Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "chaaval"

Nazm MATCHES FOR "chaaval"

Nazm

bhuka bangal

puurab des me.n Duggii baajii phailaa sukh kaa haal
dukh kii aaganii kaun bujhaa.e suukh ga.e sab taal
jin haatho.n me.n motii ro le aaj vahii ka.ngaal
aaj vahii ka.ngaal
bhuukaa hai ba.ngaal re saathii bhuukaa hai ba.ngaal
piiTh se apne peT lagaa.e laakho.n ulTe khaaT
bhiik-ma.ngaa.ii se thak thak kar utre maut ke ghaaT
jiyan-maran ke Daa.nDe milaa.e baiThe hai.n chanDaal re saathii
baiThe hai.n chanDaal
bhuukaa hai ba.ngaal re saathii bhuukaa hai ba.ngaal
naddii naale galii Dagar par laasho.n ke ambaar
jaan kii aisii mah.ngii shai kaa ulaT gayaa bevpaar
muTThii bhar chaaval se ba.Dh kar sastaa hai ye maal re saathii
sastaa hai ye maal
bhuukaa hai ba.ngaal re saathii bhuukaa hai ba.ngaal
koThariyo.n me.n gaa.nje baiThe baniye saaraa anaaj
sundar-naarii bhuuk kii maarii beche ghar-ghar laaj
chaupaT-nagarii kaun sambhaale chaar taraf bhuu.nchaal
chaar taraf bhuu.nchaal
bhuukaa hai ba.ngaal re saathii bhuukaa hai ba.ngaal
purkho.n ne ghar baar luTaayaa chho.D ke sab kaa saath
maa.e.n ro.ii.n bilak bilak kar bachche bha.e anaath
sadaa suhaagan bidhuvaa baaje khole sar ke baal re saathii
khole sar ke baal
bhuukaa hai ba.ngaal re saathii bhuukaa hai ba.ngaal
aattii-pattii chabaa-chabaa kar juujh rahaa hai des
maut ne kitne ghuu.nghaT maare badle sau sau bhes
kaal bakaT phailaa.e rahaa hai biimaarii kaa jaal re saathii
biimaarii kaa jaal
bhuukaa hai ba.ngaal re saathii bhuukaa hai ba.ngaal

Wamiq Jaunpuri
Nazm

jashn-e-azadi

chaaval aur gandum na kuchh faulaad paidaa kiijiye
nisf darjan kam se kam aulaad paidaa kiijiye
mas.ale phir aap laa-ta.adaad paidaa kiijiye
maahir-e-mansuuba-ba.ndii ko bhagaanaa chaahiye
dosto! yuu.n jashn-e-aazaadii manaanaa chaahiye?

Sarfaraz Shahid
Nazm

ye bhi ghalat hai wo bhi ghalat

kal baazaar me.n bhayyaa shaafii
piine aa.e ThanDii coffee
ik do packet biscuit khaa.e
Thuu.ns ga.e do darjan toffee
aaluu chhole khaa kar bole
barfii ek kilo hai kaafii
ammii jii kii baat na maanii
abbuu se kii va.ada-KHilaafii
aisaa khaTkaa peT kaa maTkaa
allaah mu.aafii allaah mu.aafii
guDDuu kaa bhii haal sunaa.e.n
duudh piye.n na anDe khaa.e.n
phal tarkaarii ek na bhaa.e
Gusse me.n bas ho.nT chabaa.e.n
dekh ke dastar-KHvaan pe machhlii
paa.nv paTaKHte bhaage jaa.e.n
chaaval roTii gosht kii boTii
dekhe.n to naKHre dikhlaa.e.n
din kaa ho yaa raat kaa khaanaa
ro.e.n piiTe.n shor machaa.e.n
duble patle ruukhe suukhe
baat karo to la.Dne aa.e.n
itne halke phulke se hai.n
fan chale to u.D hii jaa.e.n

Ahmad Hatib Siddiqi
Nazm

TuT baTuT ne khir pakai

degchii chamcha naukar laa.e
bhaa.ii chaaval shakkar laa.e
bahne.n laa.ii.n duudh-malaa.ii
TuuT baTuuT ne KHair pakaa.ii

Sufi Ghulam Mustafa Tabassum
Nazm

tumhein likhna na aata tha

taraa.ii ke bahut chhoTe se qasbe ke
kisii KHaamosh aa.ngan me.n
mujhe tum duudh chaaval
chaa.nd kii miiThii kaTorii me.n khilaatii thii.n
to raanii ketkii vaalii kahaanii bhii sunaatii thii.n

Ishrat Afreen
Nazm

ahd-e-hazir ki dil-ruba maKHluq

adh-phaTe posTaro.n ke pairaahan
aahanii bilDigo.n ke jismo.n par
kitne dilkash dikhaa.ii dete hai.n
bas kii behis nashisto.n par baiThii
din ke baazaar se KHariidii hu.ii
aarzuu Gam umiid mahruumii
nii.nd kii goliyaa.n gulaab ke phuul
kele amruud santare chaaval
painT gu.Diyaa shamiiz chuuhe-daan
ek ik shai kaa kar rahii hai hisaab
ahd-e-haazir kii dil-rubaa maKHluuq!

