Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ann data krishn chander ebooks"

Nazm MATCHES FOR "ann data krishn chander ebooks"

Nazm

chahaton ka jahan hai urdu

chaahato.n kaa jahaan hai urdu
raahato.n kaa nishaan hai urdu
ishq kaa e'tibaar aur vaqaar
husn kii aan-baan hai urdu
dil-fazaa zau-kada sabaahat kaa
aur malaahat kii kaan hai urdu
nasr kaa hai KHiraam-e-KHush-ha.ngaam
shaa.irii kii u.Daan hai urdu
zinda hai apnaa zauq-o-shauq is se
aarzuu.o.n kii jaan hai urdu
lutf hastii kaa rang mastii kaa
KHushnumaa kaarvaan hai urdu
zikr-e-aaraa.ish-e-KHam-e-kaakul
kaif-e-hindostaan hai urdu
daftar-e-ittihaad-o-yak-jehtii
pyaar kii daastaan hai urdu
ektaa hai anektaa me.n bhii
dost-daarii kaa maan hai urdu
'Gaalib'-o-'miir' is ke shaidaa the
jin kii ruuh-e-ravaan hai urdu
'aatish' o 'momin' o 'naziir' o 'jigar'
jin kii ra.ngii.n zabaan hai urdu
is ke aashiq 'nasiim' aur chakbast
jin ke jazbo.n kii shaan shaan hai urdu
dost is ke 'suruur' aur 'sarshaar'
is liye shaadmaan hai urdu
dard-ma.nd is ke 'premchand' rahe
jin ke baa.is javaan hai urdu
is ke mushtaaq 'mullaa' aur 'firaaq'
jin ke dil kaa bayaan hai urdu
na.ara-zan 'josh' kaa KHarosh is me.n
josh kii tarjumaan hai urdu
'faiz' o 'iqbaal' o kirshn-chandar se
vus.at-e-be-karaan hai urdu
dhuum 'mahruum' kii hu.ii is me.n
aur 'munavaar' kii aan hai urdu
'raashid' o 'miiraa-jii' kii albelii
shoKH-adaa raazdaan hai urdu
fitnat-o-fan kii daulat-e-bedaar
'krishn-mohan' kii jaan hai urdu

Krishna Mohan
Nazm

tarana-e-reKHta

dariyaa hai.n 'miir'-o-'Gaalib' har lab pe jo ravaa.n hai.n
'faiz' o 'firaaq' aur 'daaG' har dil pe hukmaraa.n hai.n
aur 'kirshn-chandr' 'manto' zinda kahaaniyaa.n hai.n
lafzo.n ke aa.ine me.n husn-e-bayaa.n kaa jaaduu

