Search result for "be-nutq" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "be-nutq"

Nazm MATCHES FOR "be-nutq"

Nazm

holi

de rahaa hai gaaliyaa.n be-nutq har piir-o-javaa.n
vaah kyaa kahnaa tirii tahziib kaa hindostaa.n

Shatir Hakeemi

Nazm

nazmon ke liye dua-e-KHair

merii tamaam kaa.enaat
ghaas ke varaq kii tarah suukhne lage
to tum is tanhaa raste pe aa.oge?
taKHliiq ke chup maalik! aaqaa! KHudaa!
tum ki kho.e ho.uu.n ke dard muddato.n sambhaale rahe ho
us raste pe ki jahaa.n
mujhe kabhii yaqii.n na ho sakaa ki paanii maa.nguu.n to kaise
roTii yaa aafiyat yaa mahz pahchaan kii bhiik maa.nguu.n to kaise
tum aa.oge?
jale hu.e jism ke is raste pe?
maut ke duusre saahil pe
dhu.e.n kii tarah paash paash buu.Dhii haDDiyo.n kii
is sar-zamiin pe?
yahaa.n be-nutq lafz ek duusre kaa mu.nh takte hai.n
aur har du.aa ne lafzo.n se mu.nh mo.D liyaa hai

Ejaaz Ahamd

Nazm

mere kamre mein utar aai KHamoshi phir se

mere kamre me.n utar aa.ii KHamoshii phir se
saaya-e-shaam-e-Gariibaa.n kii tarah
shorish-e-diida-e-giryaa.n kii tarah
mausam-e-kunj-e-bayaabaa.n kii tarah
kitnaa be-nutq hai yaado.n kaa hujuum
jaise ho.nTo.n kii fazaa yaKH-basta
jaise lafzo.n ko gahan lag jaa.e
jaise ruuThe hu.e rasto.n ke musaafir chup-chaap
jaise marqad ke sirhaane ko.ii KHaamosh charaaG
jaise sunsaan se maqtal kii saliib
jaise kajlaa.ii hu.ii shab kaa nasiib
mere kamre me.n utar aa.ii KHamoshii phir se
phir se zaKHmo.n kii qataare.n jaagii.n
avval-e-shaam-e-charaaGaa.n kii tarah
har na.e zaKHm ne phir yaad dilaayaa mujh ko
isii kamre me.n kabhii
mahfil-e-ahbaab ke saath
gungunaate hu.e lamho.n ke shajar phailte the
raqs karte hu.e jazbo.n ke dahakte lamhe
qarya-e-jaa.n me.n lahuu kii suurat
sham-e-vaada kii tarah jalte the
saa.ns letii thii fazaa me.n KHushbuu
aa.nkh me.n gulban-e-marjaa.n kii tarah
saa.ns ke saath guhar Dhalte the
aaj kyaa kahiye ki aisaa kyuu.n hai
shaam chup-chaap
fazaa yaKH-basta
dil miraa dil ki samundar kii tarah zinda thaa
tere hote hu.e tanhaa kyuu.n hai
to ki KHud chashma-e-aavaaz bhii hai
merii mahram mirii hamraaz bhii hai
tere hote hu.e har samt udaasii kaisii
shaam chup-chaap
fazaa yaKH-basta
dil ke hamraah badan TuuT rahaa ho jaise
ruuh se rishta-e-jaa.n chhuuT rahaa ho jaise
ai ki tuu chashma-e-aavaaz bhii hai
haasil-e-naGmagii-e-saaz bhii hai
lab-kushaa ho ki sar-e-shaam-e-figaar
is se pahle ki shikasta-dil me.n
bad-gumaanii kii ko.ii tez kiran chubh jaa.e
is se pahle ki charaaG-e-va.ada
yak-ba-yak bujh jaa.e
lab-kushaa ho ki fazaa me.n phir se
jalte lafzo.n ke dahakte jugnuu
tair jaa.e.n to sukuut-e-shab-e-uryaa.n TuuTe
phir ko.ii band-e-garebaa.n TuuTe
lab-kushaa ho ki mirii nas nas me.n
zahr bhar de na kahii.n
vaqt kii zaKHm-faroshii phir se
lab-kushaa ho ki mujhe Das legii
KHud-faraamoshii phir se
mere kamre me.n utar aa.ii
KHamoshii phir se

Mohsin Naqvi

Nazm

KHamushi

dar-haqiiqat KHaamushii me.araaj hai guftaar kii
is se behtar ko.ii bhii suurat nahii.n iz.haar kii
ho ga.ii hai nutq kii har har adaa jab be-asar
mai.n ne dekhaa hai tilism-e-KHaamushii ko kaargar
KHaamushii aise bhii lamho.n kii kahaanii kah ga.ii
jin me.n goyaa.ii pashemaanii uThaa kar rah ga.ii

Akhtar Bastavi

Nazm

KHamushi

dar-haqiiqat KHaamushii me.araaj hai guftaar kii
is se behtar ko.ii bhii suurat nahii.n iz.haar kii
ho ga.ii hai nutq kii har har adaa jab be-asar
mai.n ne dekhaa hai tilism-e-KHaamushii ko kaargar
KHaamushii aise bhii lamho.n kii kahaanii kah ga.ii
jin me.n goyaa.ii pashemaanii uThaa kar rah ga.ii

Akhtar Bastavi

Nazm

husn

is husn ko ab kiijiye kis husn se ta.abiir
ye husn nazar-paash hai yaa aks-e-taKHayyul
ye niim-nigaahii hai ki jalvo.n kaa tasalsul
ye husn-e-tarannum hai tabassum hai ki tuufaan
yaa jalva-e-shaadaab hijaabo.n me.n numaayaa.n
ye husn kaa haasil hai ki jalvo.n kaa taqaazaa
daamaan-e-nazar parda-e-mahmil hai saraapaa
ye jalvaa-e-be-taab hai yaa barq-e-sharar-KHez
yaa jaam-e-mohabbat hai ki jazbaat se labrez
nazzaara-e-gul-rang hai paimaana-e-raahat
aks-e-nazar-afroz hai aa.iina-e-fitrat
ik paikar-e-hairat hai ki ik sehr kii tasviir
daamaan-e-fazaa par hai KHayaalaat kii tahriir
tasliim hai ki maa.igii-e-nutq kii taqsiir

Sahba lakhnavi

Nazm

chashm-e-be-KHwab ko saman bahut

dard kaa naam samaa.at ke liye raahat-e-jaa.n
dast-e-be-maaya ko zar
nutq-e-KHaamosh ko lafz
KHvaab-e-be-dar ko makaa.n
dard kaa naam mire shahr-e-KHvaahish kaa nishaa.n
manzil-e-reg-e-ravaa.n
dard kii raah pe taskiin ke imkaan bahut!

Amjad Islam Amjad

Nazm

tabir

apne taabuut me.n KHud se haibat-zada jabr kii zindagaanii me.n jiitaa rahaa
yuu.n jamaal-e-sahar zard suuraj ke haatho.n me.n girvii rahaa
kasmasaate badan ke junuubii taraf taaziyaano.n kii barsaat jaarii rahii aur shumaalii taraf sa.ng-baarii se udh.Dii hu.ii khaal par
zindagii kii ye tamsiil likkhii ga.ii mai.n to bas vaqt kii jail me.n qaid thaa
aur tasavvur me.n thii lahlahaatii hu.ii KHushnumaa zindagii
ya.anii shanduur kii bhurnhurii ghaas pe baiTh ke match polo ke dekhaa karuu.n
aur qahva kii chuskii lagaate ho.ii sartre ko pa.Dhuu.n
qahqaho.n ke tamavvuj me.n raqsaa.n rahe.n nutq-e-taKHliiq ke be-karaa.n zamzame

Irfan Shahood

Nazm

wo harf-o-saut-o-sada

vo harf jo fazaa-e-niilguu.n kii vus.ato.n me.n qaid thaa
vo saut jo hisaar-e-KHaamushii me.n jalva-rez thii
sadaa jo kohsaar kii bulandiyo.n pe mahv-e-KHvaab thii
ridaa-e-barf se Dhakii
vo lafz jo fazaa ke niile aa.nchalo.n se chhan ke
jazb ho rahaa thaa
reg-zaar-e-vaqt me.n
jo zarra zarra muntashir thaa
dhundlii dhundlii saa.ato.n kii gard me.n
vo ma.anii-e-gurez-paa
laraz rahaa thaa jo rag-e-hayaat me.n
vo ramz-e-muntazir ki jo abhii nihaa.n thaa
batn-e-kaa.enaat me.n

Zahida Zaidi

Nazm

zindagi

zarre zarre me.n davaa.n ruuh-o-ruvaa.n paataa huu.n mai.n
zindagii ko ek bahr-e-be-karaa.n paataa huu.n mai.n
Guncha Guncha nutq par aamaada aataa hai nazar
patte patte kii zabaa.n ko naGma-KHvaa.n paataa huu.n mai.n
zinda hastii kii KHabar detii hai raftaar-e-nafas
buu-e-gul ko zindagii kaa tarjumaa.n paataa huu.n mai.n
barq kii jumbish ho yaa baad-e-sabaa kaa ho KHiraam
zindagii kaa har tamavvuj me.n nishaa.n paataa huu.n mai.n
us se aage bhii hai.n ruuhe.n u.Dtii phirtii be-shumaar
taa.er-e-sidra kaa jis jaa aashiyaa.n paataa huu.n mai.n
ho chukii hai hukmaraa.n jis naKHl par baad-e-KHizaa.n
us kii rag rag me.n bahaar-e-be-KHizaa.n paataa huu.n mai.n
chaar-suu raah-e-safar par dau.Dtii hai jab nazar
zindagii ko kaarvaa.n-dar-kaarvaa.n paataa huu.n mai.n
jaane vaalo.n kii tabaahii ke nishaano.n me.n nihaa.n
aane vaalii hastiyo.n kii bastiyaa.n paataa huu.n mai.n
al-Garaz samjhe ho jin ko maut kii barbaadiyaa.n
zindagii ke inqalaab an me.n nihaa.n paataa huu.n mai.n

Syed Wahidudeen Salim

Nazm

siri kirshn

dilo.n me.n rang-e-mohabbat ko ustuvaar kiyaa
savaad-e-hind ko giitaa se naGma-baar kiyaa
jo raaz koshish-e-nutq-o-zabaa.n se khul na sakaa
vo raaz apnii nigaaho.n se aashkaar kiyaa
udaasiyo.n ko na.ii zindagii ataa kar dii
har ek zarre ko dil de ke be-qaraar kiyaa
jo mashrab us kaa na is tarah aam ho jaataa
jahaa.n se mahv mohabbat kaa naam ho jaataa

Seemab Akbarabadi

Nazm

shri-krishn

dilo.n me.n rang-e-mohabbat ko ustuvaar kiyaa
savaad-e-hind ko giitaa se naGma-baar kiyaa
jo raaz koshish-e-nutq-o-zabaa.n se khul na sakaa
vo raaz apnii nigaaho.n se aashkaar kiyaa
udaasiyo.n ko na.ii zindagii ataa kar dii
har ek zarre ko dil de ke be-qaraar kiyaa
jo mashrab us kaa na is tarah aam ho jaataa
jahaa.n se mahv mohabbat kaa naam ho jaataa

Seemab Akbarabadi

Nazm

urdu nazm

dil-e-KHavaas hai ruuh-e-avaam hai urdu
zabaa.n nahii.n hai mukammal nizaam hai urdu

