Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bhole"

Nazm MATCHES FOR "bhole"

Nazm

intisab

pa.Dhne vaalo.n ke naam
vo jo as.haab-e-tabal-o-alam
ke daro.n par kitaab aur qalam
kaa taqaazaa liye haath phailaa.e
vo ma.asuum jo bhole-pan me.n
vahaa.n apne nanhe charaaGo.n me.n lau kii lagan
le ke pahu.nche jahaa.n
baT rahe the ghaTaa-Top be-ant raato.n ke saa.e

Faiz Ahmad Faiz
Nazm

banjara

vaqt ke agle shahr ke saare baashinde
sab din sab raate.n
jo tum se naa-vaaqif ho.nge
vo kab merii baat sune.nge
mujh se kahe.nge
jaa.o apnii raah lo raahii
ham ko kitne kaam pa.De hai.n
jo biitii so biit ga.ii
ab vo baate.n kyuu.n dohraate ho
ka.ndhe par ye jholii rakkhe
kyuu.n phirte ho kyaa paate ho
mai.n be-chaara
ik banjaara
aavaara phirte phirte jab thak jaa.uu.ngaa
tanhaa.ii ke Tiile par jaa kar baiThuu.ngaa
phir jaise pahchaan ke mujh ko
ik banjaara jaan ke mujh ko
vaqt ke agle shahr ke saare nanhe-munne bhole lamhe
na.nge paa.nv
dau.De dau.De bhaage bhaage aa jaa.e.nge
mujh ko gher ke baiThe.nge
aur mujh se kahe.nge
kyuu.n banjaare
tum to vaqt ke kitne shahro.n se guzre ho
un shahro.n kii ko.ii kahaanii hame.n sunaa.o
un se kahuu.ngaa
nanhe lamho!
ek thii raanii
sun ke kahaanii
saare nanhe lamhe
Gamgii.n ho kar mujh se ye puuchhe.nge
tum kyuu.n in ke shahr na aa.ii.n
lekin un ko bahlaa luu.ngaa
un se kahuu.ngaa
ye mat puuchho
aa.nkhe.n muu.ndo
aur ye socho
tum hotii.n to kaisaa hotaa
tum ye kahtii.n
tum vo kahtii.n
tum is baat pe hairaa.n hotii.n
tum us baat pe kitnii ha.nstii.n
tum hotii.n to aisaa hotaa
tum hotii.n to vaisaa hotaa

Javed Akhtar
Nazm

madrasa ali-gaDh

KHudaa alii-ga.Dh ke madrase ko tamaam amraaz se shifaa de
bhare hu.e hai.n raiis-zaade amiir-zaade shariif-zaade
latiif o KHush-vaz.a chust o chaalaak o saaf o paakiiza shaad-o-KHurram
tabii.ato.n me.n hai in kii jaudat dilo.n me.n in ke hai.n nek iraade
kamaal-e-mehnat se pa.Dh rahe hai.n kamaal-e-Gairat se pa.Dh rahe hai.n
savaar mashriq raah me.n hai.n to maGribii raah me.n piyaade
har ik hai in me.n kaa be-shak aisaa ki aap use chaahte hai.n jaisaa
dikhaave mahfil me.n qadd-e-ra.anaa jo aap aa.e.n to sar jhukaa de
faqiir maa.nge to saaf kah de.n ki tuu hai mazbuut jaa kamaa khaa
qubuul farmaa.e.n aap daavat to apnaa sarmaaya kul khilaa de
buto.n se in ko nahii.n lagaavaT miso.n kii lete nahii.n vo aahaT
tamaam quvvat hai sarf-e-KHvaandan nazar ke bhole hai.n dil ke saade
nazar bhii aa.e jo zulf-e-pechaa.n to samjhe.n ye ko.ii policy hai
electric light us ko samjhe.n jo barq-vash ko.ii kuude
nikalte hai.n kar ke Gol-bandii ba-naam-e-tahziib o dard-mandii
ye kah ke lete hai.n sab se chande jo tum hame.n do tumhe.n KHudaa de
unhe.n isii baat par yaqii.n hai ki bas yahii asl kaar-e-dii.n hai
isii se hogaa faroG-e-qaumii isii se chamke.nge baap daade
makaan-e-college ke sab makii.n hai.n abhii unhe.n tajrabe nahii.n hai.n
KHabar nahii.n hai ki aage chal kar hai kaisii manzil hai.n kaise jaade
dilo.n me.n in ke hai.n nuur-e-iimaa.n qavii nahii.n hai magar nigahbaa.n
havaa-e-mantiq adaa-e-tiflii ye sham.a aisaa na ho bujhaa de
fareb de kar nikaale matlab sikhaa.e tahqiir-e-diin-o-mazhab
miTaa de aaKHir ko diin-o-maz.hab numuud-e-zaatii ko go ba.Dhaa de
yahii bas 'akbar' kii iltijaa hai janaab baarii me.n ye du.aa hai
uluum o hikmat kaa dars in ko professor de.n samajh KHudaa de

