Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jail"

Nazm MATCHES FOR "jail"

Nazm

bhaarat ke saputon se KHitab

bhaarat ke ai sapuuto himmat dikhaa.e jaa.o
duniyaa ke dil pe apnaa sikka biThaa.e jaa.o
murda-dilii kaa jhanDaa phe.nko zamiin par tum
zinda-dilii kaa har-suu parcham u.Daa.e jaa.o
laa.o na bhuul kar bhii dil me.n KHayaal-e-pastii
KHush-haalii-e-vatan kaa be.Daa uThaa.e jaa.o
tan-man miTaa.e jaa.o tum naam-e-qaumiyat par
raah-e-vatan me.n apnii jaane.n la.Daa.e jaa.o
kam-himmatii kaa dil se naam-o-nishaa.n miTaa do
jur.at kaa lauh-e-dil par naqsha jamaa.e jaa.o
ai hinduu.o musalmaa.n aapas me.n in dino.n tum
nafrat ghaTaa.e jaa.o ulfat ba.Dhaa.e jaa.o
'bikram' kii raaj-niitii 'akbar' kii policy kii
saare jahaa.n ke dil par azmat biThaa.e jaa.o
jis kashmakash ne tum ko hai is qadar miTaayaa
tum se ho jis qadar tum us ko miTaa.e jaa.o
jin KHaana-ja.ngiyo.n ne ye din tumhe.n dikhaa.e
ab un kii yaad apne dil me.n bhulaa.e jaa.o
be-KHauf gaa.e jaa.o ''hindostaa.n hamaaraa''
aur ''vande-maataram'' ke na.are lagaa.e jaa.o
jin desh sevako.n se haasil hai faiz tum ko
in desh sevako.n kii jai jai manaa.e jaa.o
jis mulk kaa ho khaate din raat aab-o-daana
us malak par saro.n kii bhe.nTe.n cha.Dhaa.e jaa.o
phaa.nsii kaa jail kaa Dar dil se 'falak' miTaa kar
Gairo.n ke mu.nh pe sachchii baate.n sunaate jaa.o

Lal Chand Falak
Nazm

ghar

ab mai.n ghar me.n paa.nv nahii.n rakhuu.ngaa kabhii
ghar kii ik ik chiiz se mujh ko nafrat hai
ghar vaale sab ke sab mere dushman hai.n
jail se miltii-jultii ghar kii suurat hai

Mohammad Alvi
Nazm

naya sal

phir vahii saa.nso.n kii dhakkam-pel hogii rail me.n
har ko.ii jaataa hu.aa mahsuus hogaa jail me.n

Shahroz Khawar
Nazm

baba gandhi

svaaraaj kaa jhanDaa bhaarat me.n ga.Dvaa diyaa gaa.ndhii baabaa ne
dil qaum-o-vatan ke dushman kaa dahlaa diyaa gaa.ndhii baabaa ne
ulfat kii raah me.n mar jaanaa par naam jahaa.n me.n kar jaanaa
ye paaTh vatan ke bachcho.n ko sikhlaa diyaa gaa.ndhii baabaa ne
ik dharm kii taaqat dikhlaa kar zaalim ke chhakke chho.Dvaa kar
bhaarat kaa lohaa duniyaa se manvaa diyaa gaa.ndhii baabaa ne
ai qaum vatan ke parvaano lo apne farz ko pahchaano
ab jail se ye paiGaam hame.n bhijvaa diyaa gaa.ndhii baabaa ne
charKHe kii top chalaa do tum Gairo.n ke chhakke chhu.Daa do tum
ye hind kaa chakr-sudarshan hai samjhaa diyaa gaa.ndhii baabaa ne
nafrat thii Gariibo.n se jin ko hai.n shaad achhuuto.n se mil kar
ik prem-pyaalaa duniyaa ko pilvaa diyaa gaa.ndhii baabaa ne
girdaab me.n qaum kii kashtii thii tuufaan bapaa the aafat ke
nation kaa be.Daa saahil par lagvaa diyaa gaa.ndhii baabaa ne
bhagvaan bhagat ne himmat kii ik prem-jvaalaa jaag uThii
karvaa kar shiir-o-shakar sab ko dikhlaa diyaa gaa.ndhii baabaa ne
ha.ns ha.ns kar qaum ke bachcho.n ne siino.n par goliyaa.n khaa.ii hai.n
bhaarat kii rah me.n mar miTnaa sikhlaa diyaa gaa.ndhii baabaa ne
Gairo.n ke jhaa.nso.n me.n aanaa dushvaar hai hind ke laalo.n ko
aa.nkho.n se Gaflat kaa parda uThvaa diyaa gaa.ndhii baabaa ne

