالکل ہی بھاتی نہیں
ہاں یوسف کی محبت میں ان کے بابا کا رونا دل دکھاتا ہے
کشتیٔ نوح میں جانوروں کا ہجوم اف اللہ
موسیٰ کی چھڑی سانپ بن جانا بہت ڈراتا ہے
آج موسم تو بڑا گرم ہے اور بجلی بھی گل
میں آج آپ سے اک سوال پوچھتی ہوں نانو
دنیا گر نہ گھومتی تو یہ موسم گرما کیسے آتا
باغ میں پھولوں کی بہار سردیوں میں ہی کیوں آتی ہے
جنت کا منظر تو بڑا خوش نما بتایا آپ نے
اللہ تو بڑا رحیم و کریم ہے تو پھر جہنم کیوں بنائی
جستجو ہے یہ مجھے کہ آدم و حوا جو دنیا میں آئے
کون سی رت چل رہی تھی اور کون سا تھا موسم
زمیں تپ رہی تھی یا سردیوں کی تھی ٹھنڈی رات
چل رہی تھی پت جھڑ کی گرم ہوائیں یا تھا سرسبز موسم برسات
سوچ کر میرے ان سوالوں کا جواب بتائیں
تب پھر آپ اس قصہ کو آگے بڑھائیں
ان قصوں کی حقیقت میں میں بہت کھو جاتی ہوں
اسی لئے ٹی وی کھول رنگینیوں میں گم ہو جاتی ہوں

مسعودہ امام

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے