Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "balle-baaz"

Nazm MATCHES FOR "balle-baaz"

Nazm

balle-baz

jab pa.Dhaa.ii karte karte bor ho jaataa huu.n mai.n
daab kar ballaa baGal me.n field par aataa huu.n mai.n
phir nahii.n duniyaa-o-maa-fiihaa kaa kuchh rahtaa KHayaal
kheltaa jaataa huu.n mai.n bas kheltaa jaataa huu.n mai.n
dead pitch ho yaa slow bowler to mere aish hai.n
fast pitch aur tez bowler ho to ghabraataa huu.n mai.n
in cutter out cutter se ho ke bilkul be-niyaaz
band kar ke aa.nkh bas ballaa ghumaa jaataa huu.n mai.n
jab mai.n chhakkaa maartaa huu.n aur vo ho jaataa hai catch
apnii is diivaangii par jhe.np saa jaataa huu.n mai.n
forward jaataa huu.n mai.n guglii uThaane ke liye
aqab me.n apne magar wickete.n girii paataa huu.n mai.n
century kaa garche le kar dil me.n jaataa huu.n KHayaal
lekin aksar le kar anDa hii palaT aataa huu.n mai.n
ho ke ab mohtaat mai.n kheluu.ngaa agle match me.n
har dafa ye kah ke apne dil ko samajhtaa huu.n mai.n

Inayat Ali Khan
Nazm

aao baDe ban jaen

aa.o ba.De ban jaa.e.n
naak pe apnii chashma rakh kar sab ko aa.nkh dikhaa.e.n
lambii lambii muu.nchhe.n rakh le.n sab par ro.ab jamaa.e.n
karte jaa.e.n man-maanii aur hargiz na ghabraa.e.n
ba.De ba.De pairo.n se chal kar sab se aage jaa.e.n
aa.o ba.De ban jaa.e.n

Mohammad Asadullah
Nazm

cricket match

khelne aa.e dono.n cricket bandar haathii
un ke piichhe the jangal ke saare saathii
captain thaa ik team kaa haathii mast qalandar
duusrii team kaa captain ban baiThaa thaa bandar
bandar ye the qismat vaale jiite toss
fauran chiite ko bulvaayaa apne paas
open karne ik jaanib se aayaa sher
josh me.n aa kar lagaayaa us ne rano.n kaa Dher
ik over me.n banaa gayaa vo sola ran
satrah ge.ndo.n me.n ran us ke sattaavan
is paarii me.n dhuum dha.Dkaa machaa gayaa vo
chaa.e se pahle double century banaa gayaa vo
dekh ke apnii team kii durgat haathii chau.nkaa
KHud karne bolling kavar se aayaa dau.Daa
pahlii ball hii chiite ke stump ko maaraa
duusrii ball me.n sher dressing room sidhaaraa
tiisrii ball pe saa.nbhar jii ne catch diyaa
chauthii ball pe riichh bechaaraa bold hu.aa
ik over me.n chaar wicket the zero ran
haathii ne record banaa Daalaa a-one
ek inning me.n aaTh wicket keeper ke catch
nanhaa saa KHargosh hu.aa man of dii match
do sau biis pe bandar jii kii team all out
pahle roz machhandar jii kii team all out
duusre din haathii ke utre balle-baaz
balle-baazii me.n lekin na the mumtaaz
bandar jii ne follow-aan kii sheKHii maarii
sochaa KHatm kare.nge un kii jaldii paarii
haathii aayaa do saathii out hone par
vo chakraayaa apnii do wickete.n khone par
haathii ke aane se paarii sambhal ga.ii thii
vaise bhii ab pitch kii haalat badal ga.ii thii
haathii aayaa chauke chhakke maaraa KHuub
bandar dau.Daa idhar udhar bechaara KHuub
tiin sau terah banaa ke haathii not out thaa
apne kartab dikhaa ke haathii not out thaa
do wicketo.n pe lagaa thaa chhe sau rano.n kaa Dher
phir paarii declare karne me.n kyaa der
duusrii paarii me.n bandar kii u.Dii ha.nsii
assii hii ran banaa ke puurii team ga.ii
tiin sau ran aur das wicketo.n se maat hu.ii
jiit hu.ii haathii kii uu.nchii baat hu.ii

