Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "byopaarii"

Nazm MATCHES FOR "byopaarii"

Nazm

KHwabon ke byopari

ham KHvaabo.n ke byopaarii the
par is me.n hu.aa nuqsaan ba.Daa
kuchh baKHt me.n Dhero.n kaalak thii
kuchh ab ke Gazab kaa kaal pa.Daa
ham raakh liye hai.n jholii me.n
aur sar pe hai saahuukaar kha.Daa
yaa.n buu.nd nahii.n hai Deve me.n
vo baaj-byaaj kii baat kare
ham baa.njh zamiin ko takte hai.n
vo Dhor anaaj kii baat kare
ham kuchh din kii mohlat maa.nge.n
vo aaj hii aaj kii baat kare

Ahmad Faraz
Nazm

banjara-nama

gar to hai lakkhii banjaaraa aur khep bhii terii bhaarii hai
ai Gaafil tujh se bhii cha.Dhtaa ik aur ba.Daa byopaarii hai
kyaa shakkar misrii qand garii kyaa saa.nbhar miiThaa khaarii hai
kyaa daakh munaqqaa so.nTh mirach kyaa kesar lau.ng supaarii hai
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi
Nazm

bol! ari o dharti bol!

bol! arii o dhartii bol!
raaj singhaasan Daa.nvaaDol
baadal bijlii rain a.ndhyaarii
dukh kii maarii parjaa saarii
buu.Dhe bachche sab dukhiyaa hai.n
dukhiyaa nar hai.n dukhiyaa naarii
bastii bastii luuT machii hai
sab baniye hai.n sab byopaarii
bol! arii o dhartii bol!
raaj singhaasan Daa.nvaaDol
kaljug me.n jag ke rakhvaale
chaa.ndii vaale sone vaale
desii ho.n yaa pardesii ho.n
niile piile gore kaale
makkhii bhi.nge bhin bhin karte
Dhuu.nDe hai.n mak.Dii ke jaale
bol! arii o dhartii bol!
raaj singhaasan Daa.nvaaDol
kyaa afra.ngii kyaa taataarii
aa.nkh bachii aur barchhii maarii
kab tak jantaa kii bechainii
kab tak jantaa kii be-zaarii
kab tak sarmaaya ke dhande
kab tak ye sarmaaya-daarii
bol! arii o dhartii bol!
raaj singhaasan Daa.nvaaDol
naamii aur mash.huur nahii.n ham
lekin kyaa mazduur nahii.n ham
dhokaa aur mazduuro.n ko de.n
aise to majbuur nahii.n ham
manzil apne paa.nv ke niiche
manzil se ab duur nahii.n ham
bol! arii o dhartii bol!
raaj singhaasan Daa.nvaaDol
bol ki terii KHidmat kii hai
bol ki teraa kaam kiyaa hai
bol ki tere phal khaa.e hai.n
bol ki teraa duudh piyaa hai
bol ki ham ne hashr uThaayaa
bol ki ham se hashr uThaa hai
bol ki ham se jaagii duniyaa
bol ki ham se jaagii dhartii
bol! arii o dhartii bol!
raaj singhaasan Daa.nvaaDol

Asrarul Haq Majaz
Nazm

bambai

chimniyaa.n bhutniyo.n kii tarah baal khole hu.e
kaar-KHaane garajte hu.e
KHuun kii aur pasiine kii buu me.n sharaabor
KHuun sarmaaya-daarii ke naalo.n me.n bahtaa hu.aa
bhaTTiyo.n me.n ubaltaa hu.aa
sard sikko.n kii suurat me.n jamtaa hu.aa
sone chaa.ndii me.n tabdiil hotaa hu.aa
ba.nk kii khi.Dkiyo.n me.n charaaGaa.n
sa.Dke.n din raat chaltii hu.ii
saa.ns letii hu.ii
aadmii KHvaahisho.n ke a.ndhere nashebo.n me.n sailaab kii tarah bahte hu.e
chor-baazaar, saTTaa, ju.aarii
race ke gho.De, sarkaar ke mantarii
cinema, la.Dkiyaa.n, actor, masKHare
ek ik chiiz biktii hu.ii
gaajare.n, muuliyaa.n, kak.Diyaa.n
jism aur zehn aur shaa.erii
ilm, hikmat, siyaasat
a.nkh.Diyo.n aur ho.nTo.n ke niilaam-ghar
aarizo.n kii dukaane.n
baazu.o.n aur siino.n ke baazaar
pi.nDliyo.n aur raano.n ke godaam
desh-bhagtii ke dalaal khaadii ke byopaarii
aql, insaaf, paakiizgii, aur sadaaqat ke taajir

