Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "galiiz"

Nazm MATCHES FOR "galiiz"

Nazm

meri gali ke ghaliz bachcho

mirii galii ke Galiiz bachcho
tum apne maile badan kii saarii Galaazato.n ko udhaar samjho
tumhaarii aa.nkhe.n
udaasiyo.n se bharii hu.ii hai.n
azal se jaise Darii hu.ii hai.n
tumhaare ho.nTo.n pe pii.Dhiyo.n kii jamii hu.ii tah ye kah rahii hai
hayaat kii aabjuu pas-e-pusht bah rahii hai
tumhaarii jebe.n munaafiqat se aTii hu.ii hai.n
sabhii qamiise.n phaTii hu.ii hai.n
tumhaarii phiikii hatheliyo.n kii bujhii lakiire.n
baqaa kii abjad se ajnabii hai.n
tumhaarii qismat kii aasmaanii nishaaniyaa.n ab KHutuut-e-vahdaaniyat kaa maqsuum ho rahii hai.n
nazar se maaduum ho rahii hai.n
mirii galii ke Galiiz bachcho
tumhaare maa.n-baap ne tamaddun kaa qarz le kar
tumhaarii tahziib bech dii hai
tumhaaraa ustaad apnii TuuTii hu.ii chha.Dii le ke chup kha.Daa hai
ki is ke suukhe gale me.n naan-e-javii.n kaa Tuk.Daa a.Daa hu.aa hai
mirii galii ke Galiiz bachcho
tumhaare maile badan kii saarii Galaazate.n ab ga.e zamaano.n ke armuGaa.n hai.n
tumhaare virse kii daastaa.n hai.n
inhe.n sambhaalo
ki aane vaalaa har ek lamha tumhaare jha.Dte hu.e papoTo.n se jaane vaale dino.n dino.n kii utaar legaa
mirii galii ke Galiiz bachcho
zido.n ko chho.Do
qariib aa.o
ruto.n kii nafrat ko pyaar samjho
KHizaa.n ko rang-e-bahaar samjho
Galaazato.n ko udhaar samjho

Mohsin Naqvi
Nazm

sex workers

to kyo.n bhalaa ye Galiiz jismo.n ko o.Dhte hai.n
ye gande muu.nho.n ko suu.nghte hai.n
ye paa.nch raato.n kaa karb sahte hai.n
aadhii shab ke mu’aavze me.n
ye bhar ke laate hai.n apne kaano.n me.n
ghaTiyaa lafzo.n kaa garm siisa

Shoaib Kiani
Nazm

naya ek jahan

mai.n jaantaa huu.n ki aisii duniyaa
hai Dhuu.nD paanaa bahut hii mushkil
yaa yuu.n bhii kah le.n nahii.n hai mumkin
vo is liye kyo.n ki aadmii ab
Galiiz kii.Do.n se bhii buraa hai
jo apnii had se guzar chukaa hai
aur ek duuje ko khaa rahaa hai
bashar kaa matlab bhulaa rahaa hai
ki KHud ko haivaa.n banaa rahaa hai
na jaane kis samt jaa rahaa hai
ham is jahannam se jaa.n chhu.Daa le.n
chalo nayaa ik jahaa.n basaa le.n

