Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ",pgEe"

Nazm MATCHES FOR ",pgee"

Nazm

zaban-daraaz

zabaan me.n fii lafz ek inch izaafa ho rahaa hai
pahle bhii to ye kaa.ndho.n par pa.Dii thii
tumhe.n merii mushkil kaa andaaza ho rahaa hai
tum jo mujh se baat karne par a.Dii thii.n

Ammar Iqbal
Nazm

kaise samjhaen nani ko

das ruupa.e fii botal paanii
hakkaa-bakkaa rah ga.ii naanii
apnaa bachpan yaad kiyaa to
arzaanii sii thii arzaanii
baarah aane ser aslii ghii
gyaarah aane tola chaa.ndii
kele the do paise darjan
chaaval paa.nch aane pa.nserii
biscope ticket ek aana
ek aTThannii kaa paajaama
schoolo.n me.n fees nahii.n thii
collage do ruupa.e maahaana
naanaa kii tanKHvaah jo puuchhii
kul pai.ntaaliis ruupaya niklii
pai.ntaaliis hazaar ke lag-bhag
paate hai.n abbuu aur ammii

Muzaffar Hanfi
Nazm

purane coat

haathii kaan galaa hai jis kaa
astar udh.Daa daaman khiskaa
aaKHir tum kyaa doge us kaa
itne kam silvaa.ii de do
paa.nch nahii.n to Dhaa.ii de do
fii silvaT nau paa.ii de do
ye lo ghunDii kaise vaalaa
aage piichhe ga.Dba.D-jhaalaa
jaahil hai naa hindii kaalaa
buDDhaa tuu kyaa soch rahaa hai
mo.nchho.n ko kyuu.n noch rahaa hai
shaayad jaa.Daa kuuch rahaa hai
aa sardii se pinD kaTaa le
ko.ii uunii coat chukaa le
us din ko bhagvaan uThaa le
jis din ye pahnaavaa chho.Duu.n
janm ke saathii se mu.nh mo.Duu.n
naa-samjho.n se kyaa sar pho.Duu.n
rassii jis tahziib kii Dhiilii
botal ho jis chaak me.n giilii
sab jaltii hai suukhii giilii
ye jis kii bhii utran hogii
yaa bha.ngan yaa kanchan hogii
beva baa.njh girahstan hogii
german aurat kaa har daaman
jab jhaTkaa khaa.e kaa kundan
bilke.nge be-gintii jiivan
merii ye khaddar kii pinDii
uun se uu.nchii ruu.ii kii manDii
un coato.n ko kaalii jhan.Dii

Shaad Aarfi
Nazm

mukalima zaid se

us kaa matlab to ye hu.aa
ki sirf shaa.ir honaa
aap ke liye
ko.ii ahmiyat hii nahii.n rakhtaa
shaayad aisaa hii ho
lekin aap naaraaz na ho.n
agar shaa.ir hai.n tab bhii
hamaare liye
shaa.ir honaa yaa na honaa
sab baraabar hai
hame.n to ye bhii nahii.n ma.aluum
ki shaa.ir aur police vaale me.n se
kaun ziyaada hassaas hai
jis shahr me.n shaa.iro.n kii aabaadii
fii-murabba kilometer sab se ziyaada ho
vahaa.n police vaale
shaa.iro.n se ziyaada hassaas ho sakte hai.n
aur phir
police vaalo.n kii jaan ko KHatra bhii ziyaada hai
shaa.ir to sirf
apne KHvaabo.n hii ko rote rahte hai.n
unhe.n kisii baat kii parvaa nahii.n
magar aap ye sab kuchh kyuu.n puuchh rahe hai.n
kaun hai.n aap
kyaa karte hai.n
kahaa.n rahte hai.n

Zeeshan Sahil
Nazm

uf ye pabandiyan

naa beTaa anmol hai paanii
paa.nch ruupa.e fii Dol hai paanii
nau ghanTe se gol hai paanii

Muzaffar Hanfi
Nazm

abr-o-baad

kahaa hai kitnii nigaaho.n ne fii-amaanillaah
hu.e hai.n saakit-o-mabhuut kitne baam-o-dar
uThe hai.n bahr-e-du.aa kitne kaa.npte hu.e haath
kis ehtimaam se baa.ndhaa gayaa hai raKHt-e-safar

Manzoor Husain shor
Nazm

kaise samjhaen nani ko

das ruupa.e fii botal paanii
hakkaa-bakkaa rah ga.ii naanii
apnaa bachpan yaad kiyaa to
arzaanii sii thii arzaanii

Muzaffar Hanfi
Nazm

uktahaT

mere jism me.n udaasii kii miqdaar ba.Dh chukii hai
ab mai.n kisii maahir-e-ehsaasaat kii
talaash me.n huu.n jo mujhe bataa.e ki
kitne decibel zor se chiiKHuu.n
taaki merii aavaaz us tak pahu.nch sake
kitne kilometer fii ghanTe kii
raftaar se royaa jaa.e
taaki mere aa.nsuu us tak pahu.nch sake.n
baazaaro.n me.n rush hai magar mai.n akelaa huu.n
log bahre ho chuke hai.n kyo.n ki ye
merii chiiKHe.n nahii.n sun paa rahe
nii.nd kii goliyaa.n mujh se uktaa chukii hai.n
ab bistar mujhe be-rahm nazro.n se dekhtaa hai
mujhe KHud se ko.ii hamdardii nahii.n rahii
merii Diary me.n likhaa ek ek jumla
mere KHuun thuukne ke baa'd vajuud me.n aaya hai
is se pahle ki mai.n KHud ko noch khaa.uu.n
merii laash ko dafnaa do

Manzar Latif
Nazm

uktahaT

mere jism me.n udaasii kii miqdaar ba.Dh chukii hai
ab mai.n kisii maahir-e-ehsaasaat kii
talaash me.n huu.n jo mujhe bataa.e ki
kitne decibel zor se chiiKHuu.n
taaki merii aavaaz us tak pahu.nch sake
kitne kilometer fii ghanTe kii
raftaar se royaa jaa.e
taaki mere aa.nsuu us tak pahu.nch sake.n
baazaaro.n me.n rush hai magar mai.n akelaa huu.n
log bahre ho chuke hai.n kyo.n ki ye
merii chiiKHe.n nahii.n sun paa rahe
nii.nd kii goliyaa.n mujh se uktaa chukii hai.n
ab bistar mujhe be-rahm nazro.n se dekhtaa hai
mujhe KHud se ko.ii hamdardii nahii.n rahii
merii Diary me.n likhaa ek ek jumla
mere KHuun thuukne ke baa'd vajuud me.n aaya hai
is se pahle ki mai.n KHud ko noch khaa.uu.n
merii laash ko dafnaa do

Manzar Latif
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now