Ali Sardar Jafri
Nazm

ilm ke saudagar

ham me.n se kuchh aise bhii hai.n jo ilm se bilkul hai.n aarii
behtar rahtaa hote vo agar kisii aur hii chiiz ke byopaarii

Naim Siddiqi
Nazm

holi

galii galii baazaar me.n ho ga.ii rango.n kii bauchhaar
aa.nchal bhiige tan man bhiigaa gaal hu.e gulnaar
kitnii umange.n le kar aayaa holii kaa tyauhaar
aayaa holii kaa tyauhaar le ke rango.n kii bahaar
manzar hu.e ra.ngiile
ra.ngo.n se Gubaare bhar kar bachche cha.Dhe aTaarii
sabza sabza rang me.n Duubaa bhiigii Daarii Daarii
ko.ii na bachne paayaa un se panDit ho ki pujaarii
aayaa holii kaa tyauhaar le ke rango.n kii bahaar
manzar hu.e ra.ngiile
Dhol bajaa.e.n gaa.e.n naukar ho.n ki vo byopaarii
Dholak kii har thaap pe naache.n holii me.n nar-naarii
khele.n kuude.n dhuum machaa.e.n aur maarii pichkaarii
aayaa holii kaa tyauhaar le ke rango.n kii bahaar
manzar hu.e ra.ngiile
hinduu muslim sikh iisaa.ii mil kar khele.n holii
aaj ke din sab bhed miTaa kar bole.n miiThii bolii
sab ne holii ke rango.n se dil kii kaalak dholii
aayaa holii kaa tyauhaar le ke rango.n kii bahaar
manzar hu.e ra.ngiile

Masooda Hayat
Nazm

munne ki phulwari

daadii ammaa.n roz kahe.n ye chaaTo.n kaa byopaarii hai
ye munne kii phulvaarii hai

Bekal Utsahi
Nazm

bhakkar

bhakkar ke baazaar ko dekhaa
sahraa me.n gulzaar ko dekhaa
majbuuro.n ke peT ko dekhaa
qaa.id-e-aazam gate ko dekhaa
kyaa samjhe kyaa jaane dekhaa
sab ko siina taane dekhaa
shalvaaro.n se 'aarii dekhaa
tah-bando.n ko jaarii dekhaa
kaliyo.n ko sharmaate dekhaa
khul kar Dholaa gaate dekhaa
hotel vaale 'arsh pe dekhe
hotel saare farsh pe dekhe
gaahak aur byopaarii dekhe
duble dekhe bhaarii dekhe
saaf aur phaile phaile dekhe
kap.De maile maile dekhe
la.Dke chhail-chhabiile dekhe
har-suu ret ke Tiile dekhe
TuuTe phuuTe naale dekhe
muKHlis taa.nge vaale dekhe
bastii rastii bastii dekhii
mulko.n kii bhii hastii dekhii
galii galii dil-afzaa dekhii
thal vaalo.n kii duniyaa dekhii
mazduuro.n kii mahfil dekhii
duur se kap.De kii mil dekhii
begam dekhii baa.ndii dekhii
dhan vaalo.n kii chaa.ndii dekhii
daulat 'izzat vaalii dekhii
jeb Gariib kii KHaalii dekhii
rahm ke taalib bande dekhe
zardaaro.n ke phande dekhe
'ilm-o-adab ke paale dekhe
shohrat ke matvaale dekhe
shaa'ir she'r sunaate dekhe
saame' sardii khaate dekhe
dil ba.Dhte dil ghaTte dekhe
murG baTere baTte dekhe
haal me.n do.ng.Daa pa.Dte dekhe
bhuuke sher ko la.Dte dekhe
ik tasviir niraalii dekhii
daane bhuunne vaalii dekhii
sho'la dekhaa shabnam dekhii
phuulo.n me.n KHushbuu kam dekhii
duniyaa aa.nkhe.n malte dekhii
vaqt kii chakkii chalte dekhii
naasuuro.n ko riste dekhaa
insaano.n ko piste dekhaa
kuchh shatranj kii baazii dekhii
kuchh mehmaan-navaazii dekhii

