Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mai-kade"

Nazm MATCHES FOR "mai-kade"

Nazm

apni walida ki yaad mein

balaa kaa shor hai ulfat ke mai-kade me.n magar
sharaab miltii hai lekin nasha nahii.n miltaa

JaiKrishn Chaudhry Habeeb
Nazm

hindu musalmanon ka ittihad

jab ek mai-kade ke ho baada-KHvaar dono.n
haa.n chho.D do ye ranjish ban jaa.o yaar dono.n

Chandar Bhan Kaifi Dehelvi
Nazm

payam

nisbat hai mai-kade se ziyaada bhale mujhe
dair-o-haram kaa bhii hai baraabar hii ehtiraam

Sada Ambalvi
Nazm

KHatun-e-mashriq

aaKHir is andaaz par rahmat ko pyaar aa hii gayaa
mai-kade par jhuum kar abr-e-bahaar aa hii gayaa

Josh Malihabadi
Nazm

shahid-e-hurriyat

na chhe.Do qissa-e-jaam-o-subuu ko
bachaa.o mai-kade kii aabruu ko

Shadan Barabankvi
Nazm

dilli se wapsi

dil me.n soz-e-Gam kii ik duniyaa liye jaataa huu.n mai.n
aah tere mai-kade se be-piye jaataa huu.n mai.n

Asrarul Haq Majaz
Nazm

yaum-e-azadi

khulaa hai mai-kade kaa dar aur izn-e-aam hai sab ko
vahaa.n par aaj rindo.n kii qataar andar qataar aa.ii

JaiKrishn Chaudhry Habeeb
Nazm

sharab-o-saqi

ziist raqsaa.n hai ab fazaa.o.n me.n
ghul ga.ii hai sharaab kii buu-baas
mai-kasho kyaa sitam hai aise me.n
mai-kada is qadar udaas udaas

Dharmpal Aaqil
Nazm

afkar-e-pareshan

jo hai tarz-e-baada-kashaa.n yahii jo hai mai-kade kaa samaa.n yahii
KHum-o-shiisha me.n mai-e-laala-guu.n yuu.nhii sa.D rahegii dharii dharii

Amjad Najmi
Nazm

dast-e-saqi se phir ek jam gira

uThaa kiye hai.n yuu.nhii mai-kade se diivaane
ham apne dil pe yuu.nhii daaG sahte aa.e hai.n
ise nazaakat-e-saaGar kaho ki tundi-e-mai
shikast-e-jaam ko ham maut kahte aa.e hai.n

Sabir Aarwi
Nazm

jab kabhi bhi fursat ho

jab kabhii bhii fursat ho
mai-kade me.n aa jaa.o
ham yahaa.n farishto.n ko
aadmii banaate hai.n
mausam-e-bahaaraa.n ho
yaa fasl-e-abr-o-baaraa.n ho
dhuup chilchilaatii ho
yaa havaa ho barfiilii
saath ham-safar le kar
shoKH ho yaa sharmiilii
jab kabhii bhii fursat ho
mai-kade me.n aa jaa.o
ham yahaa.n farishto.n ko
aadmii banaate hai.n
bhuul kar bhii vo bastii
jis jagah siyaasat ho
bhuul kar bhii vo nagrii
jis jagah jahaalat ho
laakh tum ko de.n daavat
bhuul kar bhii mat jaanaa
haa.n agar mile fursat
mai-kade me.n aa jaanaa
ham yahaa.n farishto.n ko
aadmii banaate hai.n
siikh aql kii baate.n
chho.D sab KHuraafaate.n
jhuuT aur nafrat se
kab talak guzar hogii
baat sab se kar siidhii
pyaar aur mohabbat kii
jab KHushii mile us se
jashn hii manaane ko
mai-kade me.n aa jaanaa
ham yahaa.n farishto.n ko
aadmii banaate hai.n
zehn gar pareshaa.n ho
nii.nd gar nahii.n aatii
husn aur javaanii bhii
gar tujhe nahii.n bhaatii
gar nashe kii aadat hai
aur vo nahii.n jaatii
sun to Gaur se bhaa.ii
kyo.n banaa hai balvaa.ii
gar tujhe shikaayat hai
bevafaa zamaane se
Gam Galat hii karne ko
mai-kade me.n aa jaa.o
ham yahaa.n farishto.n ko
aadmii banaate hai.n