Aaftab Rais Panipati
Nazm

zarurat-e-ittihad

yaa KHudaa hind par karam farmaa
is kii takliif kal-adam farmaa
hai.n pareshaa.n bahut havaas is ke
nahii.n hamdard ko.ii paas is ke
faqr-o-faaqa se paa.emaal hai ab
qarz me.n is kaa baal baal hai ab
na hii san.at na ab tijaarat hai
saarii aasuudgii vo Gaarat hai
ilm-o-fan se hai is kaa ghar KHaalii
aql o idraak se hai sar KHaalii
achchhe atvaar miT ga.e is ke
nek kirdaar miT ga.e is ke
KHulq hai ab na mehr-o-ulfat hai
aatishii hai na ab uKHuvvat hai
ra.ng bilkul hai mulk kaa badlaa
saaraa paanii hai chaah kaa gadlaa
har taraf jahl hai la.Daa.ii hai
dushman aapas me.n bhaa.ii bhaa.ii hai
na mohabbat hai ab na hamdardii
na dilerii na ab javaa.n-mardii
na ravaa-daarii o sharaafat hai
na ab amn-o-amaan o raahat hai
har taraf hai fasaad ha.ngaama
ko.ii rustam hai aur ko.ii gaamaa
ab kahaa.n sulh-o-KHair kii baate.n
jab hai.n kaano.n me.n Gair kii baate.n
john-bill kii hai.n saazishe.n jaarii
mulk par hai.n navaazishe.n jaarii
ek se hai kabhii shanaasaa.ii
duusre ke liye kabhii saa.ii
kabhii in ko la.Daa diyaa sab se
kabhii un ko bhi.Daa diyaa sab se
kabhii in ko police o thaana hai
aur kabhii un ko jail-KHaana hai
yahii manzar yahaa.n hai shaam-o-sahar
bas yahii ho rahaa hai aaTh pahar
jaantaa hai har ik ye sab baate.n
phir bhii KHaalii nahii.n havaalaate.n
vahii ja.ng-o-jadal vahii jhag.De
vahii buGz-o-enaad ke rag.De
yaa KHudaa de hame.n vo aql-e-saliim
ki samajh ham sake.n har ik scheme
pa.D sake phir na ko.ii zad ham par
khul sake.n saare nek-o-bad ham par
KHatm kar de.n ye tafraqa-saazii
aag me.n jho.nk de.n tabar-yaazii
sab kare.n mil ke mulk kii KHidmat
duur ho is kii usrat-o-nakbat
hikmat o fan vatan me.n phailaa.e.n
shaahraahe.n masal kii khul jaa.e.n
ilm o science mulk me.n bhar de.n
is zamii.n ko ham aasmaa.n kar de.n
ham pe khul jaa.e.n sab vo aql ke raaz
ho is kaa europe ke turra-e-e.azaaz
san.ato.n kii ho garm-baazaarii
gaa.nv gaa.nv me.n ho.n mile.n jaarii
rail, motor, jahaaz, tayyaare
KHud ye tayaar ham kare.n saare
kabhii sahraa ho mustaqar apnaa
ho kabhii Taapuu.o.n me.n ghar apnaa
manchester pe KHaak Daale.nge
ghar se jaapaan ko nikaale.n ham
na rahe.n ham kisii ke bhii muhtaaj
mulk apnaa ho aur apnaa raaj
ham me.n gar ittihaad ho jaa.e
mulk aabaad shaad ho jaa.e