Shahryar
Nazm

gharib bachche ki dua

allaah miyaa.n
paanii barsaa do
taptii garmii duur bhagaa do
mai.n ik mazduuran kaa bachcha
bholaa-bhaalaa bilkul sachchaa
kitnaa kam-kam maa.ng rahaa huu.n
achchhaa mausam maa.ng rahaa huu.n
uu.nche bangle achchhe khaane
mere ghar chaaval ke daane
ek gha.Daa aur ek chataa.ii
kuchh chamche aur ek ka.Dhaa.ii
suukhe lab aur aa.nkhe.n paanii
rut bhejo tum KHuub suhaanii
ham mausam me.n khone vaale
tho.De se KHush hone vaale
bijlii pa.nkhaa kyaa jaane.n ham
bas ik tum ko pahchaane.n ham
allaah miyaa.n
baa.nhe.n phailaa do
bas tho.Daa paanii barsaa do

Asna Badr
Nazm

kaise samjhaen nani ko

das ruupa.e fii botal paanii
hakkaa-bakkaa rah ga.ii naanii
apnaa bachpan yaad kiyaa to
arzaanii sii thii arzaanii
baarah aane ser aslii ghii
gyaarah aane tola chaa.ndii
kele the do paise darjan
chaaval paa.nch aane pa.nserii
biscope ticket ek aana
ek aTThannii kaa paajaama
schoolo.n me.n fees nahii.n thii
collage do ruupa.e maahaana
naanaa kii tanKHvaah jo puuchhii
kul pai.ntaaliis ruupaya niklii
pai.ntaaliis hazaar ke lag-bhag
paate hai.n abbuu aur ammii

Muzaffar Hanfi
Nazm

qaid se najat

baare aa.ii najaat kii baarii
khul gayaa uqda-e-giraftaarii
ham ko mansab milaa rihaa.ii kaa
qaid ko jaa.edaad-e-bekaarii
paa.nv ko chho.D bhaage maar-e-do-sar
sar ko pushtaara-e-giraa.nbaarii
kuuch Thahraa maqaam-e-Gurbat se
ab vatan chalne kii hai tayyaarii
ruKHsat ai dostaan-e-zindaanii
alvidaa ai Gam-e-giraftaarii
arrahiil ai mashaqqat-e-har-zor
al-firaaq ai hujuum-e-naa-chaarii
daal fe ain ai kitaabat-e-qaid
gaaf miim ai hisaab-e-sarkaarii
daal chaaval se kah do ruKHsat ho.n
paanii me.n Duube ye namak khaarii
machhliyo.n se kaho ki haT ke sa.De.n
ghaas khode yahaa.n kii tarkaarii
chiinii barhamaa malaa.ii madraasii
ahl-e-aashaam ja.ngalii taataarii
apne diidaar se maaf kare.n
apnii baato.n se de.n subuk-saarii
kaale paanii se hote hai.n ruKHsat
ashk-e-shaadii hai.n aa.nkho.n se jaarii
baiThte hai.n jahaaz duurii par
uThte hai.n la.ngar-e-giraa.nbaarii
karam ai KHizr al-madad ai nuuh
rahm ai fazl-e-hazrat-e-baarii
assalaam ai KHarosh-e-bahr-e-muhiit
assafar ai safiina-e-jaarii
zaad-e-raah-e-safar tavakkul hai
rahnumaa.ii ko us kii Gaffaarii
hai iraada ki fikr-e-sher kare.n
taaki ho duur ra.nj-e-bekaarii
bas-ki barso.n rahaa huu.n zindaa.n me.n
bhuulii qasr-e-suKHan kii memaarii

