Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rivaaj"

Nazm MATCHES FOR "rivaaj"

Nazm

log aurat ko faqat jism samajh lete hain

kitnii sadiyo.n se ye vahshat kaa chalan jaarii hai
kitnii sadiyo.n se hai qaa.em ye gunaaho.n kaa rivaaj

Sahir Ludhianvi
Nazm

taj-mahal

ye damaktii hu.ii chaukhaT ye tilaa-posh kalas
inhii.n jalvo.n ne diyaa qabr-parastii ko rivaaj
maah o anjum bhii hu.e jaate hai.n majbuur-e-sujuud
vaah aaraam-gah-e-malika-e-ma.abuud-mizaaj
diidanii qasr nahii.n diidanii taqsiim hai ye
ruu-e-hastii pe dhu.aa.n qabr pe raqs-e-anvaar
phail jaa.e isii rauza kaa jo simTaa daaman
kitne jaa.n-daar janaazo.n ko bhii mil jaa.e mazaar
dost mai.n dekh chukaa taaj-mahal
.....vaapas chal

Kaifi Azmi
Nazm

KHuda-e-bartar teri zamin par zamin ki KHatir ye jang kyun hai

zamii.n bhii terii hai ham bhii tere ye milkiyat kaa savaal kyaa hai
ye qatl-o-KHuu.n kaa rivaaj kyuu.n hai ye rasm-e-ja.ng-o-jidaal kyaa hai

Sahir Ludhianvi
Nazm

ai nai nasl

mere ajdaad kaa vatan ye shahr
merii ta.aliim kaa jahaa.n ye maqaam
mere bachpan kii dost ye galiyaa.n
jin me.n rusvaa hu.aa shabaab kaa naam
yaad aate hai.n in fazaa.o.n me.n
kitne nazdiik aur duur ke naam
kitne KHvaabo.n ke malgaje chehre
kitnii yaado.n ke marmarii.n ajsaam
kitne ha.ngaame kitnii tahriike.n
kitne na.are jo the zabaa.n zad-e-aam
mai.n yahaa.n jab shu.uur ko pahu.nchaa
ajnabii qaum kii thii qaum Gulaam
union jaik dars-gaah pe thaa
aur vatan me.n thaa saamraajii nizaam
isii miTTii ko haath me.n le kar
ham bane the baGaavato.n ke imaam
yahii.n jaa.nche the dharm ke vishvaas
yahii.n parkhe the diin ke auhaam
hai.n munkir bane rivaayat ke
yahii.n to.De rivaaj ke asnaam
yahii.n nikhraa thaa zauq-e-naGma-garii
yahii.n utraa thaa sher kaa ilhaam
mai.n jahaa.n bhii rahaa yahii.n kaa rahaa
mujh ko bhuule nahii.n hai.n ye dar-o-baam
naam meraa jahaa.n jahaa.n pahu.nchaa
saath pahu.nchaa hai is dayaar kaa naam
mai.n yahaa.n mezbaa.n bhii mehmaa.n bhii
aap jo chaahe.n diijiye mujhe naam
nazr kartaa huu.n un fazaa.o.n kii
apnaa dil apnii ruuh apnaa kalaam
aur faizaan-e-ilm jaarii ho
aur uu.nchaa ho is dayaar kaa naam
aur shaadaab ho ye arz-e-hasii.n
aur mahke ye vaadii-e-gulfaam
aur ubhre.n sanam-garii ke nuquush
aur chhalke.n mai-e-suKHan ke jaam
aur nikle.n vo be-navaa jin ko
apnaa sab kuchh kahe.n vatan ke avaam
qaafile aate jaate rahte hai.n
kab hu.aa hai yahaa.n kisii kaa qayaam
nasl-dar-nasl kaam jaarii hai
kaar-e-duniyaa kabhii hu.aa na tamaam
kal jahaa.n mai.n thaa aaj tuu hai vahaa.n
ai na.ii nasl tujh ko meraa salaam