Zakiya Sultana Nayar

Nazm

silsila-e-mukalimat-e-KHud-kalami

aadam-e-KHaakii kii paidaa.ish se pahle
jin kaa kahnaa thaa zamii.n par
KHuun bahaa.egaa ye naahaq
aur machaa.egaa fasaad
ab vahii peshengo umiid-vaar
is ke gun gaate hu.e thakte nahii.n
imtihaan-gaah-e-muqaddar ho to aisii
jis me.n pur-taab-o-tavaa.n ham
kaar-pardaazaan-e-fitrat laa-javaab
aur aadam us kii tiinat me.n to goyaa
hal-shuda pahle se the saare savaal
jin mazaahir kii taraf dekhaa nazar bhar kar
ma.aanii ke damak aThe unhii.n me.n muzmiraat
hikmat-e-ashyaa ke saa.nche me.n Dhalii
be-saaKHta ism-aafriinii marhabaa
KHaak-e-be-miqdaar ke zarraat me.n
jauhar-e-nutq-o-bayaa.n aisaa bhii maKHfii hai
kise ma.aluum thaa
imtihaa.n KHatm
aur masjuud-e-malaa.ik ban ga.ii insaa.n kii zaat
mai.n ne lekin sheva-e-inkaar apnaayaa
ki mai.n aatish-e-nihaad
martabe me.n KHaak-e-uftaada se bartar
asl me.n vaalaa guhar
chaahe aflaak-o-zamiin par
phail kar chhaa jaa.e ye musht-e-Gubaar
harba tasKHiir lekin kaargar mujh par bhii ho is kaa
yahii ik marhala hai ma.arke kaa
imtihaa.n ye saKHt-tar hai
kaamyaabii is me.n bhii paa.e yahii
umiid-vaar KHush-gumaa.n
aasaa.n nahii.n
merii apnii ik luGat hai
jis me.n asmaa ke ma.aanii baar-baar
ik na.ii ta.abiir ke aa.iina-daar
mansab-e-aazaadgii aadam kaa
ik parvaana-e-Gaarat-garii
is me.n likhaa hai
aur aagaahii
tabaahii ke vasaa.el tak rasaa.ii kaa javaaz
is me.n chhapaa hai
al-Garaz is khel kaa mohara vahii
ilm-e-asmaa hai magar
ik pur-fusuu.n taqliib-kaarii kaa shikaar
ik pur-fusuu.n taqliib-kaarii kaa shikaar

Shafiq Fatima Shera

Nazm

soch bin

merii majruuh KHalvat
duhaa.ii pe utre bhii to kis tarah
zahr-e-shar sharbat-e-KHair ke zaa.iqe
mere nutq-o-zabaa.n ke liye vaqf hai.n
sirf suud-o-ziyaa.n ke liye vaqf hai.n
mai.n tasavvur kaa muhtaaj
suurat-garii se bahaltaa rahuu.n
zehn ke niim ujaalo.n me.n
girtaa sa.nbhaltaa rahuu.n
halqa-e-roz-o-shab se machaltii hu.ii
saarii chi.ngaariyaa.n mujh pe barsaa kare.n
bahr-e-idraak ke sab ke sab jazr-o-mad
mujh pe TuuTaa kare.n
mai.n nigaaho.n me.n KHaar-e-muGiilaa.n liye
bas zamiino.n zamiino.n bhaTaktaa rahuu.n
apne saa.e ko halkaa saa nuqta kiye
anginat niim-KHvaabiida aa.nkho.n ko taktaa rahuu.n
apnii pahchaan ke vaaste apnii taariif me.n
sirf itnaa kahuu.n
mai.n ikaa.ii-gaziida sar-e-anjuman
mere chaaro.n taraf
be-amaa.n ik gagan
soch bin
soch bin suuraj bin

