Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "KHidmat-e-urduu-e-mo.allaa"

Nazm MATCHES FOR "KHidmat-e-urduu-e-mo.allaa"

Nazm

billu ka basta

chhoTii sii billuu
chhoTaa saa basta
Thuu.nsaa hai jis me.n
kaaGaz kaa dasta
lak.Dii kaa gho.Daa
ru.ii kaa bhaaluu
chuuran kii shiishii
aaluu kachaaluu
billuu kaa basta
jin kii piTaarii
jab is ko dekho
pahle se bhaarii
laTTuu bhii is me.n
rassii bhii is me.n
Da.nDaa bhii is me.n
gillii bhii is me.n
ai pyaarii billuu
ye to bataa.o
kyaa kaam karne
school jaa.o
urdu na jaano
english na jaano
kahtii ho KHud ko
bilqiis baano
umr kii itnii
kachchii nahii.n ho
chhe saal kii ho
bachchii nahii.n ho
baahar nikaalo
lak.Dii kaa gho.Daa
ye laTTuu rassii
ye gillii Da.nDaa
gu.Diyaa ke juute
jampar juraabe.n
baste me.n rakkho
apnii kitaabe.n
mu.nh na banaa.o
school jaa.o
ai pyaarii billuu
ai pyaarii billuu

Ibn۔e۔Insha
Nazm

urdu

Gazlo.n ke ai shahanshaah 'miir'-e-jahaan-e-urdu
baaqii nahii.n jahaa.n me.n naam-o-nishaan-e-urdu
KHuun-e-jigar se tuu ne jis reKHta ko sii.nchaa
aalam me.n naza.a ke hai miltaa nahii.n masiihaa
jis baaG me.n palii thii us me.n sabhii ne maslaa
jis gulsitaa.n kii jaa.n thii us me.n bhii ab hai rusvaa
jis kii zabaano.n par hai kam aise rah ga.e hai.n
bahvaT me.n vaqt hii kii sab log bah ga.e hai.n
ahl-e-zabaa.n ne chho.Daa daanish-var uTh rahe hai.n
rusvaa.ii hai muqaddar jis samt bhii ga.e hai.n
Gazlo.n ke ai shahanshaah 'miir'-e-jahaan-e-urdu
baaqii nahii.n jahaa.n me.n naam-o-nishaan-e-urdu

Mohammad Owais Khan
Nazm

urdu

zau-fishaa.n tuu rahe ai sham.a-e-zabaan-e-urdu
teraa har zarra chamak kar mah-e-kaamil ho jaa.e
bol-baalaa ho tiraa mulk ke har goshe me.n
terii lau zeb-dah-e-anjuman-e-dil ho jaa.e
terii har satr bane zulf-e-hasiinaan-e-jahaa.n
ik zamaana tiraa paaband-e-salaasil ho jaa.e
jaan de husn-e-fasaahat pe masiihaa-nafasii
saamrii bhii tire e.ajaaz kaa qaa.il ho jaa.e
tere har lafz me.n ho dard-e-mohabbat kii ta.Dap
har suKHan sharh-e-bayaan-e-KHalish-e-dil ho jaa.e
ho gayaa me.n tire parvaano.n kaa har saal hujuum
roz-afzuu.n tiraa hangaama-e-mahfil ho jaa.e
ho kuchh is tarah gul-afshaanii-e-arbaab-e-suKHan
jis se paamaalii-e-gulbaa.ng-e-anaadil ho jaa.e
mai-e-gul-rang-e-shafaq se rahe rangii.n tiraa jaam
terii har bazm-e-adab mai-kada-e-dil ho jaa.e
hazrat-e-nuuh kaa uThtaa rahe tuufaa.n yuu.nhii
Garq-e-sailaab-e-suKHan daaman-e-saahil ho jaa.e
har nau-aamoz sila paa.e tirii KHidmat kaa
har mah-e-nau tire sadqe mah-e-kaamil ho jaa.e
zahe taqdiir zahe baKHt ki naachiiz 'sariir'
tire KHuddaam kii fihrist me.n shaamil ho jaa.e

