Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gul-badan"

Nazm MATCHES FOR "gul-badan"

Nazm

qublai KHan ka KHwab ek fiqra coleridge ki tarz par

gul-nazar hai.n gul-dahan hai.n gul-badan
hai.n 'aliil-e-jazba-e-she'r-o-suKHan
mu.nh-dikhaa.ii husn-e-jaa.n kii be-lagan
hai munaadii is junuu.n kii jaan-e-man
teG-baazii kar chukaa vo gul-badan
ab mahaktaa hai lahuu se pairahan
raqs karte the hazaaro.n niim-tan
us kaa haa.e allah allah baa.nk-pan
ham hii gul hai.n aur sabaa hai.n aur chaman
ham hii aahuu ham hii kul sayyaad-o-ban
pattaa pattaa buuTaa buuTaa she’r-o-fan
jalva-gaah-e-teG-e-dast-e-siim-tan
sub.h kaa niklaa hu.aa aur shaam ko
hai lahuu me.n tar-ba-tar vo pairahan
KHvaahish-e-guftaar se uTThaa KHudaa
aa ga.ii kun kii sadaa phir daf'atan
go zabaa.n aa.ii zamaane me.n tabhii
jab hu.aa paidaa KHudaa kaa ham-suKHan
gir rahe.ngii us ke mu.nh se bijliyaa.n
kuchh viraasat kuchh hunar hai kuchh phaban
yaa'nii yaa'nii ye Gulaam-e-murtazaa
'jaazib'-e-aashufta-e-gang-o-jaman

Aalim Akhtar Jaazib
Nazm

ai dil-e-afsurda

gul-badan gul-pairahan mahtaab-ruKH naaz-aafrii.n
dilrubaa.ii kii adaakaarii me.n e.ajaaz-aafrii.n

Syed Aabid Ali Aabid
Nazm

status marriage

us ke KHarraaTo.n ko fitrii baa.nkpan kahnaa pa.Daa
ful badan aurat thii jis ko gul-badan kahnaa pa.Daa

Khalid Irfan
Nazm

gul-nama

gul-badan hogaa ko.ii yaad me.n jis kii har din
aa ke chup-chaap ko.ii qabr pe dhar jaataa hai gul

Sada Ambalvi
Nazm

ai watan ai watan

ham hai.n fasl-e-bahaar aur tuu gulistaa.n
tuu agar aasmaa.n hai to ham kahkashaa.n
shaaKH-e-gul tuu agar hai to ham aashiyaa.n
tuu gul-andoz-o-gul-faam aur gul-badan

Abdul Mannan Tarzi
Nazm

sham hai dhuan dhuan

kyo.n shaam kaa aa.nchal mailaa hai
har samt dhu.aa.n saa phailaa hai
maaduum hu.e aasaar sabhii
kaliyo.n kii chanchal aa.nkhe.n
jhukii jhukii sii muu.nde palke.n
gul-badan sar niguu.n ho ga.e
KHushbuu bhii u.Dii
aur gesuu-e-shab me.n jaa uljhii

Rukhsana Nikhat Lari Umm-e-Hani
Nazm

barsat ki bahaaren

jis gul-badan ke tan me.n poshaak sausanii hai
so vo parii to KHaasii kaalii-ghaTaa banii hai
aur jis pe surKH jo.Daa yaa uudii o.Dhnii hai
us par to sab ghulaavaT barsaat kii chhanii hai
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

sahira

jamaal-e-husn-e-yaar kii vafaa bhii kyaa hii KHuub thii
kamaal-e-dilbarii kii vo adaa bhii kyaa hii KHuub thii
vo titliyo.n ke rang saa banaa hu.aa thaa pairahan
gulaab mausamo.n me.n jaise ghul rahaa thaa gul-badan

Ashfaq Ahmad Saim
Nazm

kya gul-badani hai

KHalvat me.n vo tasliim hai jalvat me.n tahakkum
saahil pe subuk-mauj safiine me.n talaatum
hujre me.n KHamoshii hai shabistaa.n me.n takallum
KHeme me.n tunuk aah KHayaalo.n me.n tarannum
aaGosh me.n talvaar hai ghuu.nghaT me.n banii hai
kyaa gul-badanii gul-badanii gul-badanii hai

Josh Malihabadi
Nazm

ai habib-e-ambar-dast!