Zohheb Farooqui Afrang
Nazm

mohabbat kya hai

mere nazdiik mohabbat ilhaamii shai hai
ye aasmaano.n se utartii hai
dil kii paak shaffaaf zamiin par
ye mohabbat azaan-e-fajr ke baad utartii hu.ii paak sahar hai
ye itnii paak hai jitnaa jis kaa taKHayyul paak hai
mohabbat is qadar paakiiza hotii hai jitnaa jis kaa KHuun paak hotaa hai
mohabbat us ko kahte hai.n jab roza-daar iftaar ke vaqt
ik paanii kaa gilaas saamne rakhe us aavaaz kaa intizaar kartaa hai ki kab hukm ho
us aavaaz kaa intizaar mohabbat hai
mohabbat vo manzil hai jis ke raaste pe chalne vaale dil aab-e-zamzam se dhule hote hai.n
mohabbat rizq hai un aa.nkho.n kaa jo mahbuub kaa diidaar baa-vazuu ho kar kartii hai.n
un logo.n ke chahaar-jaanib bahaar-e-mohabbat ke gulaab khilte hai.n jin pe KHizaa.n nahii.n aatii
mohabbat kaa gulshan
izzat kii KHushbuu se mahaktaa hai
ye mohabbat vo jazba hai jis ke tahat garmii kii shiddat pyaas kii hiddat me.n
chhaa.nv kii jagah par parindo.n ko paanii rakhaa jaa.e
ye mohabbat vo manzil hai jis pe pahu.nchne ke liye ik pyaase kutte ko paanii pilaanaa pa.Dtaa hai
mohabbat naam zabaan pe aane se pahle soch ko baa-vazuu ho jaanaa chaahiye
aur jinho.n ne naam-e-mohabbat ko utran kii tarah pahnaa hai
jinho.n ne mohabbat ko hii dhoka diyaa hai
un pe phir mohabbat azaab ban ke utartii hai
mohabbat ruuTh jaatii hai
kyuu.nki ye izzat hai
aisii izzat jo mohabbat se pahle dil kii sarzamiin pe utre
aur izzate.n buland rahe.n hamesha mohabbato.n se
jahaa.n izzat kii sar-bulandii rahegii vahaa.n mohabbat hamesha zinda rahegii
aur jin logo.n ne
mohabbat ko kaarobaar banaayaa hai
vo log mohabbat kii miim se naa-balad hai.n
un ke vaaste mohabbat naam ke chand din hote hai.n
phir bahaane aur apnii Galiiz fitrat ke pesh-e-nazar
kabhii ik dar kabhii duusraa dar
kabhii yahaa.n jhukaa kabhii vahaa.n jhukaa
are suno
mohabbat ke naam pe ta'alluqaat ko libaas se jald badalne vaale insaan
tauhiin mat karo mohabbat kii
is ilhaamii shai ko is paak jazbe ko paak rahne do
aur yaad rakho tauhiin-e-mohabbat ke murtakib
tum se to ab nafrat bhii mere shaayaan-e-shaan nahii.n

Omainuz Zahra Sayyad
Nazm

shahr

shahr tuu apne gande paa.nv pasaare dariyaa ke kinaare leTaa hai
aur tere siine par re.ngtii hu.ii chyuu.nTiyaa.n suuraj ko ghuur rahii hai.n
jab nisf darjan Gair-mulkii hakiimo.n ne mushtarka taur par ailaan kiyaa
maraz sa.ngiin hai aur ye bahut jald hii mar jaa.egaa
to kisii chechak-zada bachche kii tarah tuu ne unhe.n dekhaa aur KHaamosh ho rahaa
Galiiz badkaar be-rahm
shahr log kahte hai.n tuu badkaar hai
aur mai.n ne KHud dekhaa hai
sar-e-shaam
tere ra.nge chehre vaalii aurte.n la.Dkha.Daate nau-javaano.n ko nigal jaatii hai.n
be-rahm
jab raat ga.e tere daanish-var rickshaw kiye KHud-kushii karne jaate hai.n
tuu KHaamosh rahtaa hai

Ain Rashid
Nazm

bandhan

daraKHt din raat kaa.npte hai.n
parind kitne Dare hu.e hai.n
falak pe taare zamii.n pe jugnuu
gharo.n ke andar chhupe KHazaane
kaTe phaTe sab badan puraane
qadiim chiknii taviil Dorii me.n ba.ndh ga.e hai.n
kasiif Dar kii Galiiz muTThii me.n aa ga.e hai.n
kahaa.n ga.e vo dilo.n ke bandhan
gulaab-ho.nTo.n kii narm qause.n
zamii.n jo raakhii sii ban ke
suuraj ke haath par muskuraa rahii thii
kahaa.n ga.ii vo havaa jo pe.nge.n ba.Dhaa rahii thii
vo sabz KHushbuu jo band naafe
galii galii phir ke baa.nTtii thii
vo haath thaame
nahiif jismo.n kii ek lambii qataar jis me.n
kahii.n bhii ko.ii ta.DaKH nahii.n thii
ye kaun hai.n ham
jo sahme pe.Do.n
Dare parindo.n larazte taaro.n
se ba.ndh ga.e hai.n
KHud apne saayo.n se Dar ga.e hai.n

Wazir Agha
Nazm

na-KHalaf mizaj ki musaddaqa taslimat

log apne andaazo.n kii juutiyaa.n
mere ehsaas ke darvaaze pe utaarte hai.n
aur kufr kii masjid me.n na.nge paa.nv chale aate hai.n
mai.n apnii zaat me.n itnii muta.assib huu.n ki
lahjo.n ko un ke maslak se pahchaantii huu.n
aur kisii baa-muravvat KHaanqaah me.n
majbuurii kaa sajda nahii.n kartii
ko.ii Galiiz muskuraahaT merii aa.nkho.n ko chhuunaa chaahe to
mai.n ho.nTo.n pe thuuk detii huu.n
lekin sadqa-e-jaariya kaa surKH rumaal u.nglii pe nahii.n baa.ndh saktii