Ahmaq Phaphoondvi
Nazm

depression

KHauf ke jaziire me.n.. qaid huu.n mai.n barso.n se
duur tak fasiile.n hai.n
aur un pe lohe kii uu.nchii uu.nchii baa.De.n hai.n,
nok-daar kiile.n hai.n
Daaltaa kamande.n huu.n... jail ke kinaaro.n par...
KHaar-daar taaro.n par
siiTiyaa.n sii bajtii hai.n der tak samaa.at me.n
pahre-daar aate hai.n
be.Diyaa.n sii sajtii hai.n
paa.nv ko uThaanaa, bhii haath ko hilaanaa bhii
jism bhuul jaataa hai
jurm bhii nahii.n ma.aluum, umr bhii nahii.n ma.aluum
kuchh pataa nahii.n mujh ko... us taraf fasiilo.n ke
kis qadar samundar hai
kashtiyaa.n bhii chaltii hai.n, baadbaa.n bhii khulte hai.n
nuur ke jahaa.n bhii hai.n, jism ke makaa.n bhii hai.n,
aadmii vahaa.n bhii hai.n
chho.Diye, nahii.n jaate
kyaa kare.nge baahar bhii...
Thiik hai fasiilo.n me.n
aa.nsu.o.n kii jhiilo.n me.n chaa.nd ko utaare.nge
be-hisii ke Tiilo.n par naqsh-e-paa ubhaare.nge
maut ke glamour me.n Duub Duub jaa.e.nge
qabr ke a.ndhere se raat ko sajaa.e.nge
maut kaa fasurda-pan kitnaa KHuubsuurat hai
ik jahaa.n udaasii kaa bas mirii zaruurat hai!

Mansoor Aafaque
Nazm

kuchh nahin badalne wala

phir vahii maahaul vahii shor-sharaaba
vahii kuchh na.e puraane chehro.n kaa bol-baalaa
phir se saj ga.ii tabdiiliyo.n kii manDiyaa.n
par asl me.n kuchh nahii.n badalne vaalaa
phir chiiKHte phir rahe bad-havaas chehre
phir rache jaane.n lage.n hai.n saDyantr gahre
phir se guu.njne lage.n hai.n fazaa.o.n me.n na.are
pichhlagguu ban ga.e hai.n kuchh bhuuk ke maare
phir se ye bataa.ii jaane lagii badlaav kii baate.n
phir se kursii qabzaane ko hone lagii.n hai.n ghaate.n
phir se aa gayaa hai chunaav kaa mausam paa.nch-saala
par asl me.n kuchh nahii.n badalne vaalaa
kuchh aa jaa.e.nge chehre na.e puraane
ban ke rahnumaa lag jaa.e.nge desh ko khaane
phir shuruu.a hogaa aam aadmii kii taqdiir se khel
phir bhejaa jaa.egaa kuchh haare hu.o.n ko jail
phir se nayaay kaa Dho.ng rachaayaa jaa.egaa
aadmii ko roTii ke va.ade se bahlaayaa jaa.egaa
phir se hogaa luuT-khasuuT kaa na.ngaa naach
phir jhuuTh ko bataayaa jaa.egaa saa.nch
mujhe jalaa.egii mere andar kii aa.nch
aur TuuTte sapne chubhe.nge ban ke kaa.nch
phir se zindagii bun.ne lagegii maka.D-jaalaa
mai.n jaantaa huu.n ki kuchh nahii.n badalne vaalaa