Farhat Ehsas
Nazm

yaaden

jab bhii bichh.Dii hu.ii dillii kaa samaa.n yaad aayaa
bhuulii-bisrii hu.ii yaado.n kaa jahaa.n yaad aayaa
apne aaGaaz-e-javaanii kaa samaa.n yaad aayaa
kuucha-e-ruud-garaa.n laal ku.aa.n yaad aayaa
usii phaaTak me.n to guzraa thaa la.Dak-pan apnaa
ek ik tifl to ek ek javaa.n yaad aayaa
chaachaa kallan kii miThaa.ii kii duukaa.n yaad aa.ii
us ke uupar kisii mahvash kaa makaa.n yaad aayaa
haa.e vo nuqra.ii aavaaz vo tiikhe KHad-o-KHaal
pas-e-chilman vo nazaaro.n kaa jahaa.n yaad aayaa
kyaa na yaad aayaa Gariib-ul-vatanii me.n ham ko
ek ik vahm to ek ek gumaa.n yaad aayaa
aa.ii hamdard davaa-KHaane kii jab yaad hame.n
ek taabinda-o-paa.inda jahaa.n yaad aayaa
al-jam'iyyat ke qarii.n ho ke tasavvur jo chalaa
hifz-e-rahmaan saa ik mard-e-jahaa.n yaad aayaa
jis kii taqriir rag-o-pai me.n utar jaatii thii
sab se thaa jis kaa judaa tarz-e-bayaa.n yaad aayaa
kaale saahib kaa ahaata bhii nazar me.n ghuumaa
mahfil-e-she'r-o-suKHan kaa bhii samaa.n yaad aayaa
ballimaaraan se pahle galii qaasim-jaa.n me.n
'Gaalib'-e-KHasta kaa bosiida makaa.n yaad aayaa
vahii.n yaad aayaa davaa-KHaana-e-hindustaanii
KHaan ajmal saa masiihaa-e-zamaa.n yaad aayaa
kuucha-e-'daaG' se ho kar jo chalaa husn-e-KHayaal
shaa'ir-e-ahl-e-nazar ahl-e-zabaa.n yaad aayaa
chaa.ndnii chauk kii yaad aa.ii jo gahmaa-gahmii
vo hasii.n shaam kaa pur-kaif samaa.n yaad aayaa
kaale burqa'o.n me.n vo malbuus hasiinaa.o.n ke Gol
chaa.nd ke Tuk.Do.n kaa ik sail-e-ravaa.n yaad aayaa
ghanTa-ghar log samajhte the jise dillii kii naak
puurii dillii kaa vo tanhaa nigaraa.n yaad aayaa
ho ke favvaare se jaa poh.nchaa dariibe me.n KHayaal
sone chaa.ndii kii dukaano.n kaa jahaa.n yaad aayaa
jaame' masjid nazar aa.ii to udhar ko lapke
KHvaanche vaalo.n kaa andaaz-e-bayaa.n yaad aayaa
sii.Dhiyo.n par vo kaToro.n kii sadaa guu.nj uThii
pech khaataa hu.aa huqqe kaa dhu.aa.n yaad aayaa
jaame' masjid ke minaaro.n se jise dekhaa thaa
vo nazaara ki jo thaa raahat-e-jaa.n yaad aayaa
kaabako.n jaise makaanaat nazar me.n ghuume
ek ik foot kaa har ik piir-o-javaa.n yaad aayaa
ik uchaTtii sii nazar laal qila par bhii pa.Dii
dil pe dhachkaa saa lagaa shaah-jahaa.n yaad aayaa
urdu baazaar kii yaad aa.ii is andaaz ke saath
ki sahaafat kaa ko.ii bahr-e-ravaa.n yaad aayaa
aa ga.e yaad vahii.n 'saa.il'-o-'beKHud' 'kaifii'
'daaG' vaalo.n kaa phir andaaz-e-bayaa.n yaad aayaa
‘miir-mushtaaq' kii mardaana-ravii yaad aa.ii
KHidmat-e-KHalq kaa ik 'azm-e-javaa.n yaad aayaa
yaad aa.ii vahii.n maulaanaa samii'ullaah kii
jaise baa-himmat-o-paamard javaa.n yaad aayaa
shaa'iro.n kii jahaa.n rahtii thii nishast-o-barKHaast
'jigar'-e-KHasta ko dekhaa thaa kahaa.n yaad aayaa
'bismil'-o-'bedii'-o-'mahruum'-o-'vafaa'-o-'gulzaar'
majma'-e-shaa'ir-o-saahib-nazaraa.n yaad aayaa
chaav.Dii phir ga.ii aa.nkho.n me.n javaanii kii tarah
kuucha-haa-e-sanam-e-siim-tanaa.n yaad aayaa
yak-ba-yak scene jo badlaa to samaa.n yaad aayaa
dahshat-o-KHauf kaa ek sail-e-ravaa.n yaad aayaa
KHaak u.Dne lagii dillii ke galii kuucho.n me.n
mutafakkir saa har ik piir-o-javaa.n yaad aayaa
chho.D kar dillii ko jaane lage dillii vaale
ik hujuum-e-ba-lab-e-aah-o-fuGaa.n yaad aayaa
paa.o.n tak jin kaa na dekhaa thaa khule sar dekhaa
nauhagar qaafila-e-laala-ruKHaa.n yaad aayaa
qaafile dillii se jaane lage ban ban ke jahaa.n
maqbare kaa vo humaayuu.n ke samaa.n yaad aayaa
thaa qayaamat kaa vo manzar ki thii nafsii-nafsii
haal par apne falak girya-kunaa.n yaad aayaa
yaa'nii barsaat ye kahtii thii ki barsuu.n barsuu.n
kitnaa us daur me.n allaah miyaa.n yaad aayaa
aur ik parda uThaa aur samaa.n yaad aayaa
aur ik manzar-e-dil-doz vahaa.n yaad aayaa
Gadr kii khi.nch ga.ii aa.nkho.n me.n mukammal tasviir
'zafar'-e-soKHta-tan soKHta-jaa.n yaad aayaa
shaahzaado.n ke jo sar pesh-e-'zafar' yaad aa.e
apnaa Gam bhuul ga.e jab vo samaa.n yaad aayaa
tere KHurshiid tire chaa.nd sitaare dillii
chhuuT kar tujh se muhaajir hai.n bichaare dillii
be-vatan ho ke tire raaj-dulaare dillii
jii rahe hai.n tirii yaado.n ke sahaare dillii

