Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mai-kash"

Nazm MATCHES FOR "mai-kash"

Nazm

KHumistan-e-azal ka saqi

pahu.nchtaa hai har ik mai-kash ke aage daur-e-jaam us kaa
kisii ko tishna-lab rakhtaa nahii.n hai lutf-e-aam us kaa
gavaahii de rahii hai us kii yaktaa.ii pe zaat us kii
du.ii ke naqsh sab jhuuTe hai.n sachchaa ek naam us kaa
har ik zarra fazaa kaa daastaan us kii sunaataa hai
har ik jho.nkaa havaa kaa aa ke detaa hai payaam us kaa
mai.n us ko ka.aba-o-but-KHaana me.n kyuu.n Dhuu.nDne nikluu.n
mire TuuTe hu.e dil hii ke andar hai qayaam us kaa
mirii uftaad kii bhii mere haq me.n us kii rahmat thii
ki girte girte bhii mai.n ne liyaa daaman hai thaam us kaa
vo KHud bhii be-nishaa.n hai zaKHm bhii hai.n be-nishaa.n us ke
diyaa hai is ne jo charkaa nahii.n hai iltiyaam us kaa
na jaa us ke tahammul par ki hai ab Dhab giraft us kii
Dar us kii der-giirii se ki hai saKHt intiqaam us kaa

Zafar Ali Khan
Nazm

allah allah

ye mai-kash hai.n yaa raazdaaraan-e-‘aalam
ki har jaam hai jaam-e-jam allaah allaah

Masoom Sharqi
Nazm

kaif

na ab mai hai na mai-kash hai na saaqii hai na mai-KHaana
piye jaataa hai lekin ko.ii paimaana-ba-paimaana

Ashraf Baqri
Nazm

sharab-o-saqi

mai-kashii chho.Dnaa nahii.n mumkin
kaun hai mujh ko Tokne vaalaa

Dharmpal Aaqil
Nazm

dar-o-rasan

hazaaro.n zulf-e-parii-vash ke yaa.n the saudaa.ii
hazaaro.n mai-kash-o-mai-KHvaar-o-mast-o-sahbaa.ii

Mohammad Ali Tishna
Nazm

raat ki rani

marmarii.n rang subuk jism dahan chhoTaa saa
lambii gardan kisii mai-kash kii suraahii jaise
shaaKH-e-naazuk pe chamaktaa hai shab-e-rangii.n me.n
kisii TuuTe hu.e taare kii tajallii jaise

Salam Sandelvi
Nazm

night school

ahl-e-daanish bhii luTaa.e.nge basiirat ke jaam
ilm-o-idraak ke pyaaso.n pe talab-gaaro.n par
mahfil-e-rang jamaa.e.nge hunar se mai-kash
hogii saaqii kii inaayat bhii gunahgaaro.n par

Ishrat moin Seemaa
Nazm

salam logo

gulo.n kii vaadii lahuu lahuu hai
fuGaa.n kii aavaaz chaar-suu hai
hai.n is qadar tishna-kaam mai-kash
har ek lab par subuu subuu hai
nishaan-e-manzil hai khoyaa khoyaa
luTaa luTaa shahr-e-aarzuu hai

Habib Jalib
Nazm

meri dua

gulshan kaa taqaazaa hai ki mai-KHaana banaa de
mai-KHaana me.n ik mahfil-e-rindaana banaa de
mai-kash ko.ii mai pii ke mujhe degaa du.aa.e.n
ai saaqii-e-fitrat mujhe paimaana banaa de
aashiq huu.n mujhe aql mu.aafiq nahii.n aatii
behtar to yahii hai mujhe diivaana banaa de
ulfat miraa sarmaaya-e-hastii ho KHudaayaa
furqat ko miTaa kar use afsaana banaa de
mai.n soKHta-jaa.n soz-e-mohabbat kaa tamaashaa
duniyaa ko dikhaa duu.n mujhe parvaana banaa de
but-gar bhii tuu KHud but bhii tuu but-KHaana bhii tuu hai
but ban ke mire siina ko but-KHaana banaa de
gar nazar-e-inaayat ho 'purii' par to du.aa hai
duniyaa kii havas se ise begaana banaa de