Sareer Kabiri
Nazm

pir-e-mughan-e-urdu

suunaa suunaa saa hai kyuu.n aaj jahaan-e-urdu
uTh gayaa kahte hai.n ik piir-e-muGaan-e-urdu

Masud Husain Khan
Nazm

KHidmat-e-watan

vatan kii KHidmat-e-be-laus hai har shaKHs par laazim
yahii vo kaam hai jo aadmii ke kaam aataa hai
lagaa dii jaatii hai hubb-e-vatan me.n sar kii baazii bhii
ik aisaa bhii vufuur-e-josh me.n ha.ngaam aataa hai
palaTne hii ko hai qismat tumhaarii ai vatan vaalo
tumhaare vaaste ye arsh se paiGaam aataa hai
Gulaamii duur hotii hai tumhaarii ab ko.ii dam me.n
hukuumat aur sardaarii kaa phir ha.ngaam aataa hai
musiibat hai ye bilkul aarzii is par na ghabraanaa
bas ab aataa hai ahd-e-raahat-o-aaraam aataa hai
vahii phir bhii bazm hogii phir vahii ra.ngiiniyaa.n ho.ngii
vahii paimaana aataa hai vahii phir jaam aataa hai
tum apnii naa-tavaanii se pareshaa.n is qadar kyuu.n ho
kabhii kamzor honaa bhii bashar ke kaam aataa hai
miTaa detaa hai dam me.n naKHvat-e-namruud ik machchhar
kabhii aisaa bhii daur-e-gardish-e-ayyaam aataa hai
KHudaa-raa is nizaa-e-baahamii ko KHatm farmaa do
zaraa socho ki tum par kis qadar ilzaam aataa hai
kabhii chi.Dtaa hai gar mazkuur, qaumo.n kii jahaalat kaa
to sab se pahle kaano.n me.n tumhaaraa naam aataa hai
ye nukta yaad rakkho us ko bhuulaa kah nahii.n sakte
jo vaqt-e-sub.h jaa kar, ghar pe vaqt-e-shaam aataa hai

Ahmaq Phaphoondvi
Nazm

KHidmat-e-watan

vatan kii KHidmat-e-be-laus hai har shaKHs par laazim
yahii vo kaam hai jo aadmii ke kaam aataa hai
lagaa dii jaatii hai hubb-e-vatan me.n sar kii baazii bhii
ik aisaa bhii vufuur-e-josh me.n hangaam aataa hai
palaTne hii ko hai qismat tumhaarii ai vatan vaalo
tumhaare vaaste ye arsh se paiGaam aataa hai
Gulaamii duur hotii hai tumhaarii ab ko.ii dam me.n
hukuumat aur sardaarii kaa phir hangaam aataa hai
musiibat hai ye bilkul aarzii is par na ghabraanaa
bas ab aataa hai ahd-e-raahat-o-aaraam aataa hai
vahii phir bazm hogii phir vahii rangiiniyaa.n ho.ngii
vahii paimaana aataa hai vahii phir jaam aataa hai
tum apnii naa-tavaanii se pareshaa.n is qadar kyo.n ho
kabhii kamzor honaa bhii bashar ke kaam aataa hai
miTaa detaa hai dam me.n naKHvat-e-namruud ik machchhar
kabhii aisaa bhii daur-e-gardish-e-ayyaam aataa hai
KHudaaraa is nizaa-e-baahamii ko KHatm farmaa do
zaraa socho ki tum par kis qadar ilzaam aataa hai
kabhii chhi.Dtaa hai gar mazkuur qaumo.n kii jahaalat kaa
to sab se pahle kaano.n me.n tumhaaraa naam aataa hai
ye nukta yaad rakkho us ko bhuulaa kah nahii.n sakte
jo vaqt-e-sub.h jaa kar ghar pe vaqt-e-shaam aataa hai

