Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ain-Gain"

Nazm MATCHES FOR "ain-Gain"

Nazm

KHuda ka sawal

ki aulaad bhii dii diye vaaldain
alif laam miim kaaf aur ain Gain

Abrar Ahmad Kashif
Nazm

sham

tuu aa ga.ii shaam
surma.ii vahshat o haziimat ke saa.e saa.e
mai.n dard-haa-dard ik na.ii nazm bun rahaa huu.n

Akhtar Usman
Nazm

shahr aur zanjir

dard kii raat phir aa ga.ii
mere paa.nv kii zanjiir phir jaane mujh ko kahaa.n le chalegii
kabhii shahr kii niim-raushan sii viiraan galiyaa.n
KHamiida sii diivaar ke saa.e saa.e
mai.n paa.nv me.n kankar chubhotaa chaluu.ngaa
kabhii chau.Dii chakkii sii bal khaatii sa.Dko.n kii
ha.nstii hu.ii raunaqo.n me.n
sulagtii hu.ii KHushbu.o.n kii junuu.n-KHez lahro.n ke rele me.n
bebas u.Duu.ngaa
khulii baark.o.n me.n
daraKHto.n ke chamkiile patto.n pe girtii hu.ii raushnii me.n
kabhii chaa.nd ke niilguu.n saa.e me.n baiTh kar
dard ke tez kaa.nTe nikaaluu.ngaa chup-chaap
bujhtii hu.ii raat ke aaKHirii pahar me.n
sone bistar kii Dastii hu.ii naagino.n par
mai.n bhuuke badan ko rulaataa rahuu.ngaa

Nazm

aa gai sawan ki rut

aa ga.ii saavan kii rut kaalii ghaTaa chhaane lagii
phir kisii kii yaad mere dil ko ta.Dpaane lagii
aa ga.ii saavan kii rut kaalii ghaTaa chhaane lagii

Jafar Malihabadi
Nazm

ek aur maut

kaT gayaa din Dhalii shaam shab aa ga.ii
phir zamii.n apne mahvar se ha.Tne lagii
chaa.ndnii karvaTe.n phir badalne lagii
aahaTo.n ke sisakte hu.e shor se
phir makaa.n bhar gayaa
zahr sapno.n kaa pii kar
ko.ii aaj kii raat phir mar gayaa!

Shahryar
Nazm

aawaz-e-ghaib

آتي ہے دم صبح صدا عرش بريں سے
کھويا گيا کس طرح ترا جوہر ادراک!
کس طرح ہوا کند ترا نشتر تحقيق
ہوتے نہيں کيوں تجھ سے ستاروں کے جگر چاک
تو ظاہر و باطن کي خلافت کا سزاوار
کيا شعلہ بھي ہوتا ہے غلام خس و خاشاک
مہر و مہ و انجم نہيں محکوم ترے کيوں
کيوں تري نگاہوں سے لرزتے نہيں افلاک
اب تک ہے رواں گرچہ لہو تيري رگوں ميں
نے گرمي افکار، نہ انديشہ بے باک
روشن تو وہ ہوتي ہے، جہاں بيں نہيں ہوتي
جس آنکھ کے پردوں ميں نہيں ہے نگہ پاک
باقي نہ رہي تيري وہ آئينہ ضميري
اے کشتہء سلطاني و ملائي و پيري!

Allama Iqbal
Nazm

ek ghair-alamti nazm

adhuurii la.Dkiyo
tum apne kamro.n me.n puraane saal ke bosiida calender sajaa kar sochtii ho
ye badan umro.n kii saazish me.n na aa.e.nge
tumhe.n kis ne bataayaa hai
gha.Dii kii suu.iyo.n ko rokne se dau.Dtaa aur haa.nptaa suuraj misaal-e-naqsh-e-paa
aflaak par jam jaa.egaa
tumhe.n ma.aluum hai uryaaniyo.n ko Dhaa.np kar tum aur uryaa.n ho rahii ho
roz in aa.nkho.n kii tik.Dii me.n tumhaare jism tulte hai.n
har ik shab hostel me.n taash kii baazii me.n tum ko jiit kar ik jashn hotaa hai
hamaarii KHvaab-gaaho.n me.n tumhaare KHvaab raushan hai.n
chalii aa.o
ki baahar barf hai
aur ab hame.n tum se judaa bistar kahaa.n tasliim karte hai.n
chalii aa.o ki umre.n raa.egaa.n hone se bach jaa.e.n!