Narayan Das Puri
Nazm

mere baghair

un kii mahfil aur jashn-e-mai-kashii mere baGair
dushmano.n kii aarzuu bar aa.egii mere baGair
haa.e kal kaisii gha.Dii aa jaa.egii mere baGair
tum karoge bazm me.n saaqii-garii mere baGair
ai mirii naakaamiyo aa.o lipaT jaa.o mujhe
tum bhii kal be-aasraa ho jaa.ogii mere baGair
mai.n ne har mahfil me.n ho.nTo.n pe sajaayaa hai use
kis ke mu.nh jaa kar lagegii tishnagii mere baGair
kal kise chhe.Doge mu.nh bhar bhar ke kosoge kise
muzmahil hogii tumhaarii barhamii mere baGair
mai.n ne siine se lagaayaa us ko saarii zindagii
Thokare.n khaatii phiregii be-kasii mere baGair
pa.D rahii thii.n KHud mire uupar mirii parchhaa.iyaa.n
kis ke ghar jaa kar basegii tiirgii mere baGair
kitne Gam palte the merii ik akelii jaan par
gardish-e-dauraa.n kii mahfil luT ga.ii mere baGair
haal kyaa hai ko.ii itnaa puuchhne vaalaa nahii.n
sar chhupaatii phir rahii hai be-kalii mere baGair
mai.n to 'kaamil' chain se huu.n maut kii aaGosh me.n
KHaak u.Daatii phir rahii hai zindagii mere baGair

Kamil Chandpuri
Nazm

justuju

haqiiqat kaa taqaazaa hai ho dil ko justujuu pahle
husuul-e-mudda.aa ko chaahiye kuchh aarzuu pahle
nigaahe.n KHud hii aa.e.ngii chaman me.n bahr-e-nazzaara
tire gulshan ke phuulo.n me.n magar ho ra.ng-o-buu pahle
agar shiishe me.n sahbaa hai to mai-kash mil hii jaa.e.nge
muhayyaa mai-kade me.n chaahiye jaam-o-subuu pahle
samaa jaa.egaa surma ban ke KHilqat kii nigaaho.n me.n
tuu apnii zaat me.n paidaa kare gar aabruu pahle
hare ho jaa.e.nge ik din tirii ummiid ke buuTe
chaman me.n aa.nsuu.o.n kii tuu bahaa de aabjuu pahle
garebaa.n chaak ho majnuu.n-sifat gar shauq-e-lailaa hai
phiraa kar dasht-e-vahshat me.n misaal-e-qais tuu pahle
KHudii ko gar miTaa.egaa KHudaa bhii mil hii jaa.egaa
uThaayaa chaahiye dil se hijaab-e-maa-o-tuu pahle
zaruurii hai ki khul jaa.e.n qubuuliyyat ke darvaaze
du.aa.o.n ko 'purii' dil se nikalne kii ho KHuu pahle

