Search result for "islaah-e-haal" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "islaah-e-haal"

Nazm MATCHES FOR "islaah-e-haal"

Nazm

dil ek kuTiya dasht kinare

dil ik kuTiyaa dasht kinaare
bastii kaa saa haal nahii.n hai
mukhiyaa piir prohit payaade
in sab kaa janjaal nahii.n hai
naa baniye na seTh na Thaakur
pai.nTh nahii.n chaupaal nahii.n hai
sonaa ruupaa chaukii masnad
ye bhii maal-manaal nahii.n hai
lekin ye jogii dil vaalaa
ai gorii ka.ngaal nahii.n hai
chaaho jo chaahat kaa KHazaanaa
tum aanaa aur tanhaa aanaa

Ibn۔e۔Insha

Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha

Nazm

dil-ashob

tirii chaah me.n dekhaa ham ne ba-haal-e-KHaraab ise
par ishq o vafaa ke yaad rahe aadaab ise
tiraa naam o maqaam jo puuchhaa, ha.ns kar Taal gayaa

Ibn۔e۔Insha

Nazm

prem bina man suna

chupke se kaano.n me.n kah jaa
KHushiyo.n kaa sandes sunaa jaa
prem tuu apnii Dagar bataa jaa
kyaa tuu jogan ban baiThii
duur kahii.n maayaa se chhup kar
tuu ban ga.ii anokhii
dekh rii tere sog me.n kaisaa haal kiyaa ham ne apnaa
dukh ke kankar patthar chunte komal haath hai.n pathraa.e
jiivan ke raste par bikhre kaa.nTe sau sau Da.nk uThaa.e
nafrat kii aa.ndhii se dhu.ndle pa.D ga.e chandaa taare
ghir aa.ii hai chaaro.n or
dekh ghaTaa ghanghor
aa.nkho.n se ojhal hai ambar
paap kaa jho.nkaa chale bhaya.nkar
halchal mach ga.ii baahar andar
chaaro.n or baguule u.Dte idhar udhar baulaa.e
jaise un ko khoj kisii kii
sar Takraate sar ko uThaa.e sar ko jhukaa.e
sar ke bal kuchh phirte hai.n
sab ko khoj hai terii
prem kahaa.n tuu chhup kar baiThii
ham se kyo.n hai ruuThii
aa dekh ki tere na hone se
kyaa kyaa dukh ham ne jhele
prem-pujaarii jitne the sab ban ga.e attyaachaarii
KHud hii attyaachaar kare hai
ban baiThe bechaare
apne attyaachaar ko bhoge
kaise khel niraale
lekin un ke man me.n kaisii jvaalaa jaag uThii hai
ab to terii hii un ko bas antim aas lagii hai
ai jogan
kyaa tuu bhii Dhuu.nDhe ko.ii prem-pujaarii
us kii khoj me.n ban ga.ii hai tuu bilkul hii ban-baasii
man me.n jhaa.nk ke dekh le sab ke
terii chaah basii hai
duurii terii bha.Dkaa.e hai ab to man me.n Daah
aur hamaare ho.nTo.n kaa har shabd banaa hai aah

Rukhsana Nikhat Lari Umm-e-Hani

Nazm

KHizr-e-rah

aa bataa.uu.n tujh ko ramz-e-aaya-e-innal-muluuk
saltanat aqvaam-e-Gaalib kii hai ik jaaduugarii
KHvaab se be-daar hotaa hai zaraa mahkuum agar
phir sulaa detii hai us ko hukmaraa.n kii saahirii
jaaduu-e-mahmuud kii taasiir se chashm-e-ayaaz
dekhtii hai halqa-e-gardan me.n saaz-e-dil-barii
KHuun-e-israa.iil aa jaataa hai aaKHir josh me.n
to.D detaa hai ko.ii muusaa tilism-e-saamarii
sarvarii zebaa faqat us zaat-e-be-hamtaa ko hai
hukmaraa.n hai ik vahii baaqii butaan-e-aazarii
az Gulaamii fitrat-e-aazaad raa rusvaa makun
taa-taraashii KHvaaja-e-az-barahman kaafir tirii
hai vahii saaz-e-kuhan maGrib kaa jamhuurii nizaam
jis ke pardo.n me.n nahii.n Gair-az-navaa-e-qaisarii
dev-e-istibdaad jamhuurii qabaa me.n paa-e-kuub
tuu samajhtaa hai ye aazaadii kii hai niilam-parii
majlis-e-aa.iin-o-islaah-o-ri.aayaat-o-huquuq
tibb-e-maGrib me.n maze miiThe asar KHvaab-aavarii
garmii-e-guftaar aazaa-e-majaalis al-amaa.n
ye bhii ik sarmaaya-daaro.n kii hai ja.ng-e-zargarii
is saraab-e-ra.ng-o-buu ko gulistaa.n samjhaa hai tuu
aah ai naadaa.n qafas ko aashiyaa.n samjhaa hai tuu
sarmaaya-o-mehnat

Allama Iqbal

Nazm

sarsayyad ahmad KHan

qaum kii islaah-o-KHidmat me.n hazaaro.n dukh sahe
aa.ndhiy.o.n kii zad pe tum karte rahe raushan diye