Madhav Awana
Nazm

taaruf

mire daadaa jo british fauj ke naamii bhago.De the
na jaane kitnii jailo.n ke unho.n ne qufl to.De the
charas kaa aur gaa.nje kaa vo kaarobaar karte the
KHudaa se bhii nahii.n Darte the bas begam se Darte the
mire taa.e bhii apne vaqt ke mash.huur cheater the
ka.ii jailo.n ke to vo half-yearly bhii visitor the
har ik Gunda unhe.n ghar baiThe Gunda-tex detaa thaa
tijorii to.Dne kaa fan unhii.n se mai.n ne siikhaa thaa
chachaa marhuum naasik jail se jab vaapas aa.e the
to mash.huur-e-zamaana ik tavaa.if saath laa.e the
vo Thumrii daadraa aur bhairvii.n me.n baat kartii thii
tarannum me.n surayyaa aur lataa ko maat kartii thii
mire vaalid KHudaa baKHshe kahii.n aate na jaate the
sahar se shaam tak amaa.n ke aage dum hilaate the
thii ik bakre numaa burraaq daa.Dhii un ke chehre par
magar phir bhii kabaDDii khelte the raat ko aksar
mai.n apne baap daadaa ke hii naqsh-e-paa pe chaltaa huu.n
magar bas farq itnaa hai vo GunDe the mai.n netaa huu.n
police piichhe thii un ke third-degree kii ziyaafat ko
mire piichhe bhii rahtii hai magar merii hifaazat ko
nahii.n parvaa ki leader kaun achchhaa kaun ganda hai
siyaasat merii rozii hai election meraa dhanda hai
siyaasat me.n qadam rakh kar haqiiqat mai.n ne ye jaanii
churaa kaare kunad aaqil ki baaz aayad pashemaanii

Nashtar Amrohvi
Nazm

main nashe mein hun

mai.n rahnumaa-e-qaum huu.n, ye ho chukaa hai tai
khaataa rahaa huu.n gaaliyaa.n maazii me.n pai-ba-pai
guzrii hai umar jail me.n lekin ye taa-ba-kai
meraa juluus le ke mirii qaum jab chale
''yaa haatho.n-haath lo mujhe maanind-e-jaam-e-mai''
''yaa tho.Dii duur saath chalo mai.n nashe me.n huu.n''

Syed Mohammad Jafri
Nazm

election

saaqii sharaab de ki election hai aaj-kal
barse.nge vote jis me.n vo saavan hai aaj-kal
jamhuuriyat ke paa.nv me.n jhaa.njan hai aaj-kal
ye mulk us ke naach kaa aa.ngan hai aaj-kal
saudaa hai leaderii kaa jo dil ko sataa.e hai
''dil phir tavaaf-e-kuu-e-malaamat ko jaa.e hai''
lo ho gayaa hai uu.nT election kaa be-nakel
ab laTh chale.nge jalso.n me.n aabaad ho.nge jail
phir leadero.n kii hogii akhaa.Do.n me.n rel-pel
voto.n kii har dukaan pe hogii grand sale
voto.n se ba.Dh ke ab ko.ii hathiyaar bhii nahii.n
''la.Dte hai.n aur haath me.n talvaar bhii nahii.n''
zinda hai vo ki jis kaa register me.n naam hai
aur zindagii shariifo.n ke uupar haraam hai
hai.n jis ke paas vote madaar-ul-mahaam hai
lailaa-e-leaderii kii vo thaame lagaam hai
leader ke mu.nh pe shahar ke kuucho.n kii gard hai
''ishq-e-nabard-pesha talabgaar-e-mard hai''
vaqt aa gayaa zamiir kii bai-o-KHariid kaa
import ke licence ke va.ade-va.iid kaa
din hai biraadrii o qabaa.il kii iid kaa
aapas me.n gallabaano.n kii guft-o-shuniid kaa
muslim ko be-shak aisii musaavaat chaahiye
''aarif hamesha mast-e-mai-e-zaat chaahiye''
da.nggal kii kashtiyo.n me.n har ik chiiz hai ravaa
ya.anii milegii millat-e-aasii ko har davaa
naGme kaa daur, daur-e-mai-o-raqs kaa mazaa
jis ko zabaan kah na sake us se bhii sivaa
likkhaa hu.aa hai qismat-e-ummiid-vaar me.n
''u.Dtii phiregii KHaak tirii kuu-e-yaar me.n''
ahl-e-basiirat ab nahii.n dekhe.nge khoT ko
haasil kare.nge laakh tariiqo.n se vote ko
paanii hii kii tarah se bahaa.enge note ko
roke.ngi zar kii Dhaal pe dushman kii choT ko
voter ko baKHshaa jaa.egaa bhaarii mushaahra
phir jiit kii KHushii me.n kare.nge mushaa.era
aa.e.nge vote dene ko jab jaahilaan-e-qaum
un ko dikhaa.e jaa.e.nge pahle nishaan-e-qaum
gai.nDaa nishaan rakkhegaa ik pahlavaan-e-qaum
hai uu.nT ko.ii ko.ii yake-az-KHaraan-e-qaum
insaaniyat kii qaid se sab ho ga.e barii
un kaa mua.aalijaa ho to hogaa veterinary