Haidar Bayabani
Nazm

aam de

raajaa khaa.e amras
raanii bole bas bas

Ataur Rahman Tariq
Nazm

KHak aur KHun

hasrate.n KHaak me.n miltii hu.ii dekhii.n kyaa kyaa
kitnii maa'suum tamannaa.o.n kaa KHuu.n dekhaa hai
aah vo gul jo na the niim-shagufta bhii hanuuz
daf'atan baad-e-KHizaa.n ne jinhe.n aa rau.ndaa hai

Bazm Ansari
Nazm

yaaden

tanhaa.ii me.n har shab vo sajaa.ii hu.ii mahfil
vo tere tasavvur me.n guzaarii hu.ii raate.n
KHushbuu kaa tirii zikr-e-hasii.n baad-e-sabaa se
vo chaa.nd sitaaro.n se tire husn kii baate.n

Bazm Ansari
Nazm

ai meri hamdam-o-dam-saz

ai mirii hamdam-o-dam-saaz mirii jaan-e-nafas
shorish-e-baad-e-muKHaalif se pareshaa.n kyo.n hai

Bazm Ansari
Nazm

id ka mela

lo iid aa.ii lo do puliye maidaan me.n bhar baazaar lagaa
har chaahat kaa saamaan hu.aa har ne.amat kaa ambaar lagaa
sab ujlaa shahr uma.nD aayaa shalvaar sajaa dastaar lagaa
is bhii.D ke biphre tuufaa.n me.n jo Duub gayaa so paar lagaa
Tolii ke aage Tolaa hai railii ke piichhe relaa hai
yaaro ye iid kaa mela hai

Syed Zameer Jafri
Nazm

akaD shah ki zehanat

diye mai.n ne hajjaam ko sau ruupa.e
kaTe the mire baal bas tiis ke

Mohammad Osama Sarsari
Nazm

do laDen tisre ka bhala ho

khet me.n chand murGiyaa.n ham-sin
chug rahii thii.n KHushii KHushii ik din
aur do murGe aise nazar aa.e
la.D rahe the jo ek bhuTTe par
itne me.n ik tiisraa murGaa
aa ke chupke se bhuTTaa le bhaagaa
rah ga.e dono.n ho ke vo KHaamosh
aur dono.n ko aayaa ab ye hosh
ham na la.Dte to karte kyuu.n nuqsaan
sach to ye hai ki hai.n ba.De naadaan
ab jo pachhtaa.e faa.eda kyaa hai
phuuT kaa bas yahii natiija hai
is se ma.aluum ho gayaa la.Dko
do la.De.n tiisre kaa achchhaa ho
mil ke rahne se kaam hotaa hai
yahii dastuur kul jahaa.n kaa hai
aur la.Dte rahe agar baaham
paa nahii.n sakte faa.eda kuchh ham
yaad rakkho ye baat 'jauhar' kii
ye u.Daataa nahii.n hai be-par kii

Banne Miyan Jauhar
Nazm

ittifaq

ik buu.Dhe ke chaar the beTe
aapas me.n the la.Dte jhaga.Dte
saKHt hu.aa biimaar vo buu.Dhaa
beTo.n ko tab paas bulaayaa
apne har beTe se bolaa
ik ik lak.Dii tuu le aanaa
ik ik lak.Dii chaaro.n laa.e
bolaa tab buu.Dhaa yuu.n un se
apnaa apnaa zor lagaa.o
chaaro.n ko ab to.D dikhaa.o
chaaro.n hii ne zor lagaayaa
ko.ii na un ko to.Dne paayaa
tab la.Dko.n se bolaa buu.Dhaa
achchhaa ab kholo ye gaTThaa
ik ik lak.Dii le kar to.Do
ek ko bhii in me.n se na chho.Do
har la.Dke ne har lak.Dii ke
kar diye fauran Tuk.De Tuk.De
tab buu.Dhe ne kahaa ai la.Dko
is kaa sabab ma.aluum hai tum ko
pahle na TuuTii.n ab kyuu.n TuuTii.n
aisii TuuTe.n ju.D nahii.n saktii.n
pahle to vo sab thii.n ikaTThaa
alag hu.ii.n to ye dukh paayaa
yuu.nhii raho tum sab bhii ikaTThaa
tum ko na ko.ii to.D sakegaa
aur jo hu.e ik ik se judaa tum
rahne lage aapas me.n KHafaa tum
barbaadii aasaa.n hai tumhaarii
maano dekho baat hamaarii
yahii to 'jauhar' bhii kahtaa hai
la.Dnaa jhaga.Dnaa burii balaa hai