Narayan Das Puri
Nazm

josh-e-gul

vo mausam hai ki KHuubaan-e-chaman bante-sa.nvarte hai.n
ye aalam hai ki jaise rang tasviiro.n me.n bharte hai.n
hai KHvaabiida jo sabza aa.ina-KHaane me.n shabnam ke
nafas-duzdiida baad-e-sub.h ke jho.nke guzarte hai.n
par-e-tuutii pe hotaa hai dum-e-taa.uus kaa dhokaa
havaa se u.D ke barg-e-gul jo sabze par bikharte hai.n
milaa hai sabza-e-nau-KHez ko kyaa ra.ng-e-za.ngaarii
havaa lagne se jis kii zaKHm-e-dil laala ke bharte hai.n
shaguufa-rez ho kar Daaliyaa.n mad.hosh kartii hai.n
ki mai-kash jaante hai.n taaq se shiishe utarte hai.n
nazaakat se adaa se jhuum kar kahtii hai shaaKH-e-gul
yuu.nhii ik jaam pii kar rang masto.n ke nikharte hai.n
bashaashat kah rahii hai chehra-e-gul kii idhar dekho
yuu.nhii mahfil me.n ha.ns dete hai.n paimaane jo bharte hai.n
chaman kii ba.Dh ke shaaKHe.n abr se kartii hai.n gul-baazii
gulo.n kii aa.ina-daarii par-e-taa.uus karte hai.n
gumaa.n hotaa hai kii lashkar-kushii baad-e-bahaarii ne
zirah-posh aab ho jaataa hai jab baadal guzarte hai.n
dam-e-sub.h-e-bahaarii hai ruKH-e-KHur par naqaab-afgan
kisii aa.iine par taar-e-nafas jaise bikharte hai.n
vahii.n jaa kar thamegaa kaarvaan-e-laala-o-gul bhii
nasiim-e-sub.h ke jho.nke jahaa.n jaa kar Thaharte hai.n
nihaalaan-e-chaman kar le.nge qabza saare aalam par
vahaa.n se phir nahii.n haTte jahaa.n pe paa.nv dharte hai.n
zamii.n par jaal phailaayaa hai koso.n zulf-e-sumbul ne
anaadil in dino.n aate hu.e gulshan me.n Darte hai.n
javaab-e-jashn-e-jam hai garmi-e-ha.ngaama-e-gulshan
ki le kar kashtii-e-mai taKHt pariyo.n ke utarte hai.n
anaadil mil chuke hai.n KHaak me.n jo kyaa KHabar un ko
ki shaaKHe.n jhuumtii hai.n phuul turbat par bikharte hai.n

Nazm Tabatabai
Nazm

ek jila-watan ki wapsi

phir KHabar garm hai vo jaan-e-vatan aataa hai
phir vo zindaanii-e-zindaan-e-vatan aataa hai
vo KHaraab-e-gul-o-raihaan-e-vatan aataa hai
misr se yuusuf-e-kan.aan-e-vatan aataa hai
''ko.ii ma.ashuuq ba-sad-shaukat-o-naaz aataa hai
surKH bairaq hai samundar me.n jahaaz aataa hai''
ri.nd-e-be-kaif ko thii baada-o-saaGar kii talaash
naazir-e-manzar-e-fitrat ko thii manzar kii talaash
ek bha.nvre ko KHizaa.n me.n thii gul-e-tar kii talaash
KHud sanam-KHaana-e-aazar ko thii aazar kii talaash
muzhda ai dost ki vo jaan-e-bahaar aa pahu.nchaa!
apne daaman me.n liye barq-o-sharaar aa pahu.nchaa!
apnaa parcham vo kuchh is andaaz se lahraataa hai
ra.ng aGyaar ke chehro.n se u.Daa jaataa hai
ko.ii shaadaa.n, ko.ii hairaa.n, ko.ii sharmaataa hai
kaun ye saahil-e-mashriq pe nazar aataa hai
apne maiKHaane kaa ik mai-kash-e-behaal hai ye
haa.n vahii mard-e-javaa.n-baKHt o javaa.n-saal hai ye
mard-e-sarkash tujhe aadam kii kahaanii kii qasam
ruuh-e-insaa.n ke taqaazaa-e-nihaanii kii qasam
jazba-e-aish kii har shorish-e-faanii kii qasam
tujh ko apnii isii bad-mast javaanii kii qasam
aa ki ik baar gale se to lagaa le.n tujh ko
apne aaGosh-e-mohabbat me.n uThaa le.n tujh ko
nutq to ab bhii hai par shola-fishaa.n hai ki nahii.n
soz-e-pinhaa.n se tirii ruuh tapaa.n hai ki nahii.n
tujh pe ye baar Gulaamii kaa giraa.n hai ki nahii.n
jism me.n KHuun javaanii kaa ravaa.n hai ki nahii.n
aur agar hai to phir aa tere parastaar hai.n ham
jins-e-aazaadii-e-insaa.n ke KHariidaar hai.n ham
saaqii o rind tire hai.n mai-e-gulfaam tirii
uTh ki aasuuda hai phir hasrat-e-naakaam tirii
barhaman tere hai.n kul millat-e-islaam tirii
sub.h-e-kaashii tirii, sa.ngam kii hasii.n shaam tirii
dekh shamshiir hai ye saaz hai ye jaam hai ye
tuu jo shamshiir uThaa le to ba.Daa kaam hai ye
dekh badlaa nazar aataa hai gulistaa.n kaa samaa.n
saaGar o saaz na le, ja.ng ke na.are hai.n yahaa.n
ye du.aa.e.n hai.n vo mazluum kii aaho.n kaa dhu.aa.n
maa.il-e-ja.ng nazar aataa hai har mard-e-javaa.n
sarfaroshaan-e-balaa-kash kaa sahaaraa ban jaa
uTh aur aflaak-e-baGaavat kaa sitaaraa ban jaa