Syed Mohammad Jafri
Nazm

masarrat hoti hai

jab class se teacher jaate hai.n to kitnii masarrat hotii hai
ham mil kar shor machaate hai.n to kitnii masarrat hotii hai
chhuTTii kii ijaazat milte hii ham jail ke ik qaidii kii tarah
school se baahar aate hai.n to kitnii masarrat hotii hai
jis vaqt pa.Dhaate hai.n teacher dil kitnaa pareshaa.n hotaa hai
lekin jab khel khilaate hai.n to kitnii masarrat hotii hai
jab ham ko kisii picnic ke liye school kii jaanib se aksar
ustaad kahii.n le jaate hai.n to kitnii masarrat hotii hai
darje me.n pa.Dhaate vaqt aksar jab mere savaalo.n par yaaro
ustaad bhii chakkar khaate hai.n to kitnii masarrat hotii hai
baazaar se jaa kar mere liye har maah mire pyaare paapaa
bachcho.n kaa risaala laate hai.n to kitnii masarrat hotii hai
in darsii kitaabo.n me.n ham ko kuchh lutf nahii.n miltaa lekin
jab 'kaif' kii nazme.n gaate hai.n to kitnii masarrat hotii hai

Kaif Ahmed Siddiqui
Nazm

sarkar so rahi hai

mat shikaayat karo ki sarkaar so rahii hai
zabaa.n pe lagaam rakho ki sarkaar so rahii hai
mah.ngaa.ii ne be-shak jiinaa muhaal kiyaa hai
dil kii dil me.n rakho ki sarkaar so rahii hai
mat lagaa.o na.are na utro sa.Dak par
jail jaa.oge piToge Daro ki sarkaar so rahii hai
roz daam ba.Dhaatii hai shaayad hukm milaa hai kahii.n se
jaldii jeb Dhiilii karo ki sarkaar so rahii hai
ye shaah KHarch hai ki hukuumat hai in kii
aam aadmii ho sa.D-sa.D maro ki sarkaar so rahii hai
qatl-o-Gaarat ho ki ismate.n luTe.n rozaana
apnii jaa.n kii KHair karo ki sarkaar so rahii hai