Ahmaq Phaphoondvi
Nazm

curfew mein mushaera

kyaa jaane us zariif ke kyaa dil me.n aa.ii thii
curfew me.n jis ne mahfil-e-sherii sajaa.ii thii
allaah aisaa zauq jahannam me.n Daal de
curfew me.n shaa.iro.n ko jo ghar se nikaal de
aise me.n jab ki shahr ke sab raaste ho.n band
sa.Dko.n pe aa ga.e the ye baa-zauq shar-pasand
aise me.n jab ki ghar se nikalnaa muhaal thaa
lekin ye shaa.iro.n kii anaa kaa savaal thaa
sherii-mahaaz KHaana-e-shaa.er se duur thaa
ka.aba me.n haajiyo.n ko pahu.nchnaa zaruur thaa
shaa.ir ravaa.n the sher ke chaaquu liye hu.e
dil me.n KHayaal-e-KHidmat-e-urdu liye hu.e
zor-e-qalam ke saath sipaah-e-riyaaz thii
qaanuun haath me.n thaa baGal me.n bayaaz thii
galiyo.n me.n qatl-o-KHuu.n thaa sa.Dak par fasaad thaa
shaa.ir ba-zor-e-fikr shariik-e-jihaad thaa
kaisii nikal rahii thii sadaa gun-machine se
jaise kisii ko daad mile saama.iin se
shaa.ir bayaaz laa.e the sanduuq kii tarah
misre ugal rahe the vo banduuq kii tarah
jab firing ahl-e-suKHan kii hu.ii tamaam
ye KHidmat-e-adab kaa police ne sila diyaa
kuchh shaa.iro.n ko road pe murGaa banaa diyaa
kuchh kohna-mashq bhii the sujuud-o-rukuu me.n
jabran unhe.n pa.Dhaayaa gayaa thaa shuruu.a me.n
tarhii mushaa.ere kaa samaa.n de rahe the vo
ik misra-e-tarah pe azaa.n de rahe the vo
kuchh shaa.iro.n ko naGma-saraa.ii kii fikr thii
sadr-e-mushaa.ira ko rihaa.ii kii fikr thii
jab shaa.iro.n ke haath shariik-e-du.aa hu.e
curfew kaa vaqt KHatm hu.aa tab rihaa hu.e
sab apne apne ghar ga.e is haav-huu ke ba.ad
shaa.ir-aziim hotaa hai har curfew ke ba.ad

Khalid Irfan
Nazm

KHidmat-e-KHalq

kaash mai.n ek pe.D ban jaataa
pe.D ban kar jahaa.n ke kaam aataa
raat din ik jagah kha.Daa rahtaa
garmii sardii kii shiddate.n sahtaa
KHuub baarish me.n bhiig jaataa magar
shikva hargiz na laataa mai.n lab par
dhuup me.n log mere paas aate
mere saa.e me.n vo sukuu.n paate
chhaa.nv me.n aa ke baiTh jaate parind
phuul phal pattiyo.n se sab merii
puurii karte zaruurate.n apnii
mai.n kisii ghar me.n ii.ndhan hii bantaa
yaa imaarat ke kaam me.n aataa
al-Garaz jis tarah bhii ban pa.Dtaa
KHidmat-e-KHalq me.n lagaa rahtaa

Ameen Hazin
Nazm

ye KHidmat-e-janab

luTe hu.e qadiim qaafilo.n ke marsiye ho tum
mirii har ek saa.ns me.n Gazal kii ik kitaab hai
ku.e.n ke me.nDako
suno
mirii nazar me.n gahre niile paaniyo.n ke KHvaab hai.n