Sidra Sahar Imran
Nazm

KHargosh ka gham

hariif kaun thaa Galiiz bad-numaa saa jaanvar
vo be-KHabar
jo re.ngtaa hu.aa chalaa
jo re.ngtaa chalaa gayaa
na jaane kis jahaan se tumhaarii rah me.n aa gayaa
usuul ban ke zindagii ke aasmaa.n pe chhaa gayaa

Balraj Komal
Nazm

koh-e-nida

sub.h-savere
ek laraztii kaa.nptii sii aavaaz aatii hai
sone vaalo! tum maalik ko bhuul ga.e ho
tum maalik ko bhuul ga.e ho
phir chamkiilii mil kaa saa.eran
ek Galiiz Daraane vaalii tund sadaa ke ruup me.n Dhal kar
diivaaro.n se Takraataa hai
aur galiyo.n ke
ta.ng a.ndhere baa.De me.n kohraam machaa kar
bhe.Do.n ke galle ko haa.nk ke le jaataa hai
phir engine kii barham siiTii
meKH sii ban kar mere kaan me.n ga.D jaatii hai
aur shab bhar kii nuchii hu.ii ik rail kii bogii
apnii kalaa.ii engine ke panje me.n de kar
chal pa.Dtii hai
phir ik dam ik sannaaTaa saa chhaa jaataa hai
aur mai.n gha.Dii kii zaalim suu.iyo.n kii Tik Tik me.n
din ke zard pahaa.D pe cha.Dhne lagtaa huu.n

Wazir Agha
Nazm

intibah

ai mere beTo!
mai.n sochtii huu.n
ki qadmo.n se
mai.n apne tan ke hayaat-aagii.n lahuu ke chashme
bahaa rahii huu.n
tumhaare saare
nazaar jismo.n nahiif zehno.n kii murdanii ko
miTaa rahii huu.n
azal se apne za.iif chehre kii aa.Dii-tirchhii
sii jhurriyo.n kii lakiir me.n to
udaas aa.nkho.n maluul palko.n
se Tapke qatre
milaa rahii huu.n
hasiin KHvaabo.n ke buu.Dhe bargad
ke zard patte bhii chun rahii huu.n
vo KHvaab jin ke
chamakte jugnuu
asiir karne ko merii baa.nho.n ke saahilo.n par
safed chehre siyaah qaalib
Ganiim utre
hasiin KHvaabo.n ke jugnu.o.n ko
asiir kar ke
KHud apnii maa.o.n kii sard aa.nkho.n ko zindagii dii
mire dafiine mire KHaziine
se apnii kashtii
kii god bhar bhar ke le ga.e aur
mere beTo.n ke zehn-o-dil me.n
tafaavuto.n aur adaavato.n kii
kariih faslo.n ke biij bo.e
vo fasle.n jin ko
aziiz beTo.n ne apne apne lahuu se sii.nchaa
ki jin ke siine kii paak miTTii
ko garm taaza lahuu se
har dam
Galiiz rakkhaa
aur mere beTo!
mai.n sochtii huu.n
isii tarah gar
tafaavuto.n aur adaavato.n ke
ye biich bote
rahe to ik din
ye dekhnaa tum
na tum rahoge na mai.n rahuu.ngii
faqat hamaarii kathaa rahegii!

Yusuf Taqi
Nazm

mausam

asiir-e-aarzuu hujuum-e-be-amaa.n
sharaab roz-o-shab kii aatish-ravaa.n me.n
barhamii ke qahqaho.n kii baazgasht
ab hamaare darmiyaa.n
ajiib KHvaahisho.n ke biij bo rahii hai
mere vaaste jo ajnabii hai
us ko paas se guzartaa dekh luu.n to us kii raushnii
ko noch luu.n
jo us ke KHuun me.n utar rahii hai
us ke ek pal ko duusre se jo.Dtii hai
tairtii hai saa.ns me.n
havaa kii vo shariir mauj chhiin luu.n
vo jaanvar hamaarii nasl kaa nahii.n
vo kyuu.n ha.nse vo kyuu.n jiye
hamaare ruu-ba-ruu hamaarii aarzuu ke ruu-ba-ruu
vo is zamii.n pe kyuu.n chale
ajiib KHvaahishe.n ajab KHvaahisho.n kii ham-safar
har ek aa.ina magar hai duusre ke saamne
Galiiz suurate.n Galiiz suurato.n ke saamne