Madhav Awana
Nazm

ganw aur rail

mere gaa.nv me.n aa.ii rail
bachcho nahii.n ye ko.ii khel
baat hai mere bachpan kii
shaayad unniis sau pachpan kii
mere dil kii uljhan kii
gaa.nv me.n kaise aa.ii rail
bachcho nahii.n ye ko.ii khel
mere daadaa kahte the
kalkatta jo rahte the
gaa.nv vaale ha.nste the
vahaa.n sa.Dak par chalii rail
bachcho nahii.n ye ko.ii khel
kalkatta jaanaa thaa mushkil
rail to miltii chal kar paidal
tiis miil par thaa jo signal
mushkil ko sab jaate jhel
bachcho nahii.n ye ko.ii khel
ba.De log jab jaanaa sochte
raat me.n bail-gaa.Dii ko jot-te
raaste me.n jab Daaku rokte
chho.D ke gaa.Dii bhaagte bail
bachcho nahii.n ye ko.ii khel
aazaadii ne daad miTaayaa
gaa.nv ko shahro.n se milaayaa
ummiido.n kaa phuul khilaayaa
sadaa harii rahe ye bel
bachcho nahii.n ye ko.ii khel
dillii me.n anshan hu.e
rail ke tab naqshe bane
baabuu jii jab ban ga.e
markaz me.n vaziir-e-rail
bachcho nahii.n ye ko.ii khel
shahr se sab kuchh rail se laate
Dibbo.n ko nuqsaa.n pahu.nchaate
chorii karte pak.De jaate
jo pak.Daa.e jaate jail
bachcho nahii.n ye ko.ii khel
mushkil din sab kaT jaate hai.n
lekin vo din yaad aate hai.n
ab to sab collage jaate hai.n
paka.D ke bombay-mail
bachcho nahii.n ye ko.ii khel

Abul Lais Javed
Nazm

zanjir-e-ghulami

ye sab aazaad hai.n ab rang-e-aazaadii dikhaa.e.nge
ki ab hindostaa.n vaale farebo.n me.n na aa.e.nge
mare.nge jaan de.nge Gam sahe.nge jail jaa.e.nge
magar ai 'zaahidaa' ab jashn-e-aazaadii manaae.nge
ham apnaa mulk apnaa taKHt apnaa taaj le le.nge
kahe dete hai.n ham is saal me.n svaaraaj le le.nge

Zahida Khatoon Zahida
Nazm

dilli mein hain

jail ke taariik kamro.n me.n jo rahte the kabhii
aaj bhii vo kaamiyaab-o-kaamraa.n dehlii me.n hai.n

Izhaar Malihabadi
Nazm

is se baDa dukh kya hoga

is se pahle
jitnii ii.de.n guzrii hai.n
har iid se pahle
mere bachche
apnii narm rupahlii baa.nhe.n
merii gardan me.n jab Daal ke kahte the
ham eidii lene aa.e hai.n
vo KHushiyo.n se labrez munavvar gha.Diyaa.n
kitnii achchhii lagtii thii.n jab
ba.Dii ba.Dii raqmo.n ko vo Thukraate the
aur ba.De ba.De tohfo.n par bhii vo
apne mu.nh laTkaate the
vo mujh se ruuTh ke
apnii ammii ke pahluu me.n jaate the
vo un kii chamkiilii chaahat
vo un ke ruuTh ke jaane kii
be-dard sii hasrat
jab bhii karvaT letii hai
dil KHuun ke aa.nsuu rotaa hai
aur ab ke hisaar zindaa.n me.n
yuu.n iid hamaarii guzrii hai
vo jhag.Daa karne vaale
ruuTh ke jaane vaale bachche
mujh ko jail me.n eidii dene aa.e hai.n

