Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".tqdi"

Nazm MATCHES FOR ".tqdi"

Nazm

kashmakash

ek shaa.er kii tamannaa.o.n ko dhokaa de kar
us ne to.Dii hai agar pyaar bhare giit kii lai
is pe afsos hai kyuu.n is pe ta.ajjub kaisaa
ye mohabbat bhii to ehsaas kaa ik dhokaa hai

Naresh Kumar Shad
Nazm

id

yuu.n lab se apne nikle hai ab baar-baar aah
kartaa hai jis tarah ki dil-e-be-qaraar aah
ham iid ke bhii din rahe ummiid-vaar aah
ho jii me.n apne iid kii farhat se shaad-kaam
KHuubaa.n se apne apne liye sab ne dil ke kaam
dil khol khol sab mile aapas me.n KHaas o aam
aaGosh-e-KHalq gul-badano.n se bhare tamaam
KHaalii rahaa par ek hamaaraa kanaar aah
kyaa puuchhte ho shoKH se milne kii ab KHabar
kitnaa hii justujuu me.n phire ham idhar idhar
lekin milaa na ham se vo ayyaar fitnagar
milnaa to ik taraf hai aziizo ki bhar-nazar
poshaak kii bhii ham ne na dekhii bahaar aah
rakhte the ham umiid ye dil me.n ki iid ko
kyaa kyaa gale lagaave.nge dil-bar ko shaad ho
so tuu vo aaj bhii na milaa shoKH-e-hiila-juu
thii aas iid kii so ga.ii vo bhii dosto
ab dekhe.n kyaa kare dil-e-ummiid-vaar aah
us sa.ng-dil kii ham ne Garaz jab se chaah kii
dekhaa na apne dil ko kabhii ek dam KHushii
kuchh ab hii us kii jaur-o-ta.addii nahii.n na.ii
har iid me.n hame.n to sadaa yaas hii rahii
kaafir kabhii na ham se hu.aa ham-kanaar aah
iqraar ham se thaa ka.ii din aage iid se
yaanii ki iid-gaah ko jaave.nge tum ko le
aaKHir ko ham ko chho.D ga.e saath aur ke
ham haath malte rah ga.e aur raah dekhte
kyaa kyaa Garaz sahaa sitam-e-intizaar aah
kyuu.n kar lage.n na dil me.n mire hasrato.n ke tiir
din iid ke bhii mujh se hu.aa vo kanaara-giir
is dard ko vo samjhe jo ho ishq kaa asiir
jis iid me.n ki yaar se milnaa na ho 'naziir'
us ke upar to haif hai aur sad-hazaar aah

Nazeer Akbarabadi
Nazm

shab-baraat

aa kar kisii ke sar pe chhachhuu.ndar lagii ka.Dii
uupar se aur havaa.ii kii aa kar pa.Dii chha.Dii
ho ga.ii gale kaa haar paTaaKHe kii har la.Dii
paa.nv se lipTii shor machaa kar qalam tu.Dii
kartii hai phir to aisii sitamgaarii shab-baraat

Nazeer Akbarabadi
Nazm

ek ghair-alamti nazm

adhuurii la.Dkiyo
tum apne kamro.n me.n puraane saal ke bosiida calender sajaa kar sochtii ho
ye badan umro.n kii saazish me.n na aa.e.nge
tumhe.n kis ne bataayaa hai
gha.Dii kii suu.iyo.n ko rokne se dau.Dtaa aur haa.nptaa suuraj misaal-e-naqsh-e-paa
aflaak par jam jaa.egaa
tumhe.n ma.aluum hai uryaaniyo.n ko Dhaa.np kar tum aur uryaa.n ho rahii ho
roz in aa.nkho.n kii tik.Dii me.n tumhaare jism tulte hai.n
har ik shab hostel me.n taash kii baazii me.n tum ko jiit kar ik jashn hotaa hai
hamaarii KHvaab-gaaho.n me.n tumhaare KHvaab raushan hai.n
chalii aa.o
ki baahar barf hai
aur ab hame.n tum se judaa bistar kahaa.n tasliim karte hai.n
chalii aa.o ki umre.n raa.egaa.n hone se bach jaa.e.n!