Jawayd Anwar
Nazm

kahan aa gai ho

chand saal us taraf
ham shanaasaa nigaaho.n se bachte-bachaate
yahii.n par mile the
tumhe.n yaad hai
kaa.enaat ek Table ke chaaro.n taraf ghuumtii thii
hame.n dekh kar kitne buu.Dho.n kii aa.nkhe.n
kisii yaad-e-rafta me.n nam ho rahii thii
magar mai.n ne aa.nkho.n me.n
apne liye aur tumhaare liye
machhliyo.n kii tarah tairte aa.nsu.o.n me.n tamannaa.e.n dekhii.n
mujhe yaad hai
jab kisii ajnabii mehrbaa.n ne hame.n phuul bheje
to tum kitnii nervous hu.ii.n
jald hii KHauf, KHadshe havaa ho ga.e
duusrii tablo.n par bhii gul-daste ha.nsne lage
ab mohabbat kaa maskan kahii.n aur hai
ye jagah ab zabaa.n-band dushman kaa mu.nh kholne ke liye hai
jahaa.n apnii Table thii ab us jagah ek phandaa lagaa hai
kahaa.n aa ga.ii ho mohabbat kaa katba uThaa.e hu.e
aa.o aage chale.n

Tabish Kamal
Nazm

barish

aa ga.ii ThanDii havaa barsaat kii
chhaa ga.ii kaalii ghaTaa barsaat kii
ab kahaa.n suuraj kii garmii kaa vo josh
chhup gayaa baadal kaa sunte hii KHarosh
dal ke dal baadal uma.nD kar aa ga.e
aur saare aasmaa.n par chhaa ga.e
abr ke saa.e me.n hai saarii zamii.n
duusre saa.e kii ab haajat nahii.n
ho ga.e aise me.n sab jaa.n-daar KHush
lahlahaataa sabza KHush ashjaar KHush
sun ke baarish kii masarrat kaa payaam
jhuumte mastii me.n hai.n paude tamaam
sab parinde chahchahaate phirte hai.n
hai KHushii itnii ki gaate phirte hai.n
ai lo vo garjaa vo aa.ii.n buu.ndiyaa.n
diid ke qaabil hai ye pyaaraa samaa.n
KHuubsuurat kis qadar hai ye phuvaar
motiyo.n ke haar me.n qatro.n ke taar
me.nh barasne kii jo aatii hai sadaa
is se ho jaataa hai paidaa giit saa
lo vo chhii.nTe zor se aane lage
paanii par naale bhii barsaane lage
vo garaj baadal kii vo baarish kaa zor
shahr kii galiyo.n me.n vo bachcho.n kaa shor
be-tahaashaa dau.Dte phirte hai.n ye
uTh kha.De hote hai.n jab girte hai.n ye
naav kaaGaz kii banaataa hai ko.ii
giit saavan ke sunaataa hai ko.ii
jab phisal jaataa hai ko.ii raahgiir
piiTte hai.n taaliyaa.n ban kar shariir
vo galii kuucho.n se paanii bah chalaa
ye kahaa.n pahu.nchegaa batlaa.o bhalaa
ye Thahar saktaa nahii.n hai shahr me.n
shahr se jaa kar giregaa nahr me.n
jaa giregii nahr dariyaa me.n kahii.n
bastiyo.n se duur sahraa me.n kahii.n
saath ye sarmaaya sab dariyaa liye
jaa.egaa rasta samundar kaa liye
tai safar kartaa hu.aa lail-o-nahaar
bahr me.n mil jaa.egaa anjaam-e-kaar

Tilok Chand Mahroom
Nazm

ek din yun KHizan aa gai

aur phir ek din yuu.n KHizaa.n aa ga.ii
aabnuusii tano.n ke barahna shajar
sar-niguu.n saf-ba-saf pesh-e-diivaar-o-dar
aur chaaro.n taraf un ke bikhre hu.e
zard patte dilo.n ke sar-e-rahguzar
jis ne chaahaa vo guzraa unhe.n rau.nd kar
aur kisii ne zaraa sii fuGaa.n bhii na kii