Akbar Allahabadi
Nazm

KHatun-e-mashriq

jab zaruurat se ziyaada naaz farmaataa hai ilm
aariz-e-taabaa.n ke bhole-pan ko khaa jaataa hai ilm

Josh Malihabadi
Nazm

unki taswir dekh kar

aaj kyaa hai jo milaa shoKH nigaaho.n ko qaraar?
kyaa hu.aa husn kii ma.asuum hayaa.o.n kaa vaqaar
aaj kyuu.n tum mujhe dekhe hii chale jaate ho?
daf.atan TuuT gayaa kis liye bajtaa hu.aa saaz
kyaa hu.e naGme vo ab kyuu.n nahii.n aatii aavaaz
aaj ho.nTo.n pe KHamoshii hii KHamoshii kyuu.n hai?
KHuub tadbiir nikaalii hai manaane kii mujhe
aatish-e-soz-e-mohabbat me.n jalaane kii mujhe
bhole-bhaale ho to de do mire shikvo.n kaa javaab
tum ne kyaa peshtar apnaa na banaayaa mujh ko
phir yakaayak na nigaaho.n se giraayaa mujh ko
ye agar jhuuT hai to mu.nh se kaho chup kyuu.n ho
tuu ne ik dil ko mire dars-e-mohabbat na diyaa
aur phir jaan ke daaG-e-Gam-e-furqat na diyaa
ye agar jhuuT hai to mu.nh se kaho, chup kyuu.n ho
tum ne kyaa mujh se kisii qism kaa va.ada na kiyaa
ye agar jhuuT hai to mu.nh se kaho, chup kyuu.n ho?
de sake tum na mire ek bhii shikve kaa javaab
ab mai.n samjhaa ki hai kyaa raaz-e-ba-daamaan-e-hijaab
vaaqa.ii tum ko nadaamat hai jo KHaamosh ho tum
yaa kisii parda-e-tasviir me.n ruu-posh ho tum!