Jawayd Anwar
Nazm

chuhe ki baraat chali

aa.ii mainaa saa.Dii le kar
bakraa aayaa Daa.Dhii le kar
haathii aa.e gaa.Dii le kar
bhaaluu kachchii taa.Dii le kar

Muzaffar Hanfi
Nazm

saqi nama

nahii.n ye ahd aur hai saaqii
ahl-e-europe kaa daur hai saaqii
kii hai koshish unho.n ne KHaatir-KHvaah
paa.ii hai muddato.n me.n hind kii raah
kar ke zahmat jo aa.e itnii duur
mahz tarviij-e-baada thii manzuur
jo musalmaa.n hai.n ummat-e-a.ngrez
mai-kashii se unhe.n nahii.n parhez
baada-KHvaarii kaa shaGl ghar ghar hai
aur taa.Dii to shiir-e-maadar hai
pahle paasii chamaar piite the
mardum-e-be-vaqaar piite the
ab to ahl-e-uluum piite hai.n
maahiyaan-e-rusuum piite hai.n

Nazm Tabatabai
Nazm

chachu chalaen gaDi

yuu.n Te.Dhii tirchhii aa.Dii
jaise sa.Dak ho un kii
apnii hii khetii-baa.Dii
do dost piichhe baiThe
do cha.Dh ga.e agaa.Dii
ye phaT-phaTii hai ko.ii
yaa bhaagtii pahaa.Dii
phaT phaT phaTaak kar ke
jab ye sa.Dak pe dhaa.Dii
daa.e.n ko pahle ghuumii
phir baa.e.n samt taa.Dii
ik bas se bach ke niklii
ik cycle pachhaa.Dii
ik taxi ko rag.Daa
number plate ukhaa.Dii
footpath par jo uchhlii
Takraayaa ik kabaa.Dii
phir ro.D par utar kar
machvaa dii bhag-bhagaa.Dii
vo chauk kaa sipaahii
rokii thii jis ne gaa.Dii
lo vo bhii kuud bhaagaa
phaa.ndii ba.Dii sii jhaa.Dii
yuu.n Dagmagaa ke la.Dke
chaachuu ke saare aa.Dii
dikhlaa.e.n jaise circus
kuchh masKHare anaa.Dii

Ahmad Hatib Siddiqi
Nazm

har sal in subhon

har saal in sub.ho.n ke safar me.n ik din aisaa bhii aataa hai
jab pal bhar ko zaraa sarak jaate hai.n merii khi.Dkii ke aage se ghuumte ghuumte
saat karo.D kurre aur suuraj ke piile phuulo.n vaalii phulvaa.Dii se ik pattii u.D kar
mere mez par aa girtii hai
in jumbaa jahto.n me.n saakin
tab itne me.n saat karo.D kurre phir paataalo.n se ubhar kar aur khi.Dkii ke saamne aa kar
dhuup kii is chaukor sii Tuk.Dii ko gahnaa dete hai.n
aane vaale baras tak
is kamre tak vaapas aane me.n mujh ko ik din us ko ek baras lagtaa hai

Majeed Amjad
Nazm

aaina raushan KHat-e-zangar se

chaa.nd ke saa.e me.n lau detaa badan
TimTimaate ho.nT
miiThii raushnii
gholnaa pyaalo.n me.n amrit gholnaa
kholnaa ilzaam saare kholnaa jo badan milte samay khulte nahii.n
sham.a jalne
dostii par sach utarne kii gha.Dii aane ko hai
dil me.n jitnaa khoT thaa sab pa.Dh liyaa
us aa.nkh ne
aa.nkh ne apnii qasam to.Dii nahii.n
dastaKHat mere bhii hote iKHtitaam-e-satr par
us ne kaaGaz par jagah chho.Dii nahii.n
aa.ina raushan KHat-e-za.ngaar se
dard-e-rusvaa se rihaa.ii kii sazaa tho.Dii nahii.n