Rasheed Ejaz

Nazm

fata-kallamu tarafu

tabiib bhinbhinaa gayaa
mai.n sab ilaaj kar ke thak gayaa huu.n
par ye bachcha boltaa nahii.n
zabaan is kii tandurust hai
kahii.n bhii ko.ii raKHna, ko.ii naqs, mai.n nahii.n samajh sakaa
badan bhii tandurust hai magar ye naunihaal chaar saal kaa
ishaaro.n se hii baat karnaa jaantaa hai, kyaa karuu.n?
ise kisii specialist ke paas le ke jaa.iye

Satyapal Anand

Nazm

kaghzi hai pairahan

ye be-nuur andhii siyaasat kaa baazaar hai
maslahat kii dukaa.n hai
shanaasaa yahaa.n ajnabii hai.n
masarrat ke lamhe bhii be-jaan hai.n
jism-o-jaa.n kii haqiiqat nahii.n hai.n
riyaa-kaar socho.n ke
jaamid hisaaro.n me.n lipTii hu.ii
sar-zamiin kah rahii hai
ki ye mahfil-e-ta.ng-daamaa.n hai
saaqii kaa e.ajaaz
mutrib kii aavaaz
aur naara-e-sarmadii kuchh nahii.n hai yahaa.n
to bas
zauq-e-hastii kaa
bedaarii-e-aarzuu kaa asaasa sameTo
unhii.n be-navaa.ii ke Gaaro.n me.n kho jaa.o jaa kar
jahaa.n kone kone me.n
har kunj me.n har-qadam par
sukuut-e-mukammal kaa aaseb hai
shor-o-GauGaa kaa jangal hai
aur gulshan-e-nutq be-barg-o-baar-o-samar hai
ki is mahbas-e-fikr me.n KHayaalo.n kii mahshar-KHiraamii
a.ndhero.n ujaalo.n kii takraar-e-paiham nahii.n hai
isii kunj-e-be-gaa.ngii me.n chhupaa lo dil-o-jaa.n
jahaa.n sahar-KHez bedaar ruuhe.n
kabhii nashsha-e-mai se sarshaar thii.n jo
KHumaar-e-tamannaa ga.nvaa kar
subuk-narm-KHvaabo.n se daaman bachaa kar
kaar-gaah-e-hunar se nigaahe.n churaa kar
zamaane ke naqsh-e-qadam dekhte dekhte
so ga.ii hai.n
ki vo baar-e-hurriyat diin-o-dil se
subuk-baar sii ho ga.ii hai.n
agar jaan-o-dil phir bhii
be-daarii-e-aarzuu
fitna-saazii-e-haq-biinii-o-garm-raftaarii-e-justajuu par musir huu.n
to diivaar-e-mahbas ke rauzan ko aa.nkhe.n banaa lo
nigaahe.n ufuq par jamaa lo

Sajida Zaidi

Nazm

naqqad

dil me.n jab ash.aar kii hotii hai baarish be-shumaar
nutq par buu.nde.n Tapak pa.Dtii hai.n kuchh be-iKHtiyaar

Josh Malihabadi

Nazm

mera safar

phir ik din aisaa aa.egaa
aa.nkho.n ke diye bujh jaa.e.nge
haatho.n ke ka.nval kumhlaa.e.nge
aur barg-e-zabaa.n se nutq o sadaa
kii har titlii u.D jaa.egii
ik kaale samundar kii tah me.n
kaliyo.n kii tarah se khiltii hu.ii
phuulo.n kii tarah se ha.nstii hu.ii
saarii shakle.n kho jaa.e.ngii
KHuu.n kii gardish dil kii dha.Dkan
sab raagniyaa.n so jaa.e.ngii
aur niilii fazaa kii maKHmal par
ha.nstii hu.ii hiire kii ye kanii
ye merii jannat merii zamii.n
is kii sub.he.n is kii shaame.n
be-jaane hu.e be-samjhe hu.e
ik musht-e-Gubaar-e-insaa.n par
shabnam kii tarah ro jaa.e.ngii
har chiiz bhulaa dii jaa.egii
yaado.n ke hasii.n but-KHaane se
har chiiz uThaa dii jaa.egii
phir ko.ii nahii.n ye puuchhegaa
'sardaar' kahaa.n hai mahfil me.n