Nighat Sahiba
Nazm

premchand ko KHiraj-e-aqidat

vo premchand-munshii-e-be-misl-o-be-badal
thii jis ke dam se bazm-e-adab me.n chahal-pahal
afsaane jis ke sham-e-hidaayat the bar-mahal
naa-vaqt aah ho gayaa vo luqma-e-ajal
is soz-e-jaa.n-gusil se har ik dil kabaab hai
fart-e-tapish hai aatish-e-Gam be-hisaab hai
ilmii shaGaf se us ke nahii.n kaun baa-KHabar
har qalb par fasaane hu.e naqsh kal.hajar
hai bahr-e-ilm terii ravaanii se sar-basar
daamaan-o-jeb-e-urdu-o-hindii hai.n pur-guhar
tarz-e-bayaa.n har ek kaa tuu ne dikhaa diyaa
dhabba har ik kaa apne qalam se miTaa diyaa
bazm-e-adab ko KHvaab me.n bhii ye na thaa KHayaal
unniis sau chhattiis kaa nahs hogaa us ko saal
avval vafaat-e-barq kaa us ko hu.aa malaal
phir chal diyaa jahaan se ye munshii-baa-kamaal
naqsh-e-qaraar sail-e-fanaa se miTaa hai aaj
aivaan-e-nazm-o-nasr me.n maatam bapaa hai aaj
tujh ko premchand ye shaayad nahii.n KHabar
kitnaa vafaat kaa tirii duniyaa pe hai asar
'suufii' jahaa.n me.n Dhuu.nDhtii hai us ko har nazar
ai maahtaab-e-ishq bataa tuu chhupaa kidhar
kyaa shauq saama.ii.n kaa faraamosh ho gayaa
afsaana kahte kahte jo KHud haa.e so gayaa

Rangeshwar Dayal Saxena Sufi
Nazm

KHidmat-e-adab

jab tak adab-baraa-e-adab kaa rahaa KHayaal
adbaar-o-muflisii se rahe ham shikasta-haal
saa.e kii tarah saath nahuusat lagii rahii
ik rog ban ke jaan se usrat lagii rahii
go shaa.erii kaa rang nikhartaa chalaa gayaa
shiiraaza-e-ma.aash bikhartaa chalaa gayaa
lekin KHudaa bhalaa kare ik mehrbaan kaa
jin ko adab-baraa-e-shikam kaa hai tajraba
mausuuf ne bataa.ii hame.n vo pate kii baat
ab din hai roz-e-iid to shab hai shab-e-baraat
all india mushaa.era majlis ke naam se
kholaa hai ik idaara-e-nau dhuum-dhaam se
karte hai.n shaa.erii ke evaz ab mushaa.era
is rozgaar se hai hame.n KHuub faa.eda
har tiin chaar maah ke vaqfe pe be-KHalal
apne programme pe karte hai.n ham amal
ya.anii mushaa.ere kaa chalaate hai.n kaarobaar
chhapvaa ke roz-naamo.n me.n jhuuTaa ye ishtihaar
'josh'-o-'firaaq'-o-'saahir' o 'parvez' shaahidii
'faiz'-o-'KHaliil'-o-'jazbii' o 'maKHduum'-o-'ja.afarii'
kursii-o-arsh-o-lauh-o-qalam sab hii aa.e.nge
taaza kalaam apnii zabaa.n se sunaa.e.nge
is ishtihaar me.n vo kashish hai ki ahl-e-zauq
lete hai.n daaKHle kaa ticket dau.D kar ba-shauq
circus me.n jis tarah se ho KHilqat kaa izhdihaam
yuu.nhii mushaa.ere me.n pahu.nchte hai.n KHaas-o-aam
sab log baiTh jaate hai.n farsh-e-zamii.n pe jab
mic pe jaa ke karte hai.n elaan ham ye tab
afsos hai ki aa na sake 'josh' aur 'firaaq'
ye moscow ravaana hu.e vo ga.e iraq
'jazbii' ko iKHtilaaj hai 'parvez' hai.n aliil
gaa.Dii zaraa sii chuuk se miss kar ga.e 'KHaliil'
bhejii hai 'faiz'-o-'saahir'-o-'maKHduum' ne KHabar
seat un ko mil sakii na havaa.ii jahaaz par
go ye KHabar dilo.n ko guzartii hai naagavaar
honaa hai jalsa-gaah me.n tho.Daa saa intishaar
le kar magar zehaanat-e-fitrii se kaam ham
dam-bhar me.n saama.iin ko karte hai.n raam ham
Dais pe tuk-farosho.n kaa rahtaa hai ik hujuum
filmii dhuno.n me.n gaane kii jin ke ba.Dii hai dhuum
jo KHud ticket KHariid ke aate hai.n bazm me.n
ham un se apnaa kaam chalaate hai.n bazm me.n
le le ke gaTkarii jo sunaate hai.n vo kalaam
u.Dte hai.n vaah vaah ke na.aro.n se saqf-o-baam
bazm-e-nashaat bantaa hai saaraa mushaa.era
hotaa hai kaamyaab hamaaraa mushaa.era
KHush-KHush gharo.n ko jaate hai.n huzzaar ik taraf
noTo.n kaa ham lagaate hai.n ambaar ik taraf
ye KHidmat-e-adab kaa tariiqa hai laa-javaab
pesha ye vo hai jis me.n munaafa hai be-hisaab