Akhtar Husain Jafri
Nazm

diwar-e-chin

kahaa.n se phailaa hu.aa hai ye silsila kahaa.n tak
guzar gayaa sail himmato.n kaa
banaa ke ye kos kos sadiyo.n kii rahguzar sii
pahaa.D chillaa cha.Dhii kamaano.n se tiir phe.nke.n
to aasmaa.n gir pa.De zamii.n par
ravaa.n-davaa.n vaqt ke bahaa.o me.n
ek lambii daraa.D jaise pa.Dii hu.ii hai
aziim diivaar sar uThaa.e kha.Dii hu.ii hai
jhuke hu.e aasmaan ke niiche
jo is sahiife ko aks-dar-aks baa.nTtaa hai
ye razmiya jo lahuu kii shaffaaf raushnii se
likhaa gayaa hai
zamii.n pe chi.ngaariyaa.n u.Daate hu.e vo aa.e
jo baazu.o.n se bulandiyo.n kaa KHiraaj
lete rahe
shikam ko anaaj de kar
mashaqqate.n jin kii baa.ndiyaa.n thii.n
lahuu ke namkiin zaa.iqe
raqs karte rahte the
jin ke ho.nTo.n ke aastaa.n par
ka.Daktii aavaaz jabr ke chaabuko.n kii bijlii
inhii pahaa.Do.n pe kau.ndtii thii
yahii.n pe mehnat ke naqsh-gar ne
lahuu ke paanii me.n sang guu.ndhe
sadaa-e-tiisha uThii to koho.n se phuuT niklii.n
baqaa kii nahre.n
zamii.n ko us kii bulandiyo.n kii taraf uThaayaa
ufuq ko baa.ndhaa ufuq se us ne
qadiim quvvat ke raKHsh ne das hazaar lii masaafato.n me.n
fanaa ke taataariyo.n ke lashkar ko maat de dii
yahii.n pe mehnat ke naqsh-gar ne
silo.n ko pahnaa diye salaasil
baTe hu.e KHudgiraft qilo.n kii baa.D to.Dii
isii ne koho.n ke sar pe gaa.Dhaa
haziimato.n nusrato.n kaa parcham
kushuud kar ke jise u.Daayaa
ka.ii zamaano.n ke vaariso.n ne
jo u.D rahaa hai
nasheb ko aasmaa.n kii jaanib u.Daa rahaa hai
jo kal ko kal se milaa rahaa hai

Aftab Iqbal Shamim
Nazm

alkubDe

is aavaaz ne
itne itvaaro.n kii KHaamoshii to.Dii thii
jin kaa hisaab nahii.n

Saqi Faruqi
Nazm

ji han piTe hain

gu.Diyaa kii aa.nkh pho.Dii
guDDe kii Taa.ng to.Dii
vo ham pe ha.ns rahii thii
gardan zaraa maro.Dii
munnii ne kii shikaayat
yuu.n ham ne maar khaa.ii
ammii ne kii piTaa.ii
school se to bhaage
Daale gale me.n basta
raajuu ke saath dekhaa
bandar kaa bas tamaashaa
ghar par ye baat pahu.nchii
ham ne na kii pa.Dhaa.ii
ammii ne kii piTaa.ii
halve kii baat chho.Do
kyaa seb kaa murabba
ras-gulle aur barfii
makkhan kaa saaraa Dabbaa
jo chiiz bhii ki dekhii
ham ne churaa ke khaa.ii
ammii ne kii piTaa.ii
sab saamne the baiThe
Dhe.nchuu.n kaa raag gaayaa
paapaa ke dosto.n ko
phir ham ne mu.nh chi.Dhaayaa
itnii sii dil lagii par
shaamat hamaarii aa.ii
ammii ne kii piTaa.ii
bhayyaa to so rahe the
pa.nkhe ko off kar ke
ham ho ga.e ravaana
jebo.n ko saaf kar ke
chhoTii sii ye sharaarat
ham ko na raas aa.ii
ammii ne kii piTaa.ii

