Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "laa-mahduud"

Nazm MATCHES FOR "laa-mahduud"

Nazm

waqt-e-murawwat

mirii namaaz ki hai ek saaz-e-laa-faanii
marii namaaz ki hai ek soz-e-laa-mahduud

Josh Malihabadi
Nazm

naqqad

be-haqiiqat nai ke andar zamzama daa.uud kaa
aariz-e-mahduud par ik aks laa-mahduud kaa

Josh Malihabadi
Nazm

nae shahr

gahre shahro.n me.n rahne se vus.at kaa ehsaas miTaa
laa-mahduud KHalaa.o.n kii KHaamoshii kaa
KHauf miTaa

Zahid Dar
Nazm

main intizar karungi

mai.n intizaar karuu.ngii
us vaqt kaa
jab kisii ja.ng me.n mohabbat judaa na hogii
jab mohabbat kaa daa.era laa-mahduud ho jaa.egaa
jab mohabbat
jism kii muhtaaj
nahii.n rahegii
jab tum mujhe
apnaa isti.aara banaa doge
aur mai.n KHud ko tumhaarii tashbiih banaa luu.ngii

Sheerin Ahmad
Nazm

patthar par taswir bana kar

patthar par tasviir banaa kar
paanii me.n chhup jaataa hai
sahraa sahraa KHaak u.Daataa
ja.ngal me.n lahraataa hai
suukhe patto.n ko kha.Dkaataa
sabze se sharmaataa hai
sadiyo.n ke taariik kha.nDar me.n
jab aavaaz lagaataa hai
laa-mahduud KHalaa ke lab par
KHaamoshii ban jaataa hai

Adil Mansuri
Nazm

aalamin

KHvaab hai yaa ko.ii tasavvur hai
ye tavaazun ye fikr kaa miizaan
itnaa gahraa KHamosh aavaaza
har taharruk ba-qadr-e-andaaza
be-hisaarii kaa ye ma.aduum hisaar
kaa.enaato.n kaa be-shumaar shumaar
qulzum-e-be-kanaar kaa aalam
aalamo.n ke Gubaar kaa aalam
kahkashaa.o.n ke haar laa-mahduud
mehr-e-be-iKHtiyaar laa-mahduud
behad-o-be-hisaab sayyaare
daaG be-daaG be-panah taare
aisaa be-ant hai KHalaa kyuu.nkar
ye KHudaa gar hai ye KHudaa hai gar
is haqiiqat kii kyaa haqiiqat hai
juz tasavvur kahaa.n ye vus.at hai

Faisal Azeem
Nazm

tanhai

ye zamii.n ye aasmaa.n ye kaa.enaat
ek laa-mahduud vus.at ek be-ma.anii vajuud
aadmii is abtarii kii ruuh hai
aadmii is maadde kaa zehn hai
abtarii laa-intihaa
maadda-e-laa-intihaa
aadmii mahduud hai
aadmii kaa zehn bhii mahduud hai
ruuh bhii mahduud hai
ye zamii.n ye aasmaa.n ye kaa.enaat
jabr kaa ik silsila
kis tarah samjhuu.n use
karb hai aur ruuh kii tanhaa.iyaa.n
zehn kii KHaamoshiyaa.n
maadde kii chaar diivaarii me.n sar ko pho.Dtaa phirtaa huu.n mai.n
zindagii ke KHatm ho jaane se pahle
raaz paa saktaa nahii.n
aur jab mar jaa.uu.ngaa
raaz kaa ik juzv ban jaa.uu.ngaa mai.n
tab mujhe Dhuu.nDegaa kaun
kaun Dhuu.nDegaa mujhe
aah ye laachaargii bebasii
ek laa-mahduud vus.at ek be-ma.anii vajuud
ye zamii.n ye aasmaa.n ye kaa.enaat

Zahid Dar
Nazm

koi aawaz aati hai

ye jaaduu kii ko.ii bastii hai
yaa mere taKHayyul kii fusuu.n-kaarii
ki mere saamne
ik daa.era-dar-daa.era phailii hu.ii
KHvaabo.n kii duniyaa hai
jahaa.n har aan
rang-o-nuur kii barsaat hotii hai
mirii soche.n mire jazbe miraa ehsaas
ik paikar me.n Dhaltaa hai
ko.ii aavaaz aatii hai
to merii ruuh ke paataal se
lahre.n ubhartii hai.n
mai.n apne bojh se aazaad ho kar
an-kahe lafzo.n ke baatin me.n utartaa huu.n
to laa-mahduud imkaanaat ke manzar ubharte hai.n