Shakeel Badayuni
Nazm

KHushamad

dil KHushaamad se har ik shaKHs kaa kyaa raazii hai
aadmii jin parii o bhuut balaa raazii hai
bhaa.ii farzand bhii KHush baap chachaa raazii hai
shaad masruur Ganii shaah o gadaa raazii hai
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
apnaa matlab ho to matlab kii KHushaamad kiije
aur na ho kaam to us Dhab kii KHushaamad kiije
auliyaa ambiyaa aur rab kii KHushaamad kiije
apne maqduur Garaz sab kii KHushaamad kiije
jo KHushaamad kare KHalq us se sadaa raazii hai
haq to ye hai kii KHushaamad se KHudaa raazii hai
chaar din jis ko kiyaa jhuk ke KHushaamad se salaam
vo bhii KHush ho gayaa apnaa bhii hu.aa kaam me.n kaam
ba.De aaqil ba.De daanaa ne nikaalaa hai ye daam
KHuub dekhaa to KHushaamad hii kii aamad hai tamaam
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
bad baKHiil aur saKHii kii bhii KHushaamad kiije
aur jo shaitaan ho to us kii bhii KHushaamad kiije
gar valii ho to valii kii bhii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
pyaar se jo.D diye jis kii taraf haath jo aah
vahii.n KHush ho gayaa karte hii vo haatho.n pe nigaah
Gaur se ham ne jo is baat ko dekhaa vallaah
kuchh KHushaamad hii ba.Dii chiiz hai allaah allaah
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii
piine aur pahan.ne khaane kii KHushaamad kiije
hiij.De bhaa.nD zanaane kii KHushaamad kiije
mast o hushiyaar divaane kii KHushaamad kiije
bhole naadaan siyaane kii KHushaamad kiije
jau KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
aish karte hai.n vahii jin kaa KHushaamad kaa mizaaj
jo nahii.n karte vo rahte hai.n hamesha mohtaaj
haath aataa hai KHushaamad se makaa.n mulk aur taaj
kyaa hii taasiir kii is nusKHe ne paa.ii hai rivaaj
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
gar bhalaa ho to bhale kii bhii KHushaamad kiije
aur buraa ho to bure kii bhii KHushaamad kiije
paak naapaak si.De kii bhii KHushaamad kiije
kutte billii o gad.he kii bhii KHushaamad kiije
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
KHuub dekhaa to KHushaamad kii ba.Dii khetii hai
Gair kii apne hii ghar biich ye sukh detii hai
maa.n KHushaamad ke sabab chhaatii lagaa letii hai
naanii daadii bhii KHushaamad se du.aa detii hai
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
bii-bii kahtii hai miyaa.n aa tire sadqe jaa.uu.n
saas bole kahii.n mat jaa tire sadqe jaa.uu.n
KHaala kahtii hai ki kuchh khaa tire sadqe jaa.uu.n
saalii kahtii hai ki bhayyaa tire sadqe jaa.uu.n
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
aa pa.Daa hai jo KHushaamad se sarokaar use
Dhuu.nDte phirte hai.n ulfat ke KHariidaar use
aashnaa milte hai.n aur chaahe hai.n sab yaar use
apne begaane Garaz karte hai.n sab pyaar use
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
ruukhii aur roGnii aabii ko KHushaamad kiije
naan-baa.ii o kabaabii kii KHushaamad kiije
saaqii o jaam sharaabii kii KHushaamad kiije
paarsaa rind KHaraabii kii KHushaamad kiije
jo KHushaamad kare KHalq us se sadaa araazii hai
haq to ye hai ki KHushaamad se KHudaa raazii hai
jo ki karte hai.n KHushaamad vo ba.De hai.n insaa.n
jo nahii.n karte vo rahte hai.n hamesha hairaa.n
haath aate hai.n KHushaamad se hazaaro.n saamaa.n
jis ne ye baat nikaalii hai mai.n us ke qurbaa.n
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
kau.Dii paise o Take zar kii KHushaamad kiije
la.al o niilam dar o gauhar kii KHushaamad kiije
aur jo patthar ho to patthar kii KHushaamad kiije
nek o bad jitne hai.n yak-sar kii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
ham ne har dil kii KHushaamad kii mohabbat dekhii
pyaar iKHlaas o karam mehr muravvat dekhii
dilbaro.n me.n bhii KHushaamad hii kii ulfat dekhii
aashiqo.n mai.n bhii KHushaamad hii kii chaahat dekhii
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
paarsaa piir hai zaahid hai manaa jaatii hai
juvaariyaa chor daGaabaaz KHaraabaatii hai
maah se maahii talak chyuu.nTii hai yaa haathii hai
ye KHushaamad to miyaa.n sab ke ta.ii.n bhaatii hai
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
gar na miiThii ho to ka.Dvii bhii KHushaamad kiije
kuchh na ho paas to KHaalii bhii KHushaamad kiije
jaanii dushman ho to us kii KHushaamad kiije
sach agar puuchho to jhuuTii bhii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
mard o zan tifl o javaa.n KHurd o kalaa.n piir o faqiir
jitne aalam me.n hai.n mohtaaj o gadaa shaah vaziir
sab ke dil hote hai.n phande me.n KHushaamad ke asiir
to bhii vallaah ba.Dii baat ye kahtaa hai 'naziir'
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai

Nazeer Akbarabadi
Nazm

us samne baiThi laDki se

kuchh bhole-bhaale se armaa.n
bechain hai.n mere siine me.n
jis din se aisii haalat hai
ik lazzat sii hai jiine me.n