Mukhtar Tonki
Nazm

shararat ki putli

sharaarat kii putlii thii baajii kii munnii
vo itnii sii fitnii thii baajii kii munnii
idhar aur udhar thii vo bas aatii jaatii
yuu.n hii phirtii rahtii vo DanDe bajaatii
kabhii be-kahe chiiz us kii uThaa lii
na puuchhaa-gachhaa mu.nh me.n rakh jhaT se khaa lii
kabhii mu.nh banaayaa kabhii mu.nh chi.Dhaayaa
kabhii paas baiThe hu.e ko haTaayaa
kabhii baal noche kabhii chuTkiyaa.n lii.n
kabhii pin chubho dii kabhii ghu.Dkiyaa.n dii.n
kabhii is sahelii kaa juutaa chhupaayaa
kabhii us sahelii kaa halva u.Daayaa
kitaab us kii phaa.Dii davaat us kii to.Dii
Garaz ko.ii baaqii sharaarat na chho.Dii
sharaarat se bas buuTii buuTii bharii thii
vo munnii sharaarat kii ik phuljha.Dii thii
ka.Dhaa.ii banaa.ii na khaanaa pakaanaa
na siinaa pironaa na pa.Dhnaa pa.Dhaanaa
vo ghar kaa ko.ii kaam-dhandaa na kartii
yuu.n hii saare din ghar me.n be-kaar phirtii
kahaanii ye munnii kii hai KHuub 'nayyar'
pa.Dhii jaa.egii shauq se KHuub ghar ghar

Mohammad Shafiuddin Nayyar
Nazm

darshan

yuu.n maayuusii ke sho.alo.n se
ummiid ke Gunche murjhaa.e
jis tarah ki Tiddii dal aa kar
kheto.n ko viiraa.n kar jaa.e

Salam Sandelvi
Nazm

be-nam udasi

qahqahe havaa.o.n me.n bikhar ga.e
kursiyaa.n aur Table.n
viiraan ho ga.ii.n
shaam phir udaas ho ga.ii
ek be-naam soch me.n
Duub ga.ii
jaise ghar ke kuu.De-daan me.n
mu.Dii tu.Dii sii ko.ii chiiz
mil ga.ii
jaise chalte chalte raah me.n
ko.ii baat
yaad aa ga.ii
KHaalii hai.n gilaas
KHaalii hai.n botale.n
zindagii bhii KHaalii hai
KHaalii botalo.n kii tarah
shaam phir udaas ho ga.ii
ek be-naam soch me.n
Duub ga.ii

Ehtisham Akhtar
Nazm

afsos

magar ham ne dekhaa
ki viiraan ghaaTii kaa daaman bharaa thaa
bahut saarii chiize.n
havaa.o.n ke paa.nv se uljhii hu.ii thii.n
du.aa.o.n kii
KHaalii aur au.ndhii pa.Dii shiishiyaa.n
aur TuuTii hu.ii panjgaana namaaze.n
navaafil-o-siyaam kii saKHt Dhaale.n
masaajid ke rasto.n me.n to.Dii ga.ii
juutiyo.n
aur qadm-dar-qadam
nekiyo.n kii qataare.n
vazaa.if-o-daruud-o-munaajaat ke
ik ribbon me.n ba.ndhe
KHudaavand-e-aalam kii rassii ke Tuk.De
aur aisii bahut saarii chiize.n
KHudaa kii KHudaa.ii me.n bikhrii hu.ii thii.n
ki jaise yahaa.n
raat Thahre hu.e kaarvaa.n ko
ab un kii zaruurat na thii
ki baKHshish kaa KHaalii kanastar
bahut bhar gayaa thaa
magar nek naamo.n kii phe.nkii hu.ii
bahut saarii chiizo.n ke
is Dher me.n
ko.ii hamsaa.e kaa dard
us par bahaayaa gayaa garm aa.nsuu nahii.n thaa
ko.ii bhuuk ko kaaTne vaalaa dildaar chaaquu nahii.n thaa
saKHaavat kaa KHaamosh haath
aur shaqaavat pe uThtaa hu.aa ko.ii baazuu nahii.n thaa
bahut saarii chiize.n thii.n
lekin kahii.n bhii taraazuu nahii.n thaa