Balraj Komal
Nazm

ufaq pe

vo ek mai.n hii nahii.n huu.n
na jaane kitne hai.n
jo sochte hai.n samajhte hai.n chaahte bhii hai.n
ki phuuTtii hu.ii pahlii kiran se bhii pahle
ufuq pe vaqt ke chamke.n
nayaa saa rang bhare.n
jo sub.h ho
to nasiim-e-sahar kaa saath dhare.n
samiir ban ke bahe.n
ra.ng-o-buu kii dhartii par
gulo.n se baat kare.n
har galii se khul khile.n

Shahab Sarmadi
Nazm

apni mahrumi ka dukh

mai.n nauha likhtaa huu.n apne KHaliyo.n ke chhalnii KHvaabo.n ai
sar-zamiin-e-havas me.n phaile saraab-aasaa khile gulaabo.n kaa
manzaro.n ke lahuu me.n ghultii Galiiz miTTii kii baato.n kaa
mire vajuud siyah-baKHtii me.n uj.De ashko.n ke gard saa.e qafas bane me.n
mai.n daa.ero.n ke mahiin taaro.n kii
naa-tamaamii me.n
resha resha simaT gayaa huu.n
kahaaniyo.n ke dabiiz pardo.n kii tah me.n uryaa.n
tumhaarii aa.nkho.n kii muskuraahaT azaab ban kar
mire safar kii har ek manzil me.n aa chhupii hai
mai.n nauha likhtaa huu.n
zard socho.n kaa
kaalii saa.nso.n kaa
apne ho.nTo.n ke shamsii lafzo.n kaa zaa.iqo.n kaa
tumhaare siine pe kunDalii maare jo saa.np baiThaa hai
us kii KHuunii zabaa.n kaa nauha
KHud apne baatin ke KHushk sahraa me.n
ujle taaro.n kii taabnaakii kaa
KHvaahisho.n se bharii havaa.o.n kii kaa.enaato.n kaa nauha likhtaa huu.n nauha-KHvaa.n huu.n

Saadat Saeed
Nazm

wapsi mumkin nahin

aziim qaatil ga.e zamaano.n ke maKHfii auhaam ke shikanjo.n me.n
saada-lauhii ke sikka sikka bikaa.uu gaahak
sisaktii KHilqat lahuu me.n lat-pat
uqaabii panjo.n me.n aabruu.e.n ta.Dap rahii hai.n
sazaa ke mehvar se TuuT girnaa
shadiid mushkil
ga.e yagaano.n ke jubbe ab tak lahuu me.n tar hai.n
shanaas-naame gale me.n laTkaa.e phirne vaale
talaash-e-zar me.n
badan ghumaatii havaa ke jhakka.D se girne vaale
musaafiro.n ke qadam
gadaa.ii ke KHaarzaaro.n me.n
zaKHm-KHurda
shikam-siparda
Galiiz saa.il
ga.e savaaro.n kii baKHshisho.n se
hatheliyo.n pe larazte kaase
musiibato.n kii kasiif KHairaat se
labaalab bhare hu.e hai.n
har ek jaanib hamaare kuucho.n me.n
haDDiyo.n se bane makaano.n ke baam-o-dar munhadim
fasiilo.n pe duurbiine.n liye
muqaabil
ga.e shikaaro.n se utre
majbuuriyo.n ke aajar
la.iim saudaagaro.n ke Tole
hamaare malbo.n ke baar-daane havas ke baaTo.n se tolte hai.n
hamaarii khaalo.n kaa KHasta resham gadho.n pe laade
amiir KHitto.n me.n bechte hai.n
maluul bastii me.n uryaa.n laashe.n
girii hai jin pe azaab ohdo.n kii
bhaarii sil
ga.e Thikaano.n pe ullu.o.n ke udaas maskan
kabuutaro.n ke vo aalne hai.n ki jin me.n sannaaTe bolte hai.n
saudaagaro aafiyat ke parcham khule
shikaare palaT bhii aa.e
magar ye socho ki mauj dar mauj tangnaa.o.n me.n
koh-paikar javaar-bhaaTe
musaafirat me.n tamaam ghaaTe
zaliil ghaayal
ga.e musaafir ki jin ke thailo.n me.n zar ba.ndhaa thaa
taho.n kii qabro.n me.n jaa chhupe hai.n
lahiim whalo.n ne un ke jismo.n ko noch Daalaa