Faiz Ahmad Faiz
Nazm

kachhwa aur KHargosh

ek kachhve ke aa ga.ii jii me.n
kiijiye sair o gasht KHushkii kii
jaa rahaa thaa chalaa hu.aa KHaamosh
us se naahaq ulajh pa.Daa KHargosh
miyaa.n kachhve! tumhaarii chaal hai ye
yaa ko.ii shaamat aur vabaal hai ye
yuu.n qadam phuu.nk phuu.nk dharte ho
goyaa uttuu zamii.n pe dharte ho
kyuu.n hu.e chal ke muft me.n bad-naam
be-chale kyaa aTak rahaa thaa kaam
tum ko ye hausla na karnaa thaa
chulluu paanii me.n Duub marnaa thaa
ye tan-o-tosh aur ye raftaar
aisii raftaar par KHudaa kii maar
bolaa kachhvaa ki ho.n KHafaa na huzuur
mai.n to huu.n aap mo'tarif ba-qusuur
agar aahistagii hai jurm-o-gunaah
to mai.n KHud apne jurm kaa huu.n gavaah
mujh ko jo saKHt sust farmaayaa
aap ne sab durust farmaayaa
mujh ko Gaafil magar na jaaniyegaa
banda-parvar buraa na maaniyegaa
yuu.n zabaanii javaab to kyaa duu.n
shart bad kar chalo to dikhlaa duu.n
tum to ho aaftaab me.n zarra
par miTaa duu.ngaa aap kaa Gurra
sun ke KHargosh ne ye talKH javaab
kahaa kachhve se yuu.n zi-ruu-e-itaab
tuu kare merii ham-sarii kaa KHayaal
terii ye taab ye sakat ye majaal
chyuu.nTii ke jo par nikal aa.e
to yaqii.n hai ki ab ajal aa.e
are bebaak! bad-zabaa.n mu.nh-phaT
tuu ne dekhii kahaa.n hai dau.D jhapaT
jab mai.n tezii se jast kartaa huu.n
shahsavaaro.n ko past kartaa huu.n
gard ko merii baad-e-paa na lage
laakh dau.De miraa pata na lage
rail huu.n barq huu.n chhalaavaa huu.n
mai.n chhalaave kaa balki baavaa huu.n
terii merii nibhegii sohbat kyaa
aasmaa.n ko zamii.n se nisbat kyaa
jis ne bhugte ho.n turkii o taazii
aaise mariyal se kyaa bade baazii
baat ko ab ziyaada kyaa duu.n tuul
KHair kartaa huu.n terii shart qubuul
hai munaasib ki imtihaa.n ho jaa.e
taaki aib o hunar ayaa.n ho jaa.e
al-Garaz ik maqaam Thahraa kar
hu.e dono.n hariif garm-e-safar
bas-ki zoro.n pe thaa cha.Dhaa KHargosh
tezii phurtii se yuu.n ba.Dhaa KHargosh
jis tarah jaa.e top kaa golaa
yaa gire aasamaan se olaa
ek do khet chauk.Dii bhar ke
apnii chustii pe aafrii.n kar ke
kisii goshe me.n so gayaa jaa kar
fikr ''kyaa hai chale.nge sustaa kar''
aur kachhvaa Gariib aahista
chalaa siine ko KHaak par ghistaa
suu.ii ghanTe kii jaise chaltii hai
yaa ba-tadriij chhaa.nv Dhaltii hai
yuu.nhii chaltaa rahaa ba-istiqlaal
na kiyaa kuchh idhar udhar kaa KHayaal
kaam kartaa rahaa jo pai-dar-pai
kar gayaa rafta rafta manzil tai
haif KHargosh rah gayaa sotaa
samra Gaflat kaa aur kyaa hotaa
jab khulii aa.nkh to saveraa thaa
saKHt sharmindagii ne gheraa thaa
sabr o mohabbat me.n hai sar-afraazii
sust kachhve ne jiit lii baazii
nahii.n qissa ye dil-lagii ke liye
balki ibrat hai aadmii ke liye
hai suKHan is hijaab me.n ruu-posh
varna kachhvaa kahaa.n kahaa.n KHargosh

Ismail Merathi
Nazm

ek ghair aham fard ke liye

maasii dahii bilonaa
KHaalii naa.nd kii baasii KHushbuu
suunaa baa.Daa
bhuukii gaay
tumhe.n bulaatii hai

Ishrat Afreen
Nazm

mata-e-ghair

merii uj.Dii hu.ii niindo.n ke shabistaano.n me.n
tuu kisii KHvaab ke paikar kii tarah aa.ii hai
kabhii apnii sii kabhii Gair nazar aa.ii hai
kabhii iKHlaas kii muurat kabhii harjaa.ii hai