Asrarul Haq Majaz
Nazm

taswir o tasawwur

vo kab ke aa.e bhii aur ga.e bhii nazar me.n ab tak samaa rahe hai.n
ye chal rahe hai.n, vo phir rahe hai.n, ye aa rahe hai.n vo jaa rahe hai.n
vahii qayaamat hai qadd-e-baalaa vahii hai suurat, vahii saraapaa
labo.n ko jumbish, nigah ko larzish, kha.De hai.n aur muskuraa rahe hai.n
vahii lataafat, vahii nazaakat, vahii tabassum, vahii tarannum
mai.n naqsh-e-hirmaa.n banaa hu.aa thaa vo naqsh-e-hairat banaa rahe hai.n
KHiraam ra.ngii.n, nizaam ra.ngii.n, kalaam ra.ngii.n, payaam ra.ngii.n
qadam qadam par, ravish ravish par na.e na.e gul khilaa rahe hai.n
shabaab ra.ngii.n, jamaal ra.ngii.n, vo sar se paa tak tamaam ra.ngii.n
tamaam ra.ngii.n bane hu.e hai.n, tamaam ra.ngii.n banaa rahe hai.n
tamaam ra.anaa.iyo.n ke maz.har, tamaam ra.ngiiniyo.n ke manzar
sambhal sambhal kar simaT simaT kar sab ek markaz par aa rahe hai.n
bahaar-e-ra.ng-o-shabaab hii kyaa sitaara o maahtaab hii kyaa
tamaam hastii jhukii hu.ii hai, jidhar vo nazre.n jhukaa rahe hai.n
tuyuur sarshaar-e-saaGar-e-mul halaak-e-tanviir-e-laala-o-gul
sab apnii apnii dhuno.n me.n mil kar ajab ajab giit gaa rahe hai.n
sharaab aa.ankho.n se Dhal rahii hai, nazar se mastii ubal rahii hai
chhalak rahii hai uchhal rahii hai, piye hu.e hai.n pilaa rahe hai.n
KHud apne nashshe me.n jhuumte hai.n, vo apnaa mu.nh aap chuumte hai.n
KHaraab-e-mastii bane hu.e hai.n, halaak-e-mastii banaa rahe hai.n
fazaa se nashsha baras rahaa hai, dimaaG phuulo.n me.n bas rahaa hai
vo kaun hai jo taras rahaa hai? sabhii ko mai-kash pilaa rahe hai.n
zamiin nashsha, zamaan nashsha, jahaan nashsha, makaan nashsha
makaan kyaa? laa-makaan nashsha, Dubo rahe hai.n pilaa rahe hai.n
vo ruu-e-ra.ngii.n o mauja-e-yam ki jaise daamaan-e-gul pe shabnam
ye garmii-e-husn kaa hai aalam, araq araq me.n nahaa rahe hai.n
ye mast bulbul bahak rahe hai.n, qariib-e-aariz chahak rahe hai
gulo.n kii chhaatii dha.Dak rahii hai, vo dast-e-ra.ngii.n ba.Dhaa rahe hai.n
ye mauj-o-dariyaa, ye reg-o-sahraa ye Guncha-o-gul, ye maah-o-anjum
zaraa jo vo muskuraa diye hai.n vo sab ke sab muskuraa rahe hai.n
fazaa ye naGmo.n se bhar ga.ii hai ki mauj-e-dariyaa Thahar ga.ii hai
sukuut-e-naGma banaa hu.aa hai, vo jaise kuchh gungunaa rahe hai.n
ab aage jo kuchh bhii ho muqaddar, rahegaa lekin ye naqsh dil par
ham un kaa daaman paka.D rahe hai.n, vo apnaa daaman chhu.Daa rahe hai.n
ye ashk jo bah rahe hai.n paiham, agarche sab hai.n ye haasil-e-Gam
magar ye ma.aluum ho rahaa hai, ki ye bhii kuchh muskuraa rahe hai.n
zaraa jo dam bhar ko aa.nkh jhapkii, ye dekhtaa huu.n na.ii tajallii
tilism suurat miTaa rahe hai.n, jamaal ma.anii banaa rahe hai.n
KHushii se labrez shash-jihat hai, zabaan par shor-e-tahniyat hai
ye vaqt vo hai 'jigar' ke dil ko vo apne dil se milaa rahe hai.n