Abul Fitrat Meer Zaidi
Nazm

rakhi

yuu.nhii dekhuu.n jo raakhii ko to ye rangiin Doraa hai
jo dekhuu.n Gaur se is ko to hai zanjiir lohe kii
jo ba.Dh kar qaid kar letii hai aafat apne bhaa.ii kii
musiibat kii haqiiqat kyaa
musiibat aa nahii.n saktii
musiibat kaa.np jaatii hai
jo raakhii dekh letii hai
kisii bhaa.ii ke haath me.n
raakhii ke dhaage me.n
bahan ne pyaar baa.ndhaa hai
itihaas me.n raakhii hai rishta bhaa.ii bahno.n kaa
havaala is me.n poshiida hai sadiyo.n ke rishto.n kaa
ba.ndhaa hai pyaar is me.n bahan kaa
aur us ke purkho.n kaa
raakhii
nibhaanaa laaj raakhii kii mire bhayyaa
bahan kaa maan rakh lenaa
ba.ndhaa kar haath me.n raakhii bahan se
har ko.ii bhaa.ii
bahan ke sukh ke vaaste
tayyaar ho jaataa hai marne ko
magar bhayyaa
tumhaarii zindagii to
bahan ko dil se pyaarii hai
salaamat tum raho
bhagvaan se bintii hamaarii hai
jo chaaho neg tum denaa
to mujh ko ye vachan de do
na uThe phir ko.ii diivaar nafrat kii
bahan bhaa.ii ke aa.ngan me.n
nahii.n byopaar kuchh is me.n
ye ik vyahvaar hai bhayyaa
nahii.n hai kachchaa ye Doraa
tiraa e.atibaar hai bhayyaa

Fauzia Mughal
Nazm

urdu

zabaan-e-hind hai urdu to maathe kii shikan kyuu.n hai
vatan me.n be-vatan kyuu.n hai
mirii mazluum urdu terii saa.nso.n me.n ghuTan kyuu.n hai
teraa lahja mahaktaa hai to lafzo.n me.n thakan kyuu.n hai
agar tuu phuul hai to phuul me.n itnii chubhan kyuu.n hai
vatan me.n be-vatan kyuu.n hai
ye 'nanak' kii ye 'KHusrav' kii 'dayaa-sha.nkar' kii bolii hai
ye diivaalii ye baisaakhii ye iid-ul-fitr holii hai
magar ye dil kii dha.Dkan aaj-kal dil kii jalan kyuu.n hai
vatan me.n be-vatan kyuu.n hai
ye naazo.n kii palii thii 'miir' ke 'Gaalib' ke aa.ngan me.n
jo suuraj ban ke chamkii thii kabhii mahlo.n ke daaman me.n
vo shahzaadii zabaano.n kii yahaa.n be-anjuman kyuu.n hai
vatan me.n be-vatan kyuu.n hai
mohabbat kaa sabhii elaan kar jaate hai.n mahfil me.n
ki is ke vaaste jazba hai hamdardii kaa har dil me.n
magar haq maa.ngne ke vaqt ye begaana-pan kyuu.n hai
vatan me.n be-vatan kyuu.n hai
ye doshiiza jo baazaaro.n se iThlaatii guzartii thii
labo.n kii naazukii jis kii gulaabo.n sii bikhartii thii
jo tahziibo.n ke sar kii o.Dhnii thii ab kafan kyuu.n hai
vatan me.n be-vatan kyuu.n hai
mohabbat kaa agar da.avaa hai to is ko bachaa.o tum
jo va.ada kal kiyaa thaa aaj vo va.ada nibhaa.o tum
agar tum raam ho to phir ye raavan kaa chalan kyuu.n hai
vatan me.n be-vatan kyuu.n hai