Safdar Saleem Sial
Nazm

inkar

paanii jam kar hu.aa rupahlaa
barf hai lekin sard nahii.n hai
suukhii maaTii par dhundhalkaa
kohraa hogaa gard nahii.n hai
sukh ma.asuum hai chhupaa nahii.n hai
Gam ko.ii bhii fard nahii.n hai
ye sab jo kahtii rahtii huu.n
ye meraa diivaana-pan hai
dard nahii.n hai dard nahii.n hai
dard nahii.n hai dard nahii.n hai
paTTii baa.ndh rakhii unglii par
gahre bhed gayaa thaa nashtar
kahtii rahtii thii vo sab se
haath paka.D par dekh sa.nbhal kar
zaKHm achhuutaa rakh kar chhuu le
hai ko.ii hamdard nahii.n hai
Dar bas zaKHm ke risne kaa hai
dard nahii.n hai dard nahii.n hai
is ko ko.ii chho.D gayaa hai
is ko ko.ii to.D gayaa hai
rishto.n kii diivaar surKH hai
sar ko.ii phir pho.D gayaa hai
to.D gayaa jo chho.D gayaa jo
dil us kaa be-dard nahii.n hai
TuuTe chhuuTe dil ha.nste hai.n
dard nahii.n hai dard nahii.n hai
sab ne sach kaa svaad chakhaa hai
kaun sakhii hai kaun sakhaa hai
silvaT bhar muskaan kaa pardaa
ruKH se ruKH tak o.Dh rakhaa hai
kaaGaz kaa naqlii guldasta
suukhaa hai par zard nahii.n hai
dekho sab hai.n shaad yahaa.n par
kin dhaago.n ne baa.ndhaa ham ko
kin dhaago.n ko baa.ndhaa ham ne
phuul gaa.nTh se baa.ndhii KHushiyaa.n
gaa.nTh se gaa.nTh ko baa.ndhaa Gam ne
gaa.nTh gaThiilaa jiivan saaraa
in gaa.nTho.n kaa mel nahii.n hai
kyo.n suljhaa.e.n kaaT na de.n kyo.n
jaal hai aaKHir jail nahii.n hai
kuchh majbuur hai.n kuchh hai.n aadii
kuchh itne be-dard nahii.n hai.n
haal jo puuchho sab ba.Dhiyaa hai
dard nahii.n hai dard nahii.n hai
dard nahii.n hai dard nahii.n hai

Aarsi
Nazm

taqsim-e-wazarat

minister mujh ko banvaa do KHazaana-jaat kaa maamuu.n
hukuumat hii tumhaarii hai to Dar kis baat kaa maamuu.n
mai.n kab kahtaa huu.n U-S kii safaarat chaahiye mujh ko
KHazaane aur khaane kii vazaarat chaahiye mujh ko
ye merii chiiz hai Gairo.n ko hathiyaane nahii.n duu.ngaa
mai.n custam kaa idaara haath se jaane nahii.n duu.ngaa
zaraa.at me.n bahuu ko sho.aba-e-baaGaat de do tum
aur apnii saas ko bhii jail-KHaana-jaat de do tum
chachii ko media de do chachaa ko railway de do
tumhaaraa jo muKHaalif ho tum us ko jail-way de do
bahut hii kaa.iyaa.n ho jo use c.i.a de do
jo ho sab se nikammaa tum use p.i.a de do
vaziir-e-aab kaa mansab dikhaane ke liye rakh lo
qalam-daan-e-zaraa.at samdhiyaane ke liye rakh lo
minister-health abbaa ko banaa do ab ye suurat hai
bahut biimaar hai.n un ko davaa.o.n kii zaruurat hai
jise piine kii aadat ho use pii kar banaa denaa
jo kuchh bhii ban na paa.e us ko speaker banaa denaa
haj o auqaaf bhii ko.ii vazaarat me.n vazaarat hai
namaaze.n hii namaaze.n hai.n tahaarat hii tahaarat hai
ye ga.ngaa mulk me.n ulTii hii bahnii chaahiye maamuu.n
ye kaabiina hamaare ghar me.n rahnii chaahiye maamuu.n

Khalid Irfan
Nazm

man ki bhul

mulk me.n ik tuufaan bapaa thaa
jai-kaaro.n kaa shor machaa thaa
jail me.n hindostaan bharaa thaa
thaa ik vo bhii zamaana pyaare

Ali Jawad Zaidi
Nazm

mumkin na mumkin

ek ba.ndariyaa sattar laDDuu khaa saktii hai
khaa saktii hai iqraa use khilaa saktii hai
sattar laDDuu
jii haa.n iqraa jail use pahu.nchaa saktii hai

Muzaffar Hanfi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now