Jigar Moradabadi
Nazm

jaun-eliya se aaKHri mulaqat

vo ek tarz-e-suKHan kii KHushbuu
vo ek mahkaa hu.aa takallum
labo.n se jaise gulo.n kii baarish
ki jaise jharnaa saa gir rahaa ho
ki jaise KHushbuu bikhar rahii ho
ki jaise resham ulajh rahaa ho
ajab balaaGat thii guftuguu me.n
ravaa.n thaa dariyaa fasaahato.n kaa
vo ek maktab thaa aagahii kaa
vo ilm-o-daanish kaa mai-kada thaa
vo qalb aur zehn kaa tasaadum
jo guftuguu me.n ravaa.n-davaa.n thaa
vo us ke alfaaz kii ravaanii
vo us kaa ruk ruk ke baat karnaa
vo sho.ala-e-lafz aur ma.aanii
kahii.n lapaknaa kahii.n Thaharnaa
Thahar ke phir vo kalaam karnaa
bahut se jazbo.n kii parda-daarii
bahut se jazbo.n ko aam karnaa
jo mai.n ne puuchhaa
guzishta shab ke mushaa.ere me.n bahut se shaidaa.ii muntazir the
mujhe bhii ye hii pata chalaa thaa ki aap tashriif laa rahe hai.n
magar hu.aa kyaa
zaraa tavaqquf ke baa'd bole nahii.n gayaa mai.n
na jaa sakaa mai.n
suno hu.aa kyaa
mai.n KHud ko maa.il hii kar na paayaa
ye merii haalat merii tabii.at
phir us pe merii ye bad-mizaajii-o-bad-havaasii
ye vahshat-e-dil
miyaa.n haqiiqat hai ye bhii sun lo ki ab hamaare mushaa.ere bhii
nahii.n hai.n un vahshato.n ke haamil
jo merii taqdiir ban chukii hai.n
jo merii tasviir ban chukii hai.n
jo merii taqsiir ban chukii hai.n
phir ik tavaqquf
ki jis tavaqquf kii kaifiyat par garaa.n samaa.at guzar rahii thii
us ek saa.at kaa haath thaame ye ik vazaahat guzar rahii thii
adab-farosho.n ne jaahilo.n ne mushaa.ere ko bhii ik tamaasha banaa diyaa hai
Gazal kii taqdiis luuT lii hai adab ko mujraa banaa diyaa hai
suKHan-varo.n ne bhii jaane kyaa kyaa hamaare hisse me.n rakh diyaa hai
sitam to ye hai ki chiiKH ko bhii suKHan ke zumre me.n rakh diyaa hai
ilaahii tauba
samaa.ato.n me.n KHaraashe.n aane lagii hai.n ab aur shigaaf zehno.n me.n pa.D ga.e hai.n
miyaa.n hamaare qadam to kab ke zamii.n me.n KHiffat se ga.D ga.e hai.n
KHamoshiyo.n ke dabiiz kohre se chand lamho.n kaa phir guzarnaa
vo jaise KHud ko udaasiyo.n ke samundaro.n me.n talaash karnaa
vo jaise phir surma.ii ufuq par sitaare alfaaz ke ubharnaa
ye zindagii se jo be-niyaazii hai kis liye hai
ye roz-o-shab kii jo bad-havaasii hai kis liye hai
bas itnaa samjho
ki KHud ko barbaad kar chukaa huu.n
suKHan to aabaad KHair kyaa ho
magar jahaa.n dil dha.Dak rahe ho.n vo shahr aabaad kar chukaa huu.n
bachaa hii kyaa hai
thaa jis ke aane kaa KHauf mujh ko vo ek saa.at guzar chukii hai
vo ek saf.ha ki jis pe likkhaa thaa zindagii ko vo kho chukaa hai
kitaab-e-hastii bikhar chukii hai
pa.Dhaa thaa mai.n ne bhii zindagii ko
magar tasalsul nahii.n thaa us me.n
idhar-udhar se yahaa.n vahaa.n se ajab kahaanii ga.Dhii ga.ii thii
samajh me.n aa.ii na is liye bhii ke darmiyaa.n se pa.Dhii ga.ii thii