Yameen
Nazm

sach kahna hai

ai taKHt-nashii.n logo tum ne
ye kaisaa mulk banaa Daalaa
har hisse me.n hai zaKHm bahut
har shakl pe maatam chhaayaa hai
qatra-qatra KHuu.n bahtaa hai
reza-reza sab marte hai.n
har lamha ik Dar rahtaa hai
ko.ii saayaa jaane kahaa.n se
aa dhamke phir khaa hii jaa.e
ham Darte hai.n sab Darte hai.n
sab kaa Darnaa laazim bhii hai
in kamro.n me.n chiiKH rahii hai
sach kahne vaalii KHaamoshii
sach sun ne vaalii ik aadat
sach likhne vaale kuchh paagal
hai.n zabt kahii.n par log yahaa.n
ko.ii khoje aaKHir un ko
haa.n un logo.n me.n himmat hai
topo.n ke aage rakh de.nge
kuchh giit kahaanii nazm qalam
kuchh diivaare.n potii jaa.e.ngii
kuchh va.ade likkhe jaa.e.nge
vo dahshat to.Dii jaa.egii
kuchh putle phuu.nke jaa.e.nge
Daflii pe raag banegii phir
tab ek mash.al jalegii phir
zanjiire.n talvaare.n tope.n
ye sab Gaa.eb ho jaa.e.ngii
ham phir se tab muskaa.e.nge
ham phir se sach kah paa.e.nge

Ashwini Yadav
Nazm

paigham-e-mohabbat

az-bas-ki ziyaada ho yaa kam ham ne uThaayaa
rotii hu.ii har aa.nkh kaa nam ham ne uThaayaa
holii me.n hu.ii KHuun kii holii to hu.aa dukh
to.Dii ga.ii masjid bhii to Gam ham ne uThaayaa
rahnaa hai to ham aise rahe.n pyaar se 'ahsan'
kahnaa na pa.De baar-e-sitam ham ne uThaayaa

Sayeed Ahsan
Nazm

kirya karm

sar-e-bazm ham ye sitam dekhte hai.n
hamaarii taraf aap kam dekhte hai.n
jo miltaa hai saaqii ke ruKH kaa pasiina
na taa.Dii na whiskey na rum dekhte hai.n
na dekhe kisii ne achhuute vo jalve
in aa.nkho.n se terii qasam dekhte hai.n
chale.n siidhe raste ye kyaa naujavaa.n dil
tirii zulf me.n pech-o-KHam dekhte hai.n
sar-e-Gair paa-posh se hai safaachaT
mohabbat kaa kiryaa karam dekhte hai.n
KHushii Gam junuu.n hijr gor-e-Gariibaa.n
mohabbat ke itne janam dekhte hai.n
lagaate hai.n dil baad me.n ye hasiin ab
ki jebo.n me.n pahle raqam dekhte hai.n
zariif-e-suKHan-sanj naGma-saraa hai
ye urdu kaa faiz-e-karam dekhte hai.n

Zareef Jabalpuri
Nazm

muft mujhe badnam kiya

ahmar kii vo shoKHii thii
us ne taKHtii to.Dii thii
mujh se teacher ne puuchhaa
mai.n ne sach-sach bol diyaa
merii sachchii baato.n ko
chuGlii kaa kyo.n naam diyaa
muft mujhe badnaam kiyaa

Amanul Haque Balapuri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now