kisii ke dast-e-inaayat ne kunj-e-zindaa.n me.n
kiyaa hai aaj ajab dil-navaaz band-o-bast
mahak rahii hai fazaa zulf-e-yaar kii suurat
havaa hai garmii-e-KHushbuu se is tarah sarmast
abhii abhii ko.ii guzraa hai gul-badan goyaa
kahii.n qariib se, gesuu-ba-dosh, Guncha-ba-dast
liye hai buu-e-rifaaqat agar havaa-e-chaman
to laakh pahre biThaa.e.n qafas pe zulm-parast
hamesha sabz rahegii vo shaaKH-e-mehr-o-vafaa
ki jis ke saath ba.ndhii hai dilo.n kii fat.h o shikast

Faiz Ahmad Faiz
Nazm

usi ke liye

ataa kar mujhe bhii
ko.ii aisaa achchhaa hunar
phuul ho.nTo.n ke
murda zamaane pe rakkhuu.n to
KHushbuu tirii
gul-badan ban ke jaage
tire saa.ns me.n saa.ns lene kii raahat
mirii yaad ke baaG me.n
ek jaaduu-zada niim-KHvaabiida shahzaadi-e-zindagii kii tarah muntazir hai
yahaa.n apne hone se kis ko mafar hai
ko.ii nii.nd me.n jaagne kii aziyyat nahii.n jaantaa
apnii jannat kaa manzar mire malgaje KHvaab par khol de
ko.ii shiirii.n-takallum mire zahr me.n ghol de
faasla nii.nd aur maut ke darmiyaa.n
apnii maujuudgii se banaa
kar ataa mojazaatii hunar
mai.n to noTo.n kii gintii me.n uljhe zamaane kii
vo mail huu.n
jis pe makkhii bhii aa kar nahii.n baiThtii

Ali Mohammad Farshi
Nazm

zamin apne beTon ko pahchanti hai

zamiin ek muddat se
haft-aasmaa.n kii taraf sar uThaa.e hu.e
ro rahii hai
zamiin apne aa.nsuu
bahut apnii hii kokh me.n bo rahii hai
zamii.n dil-kushaada hai kitnii
falak ke utaare hu.e bojh bhii Dho rahii hai
fazaa par bahut dhund chhaa.ii hu.ii hai
javaa.n gul-badan shaahazaade
zamii.n ke dulaare
uja.Dtii hu.ii bazm ke chaa.nd taare
kaTii gardano.n goliyo.n se chhide jism kii
rut sajaa.e lahuu me.n nahaa.e
zamii.n kii taraf aa rahe hai.n
zamii.n ek muddat se
is kaar-o-baar-e-sitam me.n ghirii hai
zamiin ro rahii hai
magar us ke aa.nsuu kii tahriir
raushan hai itnii
ki aa.inda mausam isii zinda tahriir se
jagmagaate rahe.nge
agar is ke shahzaade
yuu.nhii lahuu me.n nahaate rahe.nge
to ik roz taariiKH
un ke liye hashr barpaa karegii

Ain Tabish
Nazm

chup

tuu ne sard havaa.o.n kii zabaa.n siikhii hai
tere ThanDe lams se dha.Dkane.n yaKH-basta hu.ii.n aur mai.n chup huu.n
mai.n ne vaqt-e-sub.h chi.Diyo.n kii suriilii chahchahaahaT ko sunaa hai
aur mere zehn ke saagar me.n naGme bulbule ban kar uThe hai.n
tere ka.Dve bol se har-suu hai.n aavaazo.n ke laashe
aur mai.n chup huu.n
mai.n ne vo maasuum pyaare gul-badan dekhe hai.n
jin ke marmarii.n jismo.n me.n paakiiza mohabbat ke nasheman hai.n
tire in khurdure haatho.n ne ye saare nasheman noch Daale
aur mai.n chup huu.n
mai.n ne dekhe hai.n vo chehre chaa.nd jaise Guncha-suurat
jin kii aa.nkhe.n aa.ina hai.n aane vaale mausamo.n kaa
tuu ne un aa.nkho.n me.n bhii kaa.nTe chubho.e
aur mai.n chup huu.n
baa-kamaal o baa-safaa vo log bhii dekhe hai.n mai.n ne
jin ke ho.nTo.n se khile hai.n sidq o daanaa.ii ke phuul
tuu ne un ho.nTo.n ko gholaa zahr me.n
aur mai.n chup huu.n