Raza Naqvi Vahi
Nazm

urdu-e-mualla

muddato.n sarkaar-e-dehlii me.n rahii ye baaryaab
ab tak urdu-e-mu.allaa hai vahii shaahii KHitaab
daur-daura lucknow me.n bhii thaa qabl-az-inqalaab
kar liyaa thaa nukta-sanjo.n ne isii ko intiKHaab
har adaa-shiirii.n mazaaq-e-paarsaa-o-ri.nd me.n
us kaa tuutii boltaa thaa sabza-zaar-e-hind me.n

Safi Lakhnavi
Nazm

pasban-e-urdu

kahe.n na kyuu.n ai qavii tujhe ham ba-sidq-e-dil paasbaan-e-urdu
banaa hai terii hii sa.ii-o-kaavish se saifiya gulsitaan-e-urdu
nafas nafas me.n tire yaqiinan basii hai buu-e-zabaan-e-urdu
tirii navaa hai navaa-e-urdu tiraa bayaa.n hai bayaan-e-urdu
dikhaa.ii.n bhopal ko tire hii junuu.n ne jahd-o-amal kii raahe.n
vagarna maayuus ho chuke the yahaa.n ke chaara-garaan-e-urdu
vajuud teraa sabhii ke haq me.n hai chashma-o-aabshaar-o-dariyaa
bujhaate hai.n pyaas apnii apnii tujhii se sab tishnigaan-e-urdu
ise zamaana-shanaasii terii na ham kahe.nge to kyaa kahe.nge
banaa diyaa 'saifiya' ko tuu ne jo ek daarul-amaan-e-urdu
tujhii se shahr-e-Gazal ko iqbaaliyaat kii manzile.n milii hai.n
tire hii azm-o-amal se hai gaamzan yahaa.n kaarvaan-e-urdu
tiraa ujaalaa miTaa rahaa hai shab-e-jahaalat kii tiirgii ko
chamak rahaa hai tuu ban ke bhopal me.n mah-e-aasmaan-e-urdu
khilaa.e hai.n shaaKH shaaKH tuu ne yahaa.n pe nutq-o-navaa ke Gunche
Galat nahii.n hai jo kah rahe hai.n sabhii tujhe KHush-bayaan-e-urdu
tire azaa.em kii istaqaamat pe sar-ba-kaf hai.n hariif tere
KHushaa ki tere javaan haatho.n me.n aaj bhii hai kamaan-e-urdu
sad-aafrii.n terii himmato.n par sad-aafrii.n terii jur.ato.n par
sunaa.ii hai bazm-e-Gair me.n tuu ne baarhaa daastaan-e-urdu
ye kam nahii.n hai ki mo'tarif hai tirii basiirat kaa ye zamaana
rahaa hai sad.haa KHuluus-e-dil se tuu shaamil-e-aashiqaan-e-urdu
ravaa.n hai.n taqriir aur tahriir se tirii aagahii ke chashme
tiraa qalam hai vaqaar-e-urdu tirii zabaa.n tarjumaan-e-urdu
mujalla 'Gaalib' pe kar ke shaa.e kiyaa hai be-shak kamaal tuu ne
jahaan-e-ilm-o-adab ke haq me.n hai KHuub ye armuGaan-e-urdu
na.e na.e gul khilaa rahaa hai adab me.n tere qalam kaa jaaduu
tirii faraasat ke mo'tarif hai.n tamaam-tar nukta-daan-e-urdu
agarche raaho.n me.n terii haa.il hu.e hai.n diivaar ban ke aksar
magar tire azm-o-hausla se KHajil hai.n sab haasidaan-e-urdu
ye terii koshish hifaazato.n kii ye teraa jazba salaamtii kaa
na ho to urdu ko bech khaa.e.n zaraa me.n ye taajiraan-e-urdu
misaal-e-KHurshiid tuu ne baKHshii hai raushnii jin ko ilm-o-fan kii
chamak rahe hai.n adab ke garduu.n pe ban ke vo aKHtaraan-e-urdu
jo tere fan ke amiin ban kar fazaa-e-aalam pa chhaa ga.e hai.n
ba.Dii aqiidat se dekhte hai.n tujhe vo shaa.istagaan-e-urdu
ujaalaa karte rahe.nge yuu.nhii charaaG ban kar rah-e-talab me.n
har ik qadam par jo tuu ne chho.De hai.n jagmagaate nishaan-e-urdu
kahaa hai tuu ne bhii baarhaa KHud yahii.n palii hai yahii.n ba.Dhii hai
kisii zabaa.n kii hariif hargiz yahaa.n nahii.n hai zabaan-e-urdu
tire jihaad-o-amal ke sadqe yaqiin hai ai qavii ye ham ko
isii tarah tuu banaa rahegaa yahaa.n sadaa paasbaan-e-urdu