Yusuf Khalid
Nazm

nazm

mai.n girvii rakkhii ga.ii aa.nkho.n me.n
basaa KHvaab huu.n
laa-mahduud samundar me.n tairte
jaziiro.n kaa
jahaa.n muhaajir parinde gha.Dii bhar
baseraa karte hai.n
niilguu.n paaniyo.n kaa
saahilo.n ke kinaare
chamaktii ret kaa
vo KHvaab
jo bah nikaltaa hai
namkiin qatre kii suurat
mai.n vo aazaad ruuh huu.n
jo Gulaam jismo.n ke andar
ta.Daptii hai
bhaTaktii phirtii hai
dard se phaTte sar kii
darz se
nikalne ko be-taab hotii hai
mai.n vo mohmal sahiifa huu.n
tah-dar-tah lipTaa hu.aa
jis ke ma.anii kii saltanat
aashkaar nahii.n hotii
magar kitaab pau kii maanind
roz phaTtii hai

Sabeen Ali
Nazm

safar par nikla musafir palaT kar apne ghar ko aa jata hai

safar par niklaa musaafir palaT kar apne ghar ko aa jaataa hai
zamiin daa.ere me.n ghuum kar phir usii maqaam se apne safar kii ibtidaa kartii hai
vaqt ek tez raftaar gho.Daa hai
jo haal ko maazii me.n tabdiil kartaa mustaqbil kii taraf dau.Daa chalaa jaa rahaa hai
kumhaar kaa chaak ghuum rahaa hai
aur
kumhaar ke mashshaaq haath miTTii se muKHtalif paikar taraash rahe hai.n
tahziib-o-tamaddun intihaa ko pahu.nch kar phir apnii ibtidaa ko palaTte hai.n
tumhaarii pasand naa-pasand par tumhaare aslaaf asar-andaaz hai.n
aadmii apne sanskaaro.n se ba.ndhaa hai
ye kaal-chakr
kumhaar kaa ghuumtaa hu.aa pahiya
tumhaarii tahqiiq-e-tajdiid hai tumhaare pahlo.n kii
har mukammal naa-mukammal hai
har taKHliiq
ek tajassus naa-mukammal se mukammal kii taraf
zindagii
ikaa.ii me.n ikaa.ii ke jam.a kaa amal
laa-mahduud tak

Javed Nadeem
Nazm

apna ghar

suuraj chaa.nd sitaare
fazaa kii qaus me.n Ta.nge
hare motii javaahar panne
aasmaano.n kii laa-mahduud KHalaa me.n chamaktii damaktii devtaa.o.n kii mehrbaan nuurii aa.nkhe.n
vahii.n kahii.n
unhii.n ke maabain hai
meraa ghar
mere abbaa kii havelii
jis ke aa.ngan ke KHaamosh be-aavaaz naGme
ziina ziina utar aa.e dhartii par aur
aa jame
mere dil ko KHaalii aur viiraa.n paa kar aur
gahrii aTuuT samaadhii me.n ram kar yugo.n vahii.n baiThe rahe
merii aa.nkho.n kaa nuur-o-suruur
mere kaano.n kaa sangiit
mere ho.nTo.n par machaltii dhune.n
unhii.n kii tausii.a hai.n
masarrat ke nashe me.n
mahak mahak uThte hai.n mere qalb-o-jigar aur
chahak chahak kar gungunaate hai.n
apne aabaa.ii giit
jo mafhuum se maavaraa hai.n
jin me.n dhun to hai
shabd nahii.n
in guu.nge naGmo.n kaa jaaduu
khol detaa hai vo dayaar
jin ke piichhe chhupaa meraa mahbuub
tab se meraa muntazir hai
jab se mai.n us se ruuTh kar zindagii kii talaash-e-bejaa me.n is dhartii par chalaa aaya thaa
phir kisii din
kisii ek mubaarak saa.at me.n jo us ne pahle hii se nirdhaarit kar rakhii hai
janam-janmaantar kii us kii samaadhii TuuTtii hai aur vo aa.nkhe.n kholtaa hai
muskuraa kar merii aa.nkho.n me.n jhaa.nktaa hai
pahchaan liyaa na ham ne tujhe bhago.De
chal ab ghar chale.n