Banne Miyan Jauhar
Nazm

phul

tujh se mahkaa saaraa gulshan
tujh se banaa hai pyaaraa gulshan
bhiinii bhiinii terii nik.hat
pyaarii pyaarii terii rangat
jangal me.n hai tujh se ma.ngal
jalso.n me.n hai tujh se halchal
naazish gulshan terii hastii
tujh se hai bulbul kii mastii
teraa dam bhartii hai bulbul
tere liye hai phirtii martii
tere liye hii ban se aa.ii
baaG me.n apnii bastii basaa.ii
tere liye hii baaG me.n chahkii
tere liye hii bhaTkii bahkii
baad-e-sahar ke jho.nke se tuu
khil kar phailaa detaa hai buu
jis dam phailii terii KHushbuu
dau.D ga.ii gulshan se har suu
shaaKH me.n kaisaa phuul rahaa hai
kitnii KHushii se jhuul rahaa hai
mast hu.ii hai saarii KHilqat
phailii hai terii jo nik.hat
rang hai teraa kaisaa pyaaraa
shaad hu.aa har Gam kaa maaraa
dekhte hii har Gamgii.n tujh ko
bhuulaa apne dard aur dukh ko
duniyaa bhar kaa tuu hai chahiitaa
shak nahii.n is me.n ko.ii aslan
tujh se mahkii saarii zamii.n hai
lekin tujh ko naaz nahii.n hai
tujh ko chaahe saarii duniyaa
terii hai har dil me.n tamannaa
phuul sikhaataa hai ye 'jauhar'
KHush raho tum bhii yuu.n hii din bhar
tum bhii KHush har ek ko rakkho
maza mohabbat kaa bhii chakkho

Banne Miyan Jauhar
Nazm

ghoDa

tum ne dekhaa hogaa gho.Daa
kyaa siinaa us kaa hai chau.Daa
shakl hai pyaarii vo hai baa.nkaa
kaaThii achchhii rang bhii achchhaa
baal us kii dam aur gardan ke
kyaa hai.n mulaa.em aur chamkiile
gol qadam hai.n Taa.nge.n patlii
raane.n taaqat-var aur chipTii
na.al agar ho.n sum nahii.n ghiste
dau.Dte hai.n aaraam se gho.De
sum hai.n saKHt kuchh aise bachcho
kaaTe.n to iizaa na ho us ko
kaan hai.n chhoTe kha.De nukiile
daa.nt hai.n mu.nh me.n aage piichhe
ghaas chanaa bas is kii Gizaa hai
chabaa chabaa kar ye khaataa hai
tez hai itnaa dau.Dne vaalaa
dam ka.ii miilo.n me.n hai letaa
aql samajh achchhii hai is kii
aur vafaa bhii is me.n paa.ii
rakhtaa hai ye yaad vo rasta
is ne jo ik baar bhii dekhaa
taabe apne maalik kaa hai
us ke ishaare par chaltaa hai
ranj me.n aaqaa ko jo hai paataa
apnii jaan ko bhii hai khapaataa
tum bhii sabaq lo is se bachcho
apne ba.Do.n ko raazii rakkho
jo kahtaa hai 'jauhar' maano
is kii baat ko jhuuT na maano

Banne Miyan Jauhar
Nazm

lab-e-baam

firaaq-o-Gam ke a.ndhero.n me.n la.Dkha.Daate hu.e
tumhaare paas mai.n baalaa-e-baam aa.u.ngaa
banaa ke nazm-e-kuhan ko Gubaar-e-raahguzar
liye hu.e mai.n na.ii sub.h-o-shaam aa.u.ngaa