Kamil Chandpuri
Nazm

ye bachcha kis ka bachcha hai

phir dekhe kaisaa bachcha hai
ye kitnaa pyaaraa bachcha hai
7
is jag me.n sab kuchh rab kaa hai
jo rab kaa hai vo sab kaa hai
sab apne hai.n ko.ii Gair nahii.n
har chiiz me.n sab kaa saajhaa hai
jo ba.Dhtaa hai jo ugtaa hai
vo daanaa hai yaa meva hai
jo kap.Daa hai jo kambal hai
jo chaa.ndii hai jo sonaa hai
vo saaraa hai is bachche kaa
jo teraa hai jo meraa hai

Ibn۔e۔Insha
Nazm

nazr-e-ghaalib

vaa.e taqdiir mai.n gadhaa na hu.aa
ham-navaa krishn chandr kaa na hu.aa
master kii palak jhapakte hii
haazirii de ke mai.n ravaana hu.aa
vahii aayaa savaal parche me.n
ek din kaa bhii jo pa.Dhaa na hu.aa
khel bhii ham sake na jii bhar ke
khelne kaa bhii haq adaa na hu.aa
muddato.n apne master jii se
madrase me.n bhii saamnaa na hu.aa
mai.n vo daadaa huu.n sab ko maar ke bhii
aaj tak qaabil-e-sazaa na hu.aa
'kaif' maidaan-e-sher-go.ii me.n
ko.ii 'Gaalib' saa duusraa na hu.aa

Kaif Ahmed Siddiqui
Nazm

nazm

ek safed-o-shaffaaf sii
dhulii chaadar
be-shikan bin chhuu.ii aur be-daaG
mere sone kii chaarpaa.ii par
sub.h se shaam tak
bichhii rahtii hai
aur jab
raat ko mai.n sotaa huu.n
us ko dhiire se KHud
haTaa detaa huu.n
aur us kii jagah puraanii sii
ek chaadar bichhaa detaa huu.n
sub.h ko phir vahii chaadar
be-shikan bin chhuu.ii aur be-daaG
chaarpaa.ii kii ziinat hotii hai
ye bharam
dekhiye
banaa rah jaa.e

Qamar-ul-Hasan Zaidii
Nazm

karachi ke mushaere mein Daka

ye kis ne bazm-e-adab ke sukuun ko taakaa
mushaa.eron me.n bhii pa.Dne lagaa hai ab Daaka
mushaa.ere me.n Dakaitii kaa shauq rakhte hai.n
hamaare ahd ke Daaku bhii zauq rakhte hai.n
adab-navaaz the Daaku suKHan-shanaas the vo
mire vatan kii siyaasat kaa iqtibaas the vo
ajab Dakait the jin kaa nasiib phuuTaa thaa
jinho.n ne shahr ke in mufliso.n ko luuTaa thaa
pa.Daa vo ran ki ik ustaad sher bhuul gayaa
kisii nahiif se shaa.er kaa saa.ns phuul gayaa
bayaaz apnii kisii ne uchhaal kar rakh dii
bajaa.e cash rubaa.ii nikaal kar rakh dii
udhar Dakait sambhaale the gun u.Daa.ii hu.ii
udhar vo pel rahaa thaa Gazal churaa.ii hu.ii
ye kis ne bazm-e-suKHan luuT lii KHudaa jaane
''tamaam shahr ne pahne hu.e hai.n dastaane''
mushaa.ere me.n na sonaa thaa aur na chaa.ndii thii
suKHan-varo.n kii to har chiiz hii puraanii hai
jo sab se qiimtii shai hai vo shervaanii hai
ye apne sher sunaate hii phuuT lete hai.n
mushaa.ere ko tarannum se luuT lete hai.n
hamaare sher sune.n aur sher-bii.n ho jaa.e.n
KHudaa kare ki ye Daaku bhii saama.ii.n ho jaa.e.n

