Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "aab-dozo.n"

Nazm MATCHES FOR "aab-dozo.n"

Nazm

maut ki KHushbu

ye sab Gam puraane
ye milne bichha.Dne ke mausam puraane
puraane Gamo.n se
na.e Gam ulajhne chale hai.n
labo.n par na.e niil
dil me.n na.e pech pa.Dne lage hai.n
Ganiim-aasmaano.n me.n
dushman jahaazo.n kii sargoshiyaa.n hai.n
sitaaro.n kii jaltii hu.ii bastiyaa.n hai.n
aur aa.nkho.n ke raadaar par
sirf taariik parchhaa.iyaa.n hai.n
hame.n maut kii tez KHushbuu ne paagal kiyaa hai
umiido.n kii surKH aab-dozo.n me.n sahme
tabaahii ke kaale samundar me.n
bahte chale jaa rahe hai.n
karaa.n-taa-karaa.n
ek gaa.Dhaa kasiilaa dhu.aa.n hai
zamii.n terii miTii kaa jaaduu kahaa.n hai

Saqi Faruqi
Nazm

mujh sa mabhut aashiq

vo ab bhii samundar me.n
iThlaatii sat.ho.n ke niile bahaav me.n
apne alaav me.n
qasr-e-zamurrad me.n tanhaa bhaTaktii hai
ik baa-ahaa aab-o-aatish me.n
ra.ngo.n kii baarish me.n
ab bhii vo zulfe.n jhaTaktii hai
to uud-o-ambar kii mahkaar aatii hai
qatraat u.D kar
dahan kitne gho.ngo.n kaa bharte hai.n
us kii jhalak dekhne ke liye
aaj bhii log marte hai.n
ab bhii yahaa.n kashtiyo.n aab-dozo.n
jahaazo.n ke arsho.n pe
us kii hii baate.n hai.n
duniyaa ke sayyaah
saato.n samundar ke mallaah
us ke na hone pe
hone pe takraar karte hai.n
us kii kashish me.n
bahut duur ke paaniyo.n me.n
safar ke liye
KHud ko tayaar karte hai.n

Rafiq Sandelvi
Nazm

cricket match

khelne aa.e dono.n cricket bandar haathii
un ke piichhe the jangal ke saare saathii
captain thaa ik team kaa haathii mast qalandar
duusrii team kaa captain ban baiThaa thaa bandar
bandar ye the qismat vaale jiite toss
fauran chiite ko bulvaayaa apne paas
open karne ik jaanib se aayaa sher
josh me.n aa kar lagaayaa us ne rano.n kaa Dher
ik over me.n banaa gayaa vo sola ran
satrah ge.ndo.n me.n ran us ke sattaavan
is paarii me.n dhuum dha.Dkaa machaa gayaa vo
chaa.e se pahle double century banaa gayaa vo
dekh ke apnii team kii durgat haathii chau.nkaa
KHud karne bolling kavar se aayaa dau.Daa
pahlii ball hii chiite ke stump ko maaraa
duusrii ball me.n sher dressing room sidhaaraa
tiisrii ball pe saa.nbhar jii ne catch diyaa
chauthii ball pe riichh bechaaraa bold hu.aa
ik over me.n chaar wicket the zero ran
haathii ne record banaa Daalaa a-one
ek inning me.n aaTh wicket keeper ke catch
nanhaa saa KHargosh hu.aa man of dii match
do sau biis pe bandar jii kii team all out
pahle roz machhandar jii kii team all out
duusre din haathii ke utre balle-baaz
balle-baazii me.n lekin na the mumtaaz
bandar jii ne follow-aan kii sheKHii maarii
sochaa KHatm kare.nge un kii jaldii paarii
haathii aayaa do saathii out hone par
vo chakraayaa apnii do wickete.n khone par
haathii ke aane se paarii sambhal ga.ii thii
vaise bhii ab pitch kii haalat badal ga.ii thii
haathii aayaa chauke chhakke maaraa KHuub
bandar dau.Daa idhar udhar bechaara KHuub
tiin sau terah banaa ke haathii not out thaa
apne kartab dikhaa ke haathii not out thaa
do wicketo.n pe lagaa thaa chhe sau rano.n kaa Dher
phir paarii declare karne me.n kyaa der
duusrii paarii me.n bandar kii u.Dii ha.nsii
assii hii ran banaa ke puurii team ga.ii
tiin sau ran aur das wicketo.n se maat hu.ii
jiit hu.ii haathii kii uu.nchii baat hu.ii