Muneer Shikohabadi
Nazm

kya hai

gehuu.n kyaa shai hai baajraa kyaa hai
aur chaaval hai kyaa chanaa kyaa hai
uf ye basta mire KHudaa kyaa hai
mirii taqdiir me.n likhaa kyaa hai
ye school aur madrasa kyaa hai
in ke khulne kaa mudda.aa kyaa hai
aaj tak ye samajh me.n aa na sakaa
likhne pa.Dhne se faa.eda kyaa hai
ye kitaabe.n ye copiyaa.n ye qalam
in me.n kuchh to kaho dharaa kyaa hai
bas kitaabo.n bharaa ba.Daa basta
aur maa.n baap ne diyaa kyaa hai
master mujh ko maarte kyo.n hai.n
mai.n ne un ko bhalaa kahaa kyaa hai
aadmii se banaa diyaa murGaa
aur is se ba.Dii sazaa kyaa hai
der chhuTTii me.n kyaa hai dekhuu.n to
ab gha.Dii me.n mirii bajaa kyaa hai
ham ko ammii ye pahle batlaa do
chaa.e ke saath naashta kyaa hai
jis ne khaa.e na ho.n vo kyaa jaane
ras bharii kyaa hai GalGala kyaa hai
sau gadho.n par shakiil hai bhaarii
saamne us ke ik gadhaa kyaa hai
sar mu.nDaa kar vo aa rahaa hai tufail
ba.Dh ke de Tiip dekhtaa kyaa hai
baat 'yaktaa' kii maan apne liye
soch achchhaa hai kyaa buraa kyaa hai

Yakta Amrohvi
Nazm

interwal

lo ghanTa bajaa interval kaa
ab vaqt aayaa hai halchal kaa
ab jo chaahe vo shor kare
ab har la.Dkaa KHud teacher hai
jis chiiz ko paayaa to.D diyaa
haatho.n me.n sab ke saniichar hai
go aaj kaa din hai ma.ngal kaa
lo ghanTa bajaa interval kaa
dekho ik chhoTe bachche se
vo chhiin rahaa hai lunch ko.ii
kursii ko paTaKH kar kursii par
vo phe.nk rahaa hai bench ko.ii
school banaa ghar paagal kaa
lo ghanTa bajaa interval kaa
kuchh apnii sehat par naazaa.n
gaamaa kii tarah se aka.Dte hai.n
kuchh taal Tho.nk kar maidaa.n me.n
rustam kii tarah se la.Dte hai.n
har samt hai manzar da.ngal kaa
lo ghanTa bajaa interval kaa
kuchh mausiiqii ke matvaale
kuchh filmii gaane gaate hai.n
kuchh miir ke shero.n ke rasiyaa
kuchh qaumii taraane gaate hai.n
kuchh qissa aalhaa udal kaa
lo ghanTa bajaa interval kaa
kuchh chaaT kii duukaano.n me.n kha.De
patto.n me.n kachaaluu khaate hai.n
kuchh garm pako.Dii ke taalib
kuchh taaza aaluu khaate hai.n
kuchh paapa.D khaate hai.n kal kaa
lo ghanTa bajaa interval kaa
kuchh daulat-mando.n ke la.Dke
khaate hai.n apnii biryaanii
kuchh bhuuke muflis bachcho.n ke
mu.nh me.n bhar aataa hai paanii
hai shauq kisii ko chaaval kaa
lo ghanTa bajaa interval kaa
is niim ke niiche maidaa.n me.n
mausam hai jahaa.n ThanDaa ThanDaa
ik giroh khilaa.Dii la.Dko.n kaa
hai khel rahaa gillii Da.nDaa
ye lutf hai bas pal do pal kaa
lo ghanTa bajaa interval kaa

Kaif Ahmed Siddiqui
Nazm

jiwan mein hariyali

phuul ja.Dii buuTii aur phal paudo.n se milte hai.n
gehuu.n daale.n aur chaaval paudo.n se milte hai.n
ham har chiiz zaruurat kii paudo.n se paa.e.nge
ham pe.D lagaa.e.nge maahaul banaa.e.nge

Riyazat Ali Shaiq
Nazm

ras ki khir

ek roz kii baat hai bhaa.ii
ras kii ham ne khiir pakaa.ii
pahle ras kaa mel nikaalaa
aur patiilii me.n phir Daalaa
degchii phir chuulhe pe cha.Dhaa.ii
us ke niiche aag jalaa.ii
Daale ras me.n chaaval suthre
aur chalaayaa dhiire dhiire
khich khich kar ke paktii jaatii
ham sab se ye kahtii jaatii
chaaval bolo kis ne banaayaa
khet me.n gannaa kis ne ugaayaa
pak kar jab tayyaar hu.ii to
tohfa diyaa pa.Dosan b ko
KHush ho kar ham sab ne khaa.ii
khiir pa.Dosan ko bhii bhaa.ii
shukr hai us allaah kaa bhaa.ii
jis ne ham ko khiir khilaa.ii