Rahbar Jaunpuri
Nazm

titanic

dabistaan-e-urdu ke gahre samundar kii
tah me.n se ik din
mirii nazm Gota-zano.n ko milegii
vahii nazm jo mai.n ne tum par likhii hai

Shoaib Kiani
Nazm

tarana-e-urdu

ik ik kitaab is kii phuulaa-phalaa chaman hai
gulzaar-e-be-KHizaa.n hai urdu zabaa.n hamaarii

Shatir Hakeemi
Nazm

tarana-e-urdu

hogii gavaah KHaak-e-hindostaa.n hamaarii
is kii kiyaariyo.n se phuuTii zabaa.n hamaarii
hinduu ho.n yaa musalmaa.n iisaa.ii ho.n ki sikh ho.n
urdu zabaa.n ke ham hai.n urdu zabaa.n hamaarii
marnaa bhii saath is ke jiinaa bhii saath is ke
ham is ke hai.n muhaafiz ye paasbaa.n hamaarii
'KHusrav' 'kabiir' 'tulsii' 'Gaalib' kii hai.n amaanat
kyaa be-nishaan hogii pyaarii zabaa.n hamaarii
qand-o-nabaat se hai ba.Dh kar miThaas is kii
har daur me.n rahii hai ye dilsitaa.n hamaarii
is me.n ta.nke hu.e hai.n kitne hasii.n sitaare
qaumo.n kii kahkashaa.n hai urdu zabaa.n hamaarii
phir chaahtaa hai is ko daur-e-jahaa.n miTaanaa
hogii raqam lahuu se phir daastaa.n hamaarii
hai.n jaa.n se bhii ziyaada ham ko aziiz dono.n
hindostaa.n hamaaraa urdu zabaa.n hamaarii
vo bhii to ek din thaa ham miir-e-kaarvaa.n the
taqliid kar rahaa thaa har kaarvaa.n hamaarii
ham to har ik zabaa.n ko dete hai.n pyaar apnaa
phir kis liye miTaa.e ko.ii zabaa.n hamaarii
ham zabt kii hado.n se aage nikal chuke hai.n
kab tak ye aazmaa.ish ai aasmaa.n hamaarii
'ejaaz' mil ke gaa.e.n urdu kaa sab taraana
guu.nje fazaa me.n har-suu urdu zabaa.n hamaarii