Ikram Basra
Nazm

hathon ka tarana

in haatho.n kii taaziim karo
in haatho.n kii takriim karo
duniyaa ke chalaane vaale hai.n
in haatho.n ko tasliim karo
taariiKH ke aur mashiino.n ke pahiyo.n kii ravaanii in se hai
tahziib kii aur tamaddun kii bharpuur javaanii in se hai
duniyaa kaa fasaana in se hai, insaa.n kii kahaanii in se hai
in haatho.n kii taaziim karo
sadiyo.n se guzar kar aa.e hai.n, ye nek aur bad ko jaante hai.n
ye dost hai.n saare aalam ke, par dushman ko pahchaante hai.n
KHud shaktii kaa autaar hai.n, ye kab Gair kii shaktii maante hai.n
in haatho.n ko taaziim karo
ek zaKHm hamaare haatho.n ke, ye phuul jo hai.n gul-daano.n me.n
suukhe hu.e pyaase chulluu the, jo jaam hai.n ab mai-KHaano.n me.n
TuuTii hu.ii sau a.ng.Daa.iyo.n kii mehraabe.n hai.n aivaano.n me.n
in haatho.n kii taaziim karo
raaho.n kii sunahrii raushniyaa.n, bijlii ke jo phaile daaman me.n
faanuus hasii.n aivaano.n ke, jo rang-o-nuur ke KHirman me.n
ye haath hamaare jalte hai.n, ye haath hamaare raushan hai.n
in haatho.n kii taaziim karo
KHaamosh hai.n ye KHaamoshii se, so barbat-o-cha.ng banaate hai.n
taaro.n me.n raag sulaate hai.n, tablo.n me.n bol chhupaate hai.n
jab saaz me.n jumbish hotii hai, tab haath hamaare gaate hai.n
in haatho.n kii taaziim karo
e.ajaaz hai ye in haatho.n kaa, resham ko chhu.e.n to aa.nchal hai
patthar ko chhu.e.n to but kar de.n, kaalakh ko chhu.e.n to kaajal hai
miTTii ko chhu.e.n to sonaa hai, chaa.ndii ko chhu.e.n to paayal hai
in haatho.n kii taaziim karo
bahtii hu.ii bijlii kii lahre.n, simTe hu.e gangaa ke dhaare
dhartii ke muqaddar ke maalik, mehnat ke ufuq ke sayyaare
ye chaaragaraan-e-dard-e-jahaa.n, sadiyo.n se magar KHud bechaare
in haatho.n kii taaziim karo
taKHliiq ye soz-e-mehnat kii, aur fitrat ke shahkaar bhii hai.n
maidaan-e-amal me.n lekin KHud, ye KHaaliq bhii me.amaar bhii hai.n
phuulo.n se bharii ye shaaKH bhii hai.n aur chaltii hu.ii talvaar bhii hai.n
in haatho.n kii taaziim karo
ye haath na huu.n to mohmal sab, tahriire.n aur taqriire.n hai.n
ye haath na ho.n to be-ma.anii insaano.n kii taqriire.n hai.n
sab hikmat-o-daanish ilm-o-hunar in haatho.n kii tafsiire.n hai.n
in haatho.n kii ta.aziim karo
ye kitne subuk aur naazuk hai.n, ye kitne siDaul aur achchhe hai.n
chaalaakii me.n ustaad hai.n ye aur bhole-pan me.n bachche hai.n
is jhuuT kii gandii duniyaa me.n bas haath hamaare sachche hai.n
in haatho.n kii taaziim karo
ye sarhad sarhad ju.Dte hai.n aur mulko.n mulko.n jaate hai.n
baa.nho.n me.n baa.nhe.n Daalte hai.n aur dil se dil ko milaate hai.n
phir zulm-o-sitam ke pairo.n kii zanjiir-e-giraa.n ban jaate hai.n
in haatho.n kii ta.aziim karo
ta.amiir to in kii fitrat hai, ik aur na.ii ta.amiir sahii
ik aur na.ii tadbiir sahii, ik aur na.ii taqdiir sahii
ik shoKH o hasii.n KHvaab aur sahii ik shoKH o hasii.n ta.abiir sahii
in haatho.n kii ta.aziim karo
in haatho.n kii takriim karo
duniyaa ko chalaane vaale hai.n
in haatho.n ko tasliim karo