Balraj Verma
Nazm

qurrat-ul-ain-tahira ke liye ek nazm

ai qatiil-e-harf-e-laa
ai maah-e-qazvii.n sun
tire iqbaal kaa marqad charaaG-e-asr thaa
ab taaq-e-nisyaa.n me.n sajaayaa jaa chukaa hai
niil ke saahil se le kar taa-ba-KHaak kaa sher
ik KHvaab thaa shaayad bhulaayaa jaa chukaa hai
aur hamaarii lok-daanish kaa hamaare madraso.n me.n daaKHila mamnuu.a Thahraa hai
zar-e-KHaalis luTaayaa jaa rahaa hai ko.elo.n par saKHt pahraa hai
puraane maabado.n ke taaqcho.n me.n gard u.Dtii hai
gulistaa.n bostaa.n va bulbul-e-shiiraaz bhii yaa.n ajnabii Thahre
mujhe ab kaun puuchhegaa
qatiil-e-harf-e-laa
kaa.enaatii ishaariya
vahaa.n jo kuchh hu.aa hai raushnii mujh ko bataatii hai
yahaa.n jo ho rahaa hai raushnii tum ko bataa.ege
magar ye raushnii aage bhii jaa.egii
har ik shai ko bil-aaKHir nuur ke saa.nche me.n Dhalnaa hai
hame.n bhii do qadam is raushnii ke saath chalnaa hai
ye musht-e-KHaak bhii maqduur-bhar to jagmagaa.egii
mashiyyat muskuraa.egii
magar ye raushnii aage bhii jaa.egii

Kausar Mahmood
Nazm

mera kaghaz kai janmon se safed hai

diyaa bujhaa do
ab a.ndhere se KHatra nahii.n
raushnii ke Dasne kaa
imkaan ziyaada hai
buKHaar kii hiddat me.n bahte vajuud par
ik vajd taarii ho gayaa
ta.Daptii ruuh se ju.Daa laa-shu.uurii haashiya dekh kar
saa.nso.n kii mahak badalne lagii
jism jalne kii badbuu se uktaa.e
kamre kii vahshat mu.nh chhupaa.e
ik kone me.n baiThii aag
sard-guu.n hai
chiiKH kaa dauraaniya
raat ke aaKHirii pahar tak mahduud thaa
KHizaa.o.n kii majmuu.ii hikmat-e-amalii
bahaar shikast khaatii dikhaa.ii dii
din ke saa.e ba.Dhne lage
aur phir phuul ne KHud-kushii kii
jis me.n zindagii kii suu.ii naachtii hai
vo lamha mar gayaa hai
ko.ii qahqaha guu.njtaa hu.aa samaa.ato.n pe thappa.D lagaa
ha.nsne se vahshat bedaar hone lagii
insaanii aavaazo.n kii guu.nj se duur bhaagtii
chanaab kinaare ret par baiThii mai.n
kyaa likhuu.n
siyaahii surKH hai aur
meraa kaaGaz ka.ii janmo.n se safed hai

Omainuz Zahra Sayyad
Nazm

maqsud-ali-diwana

''vo roz-e-azal kaa dohraayaa
hai ik saaya
jis kii ik duniyaa hai apnii
dahshat ke mehvar par gardaa.n
vo duniyaa roz o shab me.n jo taqsiim nahii.n
KHaano.n me.n baTii taqviim nahii.n
jo raaz hai.n ham se maKHfii
us par zaahir hai.n
vo qalb-e-hastii ke andar
ham baahar hai.n
maaduum hai vo maujuud ho tum
vo laa-had hai mahduud ho tum
hastii ke aalam se baalaa
hargiz vo tum se baat nahii.n karne vaalaa