Professor Mahmood Alam
Nazm

mashwara

jo aastaa.n ho use sa.ng-e-dar kaa Gam kaisaa
jo KHud safar ho use rahguzar kaa Gam kaisaa
jo KHud yaqii.n ho use vahm-e-intizaam se kyaa
jo KHud hii mai ho use mai-kade ke naam se kyaa

Zehra Nigaah
Nazm

kal aur aaj

shaaKH par ik pe.D kii
do kabuutar maa.il-e-raaz-o-niyaaz
murG-zaaro.n me.n anaadil kii chahak
aarizo.n par laala-zaaro.n kii lahak
har galii me.n zulf-e-mushkii.n kii mahak
maa.ng me.n sinduur kii laalii
ho.nT par KHandaa.n chaman
mai-kade me.n dil ke raqsaa.n
aarzuu.o.n kii dulhan

Alqama Shibli
Nazm

uktahaT

raushnii nahii.n hai duur duur tak
jaa.o mujh ko chho.D do
KHaamushii hai mai-kade se tuur tak
barbato.n ko to.D do
ye udaas raat kii siyaahiyaa.n
nii.nd aa ke Tal ga.ii
ye mire nasiib kii siyaahiyaa.n
sham.a kab kii jal ga.ii
nii.nd hai na chaa.nd hai na jaam hai
pyaas kyaa bujhaa.oge
zindagii kii teG be-niyaam hai
aas kyaa ba.ndhaa.oge
aasmaa.n buland hai to kyaa karuu.n
haa.e merii pastiyaa.n
kaash mai.n tumhe.n kabhii dikhaa sakuu.n
kuchh ujaa.D bastiyaa.n
hasrato.n kaa baaG baaG uja.D gayaa
phuul ab khile.nge kyaa
ek ek ham-safar bichha.D gayaa
dost ab mile.nge kyaa
mish.ale.n nahii.n to ye charaaG kyuu.n
raah bhuul jaa.uu.ngaa
zindagii pe ko.ii taaza daaG kyuu.n
chaah bhuul jaa.uu.ngaa
raushnii nahii.n hai duur duur tak
jaa.o mujh ko chho.D do
KHaamushii hai mai-kade se tuur tak
barbato.n ko to.D do

Qateel Shifai
Nazm

chaara-gar

ik chamelii ke manDve-tale
mai-kade se zaraa duur us mo.D par
do badan
pyaar kii aag me.n jal ga.e
pyaar harf-e-vafaa pyaar un kaa KHudaa
pyaar un kii chitaa
do badan
os me.n bhiigte chaa.ndnii me.n nahaate hu.e
jaise do taaza-rau taaza-dam phuul pichhle-pahar
ThanDii ThanDii subuk-rau chaman kii havaa
sarf-e-maatam hu.ii
kaalii kaalii laTo.n se lapaT garm ruKHsaar par
ek pal ke liye ruk ga.ii
ham ne dekhaa unhe.n
din me.n aur raat me.n
nuur-o-zulmaat me.n
masjido.n ke manaaro.n ne dekhaa unhe.n
mandiro.n ke kivaa.Do.n ne dekhaa unhe.n
mai-kado.n kii daraa.Do.n ne dekhaa unhe.n
az-azal taa-abad
ye bataa chaara-gar
terii zambiil me.n
nusKHa-e-kiimiyaa-e-mohabbat bhii hai
kuchh ilaaj o mudaavaa-e-ulfat bhii hai
ik chamelii ke manDve-tale
mai-kade se zaraa duur us mo.D par
do badan

Makhdoom Mohiuddin
Nazm

maTi kahe kumhaar se

kuuza-gar
roz-o-shab
raqs karte hu.e chaak par
giilii miTTii kaa tuuda huu.n mai.n
teraa zauq-e-nazar
teraa dast-e-hunar
jaisii hai.at mujhe chaahe de
haa.n magar
teraa fan bhii
parakh ke 'amal se nahii.n baalaa-tar
yaad itnaa rahe
kuuza-gar