Ali Sardar Jafri
Nazm

tum jo siyane ho gun wale ho

hiire motii la.al javaahar role bhar bhar thaalii
apnaa kiisa apnaa daaman apnii jholii KHaalii
apnaa kaasa paara paara apnaa garebaa.n chaak
chaak garebaa.n vaale logo tum kaise gun vaale ho
kaa.nTo.n se talve zaKHmii hai.n ruuh thakan se chuur
kuuche kuuche KHushbuu bikhrii apne ghar se duur
apnaa aa.ngan suunaa suunaa apnaa dil viiraan
phuulo.n kaliyo.n ke rakhvaalo tum kaise gun vaale ho
tuufaano.n se Takkar le lii jab thaame patvaar
pyaar ke naate jis kashtii ke laakho.n khevan-haar
saahil saahil shahr basaa.e saagar saagar dhuum
maa.njhii apnii nagrii bhole tum kaise gun vaale ho
aa.nkho.n kirne.n maathe suraj aur kuTiyaa a.ndhiyaarii
kaise likh luT raaja ho tum samjhe.n log bhikaarii
shiisha sachchaa ujlaa jab tak uu.nchaa us kaa bhaav
apnaa mol na jaanaa tum ne kaise gun vaale ho
jin kheto.n kaa rang nikhaare jaltii taptii dhuup
saavan kii phuvaare.n bhii chaahe.n in kheto.n kaa ruup
tum ko kyaa ghaaTaa dil vaalo
tum jo sachche ho gun vaale ho

Ada Jafarey
Nazm

jhonpaDa

ye tan jo hai har ik ke utaare kaa jho.npa.Daa
is se hai ab bhii sab ke sahaare kaa jho.npa.Daa
is se hai baadshah ke nazaare kaa jho.npa.Daa
is me.n hii hai faqiir bichaare kaa jho.npa.Daa
apnaa na mol kaa na ijaare kaa jho.npa.Daa
baabaa ye tan hai dam ke guzaare kaa jho.npa.Daa
is me.n hii bhole-bhaale isii me.n siyaane hai.n
is me.n hii hoshiyaar isii me.n divaane hai.n
is me.n hii dushman is me.n hii apne begaane hai.n
shaa-jho.npa.Daa bhii apne isii me.n namaane hai.n
apnaa na mol hai na ijaare kaa jho.npa.Daa
baabaa ye tan hai dam ke guzaare kaa jho.npa.Daa
is me.n hii log ishq-o-mohabbat ke maare hai.n
is me.n hii shoKH husn ke chaa.nd aur sitaare hai.n
is me.n hii yaar-dost isii me.n piyaare hai.n
shaa-jho.npa.Daa bhii apne isii me.n bichaare hai.n
apnaa na mol hai na ijaare kaa jho.npa.Daa
baabaa ye tan hai dam ke guzaare kaa jho.npa.Daa
is me.n hii ahl-e-daulat-o-mun.im amiir hai.n
is me.n hii rahte saare jahaa.n ke faqiir hai.n
is me.n hii shaah aur isii me.n vaziir hai.n
is me.n hii hai.n saGiir isii me.n kabiir hai.n
itnaa na mol kaa na ijaare kaa jho.npa.Daa
baabaa ye tan hai dam ke guzaare kaa jho.npa.Daa
is me.n hii chor-Thag hai.n isii me.n amol hai.n
is me.n hii ronii shakl isii me.n ThiThol hai.n
is me.n hii baaje aur naqaare-o-Dhol hai.n
shaa-jho.npa.Daa bhii is me.n hii karte kalol hai.n
itnaa na mol kaa na ijaare kaa jho.npa.Daa
baabaa ye tan hai dam ke guzaare kaa jho.npa.Daa
is me.n hii paarsaa hai.n isii me.n tavand hai.n
bedard bhii isii me.n hai aur dardmand hai.n
is me.n hii sab parand isii me.n charand hai.n
shaa-jho.npa.Daa bhii ab isii Dar be band hai.n
itnaa na mol kaa na ijaare kaa jho.npa.Daa
baabaa ye tan hai dam ke guzaare kaa jho.npa.Daa
is jho.npa.De me.n rahte hai.n sab shaah aur vaziir
is me.n vakiil baKHshii o mutasaddi aur amiir
is me.n hii sab Gariib hai.n is me.n hii sab faqiir
shaa-jho.npa.Daa jo kahte hai.n sach hai miyaa.n 'naziir'
itnaa na mol kaa na ijaare kaa jho.npa.Daa
baabaa ye tan hai dam ke guzaare kaa jho.npa.Daa