Sahir Ludhianvi
Nazm

barsat aa gai hai

garmii ke zulm se ye
duniyaa dahak rahii thii
pyaasii zamiin kab se
aakaash tak rahii thii
mausam ko kyaa hu.aa hai
pal me.n badal gayaa hai
luu ban ke chal rahii thii
ye to vahii havaa hai
dekho chalii havaa.e.n
chillaa.ii.n saa.e.n saa.e.n
baadal ko saath apne
har samt le ke jaa.e.n
tham tham chale hai.n baadal
Dam Dam baje hai.n baadal
kholii hai aasmaa.n ne
baadal kii apnii chhaagal
paanii baras rahaa hai
mausam ye ha.ns rahaa hai
baarish me.n bhiigtaa hai
kiicha.D me.n pha.ns rahaa hai
baste uThaa.e bachche
school ko chale hai.n
kheto.n kii samt apne
dahqaa.n nikal pa.De hai.n
har samt paanii paanii
nadiyo.n me.n hai ravaanii
panchhii chahak rahe hai.n
KHushiyo.n kii hai nishaanii
garmii ko khaa ga.ii hai
har samt chhaa ga.ii hai
dil ko lubhaa ga.ii hai
barsaat aa ga.ii hai

Mohammad Asadullah
Nazm

waqt ki dhul

aaj tuu daf.atan saamne aa ga.ii
terii raftaar baad-e-sabaa kii tarah
pandrah saal kaa dard mahkaa ga.ii

Qaisarul Jafri
Nazm

jamal

kahaa.n se aa ga.ii.n ra.ngiiniyaa.n tamannaa me.n
ki phir KHayaal ne laale khilaa.e sahraa me.n

Masud Husain Khan
Nazm

jamal

kahaa.n se aa ga.ii.n ra.ngiiniyaa.n tamannaa me.n
ki phir KHayaal ne laale khilaa.e sahraa me.n
tirii nigaah se merii nazar me.n mastii hai
tire jamaal se mauje.n hai.n dil ke dariyaa me.n
ye ho rahaa hai gumaa.n tere jism-e-KHuubii par
bhaTak ke huur chalii aa.ii ho na duniyaa me.n
nazar me.n kuchle hu.e motiyo.n kii jhalkaare.n
labo.n pe rang jo miltaa hai jaam-o-miinaa me.n
vo muskuraate se aa.nkho.n me.n be-shumaar ka.nval
vo kasmasaatii adaa.e.n tamaam a.azaa me.n
jo goshe goshe me.n pinhaa.n hai us kii raah-e-gurez
KHayaal gum hu.aa jaataa hai qadd-e-ra.anaa me.n
jamaal-e-yaar latiif aarzuu hai us se latiif
ye aa.ii hai na vo aa.egaa harf-e-saada me.n

Masud Husain Khan
Nazm

shab ka safar

aaKHirash aa ga.ii vo shab ai dil
sub.h se intizaar jis kaa hai
merii tanhaa.ii kii rafiiq ye shab
kaun kahtaa hai ki taariik hai shab

Razi Raziuddin
Nazm

aati jati lahren

chupke chupke KHizaa.n aa ga.ii baaG me.n
pe.D paudo.n pe zardii chhi.Dakne lagii
saare patto.n ko ik rog saa lag gayaa
dekhte dekhte saarii shaaKHe.n barahna hu.ii.n
pe.D dam saadhe chup-chaap the
KHaamushii sabz mausam ko achchhii lagii
aur phir dekhte dekhte
pe.D paudo.n pe patte chhi.Dakne lagaa
sabz mausam ke ehsaan ke bojh se
saare gulshan kaa sar jhuk gayaa
dekhte dekhte

Vali Madni
Nazm

wo moD

phir tirii titlii-numaa suurat mujhe yaad aa ga.ii
mujh ko vo lamha abhii bhuulaa nahii.n
ek kone me.n ka.ii logo.n ke saath
guftuguu me.n munhamik khoyaa hu.aa
merii aa.ankho.n ne kabhii tujh saa ko.ii dekhaa na thaa
mai.n tujhe takne lagaa
der tak taktaa rahaa
aa.nkh se kaano.n se ho.nTo.n se tujhe taktaa rahaa
kyaa ajab diivaangii thii
rashk aayaa baKHt pe apne mujhe
lafz ke asraar mujh pe vaa hu.e
ghanTiyaa.n sii mere kaano.n me.n bajii.n
nuur ke sailaab me.n Duubii hu.ii is shaam kii
ek ik saa.at tire ham-raah hai
ruk gayaa hai vaqt is ik mo.D par
mai.n judaa.ii ke liye majbuur thaa
tuu judaa.ii par jahaa.n masruur thaa

Shahryar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now