Sahir Ludhianvi
Nazm

uT-paTang

kaano.n kii ik nagrii dekhii jis me.n saare kaane dekhe
ek taraf se ahmaq saare ek taraf se siyaane the
kaano.n kii is nagrii ke sab riit rivaaj alaahada the
rog alaahada bastii me.n the aur ilaaj alaahada the
do do kaane mil kar puuraa sapnaa dekhaa karte the
ga.ngaa ke sa.ngam se kaane jamunaa dekhaa karte the
chaa.ndnii raat me.n chhatrii le kar baahar jaayaa karte the
os gire to kahte hai.n vaa.n sar phaT jaayaa karte the
dariyaa pul par chaltaa thaa paanii me.n raile.n chaltii thii.n
la.nguuro.n kii dum par a.nguuro.n kii bele.n paktii thii.n
chhuut kii ik biimaarii phailii ek dafa un kaano.n me.n
bhuuk ke kii.De sunte hai.n nikle gandum ke daano.n me.n
roz ka.ii kaane bechaare marte the biimaarii me.n
kahte hai.n raajaa sotaa thaa sone kii almaarii me.n
ghanTii baa.ndh ke chuuhe jab billii se dau.D lagaate the
peT pe dono.n haath bajaa kar sab qavvaalii gaate the
tab kaanii bhai.ns ne phuul phulaa kar chhe.Daa biin kaa baajaa
aur kaalaa chashma pahan ke singhaasan par aayaa raajaa
dukh se chashme kii dono.n hii aa.nKHe.n paanii paanii thii.n
dekhaa us kaane raajaa kii dono.n aa.nKHe.n kaanii thii.n
jhuuTaa hai jo andho.n me.n kaanaa raajaa hai kahtaa hai
jaa kar dekho kaanii nagrii andhaa raajaa rahtaa hai

Gulzar
Nazm

sayyad se aaj hazrat-e-waiz ne ye kaha

sayyad se aaj hazrat-e-vaa.iz ne ye kahaa
charchaa hai jaa-ba-jaa tire haal-e-tabaah kaa
samjhaa hai tuu ne nature o tadbiir ko KHudaa
dil me.n zaraa asar na rahaa laa-ilaah kaa
ho tujh se tark-e-saum-o-salaat-o-zakaat-o-haj
kuchh Dar nahii.n janaab-e-risaalat-panaah kaa
shaitaan ne dikhaa ke jamaal-e-uruus-e-dahr
banda banaa diyaa hai tujhe hubb-e-jaah kaa
us ne diyaa javaab ki maz.hab ho yaa rivaaj
raahat me.n jo muKHil ho vo kaa.nTaa hai raah kaa
afsos hai ki aap hai.n duniyaa se be-KHabar
kyaa jaaniye jo rang hai shaam-o-pagaah kaa
europe kaa pesh aa.e agar aap ko safar
guzre nazar se haal re.aayaa-o-shaah kaa
vo aab-o-taab-o-shaukat-e-aivaan-e-khusravii
vo mahakmo.n kii shaan vo jalva sipaah kaa
aa.e nazar uluum-e-jadiidah kii raushnii
jis se KHajil ho nuur ruKH-e-mehr-o-maah kaa
daavat kisii amiir ke ghar me.n ho aap kii
kam-sin miso.n se zikr ho ulfat kaa chaah kaa
nau-KHez dil-fareb gul-andaam naaznii.n
aariz pe jin ke baar ho daaman nigaah kaa
rukiye agar to ha.ns ke kahe ik but-e-hasii.n
sun maulvii ye baat nahii.n hai gunaah kaa
us vaqt qibla jhuk ke karuu.n aap ko salaam
phir naam bhii huzuur jo le.n KHaanqaah kaa
patluun-o-koT-o-ba.ngla-o-biscuit kii dhun ba.ndhe
saudaa janaab ko bhii ho turkii kulaah kaa
mimbar pe yuu.n to baiTh ke goshe me.n ai janaab
sab jaante hai.n va.az savaab-o-gunaah kaa