samajhtaa kaise
na falsafii mai.n na ko.ii aalim
uquubato.n ke safar pe niklaa mai.n ik sitaara huu.n aagahii kaa
ajal ke haatho.n me.n haath Daale ik isti.aara huu.n zindagii kaa
itaab naazil hu.aa hai jis par mai.n vo hii ma.atuub aadmii huu.n
sitamgaro.n ko talab hai jis kii mai.n vo hii matluub aadmii huu.n
kabhii mohabbat ne ye kahaa thaa mai.n ek mahbuub aadmii huu.n
magar vo zarb-e-jafaa pa.Dii hai ki ek mazruub aadmii huu.n
mai.n ek bekal saa aadmii huu.n bahut hii bojhal saa aadmii huu.n
samajh rahii hai ye duniyaa mujh ko mai.n ek paagal saa aadmii huu.n
magar ye paagal ye niim-vahshii KHirad ke maaro.n se muKHtalif hai
jo kahnaa chaahaa thaa kah na paayaa
kahaa gayaa jo use ye duniyaa samajh na paa.ii
na baat ab tak kahii ga.ii hai
na baat ab tak sunii ga.ii hai
sharaab-o-sh.er-o-shu.uur kaa jo ik ta'alluq hai us ke baare me.n raa.e kyaa hai
sunaa hai ham ne ki aap par bhii bahut se fatve lage hai.n lekin
sharaab-noshii haraam hai to
ye mas.ala bhii ba.Daa ajab hai
mai.n ek mai-kash huu.n ye to sach hai
magar ye mai-kash kabhii kisii ke lahuu se sairaab kab hu.aa hai
hamesha aa.nsuu piye hai.n us ne hamesha apnaa lahuu piyaa hai
ye bahs chho.Do haraam kyaa hai halaal kyaa hai azaab kyaa hai savaab kyaa hai
sharaab kyaa hai
aziyyato.n se najaat hai ye hayaat hai ye
sharaab-o-shab aur shaa.irii ne ba.Daa sahaaraa diyaa hai mujh ko
sambhaal rakkhaa sharaab ne aur rahii hai mohsin ye raat merii
isii ne mujh ko diye dilaase sunii hai is ne hii baat merii
hamesha mere hii saath jaagii hamesha mere hii saath so.ii
mai.n KHush hu.aa to ye muskuraa.ii mai.n ro diyaa to ye saath ro.ii
ye sher-go.ii hai KHud-kalaamii kaa ik zariiya
isii zariiye isii vasiile se mai.n ne KHud se vo baate.n kii hai.n
jo duusro.n se mai.n kah na paayaa
haraam kyaa hai halaal kyaa hai ye sab tamaashe hai.n muftiyo.n ke
ye saare fitne hai.n maulvii ke
haraam kar dii thii KHud-kushii bhii ki apnii marzii se mar na paa.e
ye mai-kashii bhii haraam Thahrii ki ham ko apnaa lahuu bhii piine kaa haq nahii.n hai
ki apnii marzii se ham ko jiine kaa haq nahii.n hai
kise bataa.e.n
zamiir-o-zarf-e-bashar pe mauquuf hai.n masaa.il
samundaro.n me.n u.nDel jitnii sharaab chaahe
na harf paanii pe aa.egaa aur na us kii taqdiis KHatm hogii
to mai-kashii ko haraam kahne se pahle dekho
ki piine vaale kaa zarf kyaa hai hai.n kis ke haatho.n me.n jaam-o-miinaa
ye nukta-sanjii ye nukta-daanii jo maulvii kii samajh me.n aatii to baat bantii
na diin-o-maz.hab ko jis ne samjhaa na jis ne samjhaa hai zindagii ko
tahuuraa piine kii baat kar ke haraam kahtaa hai mai-kashii ko
jo diin-o-maz.hab kaa zikr aayaa to mai.n ne puuchhaa
ki is havaale se raa.e kyaa hai
ye KHud-parastii KHudaa-parastii ke darmiyaa.n kaa jo faasla hai