Khalid Irfan
Nazm

raKHsh-e-umr

baiThaa thaa ek roz mai.n aa.ngan kii dhuup me.n
aalam tamaam halqa-e-daam-e-KHayaal thaa
sargoshiyo.n me.n vaqt sunaataa thaa baar baar
qisse qadiim qaisar-o-kisraa kii shaan ke
kartaa thaa varq varq har ik daastaan ke
mai.n ne kahaa ki ham-dam-o-ham-raaz-o-diida-var
maa-qissaa-e-sikandar-o-daaraa na KHvaanda-aim
kuchh zikr ho sabaa kaa gulo.n kaa shabaab kaa
saaGar kaa mai-kade kaa suraahii kaa naab kaa
kuchh baat ho bahaar kii baaraa.n kii dhuup kii
KHushbuu kii chaa.ndnii kii fazaa.o.n kii ruup kii
ho jaa.e kuchh mushaahida-e-haq kii guftuguu
kuchh bhuulne kii phir use paane kii justujuu
kuchh puuchh mujh se baabat-e-afkaar-e-dojahaa.n
ahvaal-o-iKHteyaar-o-shikaayaat-e-dostaa.n
jo jii me.n aa.e puuchh
magar itnaa yaad rakh
''az maa ba-juz hikaayat-e-mehr-o-vafaa mapurs''
bolaa ki tuu ''rahiin-e-sitam-haa-e-rozgaar''
kyaa jaantaa hai baabat-e-imkaan-e-zindagii
jiitaa hai zindagii se pashemaan-e-zindagii
kuchh apne dil kaa haal bhii ma.aluum hai tujhe
ye vahshate.n ye dard ye tanhaa.iyo.n kaa bojh
ye hijrate.n ye karb ye bezaariyo.n kaa rog
ye hasrate.n ye ranj ye afsurdagii ye sog
siina hai daaG daaG jigar laKHt laKHt hai
tuu KHud kahaa.n hai aur kahaa.n teraa baKHt hai
qulzum ko ek qatre kii KHaatir bahaa diyaa
jo vaqt ne diyaa tujhe sab kuchh ga.nvaa diyaa
ek baar mu.D ke dekh ki kyaa teraa kho gayaa
jaagaa tiraa nasiib to tuu KHud hii so gayaa
ab hijr na visaal na saudaa na suud hai
lamhe se bhii qaliil ye teraa vajuud hai
baaqii bachaa hai aur kyaa tere hisaab me.n
“nai haath baag par hai na paa hai rikaab me.n''