Ejaz Siddiqi
Nazm

urdu zaban

na siyaahii kaa samundar na falak saa kaaGaz
kaise likkhe ko.ii taariif-e-zabaan-e-urdu

Javed Rasheed Amir
Nazm

mirza ghaalib

maadar-e-hind ke fankaar the mirzaa 'Gaalib'
apne fan me.n ba.De hushyaar the mirzaa 'Gaalib'
aap kaa naam asadullaah thaa nau-shaah laqab
mirzaa Gaalib se hu.e baad me.n maaruuf-e-adab
aaj bhii pa.Dh ke kalaam aap kaa hairat me.n hai.n sab
zulf-e-urdu me.n giraftaar the mirzaa Gaalib
maadar-e-hind ke fankaar the mirzaa Gaalib
akbarabad me.n paidaa hu.e dehlii me.n rahe
ahd-e-tiflii hii se duniyaa ke ba.De zulm sahe
ab bhii har ahl-e-suKHan aap ko ustaad kahe
saare sho.araa ke alam-daar the mirzaa Gaalib
maadar-e-hind ke fankaar the mirzaa 'Gaalib'
ta.ng-dastii me.n bhii chho.Daa na vafaa kaa daaman
muflisii me.n bhii na apnaa.e KHushaamad ke chalan
KHuun-e-jazbaat se shaadaab kiyaa baaG-e-suKHan
fitratan shaa.er-e-KHuddaar the mirzaa 'Gaalib'
maadar-e-hind ke fankaar the mirzaa Gaalib
aap par faarsii sho.araa kaa bhii thaa KHuub asar
mas.ala KHidmat-e-urdu kaa bhii thaa pesh-e-nazar
apne ash.aar kii azmat se bhii vaaqif the magar
'miir' jii ke bhii taraf-daar the mirzaa 'Gaalib'
maadar-e-hind ke fankaar the mirzaa 'Gaalib'
KHat-naviisii kaa diyaa ek anokhaa andaaz
guu.nj uThii bazm-e-adab me.n ye niraalii aavaaz
aap maidaan-e-suKHan me.n bhii the sab se mumtaaz
saath hii ik ba.De nassaar the mirzaa 'Gaalib'
maadar-e-hind ke fankaar the mirzaa 'Gaalib'
be-niyaaz-e-Gam-o-aalaam har ik fikr se duur
ho musiibat me.n bhii rahte the hamesha masruur
aaj bhii jin ke latiife hai.n jahaa.n me.n mash.huur
muskuraate hu.e kirdaar the mirzaa 'Gaalib'
maadar-e-hind ke fankaar the mirzaa 'Gaalib'

Kaif Ahmed Siddiqui
Nazm

nara-e-urdu

mere har lafz me.n hai kausar-o-ga.ngaa kaa lahuu
adab-o-fan hii hai.n bikhre hu.e mere gesuu
chaman-e-sharq me.n raqsinda hai.n merii KHushbuu
daulat-e-ilm se aabaad hai meraa pahluu

Izhaar Malihabadi
Nazm

urus-ul-bilad

chaashnii hai zabaan me.n jin kii
paasbaa.n ye amiir KHusrau ke
'miir'-o-'Gaalib' ke raazdaan-e-suKHan
vaarisaan-e-zabaan-e-urdu hai.n
gholte hai.n miThaas baato.n se
apnaa lahja hasiin rakhte hai.n
ek tahziib hai saqaafat hai
is ke khaano.n kii apnii lazzat hai
aur phir husn kii tamaazat hai
dekhne vaale dekhte hai.n kahii.n
is ke saahil pe raunaq-e-duniyaa
kheltii ha.nstii Gul machaatii hu.ii
man-chale ha.nste muskuraate hu.e
zindagii kii Gazal sunaate hu.e
raunaqo.n ke asiir rahte hai.n
jis ko kahte the log kolaachi
ab vo saahil kinaare bastaa shahr
jaanaa jaataa hai shahr-e-qaa.id se
log jis ko karaachi kahte hai.n

Mehr Husain Naqvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now