jo ik KHalaa hai ye kyaa balaa hai
ye diin-o-maz.hab faqat kitaabe.n
ba-juz kitaabo.n ke aur kyaa hai
kitaabe.n aisii jinhe.n samajhne kii koshishe.n kam hai.n aur ziyaada pa.Dhaa gayaa hai
kitaabe.n aisii ki aam insaa.n ko in ke pa.Dhne kaa haq hai lekin
inhe.n samajhne kaa haq na hargiz diyaa gayaa hai
ki in kitaabo.n pe diin-o-maz.hab ke Thekedaar ijaara-daaro.n kii dastaras hai
isii liye to ye diin-o-maz.hab fasaad-o-fitna bane hu.e hai.n
ye diin-o-maz.hab
jo ilm-o-hikmat ke saath ho to sukuun hogaa
jo dastaras me.n ho jaahilo.n kii junuun hogaa
ye ishq kyaa hai ye husn kyaa hai
ye zindagii kaa javaaz kyaa hai
ye tum ho jii jii ke mar rahe ho ye mai.n huu.n mar mar ke jii rahaa huu.n
ye raaz kyaa hai
hai kyaa haqiiqat majaaz kyaa hai
sivaa.e KHvaabo.n ke kuchh nahii.n hai
ba-juz saraabo.n ke kuchh nahii.n hai
ye ik safar hai tabaahiyo.n kaa udaasiyo.n kii ye rahguzar hai
na is ko duniyaa kaa ilm ko.ii na is ko apnii ko.ii KHabar hai
kabhii kahii.n par nazar na aa.e kabhii har ik shai me.n jalva-gar hai
kabhii ziyaa.n hai kabhii zarar hai
na KHauf is ko na kuchh KHatar hai
kabhii KHudaa hai kabhii bashar hai
hu.aa haqiiqat se aashnaa to ye suu-e-daar-o-rasan gayaa hai
kabhii ha.nsaa hai ye zer-e-KHanjar kabhii ye suulii pe ha.ns diyaa hai
kabhii ye gulnaar ho gayaa hai sinaa.n pe guftaar ho gayaa hai
kabhii hu.aa hai ye Garq-e-dariyaa
kabhii ye taqdiir-e-dasht-o-sahraa
raqam hu.aa hai ye aa.nso.o.n me.n
kabhii lahuu ne hai is ko likkhaa
hikaayat-e-dil hikaayat-e-jaa.n hikaayat-e-zindagii yahii hai
agar saliiqe se likkhii jaa.e ibaarat-e-zindagii yahii hai
ye husn hai us dhanak kii suurat
ki jis ke ra.ngo.n kaa falsafa hii kabhii kisii par nahii.n khulaa hai
ye falsafa jo fareb-e-paiham kaa silsila hai
ki is ke ra.ngo.n me.n ik ishaara hai be-ruKHii kaa
ik isti.aara hai zindagii kaa
kabhii alaamat hai shoKHiyo.n kii
kabhii kinaaya hai saadgii kaa
badalte mausam kii kaifiyat ke hai.n rang pinhaa.n isii dhanak me.n
kashish sharaarat-o-jaazbiyyat ke shoKH ra.ngo.n ne is dhanak ko ajiib paikar ataa kiyaa hai ik aisaa manzar ataa kiyaa hai
ki jis ke sehr-o-asar me.n aa kar
lahuu bahut aa.nkhe.n ro chukii hai.n bahut to biinaa.ii kho chukii hai.n
basaarte.n kyaa basiirate.n bhii to aql-o-daanaa.ii kho chukii hai.n
na jaane kitne hii rang maKHfii hai.n is dhanak me.n
bas ek ra.ng-e-vafaa nahii.n hai.n
is ek ra.ngat kii aarzuu ne lahuu rulaayaa hai aadmii ko
yahii bataayaa hai aagahii ko
ye ik chhalaavaa hai zindagii kaa
hasiin dhoka hai zindagii kaa
magar muqaddar hai aadmii kaa
fareb-e-gandum samajh me.n aayaa to mai.n ne jaanaa
ye ishq kyaa hai ye husn kyaa hai
ye ek laGzish hai jis ke dam se hayaat-e-nau kaa bharam khulaa hai