Salman Ansari
Nazm

trahdar kahan se laun

jhuuT kii garmii-e-baazaar kahaa.n se laa.uu.n
raqs-e-be-ma.anii kii jhankaar kahaa.n se laa.uu.n
Dhuu.nD ke hiila-e-takziib baraa.e-insaaf
be-muhaabaa sar-e-darbaar kahaa.n se laa.uu.n
be-KHabar ishq se hai.n aaj riyaa-kaar shuyuuKH
jazb-e-mansuur sar-e-daar kahaa.n se laa.uu.n
bech kar chaadar-e-zahraa ko sajaataa firdaus
reshmii makr kii dastaar kahaa.n se laa.uu.n
maut kii god me.n hai aarif-o-daanaa kaa vajuud
dil-rubaa fikr-e-sahar-kaar kahaa.n se laa.uu.n
me.n vo fankaar huu.n iKHlaas hai jis kaa shahkaar
makr-o-tarviiz kii guftaar kahaa.n se laa.uu.n
KHaanqaaho.n me.n bhii raa.ij hai havas kii tadriis
baa-KHudaa shaiKH-e-nigah-daar kahaa.n se laa.uu.n
maktab-e-nau kaa moallim hai fara.ngii baqqaal
buuzar-o-KHaalid-o-karraar kahaa.n se laa.uu.n
ruuh-e-tauhiid kii qaatil hai siyaasii ta.aliim
sar-faroshaan-e-vafaadaar kahaa.n se laa.uu.n
KHuub vaaqif huu.n hadiis-e-mai-o-miinaa se magar
aalam-e-hashr me.n dildaar kahaa.n se laa.uu.n
saaz-e-fitrat pe Gazal-KHvaa.n hai shu.uur-e-tanqiid
kaaGzii kaakul-o-ruKHsaar kahaa.n se laa.uu.n
shola-zan daaman-e-giitii hai to mazmuun ko.ii
jinsiyat-baKHsh trahdaar kahaa.n se laa.uu.n
dil kaa paimaana hai zahraab-e-alam se labrez
bulbul-e-zamzama-aasaar kahaa.n se laa.uu.n
tazkire hai.n qad-o-gesuu ke bahar-taur aziiz
muflisii me.n dil-e-gulbaar kahaa.n se laa.uu.n
tishnagii saahab-e-naama kii bujhaane vaalo
aabruu-baaKHta shahkaar kahaa.n se laa.uu.n
arsa-e-dahr kaa har zarra hai aatish-ba-kanaar
ramish-o-ra.ng ke ash.aar kahaa.n se laa.uu.n
jannatii hone kii maanaa ki sanad biktii hai
ganj-e-qaaruun kaa ambaar kahaa.n se laa.uu.n
zeb-e-tan vaqt kaa pairaahan-e-sho.ala hai abhii
kaif-a.ngez mai.n afkaar kahaa.n se laa.uu.n
KHair-aagaah miraa fikr hai masruuf-e-amal
bahs-o-takraar kii talvaar kahaa.n se laa.uu.n
jaan pa.D saktii hai 'bebaak' tan-e-murda me.n
mard-e-'faaruuq' saa kirdaar kahaa.n se laa.uu.n

Bebak Bhojpuri
Nazm

main urdu zaban hun

mai.n urdu zabaa.n huu.n
mujhe aaryaa.o.n ne paalaa
mirii asl hindostaa.n hai
ki mere lahuu se hii vedo.n kii aayaat likkhii ga.ii hai.n
ye raam aur siitaa kii azmat ke qisse ramaayan-kathaa.e.n
krishan aur raadhaa ke rangii.n fasaane
har ik lafz kii ruuh naGma-saraa hai
mai.n urdu zabaa.n huu.n
vo gautam ki jis ne mohabbat kii paiGambarii se jahannam ko jannat banaayaa
magar kis zabaa.n me.n
zaraa sochiye kis zabaa.n me.n
vo paalii jo mere gharaane kii paalii hu.ii thii
mai.n urdu zabaa.n huu.n
mujhe dekhnaa chaahte ho to aa.o
ajantaa elora ke Gaaro.n me.n dekho
ye mai.n huu.n
miraa husn merii kashish hai abad tak
mujhe dekhnaa chaahte ho to aa.o
ashokaa kii laaTo.n me.n kanda huruuf-e-muqaddas me.n dekho
ye mai.n huu.n
sadaaqat adaalat kii tahriir-e-mohkam
mai.n urdu zabaa.n huu.n
mohabbat kii man-mohnii daastaa.n huu.n
mirii vus.ate.n be-karaa.n hai.n
ye uttar ye dakhkhin ye puurab ye pachchhim
har ik samt mere nishaa.n hai.n
deccan jo kabhii rang-o-harf-o-adaa aur cha.ng-o-sadaa se banaa ek qaus-e-quzah thaa
tumhe.n kuchh KHabar hai vo kyaa silsila thaa
muu.arriKH se puuchho vo meraa hii jaaduu miraa mo.ajiza thaa
mai.n 'KHusrav' kii pyaarii 'valii' kii niyaarii 'qulii' kii dulaarii
KHudaa-e-suKHan 'miir' ke soz-e-pinhaa.n kii mai.n raazdaa.n huu.n
vo diivaan-e-Gaalib vo shahkaar-e-taKHliiq-e-aadam
magar us kaa har sher kahtaa hai paiham
mai.n urdu zabaa.n huu.n
vo 'iqbaal' jo azmat-e-aadamiyyat kaa paiGaambar hai
lahuu ke jumuud aur dil ke taGaaful kaa jo nauhagar hai
vo jis kii nazar baal-e-jibriil kii ham-safar hai
vo jis kii sadaa KHvaab-e-Gaflat me.n bad-mast insaaniyat ke liye ek baa.ng-e-daraa hai
vo jis kii KHudii daur-e-haazir kii fir.auniyat ke liye bahr-e-qulzum ke saahil pe zarb-e-kaliimii kii nemul-badal hai
vo jis ne dayaar-e-Gazal se lab-o-aariz-o-zulf jaise anaasir ko baahar nikaalaa
vo 'iqbaal' bhii merii zulfo.n kaa qaidii rahaa hai
mai.n urdu zabaa.n huu.n
vo 'aazaad' aazaadi-e-hind kaa ek aashiq
vo 'aazaad' jis kii fuGaa.n soz-o-mastii
vo 'aazaad' jis kii sadaa saaz-e-hastii
vo 'aazaad' jis kaa suKHan qaul-e-faisal
magar qaul-e-faisal kaa ye faisla hai
mai.n urdu zabaa.n huu.n
mai.n taariiKH-o-tahziib-e-hindostaa.n huu.n
mai.n hindostaanii huu.n rashk-e-jahaa.n huu.n
jahaan-e-mohabbat kii mai.n paasbaa.n huu.n
magar paasbaan-e-vatan mujh ko Gaddaar kahne lage hai.n
to Gaddaar kahne kaa matlab musalmaa.n huu.n mai.n bhii
musalmaan ya.anii ki dahshat jihaalat Galaazat kii pahchaan huu.n mai.n
ye pahchaan merii ajab saaneha hai
magar saaneha maadar-e-hind kaa hai ye meraa nahii.n hai
mai.n kuchh bhii nahii.n huu.n
mujhe aaryaa.o.n ne paalaa
mirii asl hindostaa.n hai
mai.n hindostaanii huu.n hindostaa.n huu.n
magar mere ahl-e-vatan mujh ko Gaddaar kahne lage hai.n
ba-zaahir to hai garche ye merii zillat
magar asl me.n maadar-e-hind kii hii ye ismat-darii hai
mai.n urdu zabaa.n huu.n
mujhe aaryaa.o.n ne paalaa
mirii asl hindostaa.n hai