Manzar Bhopali
Nazm

chala aa raha hun samundaron ke visal se

ye barahnagii jise dekh kar ba.Dhe.n dast o paa na khule zabaa.n
na KHayaal hii me.n rahe tavaa.n
to vo reg-zaar ki jaise rah-zan-e-piir ho
jise tab-e-raah-zanii na ho
ki misaal-e-taa.er-e-niim-jaa.n
jise yaad-e-baal-o-parii na ho
kisii raah-rau se umiid-e-rahm-o-karam liye
mai.n bharaa hu.aa huu.n samundaro.n ke jalaal se
chalaa aa rahaa huu.n mai.n saahilo.n kaa hasham liye
hai abhii inhii kii taraf miraa dar-e-dil khulaa
ki nasiim-e-KHandaa ko rah mile
mirii tiirgii ko nigah mile
vo suruur-o-soz-e-sadaf abhii mujhe yaad hai
abhii chaaTtii hai samundaro.n kii zabaa.n mujhe
mire paa.nv chhuu ke nikal ga.ii ko.ii mauj-e-saaz ba-kaf abhii
vo halaavate.n mire hast o buud me.n bhar ga.ii.n
vo jaziire jin ke ufuq hujuum-e-sahar se diid-bahaar the
vo parinde apnii talab me.n jo sar-e-kaar the
vo parinde jin kii safiir me.n thii.n risaalate.n
abhii us safiir kii jalvate.n mire KHuu.n me.n hai.n
abhii zehn hai vo sanam liye
jo samundaro.n ke fusuu.n me.n hai.n
chalaa aa rahaa huu.n samundaro.n ke jamaal se
sadaf o kanaar kaa Gam liye

Noon Meem Rashid
Nazm

ab KHub hansega diwana

ab piilii dhaat kii biimaarii
phailaa na sake.nge biyopaarii
lohe kaa lohaa maane.nge
sone kii gahrii kaano.n me.n
so jaanaa behtar jaane.nge
dar dar kii KHaak na chhaane.nge
ab KHuub ha.nsegaa diivaana

Hafeez Jalandhari
Nazm

paron mein sham Dhalti hai

mirii miTTii rah-e-sayyaargaa.n kii ham-qadam niklii
mirii palko.n pe taare jhilmilaate hai.n
badan me.n aag jaltii hai
magar paa.nv me.n KHuu.n-aashaam raste la.Dkha.Daate hai.n
ye kyaa shiiraaza-bandii hai
ye merii be-parii kis kunj se ho kar baham niklii
nazar me.n din nikaltaa hai
paro.n me.n shaam Dhaltii hai
magar mai.n to lahuu kii munjamid sil huu.n
badan kii kisht-e-viiraa.n me.n
ye kis kii u.ngliyo.n ne umr bhar mujh ko kuredaa hai
kahaa.n shiryaan me.n chaltaa hu.aa ye qaafila Thahraa
ki mai.n us haath kii rekhaa.o.n me.n ra.ng-e-hinaa Thahraa
kahaa.n jaanaa thaa mujh ko
kis jagah KHema lagaanaa thaa

Abbas Tabish
Nazm

agar yahi hai shaeri to shaeri haram hai!

agar yahii hai shaa.erii to shaa.erii haraam hai!
KHirad bhii zer-e-daam hai junuu.n bhii zer-e-daam hai

Mohsin Bhopali
Nazm

asli naqli

na kirdaar aslii na guftaar aslii
ho kis tarah duniyaa me.n byopaar aslii
election me.n jiite hai.n rishvat ke bal pe
vo kaise banaa.e.nge sarkaar aslii
black market har jagah khul rahe hai.n
na hai jins aslii na baazaar aslii
inaan-e-hukuumat hai qabze me.n jin ke
haqiiqat me.n hai.n vo hii be-kaar aslii
milaavaT kaa hai duudh aur ghaas kaa ghii
na Galle ke milte hai.n ambaar aslii
banaa.e hu.e hai.n mashiino.n ke insaan
mu.aalij hai.n aslii na biimaar aslii
hai.n aksar avaariz kii KHaaliq davaa.e.n
na rakkhe taraqqii ne aazaar aslii
na hamdard aslii na Gam-KHvaar ko.ii
jahaa.n dekho milte hai.n makkaar aslii
banaa.ii hai maashuuq ne naqlii suurat
to ho kis tarah aashiq-e-zaar aslii
ye mizhgaan-o-abruu banaa.e hu.e hai.n
na hai.n zulfe.n aslii na ruKHsaar aslii
hai be-kaar ab asliyat kii tamanna
nahii.n hai.n parakhne ke me.aar aslii
zamii.n to zamii.n aasmaa.n pe bhii ab to
savaabit hai.n aslii na sayyaar aslii