Ali Sardar Jafri

Nazm

hilal-e-id

fazaao.n ke samundar me.n talaatum ho gayaa barpaa
mah-e-nau kii sunahrii naav uchhlii khaa ke hachkolaa
nazar niichii kiye mahmil se baahar aa ga.ii lailaa
tabassum aate aate ruk gayaa sharmaa ga.ii lailaa
kan-a.nkhiyo.n kaa ishaara shoKHiyaa.n kartaa hai ghuu.nghaT me.n
sharaarat ke 'anaasir mil ga.e hai.n muskuraahaT me.n
hilaal-e-'iid ko kyo.n KHanjar-e-naaz-o-adaa kahiye
buraa kyaa hai jo mehraab-e-jabiin-e-dil-rubaa kahiye
mubaarak ho sameTii lailaa-e-shab ne ridaa apnii
‘uruus-e-'iid ne parde se dikhlaa.ii adaa apnii
masaajid me.n mo.azzin kii sadaa.e.n bahkii jaatii hai.n
lab-e-zaahid ko jumbish hai du'aa.e.n bahkii jaatii hai.n
tamannaa.o.n kii kaliyaa.n khil rahii hai.n dil ke daaman me.n
taraana hai masarrat kaa fazaa ke dil kii dha.Dkan me.n
bahaar-e-‘iid aa.ii husn kii raunaq ba.Dhaane ko
javaa.n beva ke dil me.n sham’-e-hasrat ko jalaane ko
bahaar-e-‘iid hasrat kii KHalish dil me.n jagaatii hai
yatiimo.n kii nazar ko siskiyaa.n lenaa sikhaatii hai
bahaar-e-‘iid kyaa haijaan-e-jazbaat-e-tamannaa.ii
bahaar-e-‘iid kyaa daulat kii ik be-kaif ang.Daa.ii
dhu.aa.n uTThe na kyo.n shaa'ir ke qalb-e-zaar-o-sozaa.n se
ki khelii jaa rahii hai.n holiyaa.n KHuun-e-Gariibaa.n se
vo dekho ho rahii hai raushnii aivaan-e-daulat me.n
lahuu dahqaa.n kaa jaltaa hai charaaG-e-bazm-e-'ishrat me.n
hilaal-e-'iid KHuun-e-aarzuu rangiiniyaa.n terii
yatiimo.n kii nigaah-e-be-zabaa.n afsaana-KHvaa.n terii
qasam hai ai hilaal-e-'iid ashko.n kii ravaanii kii
qasam hai ai hilaal-e-'iid beva kii javaanii kii
qasam un kaarvaano.n kii jo luT jaa.e.n sar-e-manzil
qasam un kashtiyo.n kii Duub jaa.e.n jo lab-e-saahil
qasam un surKH aa.nkho.n kii ho taarii jin pe be-hoshii
qasam us nutq kii jo ho gayaa ho nazr-e-KHaamoshii
qasam un zard ho.nTo.n kii banii jin ke liye narmii
qasam un sard boso.n kii nahii.n jin me.n zaraa garmii
qasam us naala-e-shab kii nahii.n jis kaa kahii.n maaman
qasam us chashm-e-tar kii jis kii qismat me.n nahii.n daaman
qasam hai us jamaahii kii jo ho rusvaa-kun-e-mastii
qasam hai us javaanii kii jo ho vaqf-e-Gam-e-hastii
qasam hai ai hilaal-e-'iid saa.il kii nigaaho.n kii
qasam hai kaj-kulaahii kii qasam hai kaj-kulaaho.n kii
ki raunaq tujh se ho saktii hai 'ishrat ke dayaaro.n me.n
magar kyaa KHaak hogii raushnii dil ke mazaaro.n me.n

Ahsan Ahmad Ashk

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now