Khalid Mubashshir
Nazm

khoi hui nazm

mai.n ghar ke pate kii ek parchii
har sub.h
un kii jeb me.n rakh detaa huu.n
kisii ko kahii.n mil jaa.e
merii gum ho ga.ii ko.ii nazm
to mujhe bataa denaa
merii nazme.n sair kartii hai.n akelii
shahr me.n ab

Manish chandra
Nazm

KHat

us kaa KHat aayaa hai mere pate par
likhaa hai
ye jo mai.n naam us kaa u.nglii se
takiye pe likh
apnii lambii raate.n rakh detaa huu.n us pe
to dam ghuTtaa hai us kaa
aur us ko nii.nde.n nahii.n aatii

Manish chandra
Nazm

nazm

ik chaa.nd hai
ik chaa.ndnii
mas.huur-kun hai
raagnii
shahr-e-dil
shahr-e-‘ajab
jal uThaa hai aab aur
jam ga.ii hai aagnii
ik dard jo hai laa-davaa
us kii davaa hai
saajnii
yuu.nhii sadaa ta.Dpegaa dil
gar Das ga.ii ye naaganii
patthar saa hai ye hijr bhii
diivaar-e-jaa.n bhii
aahanii

Ahmar Sahaab
Nazm

pyasi

aaKHirash TuuTaa tilism-e-intizaar
mai.n magar tishna rahii
meraa tarsaa pyaar nafrat ban gayaa
mai.n ne us ko maar Daalaa daf.atan
varna KHud ko maar detii raat ko
vo mirii ummiid par puuraa na utraa mujh ko paagal kar gayaa

Krishna Mohan
Nazm

hindostan

har maz.hab kii uu.nchii shaan
jis se banaa hai desh mahaan
sab ko detaa prem kaa daan
prem pyaar kii hai ye khaan
hinduu muslim sikh iisaa.ii
bodh aur jainii kii hai aan
paaTh yahii hai pahlaa bas
ban jaa.o saare insaan
viir bano ai pyaare bachcho
tum bhaarat kii ho santaan
kisii ko ko.ii kashT nahii.n
sab so.e hai.n chaadar taan
har maz.hab kaa aadar kartaa meraa bhaarat hindostaan