Ejaz Farooqi
Nazm

nind mein chalti maut

ba.Dii se ba.Dii baat ko
ek bhiigii hu.ii muskuraahaT me.n kahne kaa tujh ko saliiqa thaa
a.adaad-o-alfaaz kii bhii.D me.n
kis qadar mai.n akelaa huu.n
tujh ko KHabar hai
bataa de mujhe bhii ko.ii ism-e-asraar
jis kii tamanna liye sab parinde ga.e saatvii.n samt
lekin ko.ii aaj tak mu.D ke aaya nahii.n
phuul ho.nTo.n ke murda zamaane pe rakkhuu.n to
KHushbuu tirii
gul-badan ban ke jaage
tire saa.ns me.n saa.ns lene kii raahat
mirii yaad ke baaG me.n
ek jaaduu-zada niim-KHvaabiida
shahzaadii zindagii kii tarah muntazir hai
yahaa.n apne hone se kis ko mafar hai
ko.ii nii.nd me.n jaagne kii aziyyat nahii.n jaantaa
apnii jannat kaa manzar mire malgaje KHvaab par khol de
ko.ii shiirii.n takallum mire zahr me.n ghol de
faasla nii.nd aur maut ke darmiyaan
apnii maujuudgii se banaa
kar ataa mojazaatii hunar
mai.n to noTo.n kii gintii me.n masruuf
andhe zamaane ke haatho.n kii
vo mail huu.n
jis pe makkhii bhii aa kar nahii.n baiThtii

Ali Mohammad Farshi
Nazm

jipsi

raKHsh-e-taaza pe tasviir
tanviir
mehmaa.n gurezaa.n javaa.n
kaakul-e-nau-ba-nau me.n
dahaktaa ho surKH suuraj
hasii.n pairahan gul-badan
kahkashaa.n gulsitaa.n zer-o-bam yam-ba-yam zer-o-bam
shoKH tarraar sargam
dil-e-be-karaa.n me.n
baraste hu.e mausamo.n vaadiyo.n kohsaaro.n mahakte hu.e
murG-zaaro.n
sulagte hu.e reg-zaaro.n
lahuu rang jaltii hu.ii razm-gaaho.n kii
saffaak barham barahna sadaa.o.n kaa hangaam
tanviir
guzre hu.e KHvaab kii ko.ii tasviir
tanhaa dariiche me.n
imroz be-naam KHaake kii suurat nihaa.n
vo shab-o-roz saaya faqat ek saaya
faqat sang-o-aahan kaa barg-e-siyah
sub.h shabnam nahii.n shaam sargam nahii.n
jism biimaar diivaar saa pairahan sirf rasm-e-kuhan
paa.nv me.n
baar-e-vaamaa.ndgii
baar-e-vaamaa.ndgii
sard kamre kii maanuus rango.n se bichh.Dii hu.ii rahguzar
vaqt ke faaslo.n me.n sulagtaa safar

Balraj Komal
Nazm

mara

husn kii aab-o-taab ne maaraa
be-gunah is savaab ne maaraa
haa.e afsos is bu.Dhaape me.n
tere kaafir shabaab ne maaraa
dil pha.nsaa hai ajiib uljhan me.n
zulf ke pech-o-taab ne maaraa
vaise meraa savaal siidhaa thaa
tere ulTe javaab ne maaraa
us ne hii mujh ko intiKHaab kiyaa
nigah-e-intiKHaab ne maaraa
ittifaaqan jo ho ga.ii ulfat
naa-gahaanii azaab ne maaraa
vo javaabo.n pe de rahe hai.n javaab
is javaab-ul-javaab ne maaraa
jang aur jang bhii giraanii kii
is double inqalaab ne maaraa
peT me.n aa.nt aur na mu.nh me.n daa.nt
phir bhii zaalim KHizaab ne maaraa
ab junuu.n kii ho kis tarah takmiil
naa-mukammal shabaab ne maaraa
ishq bechaargii ke haal me.n hai
husn ke ro.ab-o-daab ne maaraa
rang kaalaa hai gul-badan hai magar
aise kaale gulaab ne maaraa
tuu hii kah kyo.n na meraa dam ghuTtaa
tere bejaa hijaab ne maaraa
zindagii talKH ho ga.ii hai 'zariif'
is jahaan-e-KHaraab ne maaraa