Asif Raza
Nazm

intizar

raat bhar diida-e-namnaak me.n lahraate rahe
saa.ns kii tarah se aap aate rahe jaate rahe
KHush the ham apnii tamannaa.o.n kaa KHvaab aa.egaa
apnaa armaan bar-afganda-naqaab aa.egaa
nazre.n niichii kiye sharmaa.e hu.e aa.egaa
kaakule.n chehre pe bikhraa.e hu.e aa.egaa
aa ga.ii thii dil-e-muztar me.n shakebaa.ii sii
baj rahii thii mire Gam-KHaane me.n shahnaa.ii sii
patiyaa.n kha.Dkii.n to samjhaa ki lo aap aa hii ga.e
sajde masruur ki ma.abuud ko ham paa hii ga.e
shab ke jaage hu.e taaro.n ko bhii nii.nd aane lagii
aap ke aane kii ik aas thii ab jaane lagii
sub.h ne sej se uThte hu.e lii a.ng.Daa.ii
o sabaa! tuu bhii jo aa.ii to akelii aa.ii
mere mahbuub mirii nii.nd u.Daane vaale
mere masjuud mirii ruuh pe chhaane vaale
aa bhii jaa, taaki mire sajdo.n kaa armaa.n nikle
aa bhii jaa, ki tire qadmo.n pe mirii jaa.n nikle

Makhdoom Mohiuddin
Nazm

diwali 1958

diipaavalii aatii hai jo har saal phir aa.ii
paiGaam masarrat kaa jahaa.n ke liye laa.ii
maqsuud hai kuchh jashn bhii kuchh is se bhalaa.ii
barsaat kaa mausam gayaa laazim hai safaa.ii
paiGaam-e-nafaasat hai ba-har-gaam diivaalii

Prem Lal Shifa Dehlvi
Nazm

meri pahli nazm

kyaa bachche suljhe hote hai.n
jab ge.nd se uljhe hote hai.n
vo is liye mujh ko bhaate hai.n
din biite yaad dilaate hai.n
vo kitne hasiin basere the
jab duur Gamo.n se Dere the
jo khel me.n haa.il hotaa thaa
nafriin ke qaabil hotaa thaa
har ik se ulajh kar rah jaanaa
ruk ruk ke bahut kuchh kah jaanaa
ha.ns denaa baato.n baato.n par
barsaat kii kaalii raato.n par
baadal kii subuk-raftaarii par
bulbul kii aah-o-zaarii par
aur sham.a kii lau kii garmii par
parvaano.n kii haT-dharmii par
duniyaa ke dhande kyaa jaane.n
aazaad ye phande kyaa jaane.n
ma.asuum fazaa me.n rahte the
ham to ye samajh hii baiThe the
KHushiyo.n kaa alam anjaam nahii.n
duniyaa me.n KHizaa.n kaa naam nahii.n
maahaul ne khaayaa phir palTaa
naagaah taGayyur aa jhapTaa
aur us kii karam-farmaa.ii se
haalaat kii ik a.ng.Daa.ii se
aa pahu.nche aise be.Do.n me.n
jo le ga.e hame.n thape.Do.n me.n
bachpan ke suhaane saa.e the
saa.e me.n zaraa sustaa.e the
vo daur-e-muqaddas biit gayaa
ye vaqt hii baazii jiit gayaa
ab vaise mire haalaat nahii.n
vo chiiz nahii.n vo baat nahii.n
jiine kaa safar ab duubhar hai
har gaam pe sau sau Thokar hai
vo dil jo ruuh-e-qariina thaa
aashaa.o.n kaa ek KHaziina thaa
is dil me.n nihaa.n ab naale hai.n
taaro.n se ziyaada chhaale hai.n
jo ha.nsnaa ha.nsaanaa hotaa hai
rone ko chhupaanaa hotaa hai
ko.ii Guncha dil me.n khiltaa hai
tho.Daa saa sukuu.n jab miltaa hai
Gam tez qadam phir bhartaa hai
KHushiyo.n kaa ta.aaqub kartaa hai
mai.n sochtaa rahtaa huu.n yuu.nhii
aaKHir ye tafaavut kyaa ma.anii
ye soch ajab ta.Dpaatii hai
aa.ankho.n me.n namii bhar jaatii hai
phir mujh se dil ye kahtaa hai
maazii ko tuu rotaa rahtaa hai
kuchh aa.he.n dabii sii rahne de
kuchh aa.nsuu baaqii rahne de
ye haal bhii maazii honaa hai
is par bhii tujhe kuchh ronaa hai