Betab Alipuri
Nazm

na-sazgar haalat

tan pe o.Dhe hu.e chaadar Gam-e-tanhaa.ii kii
aaj biimaar mai.n bistar pe pa.Dii sochtii huu.n
haal naa-saaz hai meraa ye bataa.uu.n kis ko
apnii takliif pareshaanii sunaa.uu.n kis ko
jab sahaa jaataa nahii.n dard to uTh jaatii huu.n
aur phir uTh ke davaa zahr sii mai.n khaatii huu.n
ko.ii hamdard to hotaa kahii.n nazdiik mere
dekh kar dard miraa vo bhii pareshaa.n hotaa
haath se apne davaa detaa sahaaraa detaa
yuu.n na ghabraa.o mujhe kah ke dilaasa detaa
Thiik ho jaa.ogii apne ko sambhaalo tho.Daa
aur israar ye kartaa chalo khaa lo tho.Daa
is zamaane me.n hu.ii kis kii tamannaa puurii
kaun bad-haal kii samjhaa hai yahaa.n majbuurii

Siya sachdev
Nazm

ab ki jab

ab ki jab aa ga.ii hai shaam-e-shabaab
abruu.o.n kii taraash se haasil

Krishna Mohan
Nazm

main

raakh raakh badan le kar
dhu.aa.n dhu.aa.n shagun le kar
raat kii a.ndherii galiyo.n me.n
intizaar sulgaataa huu.n
mai.n us ke aur apne vaaste
baar baar dohraataa huu.n
milaataa huu.n baar baar number
milaa kar kaaT Daaltaa huu.n
mai.n us kii pinhaa.iyo.n me.n muKHil ab to
ho nahii.n saktaa
aur apnii tanhaa.iyo.n kii baabat
use kuchh kah nahii saktaa
qatra qatra Tapaktii rahtii hai
raat kii chhat aur
badan kaa lahuu jaltaa hai
u.ngliyo.n me.n cigarette
sulagtaa rahtaa hai
aur
vaqt kii dahliiz par
dafn shuda mai.n
apne marqad par chaadar cha.Dhaataa rahtaa huu.n
KHud ko haqiiqat me.n
bas jalaataa rahtaa huu.n

Faisal Malik
Nazm

KHamoshi

havaa kii sarsaraahaT
un ke aane kii KHabar detii
miraa dil mor ban kar naachtaa hai
havaa bhii baa.ndh kar pairo.n me.n ghu.nghruu
ba.Dii chanchal hu.ii jaatii hai dekho
mire hamraah vo bhii naachtii hai
achaanak kyaa hu.aa aisaa
havaa ke paa.nv saakit ho ga.e hai.n
na ghu.nghruu hai.n na aavaaze.n bhii us kii
na bal khaanaa na lahraanaa vo us kaa
KHamoshii kii pa.Dii chaadar sabhii par
hare pe.Do.n ne bhii sar Dhaa.np Daalaa
parindo.n ne paro.n me.n sar chhupaayaa
akelii mai.n khulii aa.nkhe.n hai.n merii
kisii ke intizaar me.n
raaste kii duuriyaa.n naaptii hai.n

Shamshad Jaleel Shad
Nazm

mufakkir ki maut

ye ik baaGii mufakkir kaa janaaza hai
hilaa Daalaa thaa apnii kaafiraana fikr se jis ne
yakaayak saarii duniyaa ko
faqat biis aadmii hamraah hai.n is ke janaaze ke
zamaana jis kii qadr-o-manzilat kartaa thaa aur jis ke KHayaalo.n se sa.nvartaa thaa
vo baaGii jaa rahaa hai aaj akelaa ek albelaa musaafir thaa
karo.Do.n momino.n par thaa jo bhaarii aisaa kaafir thaa
sitaare kyuu.n chamakte hai.n dilo.n kaa maajraa kyaa hai
satiiza-KHuu hai kyuu.n insaa.n mohabbat kaa maza kyaa hai
ye tahqiiq is kaa maz.hab thaa
hazaaro.n saal nargis apnii be-nuurii pe ro.egii

Krishna Mohan
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now