Syeda Farhat

Nazm

mukalima zaid se

phir bhii mai.n is suurat-e-haal ko
vaazeh taur par samajhnaa chaahtaa huu.n

Zeeshan Sahil

Nazm

ai mere ajnabi

arsa-e-umr me.n
ham kahaa.n aa ga.e
jis jagah ab
mohabbat kaa ko.ii nishaa.n hii nahii.n
zindagii kaa jahaa.n par
gumaa.n hii nahii.n
ai mire ajnabii
sabza-o-gul kii rangiiniyaa.n kho ga.ii.n
phuul murjhaa ga.e titliyaa.n so ga.ii.n
zindagii kaa jahaa.n par
gumaa.n hii nahii.n
ai mire ajnabii
shahr-e-naa-vaaqif-e-haal me.n aa ga.e
panchhiyo.n kii tarah jaal me.n aa ga.e
KHuun jaise rago.n me.n ravaa.n hii nahii.n
ai mire ajnabii
ham kahaa.n aa ga.e
raakh baaqii nahii.n aur dhu.aa.n hii nahii.n
shahr me.n ab ko.ii mehrbaa.n hii nahii.n
ai mire ajnabii
arsa-e-umr me.n
ham kahaa.n aa ga.e
jis jagah ab
mohabbat kaa ko.ii nishaa.n hii nahii.n
zindagii kaa jahaa.n par
gumaa.n hii nahii.n

Masood Tanha

Nazm

sham se ta-ba-sahar kitne sitare TuTe

sarv ke saa.e me.n uljhe hu.e anfaas ke raag
maazii-o-haal ke sa.ngam pe chalaate rahe aag

Ahsan Ahmad Ashk

Nazm

KHwab ke sannaTe

phir vahii umr-e-gurezaa.n kaa malaal
phir vahii kashmakash-e-maazii-o-haal
anginat KHvaab
la.Dakpan ke javaanii ke sulagte hu.e jazbo.n ke mah-o-saal ke KHvaab
ek ik lamha
bikhartaa saa simaTtaa saa
KHad-o-KHaal ke sau rang liye
qahqahe majlis-e-ahbaab shagufta chehre
ek aasuuda tamannaa kaa dayaar
jaise nau-KHez shaguufo.n kii bahaar

Sahba lakhnavi

Nazm

diwali

duur pardes kii raaho.n me.n bhaTakte raahii
dil me.n phir yaad tirii aa.ii hai mehmaa.n kii tarah

Qateel Shifai

Nazm

shaer

fitna-e-KHufta jagaa.e us gha.Dii kis kii majaal
qaid hai.n shahzaadiyaa.n ko.ii nahii.n pursaan-e-haal

Hafeez Jalandhari

Nazm

dost

shaamil-e-haal hai KHaaliq kii 'inaayat ban kar
dostii saath me.n rahtii hai hidaayat ban kar

Salim Husain

Nazm

ahl-e-hind

'barq' ye zarbul-masal hogii hamaare hasb-e-haal
har kamaale raa zavaale har zavaale raa kamaal

Barq Dehlvi

Nazm

etimad

mai.n ne sochaa thaa ki is baar ba-ii.n suurat-e-haal
mere darvaaze pe shahnaa.iyaa.n sab dekhe.nge
jo kabhii pahle nahii.n dekhaa thaa ab dekhe.nge

Kafeel Aazar Amrohvi

Nazm

nagar nagar

tiraa dhiyaan liye mai.n nagar nagar ghuumaa
shariik-e-haal thii terii nazar kii pahnaa.ii
ki aasmaan o samundar jagaa diye jis ne
fazaa me.n abr ke paikar banaa diye jis ne

Muneebur Rahman

Nazm

uTTho marne ka haq istimal karo

bhuuk na.ng sab den inhii kii hai logo
bhuul ke bhii mat in se arz-e-haal karo
jiine kaa haq saamraaj ne chhiin liyaa
uTTho marne kaa haq istimaal karo

Habib Jalib

Nazm

aaj ki baaten kal ke sapne

jab KHayaalo.n me.n tire jism ko chhuu letaa huu.n
zindagii sho.ala-e-maazii se jhulas jaatii hai
jab guzarnaa huu.n Gam-e-haal ke viiraane se
mere ehsaas kii naagin mujhe Das jaatii hai

Qateel Shifai

Nazm

masjid

duur bargad kii ghanii chhaa.nv me.n KHaamosh o maluul
jis jagah raat ke taariik kafan ke niiche
maazii o haal gunahgaar namaazii kii tarah
apne aamaal pe ro lete hai.n chupke chupke

Akhtarul Iman

Nazm

main wapas aaunga

mai.n vaapas aa.uu.ngaa
aur mai.n 'kitaab-e-zaat' ik ham-raah laa.uu.ngaa
'kitaab-e-zaat' kii har aayat
insaanii masaa.il kaa bayaa.n hogii
talaash-e-hal ke maaro.n kii
umiido.n kaa ziyaa.n hogii

Shahram Sarmadi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now