Zareef Jabalpuri
Nazm

pahli nazar

haa.e vo pahlii nazar vo us kii aa.nkho.n ke payaam
vo lajaa kar muskuraa kar dast-e-naazuk se salaam
har nazar me.n mai-kade Galtaa.n vo chanchal baa.nkpan
rang-e-gulshan bhii tasadduq yuu.n saraapaa gul-badan
sar pe jhuumar paa.nv me.n paazeb ik zohra-KHisaal
aur mujassam kahkashaa.n us ke dupaTTe kaa jamaal
barq kii tasviir-e-kul shaano.n pe larzaa.n choTiyaa.n
marmarii.n haatho.n me.n apnii dhun me.n gaatii chuu.Diyaa.n
kaan me.n bunde saraapaa aaftab-o-maahtaab
parda-daarii kyaa kahuu.n ruKH par tajallii kii naqaab
chaal me.n aahuu kii shoKHii chaal me.n badmastiyaa.n
har qadam par inqalaab-e-dahr kii rangiiniyaa.n
har takallum ik qayaamat har tabassum barq-rez
aur jis kii saadgii bhii ik fasaana hashr-KHez
baa-takalluf baa-adab sad-naaz vo jannat-badosh
ek din aa.ii mirii pursish ko vo nik.hat-farosh
aa.nkho.n aa.nkho.n me.n diyaa paiGaam-e-ishq-o-be-KHudii
zindagaanii ik sharaab-e-tund ban kar rah ga.ii
thii vo duzdiida nigaah-e-dil-sitaa.n mere liye
aa gayaa thaa mere ghar hii gulsitaa.n mere liye
jaise mil jaa.e KHudaa.ii is tarah masruur thaa
ghar kii raunaq kyaa kahuu.n us vaqt kaa ik tuur thaa
vo tahayyur-KHez vo kaafir nazaare al-amaa.n
shauq-e-mohkam al-amaa.n mub.ham ishaare al-amaa.n
merii jaanib dekh kar ha.ns ha.ns ke sharmaatii rahii
nik.hat-e-gesuu se ik ik saa.ns mahkaatii rahii
niichii nazro.n se vo kuchh kahnaa ba-unvaan-e-hayaa
aap kab tashriif laa.e.nge ye us kii iltijaa
kyaa kahuu.n kaise kahuu.n rah rah ke ye sochaa kiyaa
jab na kuchh bhii ban pa.Daa to dard me.n Duubaa kiyaa
yaas se uTThii nazar aa.nsuu bahaa kar rah ga.ii
aur zabaan-e-haal aaKHir la.Dkha.Daa kar rah ga.ii
al-Garaz hone lagii ruKHsat vo jaan-e-aarzuu
ashk barsaane lagaa aaKHir jahaan-e-aarzuu
us kaa jaanaa thaa ki viiraa.n ho ga.ii merii nazar
le ga.ii hamraah apne raunaq-e-diivaar-o-dar
kis qadar rangiin thii fitrat kii naqqaashii na puuchh
shoKHiyaa.n kartii hu.ii taaro.n kii shahzaadii na puuchh

Hasrat Jaipuri
Nazm

tum magar na aae

chaTak ga.e hai.n Gunche
khil ga.e hai.n gul
bhau.nre ma.nDlaa.e hu.e
phuulo.n se kartii hai sabaa aTkheliyaa.n
dil baaGbaa.n kaa hai baaG baaG
tum magar na aa.e tum magar na aa.e
pyaasaa hai man
jal rahaa hai tan-badan
kalii ummiid kii murjhaa rahii hai ab to
bin piye barsaat jaa rahii ab to
ho ho ke aahaTe.n ho ga.ii.n band
pyaasaa hai man jal rahaa hai tan-badan
tum magar na aa.e tum magar na aa.e

Firoza Yasmeen
Nazm

lafz lafz dua

tujhe lazzato.n kii sahar mile
tujhe aa.ino.n kaa safar mile
ki rafaaqato.n kaa badan badan
na.ii KHushbu.o.n se mahak uThe
ki sabaahato.n kaa KHamiir tak
kabhii chaa.nd-chaa.nd chamak uThe
abhii gul-fishaa.n hai adaa adaa
abhii naGma-KHvaa.n hai adaa adaa
abhii phuul-phuul hai taazgii
abhii rang-rang hai zindagii
ko.ii gard-e-Gam bhii na pa.D sake
kahii.n is tarah tuu chhupaa rahe
miraa lafz lafz du.aa du.aa
mire aa.nsuu.o.n se dhulaa hu.aa
tujhe lazzato.n kii sahar mile
tujhe aa.ino.n kaa safar mile

Zaheer Ghazipuri
Nazm

ye waqt kya hai

ye vaqt kyaa hai
ki apne ma.amuul se gurezaa.n har ek shai hai
har ek lamha
guzishta lamhaat kii nafii hai
ajiib vahm-o-yaqiin kaa imtizaaj
socho.n me.n ghul gayaa hai
jo KHvaab dekho to
zindagii par yaqiin aa.e
diye bujhaa do to
raushnii par yaqiin aa.e
saraab dariyaa hai
aur reg-e-ravaa.n samundar
badan pe zaKHmo.n kaa jaal hai
jugnu.o.n se likkhii hu.ii ibaarat
yaqiin-e-vahm-o-gumaan kii had
shikastagii imtihaan kii had
ye vaqt kyaa hai
ki apne ma.amuul se gurezaa.n har ek shai hai

Saleem Ansari
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now