Khaleel Mahmoodi
Nazm

murghe ne jhuT bola

murGe ne jhuuT bolaa
murGe kii chuu.n chuu.n ho ga.ii
bakrii ne jhuuT bolaa
bakrii kii puu.n puu.n ho ga.ii
mathuraa me.n tiin bandar
jaate the roz mandar
kahtaa jo baat pujaarii
rakhte vo yaad saarii
buraa kabhii na dekho
buraa kabhii na bolo
baat jahaa.n ho burii
kaan vahaa.n na kholo
jis ne buraa.ii siikhii
us kii to yuu.n yuu.n ho ga.ii
dillii kaa ek kavvaa
chi.Diyaa se ik din bolaa
aa.o pakaa.e.n khich.Dii
mil-jul ke khaa.e.n khich.Dii
chaaval kaa daanaa meraa
muu.ng kaa daanaa teraa
lene gayaa vo paanii
chi.Diyaa thii chor kii naanii
chupke se khaa ke daanaa
chakkii me.n kiyaa Thikaanaa
kavve ne chakkii piisii
aa.ii aavaaz sii sii
chi.Diyaa ne chorii kii thii
chi.Diyaa kii suu.n suu.n ho ga.ii
murGe ne jhuuT bolaa
murGe kii chuu.n chuu.n ho ga.ii
bakrii ne jhuuT bolaa
bakrii kii puu.n puu.n ho ga.ii

Rajendra Krishan
Nazm

wo bhi ghalat

guDDuu kaa bhii haal sunaa.e.n
duudh piye.n na anDe khaa.e.n
phal tarkaarii ek na bhaa.e
Gusse me.n bas ho.nT chabaa.e.n
dekh ke dastarKHvaan pe machhlii
paa.nv paTaKHte bhaage jaa.e.n
chaaval roTii gosht kii boTii
dekhe.n to naKHre dikhlaa.e.n
din kaa ho yaa raat kaa khaanaa
ro.e.n piiTe.n shor machaa.e.n
duble patle ruukhe suukhe
baat karo to la.Dne aa.e.n
itne halke phulke se hai.n
fan chale to u.D hii jaa.e.n

Ahmad Hatib Siddiqi
Nazm

apne chaaron jaanib dekho

appii vo din kab aa.e.nge
jab ghar me.n chaaval pakke.nge
so.ndhii so.ndhii daal banegii
aur ham sab mil kar khaa.e.nge
appii kab tak pahnuu.ngaa mai.n
ye paivand lagaa paajaama
mangal ke baazaar se mujh ko
nekar jarsii dilvaa do naa
mere sab saathii pa.Dhte hai.n
mai.n school na jaa.uu.ngaa kyaa
vo sab raajaa ban jaa.e.nge
mai.n an-pa.Dh kahlaa.uu.ngaa kyaa
appii bechaarii kyaa bole
us ke abbuu ruuTh ga.e hai.n
maa.n kii biimaarii ke haatho.n
sundar sapne TuuT ga.e hai.n
ai mere dil vaale bachcho
apne chaaro.n jaanib dekho
aise kumbe mil jaa.e.nge
un ko bhii jiine kaa haq do

Muzaffar Hanfi
Nazm

bhuk

ek gaalii jo kiicha.D ke maanind chaspaa.n hu.ii
ho.nT jo kaasa-e-muflisii ban ga.e
haath jo gardano.n par jhapaTne lage
aur chaaval ke jab chand daane mile
a.nta.Diyo.n kaa ye aatish-fishaa.n bujh gayaa

Muneebur Rahman
Nazm

mazdur ki maut

ghar me.n chaaval hai aur na aaTaa hai
raat din jaane kaise kaaTaa hai

Takmiil Rizvi Lakhnavi
Nazm

misre

misre dam pe rakh detii huu.n
chaaval qaab me.n bhiig chuke hai.n
roTii belan ke niiche hai
pyaaz kaa ta.Dkaa daal pe Daal ke
chaaval pakne rakhe hai.n
kettle me.n hai chaa.e cha.Dhaa.ii
jab tak chaa.e me.n bhaa.np bane
mai.n misre dam pe rakh detii huu.n
aur isii asnaa me.n bartan
dastar-KHvaan pe chun detii huu.n
dastar-KHvaan pe cup paleTo.n aur chamcho.n ke shor me.n misre
kachche-pakke rahte hai.n
ek sukuu.n kaa pal milte hii soch kii ha.nDiyaa kholu.ngii aur ik ik kar ke
dhiimii aa.nch pe saare misre se.nku.ngii
to sab nazme.n ban jaa.e.ngii

Shumaila Bahzad
Nazm

kaise samjhaen nani ko

baarah aane ser aslii ghii
gyaarah aane tola chaa.ndii
kele the do paise darjan
chaaval paa.nch aane pa.nserii

Muzaffar Hanfi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now