Haidar Bayabani
Nazm

hindu aur musalman

faKHr-e-vatan hai.n dono.n aur dono.n muqtadar hai.n
hai.n phuul ik chaman ke ik naKHl ke samar hai.n
ai qaum tere dukh ke dono.n hii chaaragar hai.n
dono.n jigar jigar hai.n lekin digar digar hai.n
aapas ke tafraqo.n se hai.n aah KHaar dono.n
aGyaar kii nazar me.n hai.n be-vaqaar dono.n
mil kar chalo ki aaKHir dono.n ho bhaa.ii bhaa.ii
bhaa.ii se kyaa la.Daa.ii bhaa.ii se kyaa buraa.ii
kab tak ye KHaana-jangii kab tak ye KHud-sitaa.ii
do bhaa.iyo.n ko hargiz zebaa nahii.n judaa.ii
mil kar gale nikaalo dil kaa Gubaar dono.n
is KHaak ke ho putle paayaan-e-kaar dono.n
rashk-e-jinaa.n banaa.o hindostaa.n ko mil kar
KHuun-e-jigar se sii.ncho is gulistaa.n ko mil kar
lahraa.o aasmaa.n par qaumii nishaa.n ko mil kar
do aab-e-jaa.n-nisaarii nok-e-sinaa.n ko mil kar

Ufuq Lakhnavi
Nazm

beTi fariha sahar ke nam

chhuTTiyo.n me.n jab mai.n pahu.nchuu.ngaa vahaa.n
aap dono.n ko karuu.ngaa shaadmaa.n

Amaan Zakhirvi
Nazm

kahili

sunii mai.n ne jo un dono.n kii baate.n
miraa dil KHuu.n ke aa.nsuu ro pa.Daa hai

Mehdi Pratapgarhi
Nazm

bachpan

pyaare bachpan jaa.o yahaa.n par daal nahii.n galne vaalii
un dono.n ke aage merii ek nahii.n chalne vaalii

Asna Badr
Nazm

main aur mahmud darwesh donon

'ajab raat thii
sogvaarii ke rango.n me.n
Duubii hu.ii
ik 'ajab raat thii
aur us raat
mai.n aur mahmuud darvesh dono.n
ajal-yaafta bastiyo.n kii taraf
chal pa.De the
vo insaan the yaa farishte the
zaKHmo.n se pur-nuur
malbuus un ke chamakte the
jaise vo sab
raushnii kii hii saudaa-garii kar rahe the
gulaabo.n kii maanind
KHush-buu luTaate hu.e zaKHm un ke
aur un par likhii
ek tahriir
paiGaam-e-shauq-e-ajal kii
ajal-yaafta bastiyo.n ke
ajal-yaafta shaahzaade
ajal ke gul-andaam paikar kii suurat
bas ik lafz labbaik par
raqs kartii hu.ii
aisii shahzaadiyaa.n
jin kii aa.nkho.n me.n aa.nsuu na the
sirf taaza lahuu thaa ki jin se
ajal se mulaaqaat ke
saare raste sajaa.e ga.e the

Ain Tabish
Nazm

gujraat ki raat

kyuu.n na un dono.n pe miTne kii ho hasrat aKHtar
uf vo us raat kii baat aah vo us baat kii raat

Akhtar Shirani
Nazm

shishon ka masiha koi nahin

in dono.n me.n ran pa.Dtaa hai
nit bastii-bastii nagar-nagar
har baste ghar ke siine me.n
har chaltii raah ke maathe par

Faiz Ahmad Faiz
Nazm

dahshat-gard banate ho

biinaa.ii bhii apnii merii
KHvaab bhii mere apne hai.n
biinaa.ii bhii sachchii merii
KHvaab bhii mere sachche hai.n
in dono.n kii lazzat sachchii
aur aziyyat bhii sachchii