Nazeer Akbarabadi
Nazm

aazadi ke diwane

ham aazaadii ke diivaane ye duniyaa farzaano.n kii
is paapii sansaar me.n baabaa kaun sune diivaano.n kii
masjid mandir sab ke andar raaj Gulaamii kartii hai
daulat le kar naam KHudaa kaa ghar ghar dharnaa dhartii hai
koThii ba.ngle gore saa.npo.n kii ik aisii bastii hai
jo bhaarat ke bhole-bhaale insaano.n ko Dastii hai
un se bach kar chalnaa baabaa ye qaatil zahriile hai.n
suurat ke mohan hai.n bhiitar se sab niile piile hai.n
shaidaa huu.n aazaadii kaa aazaad-nagar me.n Deraa hai
kyaa batlaa.uu.n mere bhayyaa kaun jahaa.n me.n meraa hai
vo meraa jo aazaadii kii zulfo.n kaa diivaana hai
vo meraa jo sham-e-vatan kaa shaidaa.ii parvaana hai
vo meraa jo maut ke aage be-jigarii se tantaa hai
vo meraa jo aap na ho kuchh jis kii sab kuchh jantaa hai
vo meraa jo ha.nste ha.nste phaa.nsii par cha.Dh jaataa hai
vo meraa jo maut se bhii do chaar qadam ba.Dh jaataa hai
aazaadii ke taalib sun le maut hii merii manzil hai
tuu duniyaa kaa ban saktaa hai meraa ban.naa mushkil hai

Anwar Sabri
Nazm

bachcha hai mahan

tujh me.n iishvar
allah tujh me.n
tujh me.n jesus paayaa
bachche me.n hai bhagvaan
bachche me.n rahmaan
bachcha jesus kii shaan
giitaa is me.n
bible is me.n
is me.n hai qur.aan
bolo bachcha hai mahaan
jag me.n bachcha hai mahaan
mandir masjid aur girje me.n is kaa nuur samaayaa
is nannhii sii jaan me.n chhup kar vo apne ghar aaya
paapii man ko paavan kartii is kii har muskaan
bolo bachcha hai mahaan
jag me.n bachcha hai mahaan
gyaanii sab me.n bhed karaave bachcha mel karaave
ham jaise bhuule-bhaTko.n ko siidhii raah dikhaave
is ke bhole-pan par sadqe duniyaa-bhar kaa gyaan
bolo bachcha hai mahaan
jag me.n bachcha hai mahaan

Sahir Ludhianvi
Nazm

baadal aur chand

niile saagar vaale chaa.nd
mujh ko paas bulaa le chaa.nd
barkhaa me.n jaataa hai kahaa.n tuu
le kar shaal do-shaale chaa.nd
taare hai.n ye aas lagaa.e
mu.nh parde se nikaale chaa.nd
baadal kaa ik halkaa halkaa
mu.nh par aa.nchal Daale chaa.nd
ga.ngaa ke dhaare me.n utar kar
phir kuchh Gote khaa le chaa.nd
abr-e-siyah me.n lipaT kar niklaa
kaalii kamlii vaale chaa.nd
le aayaa hai kahaa.n se ye tuu
itne ru.ii ke gaale chaa.nd
kaa.np rahe hai.n taare un ko
tuu kambal me.n chhupaa le chaa.nd
baadal ke phande me.n na pha.nsnaa
sun ai bhole-bhaale chaa.nd

Hamidullah Afsar
Nazm

bachchon ki id

iid ke din kuchh chhoTe bachche
bhole bhaale siidhe saade
ek jagah par aa kar baiThe
apnii jaa.nch lage sab karne
aapas me.n yuu.n bole bachche
kis ne kitne roze rakkhe
sab se pahle bolaa daaraa
mai.n ne rakkhe puure baarah
saffo bolii mere terah
tum se ek ziyaada rakkhaa
baano bolii mere chhe hai.n
bhaa.ii daaraa se aadhe hai.n
huu.n bhii to mai.n chhoTii un se
isii liye kam roze rakkhe
yuu.n hii the sab kahte jaate
apne roze ginte jaate
suntaa thaa sab baiThaa munnaa
soch ke yuu.n vo sab se bolaa
mai.n ne bhii rakkhe hai.n roze
tum sab se hai.n zyaada mere
sab bole tum ne kab rakkhe
vo bolaa mai.n ne sab rakhe
ik ik din me.n do do roze
saffo mere gino to roze
munnaa kii ye baate.n sun kar
KHuub ha.nse KHush ho kar bachche
iid to sach-much bachcho.n kii hai
yaa phir roza-daaro.n kii hai