Shadab Razi
Nazm

walentina

KHalaa me.n u.D rahii hai ik hasiina
hai jis kaa naam T valentinaa
hai jis kii himmat-e-‘aalii ke aage
zamiin-o-aasmaa.n sirf ek ziinaa
faraaz-e-bahr-e-charKH-e-niilguu.n par
vo jab khene lagii apnaa safiinaa
hu.ii sharminda bazm-e-maah-o-anjum
jabiin-e-vaqt par aayaa pasiinaa
jo aayaa rashk us par mushtarii ko
hu.aa paidaa dil-e-zohra me.n kiina
lagii ik Thes goyaa kahkashaa.n ko
chhalak pa.Dtaa thaa us kaa aabgiinaa
zamii.n kyaa aasmaa.n ke mai-kade me.n
khanakne lag ga.e ab jaam-o-miinaa
jo marne se kabhii Darte nahii.n hai.n
unhii.n ko bas yahaa.n aataa hai jiinaa
chamaktaa hai jahaa.n me.n naam un kaa
ki ho jaise a.nguuThii me.n nagiina
khule hai.n mai-kade sab KHum-kade bhii
magar aataa kahaa.n hai ham ko piinaa
hamii.n hai.n is KHaraabaat-e-jahaa.n me.n
qariine se hu.e jo be-qariina

Amjad Najmi
Nazm

lao to qatl-nama mera

sun.ne ko bhii.D hai sar-e-mahshar lagii hu.ii
tohmat tumhaare ishq kii ham par lagii hu.ii
rindo.n ke dam se aatish-e-mai ke baGair bhii
hai mai-kade me.n aag baraabar lagii hu.ii
aabaad kar ke shahr-e-KHamoshaa.n har ek suu
kis khoj me.n hai teG-e-sitam-gar lagii hu.ii
aaKHir ko aaj apne lahuu par hu.ii tamaam
baazii miyaan-e-qaatil-o-KHanjar lagii hu.ii
''laa.o to qatl-naama miraa mai.n bhii dekh luu.n
kis kis kii mohr hai sar-e-mahzar lagii hu.ii''

Faiz Ahmad Faiz
Nazm

ghazal kya hai

hai Gazal me.n zindagii se guftuguu
kahte hai.n urdu kii hai ye aabruu
haa.n Gazal me.n aashiqii kaa aks hai
mai-kade kii raushnii kaa aks hai
sher is ke yaad rakkhe jaate hai.n
bachcho ye har ik ke dil ko bhaate hai.n
'miir'-o-'Gaalib' kii Gazal mash.huur hai
is me.n ishq-o-falsafa kaa nuur hai
hai Gazal hindii me.n iiraanii me.n hai
ik nasha saa is ke shero.n hii me.n hai
sher Gazlo.n kaa har ik aazaad hai
husn aur hikmat se jo aabaad hai
nazm par bachcho Gazal bhaarii hu.ii
is kii shohrat ba.Dh rahii hai aaj bhii
ban ke kyo.n bachcho.n kaa shaa.ir hii rahuu.n
ab Gazal 'haafiz' ko.ii achchhii kahuu.n

Hafiz Karnataki
Nazm

sachchi baaton se khaDe sarkar ke hote hain kan

sachchii baato.n se kha.De sarkaar ke hote hai.n kaan
dhiire dhiire boliye diivaar ke hote hai.n kaan
diijiye mujh ko sazaa paiGaambar kaa kyaa qusuur
garm kyo.n us mujrim-e-guftaar ke hote hai.n kaan
baaG me.n Guncha jo chaTkaa mai.n KHushii se phuul uThaa
aashnaa kitne sadaa-e-yaar ke hote hai.n kaan
mai-kade me.n kyo.n na KHaalii jaa.e phir vaa.iz kii baat
jab bhare pahle se har mai-KHvaar ke hote hai.n kaan
daaG siine ke na dikhlaa naala-e-pur-shor kar
mu.nh pe aa.nkho.n kii jagah sarkaar ke hote hai.n kaan
puuchhtaa 'faaruuq' shaiKH-e-madrasa miltaa agar
band kyaa har saahab-e-dastaar ke hote hai.n kaan

Shameem Farooq Banspari
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now