Yawar Amaan
Nazm

kashkol

jitnii bhiik mujhe darkaar thii
us ke liye meraa kashkol
bahut chhoTaa thaa
aaKHir mai.n ne to.D diyaa apnaa kashkol
aur dono.n haatho.n se daaman phailaayaa

Basir Sultan Kazmi
Nazm

hawa-e-bahaar

vahii havaa hai ye jaan-e-jaanaa.n
basant-rut kii sunahrii paa.el
bajaatii kangan
vo pighle sone pe lahre.n letii
badaltii rut kaa payaam letii
javaaniyo.n kaa salaam letii
mirii nigaaho.n ko terii palko.n se jazb kar ke
vo tere ho.nTo.n ke jaam-e-mai-guu.n se
mere ho.nTo.n kii tishnagii ko magas kii maanind apne sapne me.n jaa samotii
vahii havaa hai ye jaan-e-jaanaa.n
kabhii daraKHto.n
kabhii chaTaano.n
kabhii kitaabo.n me.n naam likhtii
hamaare dono.n ke naam kanda
vafaa-e-iifaa-e-‘ahd ke hai.n
chamakte raushan nishaa.n hamaare
abhii vahii.n hai.n
vahii.n rahe.nge
malaal kaisaa

Abu Saeed Qureshi
Nazm

chiDiyon ka shor

safed kaaGaz par
pencil ke chalne kii aavaaz
bahut kam hai
sa.Dak par tank guzarne kii aavaaz
is se kuchh ziyaada hai
aur shaayad merii aavaaz
in dono.n aavaazo.n se ziyaada hai

Zeeshan Sahil
Nazm

ek aur shahr

dariyaa ke do saahil hai.n aur dono.n hii naapaid
shar hai dast-e-siyah aur KHair kaa haamil ruu-e-safed
ik baar-e-mizhgaa.n ik lab-e-KHand

Noon Meem Rashid
Nazm

jaane kyun aisa hun main

lambe vaqt se soch rahaa huu.n
jaane kyuu.n aisaa huu.n mai.n
milne se ghabraataa huu.n mai.n jhuuT nahii.n kah paataa huu.n
us ke shikve us kii shikaayat jhag.De se Dar jaataa huu.n
idhar-udhar kii baate.n mujh ko zaraa na KHush kar paatii hai.n
jaane kyuu.n aisaa huu.n mai.n
dost nahii.n ban paate mere
rishte nahii.n sambhalte hai.n
bejaa mohabbat bejaa takalluf
dono.n ochhe lagte hai.n
auro.n kii kamiyo.n ko bilkul
achchhaa nahii.n kah paataa huu.n
jaane kyuu.n aisaa huu.n mai.n
achchhe bhale kaamo.n me.n aksar
der bahut kar detaa huu.n
ammii se baate.n karnii huu.n beTii ke school ho jaanaa
ko.ii nayaa novel pa.Dhnaa ho ko.ii kahaanii likhnii ho
sab ko Taaltaa rahtaa huu.n
jaane kyuu.n aisaa huu.n mai.n
bhii.D bhare shahro.n se mujh ko
vahshat sii ho jaatii hai
gaa.nv jangal sunsaan jag.he.n
aksar KHush aa jaatii hai.n
ko.ii alha.D chehra dekhuu.n man ko vo bhaa jaataa hai
jaane kyuu.n aisaa huu.n mai.n
pe.Do.n ke pairaahan dekhuu.n phuulo.n kii KHushbuu ko suu.nghuu.n
ra.ng-bira.ngii titliyaa.n pak.Duu.n halkii halkii buu.nde.n bhii
ThanDii naram havaa.e.n jab jab chupke se chhuu jaatii hai.n
yaa koyal kii bolii sun luu.n man byaakul ho jaataa hai
jaane kyuu.n aisaa huu.n mai.n
naT banjaaran sanyaasii aur khel-tamaashe vaale log
kha.nDar viiraana jaltii dhuup phuulii sarso.n dhaan ke khet
laal pata.ng aur piilii mainaa indr-dhanush aur nadii kii dhaar
aate hai.n jab KHvaab me.n mere diivaana ho jaataa huu.n
jaane kyuu.n aisaa huu.n mai.n
bahut mujhe achchhaa kahte hai.n buraa bhii ko.ii kahtaa hai
saamne merii mad.h-saraa.ii piichhe gaalii detaa hai
hamdardii hai ko.ii dikhaataa ko.ii saazish kartaa hai
phir bhii chup chup saa rahtaa huu.n jaise bahut anjaan huu.n mai.n
jaane kyuu.n aisaa huu.n mai.n
tho.Dii sii aazaadii mujh ko tho.Daa bahut vaqt kaa ziyaa.n
kabhii kabhaar kii achchhii baate.n kisii kisii kaa sachchaa pyaar
chhoTii-moTii ko.ii sharaarat khilkhilaa kar ha.nsnaa bhii
ye sab KHush kar jaate hai.n jab to
lagtaa hai ki zinda huu.n
jaane kyuu.n aisaa huu.n mai.n