Najma Jafari
Nazm

TeDha sawal

beTe in ko yuu.n hairat se mat dekho
ye uncle hai.n... in se ko.ii baat karo

Mohsin Bhopali
Nazm

nemul-badal

achchhaa to ye tiisrii photo vaalii
sau me.n aap ko jachtii hai
aaTh baje... kal raat... yahii.n le aa.uu.ngii

Mohsin Bhopali
Nazm

byopar

laa.o mujh ko dikhlaa.o to
aa.nkho.n me.n hai.n kaise KHvaab
kachche hai.n yaa pakke KHvaab
achchhaa in ke daam bataa.o
dekho itnaa zehn me.n rakhnaa
us baazaar me.n KHvaabo.n ke ab daam gire hai.n
sach sach me.n ik baat bataa.uu.n
barso.n pahle mai.n ne bhii ye kaam kiyaa thaa
KHvaab bune the KHvaab the beche
mujh ko to ye gorakh-dhandaa raas na aayaa
nii.nd ga.nvaa.ii chain ga.nvaayaa
dekho meraa kahnaa maano
aisaa kaarobaar na karnaa
KHvaabo.n kaa byopaar na karnaa
aise kaarobaar me.n aksar
ghaaTaa sahnaa pa.Dtaa hai
kachche sapne TuuT gire.n to
aa.nkhe.n chhalnii karte hai.n
nii.nd kaa panchhii kho jaataa hai
jiinaa mushkil ho jaataa hai

Arshad Mahmood Arshad
Nazm

chand sawal

in 'aql ke bando.n me.n aashufta-sarii kyo.n hai
ye tang-dilii kyo.n hai ye kam-nazarii kyo.n hai
asraar agar samjhe duniyaa kii har ik shai ke
KHud apnii haqiiqat se ye be-KHabarii kyo.n hai
sau jalve hai.n nazro.n se maanind-e-nazar pinhaa.n
daa'vaa-e-jahaa.n-biinii ai diida-varii kyo.n hai
hal jin kaa 'amal se hai paikaar-o-jadal se hai
un zinda masaa.il par baha-e-nazarii kyo.n hai
jo KHud kisii pahluu se kaasa hai gadaa.ii kaa
aise dar-e-daulat par daryuuza-garii kyo.n hai
tuu dekh tire dil me.n hai soz-e-talab kitnaa
mat puuchh du'aa.o.n me.n ye be-asarii kyo.n hai
kyaa nazr-e-qafas kar dii parvaaz kii taaqat bhii
haasil hai jab aazaadii be-baal-o-parii kyo.n hai
ai gul jo bahaar aa.ii hai vaqt-e-KHud-aaraa.ii
ye rang-e-junuu.n kaisaa ye jaama-darii kyo.n hai
vaa'iz ko jo 'aadat hai pechiida-bayaanii kii
hairaa.n hai ki rindo.n kii har baat kharii kyo.n hai
hai kaun jo ye puuchhe us husn-e-KHud-aaraa se
hai jab ki gurez itnaa phir jalva-garii kyo.n hai
miltaa hai ise paanii ashko.n kii ravaanii se
maa'luum hu.aa khetii zaKHmo.n kii harii kyo.n hai
ulfat ko 'asad' kitnaa aasaan samajhtaa thaa
ab naala-e-shab kyo.n hai aah-e-saharii kyo.n hai

Asad Multani
Nazm

raushni se bhara shahr

ye hiire kaa byopaar shiishe se kar de.n
ye maa.o.n ko biibii ko niilam kar de.n
milaate hu.e haath kab vaar kar de.n
do Take me.n ye bastii ko barbaad kar de.n
saahab-e-dahr ban ke phirte hai.n ye jo
KHazaane hai.n sab ke churaa.e hu.e
raushnii se bharaa ik shahr

Qaleel Jhansvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now