Saadat Saeed
Nazm

mashwara

galii ke mo.D par Galiiz naaliyo.n kii ret me.n
safed paaniyo.n me.n haath Daal kar vo la.Dkiyaa.n
na jaane Dhuu.nDhtii hai.n kyaa
mai.n Taafiyo.n ke packeto.n kii rangate.n dikhaa dikhaa ke
minnato.n samaajato.n se haath jo.D jo.D ke
unhe.n bulaa ke apnii samt
kah rahaa huu.n kaan me.n
tumhe.n mai.n chaar aane vaalii qulfiyaa.n KHariid duu.n
magar is ek shart par
ko.ii agar tumhe.n kahe
tumhaaraa baap kaun hai
tumhaaraa baap kaun hai
to chup raho

Yusuf Kamran
Nazm

id

zaraa sii baat hai iimaa-e-raushnii samjho
a.ndheraa zaahir-o-baatin kaa chaak-chaak rahe
rahe na mus.haf-e-hastii kuduurato.n se Galiiz
mataa.a-e-fe.al-o-suKHan laGzisho.n se paak rahe
safaa-o-sidq ho.n kirdaar kii khulii tahriir
na ko.ii vahm ho baaqii na ko.ii baak rahe

Ram Parkash Rahi
Nazm

the last samurai

gavaah rahnaa
ye past-qaamat kariih chehro.n ghamanD lahjo.n sisaktii sargoshiyo.n ke haamil
mire qabiile ke suurmaa sab
najis akhaa.Do.n me.n apne laaGar nahiif jismo.n ko chaaTte hai.n
mire qabiile ke falsafa-gar
Galiiz faasid rutuubato.n se bharii Tapaktii saraab socho.n se kaam le kar ajiib mantiq taraashte hai.n
ye falsafa-gar sadaa-o-aahang-o-harf-o-ma.anii ko zaKHm de kar lahuu kaa kachchaa khuranD daa.nto.n se nochte hai.n

Kamran Nafees
Nazm

samundar par barish

yahaa.n pe kal tak jo gaa.nv thaa us ke sab makii.n ab
udaas qasbo.n Galiiz shahro.n me.n bas chuke hai.n
zamii.n ke siine se jhaa.Diyo.n KHushk aur be-kaar zard paudo.n
kii fasl ugtii hai har baras surKH aag kaa kaarvaa.n utartaa hai
sub.h-dam dasht ke kinaaro.n pe phail jaataa hai
gard-e-aafaaq me.n shab-sard kii hado.n tak

Balraj Komal
Nazm

jurm

ta.ng-o-taariik sii koTharii me.n
moTii moTii salaaKHo.n ke piichhe
Galiiz se farsh par pa.Daa hai
vo ek qaidii
pareshaa.n baal hai.n aur zard chehra
ho jaise haDDiyo.n kaa ek Dhaa.ncha
pa.Dii hai.n be.Diyaa.n paa.nv me.n us ke
hai jurm us kaa apnaa faqat is qadar
ki rah rah ke vo sochtaa hai yahii
vo zindaa.n me.n kis jurm par band hai
soche vo kyuu.n na aaKHir
us kii rago.n me.n bhii to
duusre aazaad logo.n kii tarah
dau.Dtaa hai zindagii kaa garm KHuun

Fakhr Zaman
Nazm

dastaras

hamaarii dastaras me.n kyaa hai kyaa nahii.n
zamii.n nahii.n
KHalaa nahii.n
ki aasmaa.n nahii.n
hame.n to sirf sochnaa ye chaahiye
ki muTThiyaa.n khulii rahe.n
hatheliyo.n se u.ngliyaa.n ju.Dii rahe.n
zamii.n se paa.nv
paa.nv se qadam
qadam se raasto.n kaa silsila banaa rahe
hame.n to sirf dekhnaa ye chaahiye
ki jis ko log radd kare.n
aur apnii diid kii Galiiz chaadaro.n se Dhaa.np kar shikaayato.n se baa.ndh de.n
hamaare jism maavaraa ho.n us Gilaaf se
hamaarii dastaras me.n kyaa hai kyaa nahii.n
bas yahii to shart hai
hamaare jism an-ginat rahe.n
magar hamaare sar ju.De rahe.n
rago.n me.n pyaar kaa lahuu ravaa.n rahe badan badan javaa.n rahe
zamii.n rahe KHalaa rahe na aasmaa.n rahe
magar hame.n yahii gumaa.n rahe
hamaarii dastaras me.n kyaa nahii.n

Zafar Zaidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now