Abu Bakr Abbad
Nazm

ghair-mutawaqqa mulaqat

barso.n baa'd jab us ko dekhaa phuul saa chehra badal chukaa thaa
peshaanii par fikr kii aayat aa.nkhe.n ab sanjiida thii.n
ho.nT ka.nval ab bhii vaise par shaadaabii kuchh kam kam thii
pakke phalo.n kaa bojh uThaa.e jism tanaa bal khaataa thaa
ra.ngii.n pairaahan me.n ab bhii
KHvaab kii suurat lagtii thii
jaane kaisii kaisii hikaayat dekh use yaad aatii thii
pahlii daf.a jab saath the baiThe class ke andar ham dono.n
us ke jism ke lams ne mujh ko
pahle to bulaayaa thaa phir pakkaa dost banaayaa thaa
shaam talak mele me.n kaise phirte rahe the idhar-udhar
raat ga.e mammy ne us ko khoTii-kharii sunaa.ii thii
rail ke andar baiTh ke kaise sharmaa.e ghabraa.e the
baGair ticket ke pahu.nch ke ghar par kitnii mauj manaa.ii thii
dopahar ko Dhaabe me.n
chaa.e aur cigarette ke saath
tho.De se ruumaanii ho kar
kyaa kyaa baate.n karte the
ghar ke baahar lawn bhii hogaa ge.ndaa aur gul-mohar ke phuul
kharii khaaT nahii.n rakhe.nge bed ba.De mah.nge ho.nge
suiT miraa aisaa hogaa terii saarii resham kii
beTe kaa jo naam rakhe.nge hinduu na muslim hogaa
bil chukaate vaqt me.n aksar paise kam pa.D jaate the
dekh ke dadduu ha.nstaa thaa phir
jaane kyuu.n KHush hotaa thaa
ko.ii baat nahii.n hai beTe
kal jab aa.o de jaanaa
jaate hu.e jab seTh ne us kii kamar me.n baazuu pahnaayaa
dekh ke us kii aa.nkhe.n mujh ko chhalak pa.Dii thii.n chup ke se
soch rahaa thaa palaT ke ab vo
puuchhegii tum kaise ho
ye hai aap kii coffee saahab aur bhii kuchh chahiye hogaa

Abu Bakr Abbad
Nazm

main tumhaare liye Thahrunga

mai.n tumhaare liye Thahruu.ngaa ki shaayad aa.o
aur jab dono.n pahar milte ho.n
ham bhii aapas me.n mile.n
jaise ik roz milaa karte the

Muneebur Rahman
Nazm

main aur tum

mai.n mai.n huu.n
tum tum ho
aur dono.n ke dard judaa hai.n
tum sachchaa.ii ke diivaane the
jo mujh me.n nahii.n thii
mai.n jhuuTaa us sach se Dartaa thaa
jo ruuho.n ko patthar kar detaa hai
ab dono.n jhuuTe aur sachche
apne apne jhuuT aur sach par
naadim hai.n

Saleem Ahmed
Nazm

farz karo

farz karo ham ahl-e-vafaa ho.n, farz karo diivaane ho.n
farz karo ye dono.n baate.n jhuuTii ho.n afsaane ho.n

Ibn۔e۔Insha
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now