Daud Ghazi
Nazm

sawan se wo pyar kare

aur KHud bhii hai aavaara baadal
kabhii to bin barse u.D jaa.e
aur kabhii tan-man jal-thal
us ke pyaar kii barkhaa rut me.n
yuu.n bhiiguu.n mai.n din raat
baal baal se motii Tapke.n
umDe aa.nkho.n se barsaat

Sameena Aslam Sameena
Nazm

ginti

ek ekan ek
maamuu.n laayaa cake
do ekan do
ammii bolii lo
tiin ekan tiin
chachaa gayaa chiin
chaar ekan chaar
chachii laa.ii car
paa.nch ekan paa.nch
KHaaluu bole saa.nch
chhe ekan chhe
KHaala achchhii hai
saat ekan saat
bhayyaa kii baaraat
aaTh ekan aaTh
munne ke hai.n ThaaTh
nau ekan nau
aapaa laa.ii jau
das ekan das
abbaa bole bas

Khatir Ghaznavi
Nazm

raat

raat jaise bahrii hai
siskiyaa.n nahii.n suntii
hausla nahii.n detii
jin kii kashtiyo.n ko Gam
zabt ke jaziire par
Therne nahii.n detaa
jin ko baar-e-bad-baKHtii
ziist ke samundar me.n
tairne nahii.n detaa
reg-e-saahil-e-shab par
kaise sar paTaKHte hai.n
raat jaise andhii hai
aasraa nahii.n detii
dost hii nahii.n bantii
raat kitnii behis hai

Hamida Shaheen
Nazm

qartaba ka muhasara

haamila badliyo.n ne
apne kaTe-phaTe kinaaro.n me.n
chaa.ndii kii jhaalare.n laTkaa rakhii thii.n
aur apnii dulaa.iyo.n ke baKHiyo.n me.n
ra.ngo.n kii bichkaariyaa.n chhupaa rakkhii thii.n
ufuq surKH thaa
jaise shahr ke shohde
Darpok dukaan-daaro.n par
apnii dhaak jamaane
na.ii kaTaa.iyaa.n kamaane par muqarrar huu.n
sode kii botalo.n se
ek duusre par hamla-aavar huu.n
aur fuTpaatho.n par
shiisho.n ke Tuk.Do.n se
ajnabii raahgiiro.n ke
na.nge pairo.n se
sirf unnaab dastiyaab ho
zamiin gulnaar bane
bas isii tarah kaa rang aasmaan me.n
khilaa hu.aa milaa
raat kii fasiil ke qariib
shaam kaa muhaasara kiye
pa.Daa hu.aa thaa mai.n

Saqi Faruqi
Nazm

latifa

chaar shaKHs aapas me.n the ik roz masruuf-e-namaaz
bol uThaa un me.n se naa-gahaa.n ek mard-e-hiila-baaz
duusre saahab ne farmaayaa ki o naadaan chup
baat tuu ne kis liye kii ho ga.ii faasid namaaz
tiisre saahab ye bole baat kii to us ne kii
boltaa hai kis liye tuu hii ba.Daa hai jald-baaz
guftuguu sun kar ye farmaane lage un ke imaam
shukr hai mai.n kuchh nahii.n bolaa hu.ii merii namaaz

Mohammad Abdul Wahab
Nazm

baghon mein aaegi kab bahaar

nauhe likhte likhte ye dil thak jaataa hai
bikhre hu.e hai.n sab dil vaale
ham matvaale tanhaa hai.n
raushniyo.n ke beTe taariikii me.n aa kar chamke.n
ham raaho.n me.n tayyaar mile.nge
jo yalGaar yahaa.n bhii hogii
ham apne KHuu.n ke favvaaro.n ko aam kare.nge
ek charaaGaa.n kuucha-e-rusvaa.ii me.n
ik baalaa-e-baam kare.nge
un rozo.n me.n ye dil thak kar so bhii chuke to
ham KHush ho.nge
baadal ke takiye pe bahut aaraam kare.nge

Yahya Amjad
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now