Mayal Khairabadi
Nazm

jhumar

sahelii yuu.n to kuchh kuchh saa.nvle se hai.n mire saajan
magar terii qasam behad rasiile hai.n mire saajan
jo mai.n kahtii huu.n us ko muskuraa kar maan jaate hai.n
bahut pyaare ba.De hii bhole-bhaale hai.n mire saajan
mai.n un se prem kartii huu.n bhalaa mai.n kyaa bataa.uu.ngii
sakhii tuu bol tujh ko kaise lagte hai.n mire saajan
ba-zaahir vo dikhaa.ii dete hai.n ma.asuum duniyaa ko
magar andar se mastaane ra.ngiile hai.n mire saajan
nahaa dho kar mai.n apnii maa.ng jab sinduur se bhartii huu.n
to jaane zer-e-lab kyuu.n muskuraate hai.n mire saajan
khule baalo.n kii KHushbuu dil ko matvaalaa banaatii hai
miraa juu.Daa ye kah kar khol dete hai.n mire saajan
chhupaa letii huu.n chehra us gha.Dii mai.n laaj ke maare
mujhe jab sej par apnii bulaate hai.n mire saajan
na mujh se dil sambhaltaa hai na aa.nchal hii sambhaltaa hai
suhaane giit kyuu.n raato.n ko gaate hai.n mire saajan
mujhe pardes se har baar gahna laa ke dete hai.n
sahelii mujh se behad pyaar karte hai.n mire saajan
ka.ii din se musalsal dekhtii huu.n un ko sapne me.n
papiihe sach bataa kyaa aane vaale hai.n mire saajan
chamaktaa hai mire maathe pe jhuumar aaj kyuu.n jaise
KHushii kaa chaa.nd ban kar ghar me.n aa.e hai.n mire saajan
savere se bahut bechain huu.n ghabraa rahii huu.n mai.n
sakhii pardes me.n kyaa jaane kaise hai.n mire saajan
ko.ilyaa! dil me.n terii kuuk ab nashtar chubhotii hai
zamaana ho gayaa hai mujh se bichh.De hai.n mire saajan
ghaTaa phir jhuum kar saavan kii aa.ii mor phir bolaa
mire saajan ab aa jaa.o ki jhuule.n baaG me.n jhuulaa

Owais Ahmad Dauran
Nazm

subh ke do manzar

sub.h hotii hai phe.nk detaa hai
zard mailaa thakaa thakaa suuraj
paak ma.asuum narm chehro.n par
rozii roTii kii ehtiyaaj kii dhuul
sub.h hotii hai kachchii bastii me.n
roz kii tarah jaag uThte hai.n
nanhe mazduur bhole saudaagar
phuul se haatho.n vaale kaarii-gar
kaar-KHaano.n me.n shaah-raaho.n par
ta.ng galiyo.n me.n chaa.e-KHaano.n me.n apnii qismat jagaane jaate hai.n

Azra Naqvi
Nazm

tere baad

ye ayaa.n hai ki uThaa dahr se tuu par ye bataa
ho gayaa baiThe biThaa.e mujhe kyaa tere baad
mahsharistaa.n tapish-e-shauq se thaa jo siina
maqbara hasrat-o-armaa.n kaa banaa tere baad
shauq thaa ha.nsne ha.nsaane kaa tire aage mujhe
bhaa ga.ii rone rulaane kii adaa tere baad
thaa tirii zaat pe mauquuf miraa naaz-o-Guruur
KHaaksaaro.n me.n shumaar ab hai miraa tere baad
meraa har fe.al tire fe.al kaa aa.iina banaa
bhaa gayaa mujh ko har ik shaGl teraa tere baad
ba.Dh ga.ii yaa to tirii raa.e kii mauzuuniyyat
nuur yaa merii basaarat kaa ba.Dhaa tere baad
pahle marGuub the daanish-var-o-chaalaak as.haab
bhole-bhaalo.n pe lagii hone fidaa tere baad
na rahaa Galba-e-saudaa-e-bayaan-e-Gaalib
'daaG' ne paa.ii dil-e-tafta me.n jaa tere baad
dost rakhtii thii hamesha tire har dost ko mai.n
ho ga.e apne ahibbaa se sivaa tere baad
be-hayaa.ii hai agar 'zaahidaa' le sher kaa naam
aah ai qadr-shanaas-e-sho.araa tere ba.ad