Tariq Qamar
Nazm

kaif-o-rang

ye mai ye fazaa.e.n ye junuu.n-rez nazaare
ai kaash mujhe ko.ii hasii.n lai me.n pukaare
e.ajaaz hai.n sab merii hii taKH.iil-e-hasii.n kaa
jannat ke nazaare ho.n ki dozaKH ke sharaare
ye kaun mirii ruuh kii gahraa.ii me.n jhuumaa
ye kis ne mire big.De hu.e baal sa.nvaare
kab tak na bahaa.egaa mire haal pe aa.nsuu
o merii mohabbat ke chamakte hu.e taare
barsaataa hu.aa phuul tabassum ke nazar se
aa dil ke shivaale me.n javaanii ko ubhaare
'najma' na gunaahgaar kahii.n mujh ko banaa de
ye bahkii hu.ii raat ye ha.nste hu.e taare

Najma Tasadduq
Nazm

ishrat-e-tanhai

kitne dil-kash mire but-KHaan-e-iimaa.n ke sanam
vo kaliisaa.o.n ke aahuu vo gazaalaan-e-haram
mai.n hama-shauq-o-mohabbat vo hama-lutf-o-karam
markaz-e-marhamat-e-mahfil-e-KHuubaa.n huu.n mai.n

Asrarul Haq Majaz
Nazm

ek raqqasa ko dekh kar

is daur-e-mai-kashii me.n kise hosh thaa 'habiib'
kab aa.ii aur kab vo pilaatii chalii ga.ii

JaiKrishn Chaudhry Habeeb
Nazm

dilli se wapsi

yaad aa.egii mujhe be-tarah yaad aa.egii tuu
ain vaqt-e-mai-kashii aa.nkho.n me.n phir jaa.egii tuu

Asrarul Haq Majaz
Nazm

uktahaT

raushnii nahii.n hai duur duur tak
jaa.o mujh ko chho.D do
KHaamushii hai mai-kade se tuur tak
barbato.n ko to.D do
ye udaas raat kii siyaahiyaa.n
nii.nd aa ke Tal ga.ii
ye mire nasiib kii siyaahiyaa.n
sham.a kab kii jal ga.ii
nii.nd hai na chaa.nd hai na jaam hai
pyaas kyaa bujhaa.oge
zindagii kii teG be-niyaam hai
aas kyaa ba.ndhaa.oge
aasmaa.n buland hai to kyaa karuu.n
haa.e merii pastiyaa.n
kaash mai.n tumhe.n kabhii dikhaa sakuu.n
kuchh ujaa.D bastiyaa.n
hasrato.n kaa baaG baaG uja.D gayaa
phuul ab khile.nge kyaa
ek ek ham-safar bichha.D gayaa
dost ab mile.nge kyaa
mish.ale.n nahii.n to ye charaaG kyuu.n
raah bhuul jaa.uu.ngaa
zindagii pe ko.ii taaza daaG kyuu.n
chaah bhuul jaa.uu.ngaa
raushnii nahii.n hai duur duur tak
jaa.o mujh ko chho.D do
KHaamushii hai mai-kade se tuur tak
barbato.n ko to.D do

Qateel Shifai
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now