Anwar Masood
Nazm

bad-hali ki KHud-nawisht

merii paidaa.ish par
qarz-KHvaaho.n ne jashn manaayaa
mujhe
pii l 480 ke daana-e-gandum se baptisma diyaa gayaa
aur
imdaad me.n milne vaale KHushk duudh se merii parvarish kii ga.ii
mujhe
polio kii ja.alii qatre pilaa.e ga.e
aur
kaa.ndhe par jaa.n-nashiinii kii chaadar Daal kar
mujhe
buu.Dhe vaaldain aur chhoTe bahan bhaa.iyo.n kaa kafiil muqarrar kiyaa gayaa
ab
mai.n world bank kaa mahbuub
aur
aa.ii m ef kaa shahzaada huu.n
asian Development bank
merii dastaar-bandii ke liye betaab hai
u s aiD vaale
mujhe apnaa rozii-rasaa.n samajhte hai.n
mai.n maqruuz paidaa hu.aa thaa
aur maqruuz hii maruu.ngaa
merii duty
ab faqat chhe saat maqruuz paidaa karnaa
taaki
is saarif ma.aashre me.n apnaa tashaKHKHus barqaraar rakh sakuu.n
mujhe
an-pa.Dh hone kii sanad-e-imtiyaaz ataa kii ga.ii
taaki mai.n
apne huquuq kii yaad-daasht tahriir na kar sakuu.n
mujhe
intiKHaabaat ke din chhuTTii bhii na dii ga.ii
taaki
mai.n
apnaa vote apnii taqdiir ke haq me.n na Daal sakuu.n

Zahid Masood
Nazm

chunaw

chaar baras ke
maile kuchle
duble-patle la.Dke me.n thii
Gazab kii phurtii
chauraahe par ek taraf kii harii light se
duusrii samt kii laal light tak
bijlii kii tezii se vo aataa jaataa thaa
jo mil jaa.e us ke aage
phailaataa thaa apnii hathelii
jis me.n
KHush-haalii aur lambe jiivan kii
rekhaa.e.n thii.n
chauraahe tak hii mahduud thii us kii duniyaa
jis ko us ne nahii.n chunaa thaa
traffic light ke ird-gard thaa us kaa jiivan
vo bhii us ne nahii.n chunaa thaa
TuuTe pul ke niiche us kaa janam hu.aa thaa
vo bhii us ne nahii.n chunaa thaa
kal shab
traffic light ko to.Dne vaale Truck se dab kar
maut ho ga.ii us kii
vo bhii us ne nahii.n chunii thii

Subodh Lal Saqi
Nazm

jashn-e-azadi

jaanib-e-manzil hamaaraa kaarvaa.n ba.Dhtaa gayaa
amn ke parcham liye hindostaa.n ba.Dhtaa gayaa
ye amiin-e-dostaa.n thaa dushmano.n se be-niyaaz
azm-o-istiqlaal kaa le kar nishaa.n ba.Dhtaa gayaa
har sitam par kii buland is ne sadaa-e-ehtijaaj
ban ke ik paiGambar-e-amn-o-amaa.n ba.Dhtaa gayaa
ahl-e-baatil dekh kar hairat se mu.nh takte rahe
raah-e-haq par be-KHatar baa-izz-o-shaa.n ba.Dhtaa gayaa
ghir ke aafat me.n pukaaraa jab kisii mazluum ne
us kii jaanib ye ba-shakl-e-paasbaa.n ba.Dhtaa gayaa
hai hamaarii manzil-e-maqsuud ta.amiir-e-vatan
kaarvaa.n ab tak hamaaraa kaamraa.n ba.Dhtaa gayaa
muntaKHab ham ne kiyaa thaa ek miir-e-kaarvaa.n
vo ba.Dhaa jis samt har piir-o-javaa.n ba.Dhtaa gayaa
raushnii miltii rahegii sab ko bhaarat se 'shifaa'
amn kii jaanib agar saaraa jahaa.n ba.Dhtaa gayaa

Prem Lal Shifa Dehlvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now