Zahida Khatoon sharvaiya
Nazm

phul luTate bachche

ha.nste bachche gaate bachche
jiivan jot jagaate bachche
laakho.n svaa.ng rachaate bachche
ghar bhar ko bahlaate bachche
ammii ko samjhaate bachche
daddy se itraate bachche
apne bhole-pan se sab kii
big.Dii baat banaate bachche
ghar se pa.Dhne pa.Dh ke ghar ko
aate bachche jaate bachche
jiivan kii sunsaan Dagar par
laakho.n phuul luTaate bachche
ek KHushii kii chi.ngaarii se
pal pal diip jalaate bachche
pyaar kii is pyaasii dhartii par
amrit ras barsaate bachche
raat hu.ii to bhuul ke sab kuchh
so ga.e nii.nd ke maate bachche
sun ke kahaanii daadii maa.n se
KHvaabo.n me.n iThlaate bachche
sapno.n kii devii ke mehmaa.n
din bhar shor machaate bachche
sub.h hu.ii to phir jaag uTThe
lahraate itraate bachche
nanhe munne pyaare pyaare
miiThe bol sunaate bachche
desh kii shobhaa ghar kii ziinat
dil me.n raah banaate bachche
kal kii ik daulat hai.n 'shaakir'
aaj ke ha.nste-gaate bachche

Shakir Jarwali
Nazm

hikmat ka but-KHana

sharaab-e-shor se labrez hai duniyaa kaa paimaana
hariif-e-diin-o-daanish hai mazaaq-e-piir-e-mai-KHaana
bashar ibliis ko tazviir-e-nau kaa dars detaa hai
muzayyan hai gunaah-e-guunaaguu.n se har parii-KHaana
uluum-e-nau se raushan bazm hai tahziib-e-haazir kii
yad-e-tajdiid ne Dhaalaa hai dil-aavez but-KHaana
ye maanaa maGribii ta.aliim ne parvaaz baKHshii hai
ye maah-o-KHur bhii ban jaa.e.nge ab qindiil kaa shaana
KHudaa ke chaahne vaale abhii tak bhole-bhaale hai.n
banaa rakhaa hai harz-e-jaa.n sadaa maazii kaa afsaana
gunaah-e-taaza kii taKHliiq se ibliis qaasir hai
dimaaG-e-fitna-juu par hai musallat zo.f-e-piiraana
bahut majbuur be-chaara hai KHud piiraana-saalii se
use ma.aluum kyaa hai ma.asiyat kaa taaza paimaana
KHudaa vaale ta.ajjub hai ki ma.asuum-o-muqaddas hai.n
azaab-e-nau-ba-nau se hai murassaa aa.ina-KHaana
rah-e-tashkiik par raKHsh-e-hunar paiham KHiraamaa.n hai
bahut mushkil hai fitrat kaa abhii tasKHiir farmaanaa
musaavaat-e-nazar kaa muddato.n se shor suntaa huu.n
fazaa duniyaa kii hai lekin abhii tak firqaa-vaaraana
havas kaa dars to yaaro bahut hii KHuub hai lekin
abhii qur.aan kii tafhiim se aajiz hai farzaana
buto.n kaa to.Dnaa thaa kaar-e-aasaa.n ahd-e-maazii me.n
vale mushkil hai Dhaanaa aaj kii hikmat kaa but-KHaana
quluub-e-asr-e-haazir me.n abhii iimaan Dhal jaa.e
faqiiro.n kaa nahii.n dekhaa hai ejaaz-e-kaliimaana
tafaaKHur ke mariizo.n ke liye iksiir hotii hai
saraasar banda-e-'bebaak' kii tarz-e-faqiiraana

Bebak Bhojpuri
Nazm

Dhol ka poll

mai.n hii mai.n huu.n
aur merii is mai.n mai.n kii mimyaahaT me.n
apne na hone ke KHauf kii jhu.njhlaahaT hai
samajh ga.e naa
aapas hii kii baat varna ''alif'' se ''ye'' tak
mai.n mai.n kii gardaan hii merii Tiis hai
ye kyaa
aap bhii bhole baachhaa hai.n
mai.n ne kahaa naa mujhe na Dhuu.nDe.n
aisii fuzuul talaash kaa maqsad
mere andar to mat jhaa.nke.n

Sarmad Sahbai
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now