Akbar Allahabadi
Nazm

KHushamad

dil KHushaamad se har ik shaKHs kaa kyaa raazii hai
aadmii jin parii o bhuut balaa raazii hai
bhaa.ii farzand bhii KHush baap chachaa raazii hai
shaad masruur Ganii shaah o gadaa raazii hai
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
apnaa matlab ho to matlab kii KHushaamad kiije
aur na ho kaam to us Dhab kii KHushaamad kiije
auliyaa ambiyaa aur rab kii KHushaamad kiije
apne maqduur Garaz sab kii KHushaamad kiije
jo KHushaamad kare KHalq us se sadaa raazii hai
haq to ye hai kii KHushaamad se KHudaa raazii hai
chaar din jis ko kiyaa jhuk ke KHushaamad se salaam
vo bhii KHush ho gayaa apnaa bhii hu.aa kaam me.n kaam
ba.De aaqil ba.De daanaa ne nikaalaa hai ye daam
KHuub dekhaa to KHushaamad hii kii aamad hai tamaam
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
bad baKHiil aur saKHii kii bhii KHushaamad kiije
aur jo shaitaan ho to us kii bhii KHushaamad kiije
gar valii ho to valii kii bhii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
pyaar se jo.D diye jis kii taraf haath jo aah
vahii.n KHush ho gayaa karte hii vo haatho.n pe nigaah
Gaur se ham ne jo is baat ko dekhaa vallaah
kuchh KHushaamad hii ba.Dii chiiz hai allaah allaah
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii
piine aur pahan.ne khaane kii KHushaamad kiije
hiij.De bhaa.nD zanaane kii KHushaamad kiije
mast o hushiyaar divaane kii KHushaamad kiije
bhole naadaan siyaane kii KHushaamad kiije
jau KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
aish karte hai.n vahii jin kaa KHushaamad kaa mizaaj
jo nahii.n karte vo rahte hai.n hamesha mohtaaj
haath aataa hai KHushaamad se makaa.n mulk aur taaj
kyaa hii taasiir kii is nusKHe ne paa.ii hai rivaaj
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
gar bhalaa ho to bhale kii bhii KHushaamad kiije
aur buraa ho to bure kii bhii KHushaamad kiije
paak naapaak si.De kii bhii KHushaamad kiije
kutte billii o gad.he kii bhii KHushaamad kiije
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
KHuub dekhaa to KHushaamad kii ba.Dii khetii hai
Gair kii apne hii ghar biich ye sukh detii hai
maa.n KHushaamad ke sabab chhaatii lagaa letii hai
naanii daadii bhii KHushaamad se du.aa detii hai
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
bii-bii kahtii hai miyaa.n aa tire sadqe jaa.uu.n
saas bole kahii.n mat jaa tire sadqe jaa.uu.n
KHaala kahtii hai ki kuchh khaa tire sadqe jaa.uu.n
saalii kahtii hai ki bhayyaa tire sadqe jaa.uu.n
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
aa pa.Daa hai jo KHushaamad se sarokaar use
Dhuu.nDte phirte hai.n ulfat ke KHariidaar use
aashnaa milte hai.n aur chaahe hai.n sab yaar use
apne begaane Garaz karte hai.n sab pyaar use
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
ruukhii aur roGnii aabii ko KHushaamad kiije
naan-baa.ii o kabaabii kii KHushaamad kiije
saaqii o jaam sharaabii kii KHushaamad kiije
paarsaa rind KHaraabii kii KHushaamad kiije
jo KHushaamad kare KHalq us se sadaa araazii hai
haq to ye hai ki KHushaamad se KHudaa raazii hai
jo ki karte hai.n KHushaamad vo ba.De hai.n insaa.n
jo nahii.n karte vo rahte hai.n hamesha hairaa.n
haath aate hai.n KHushaamad se hazaaro.n saamaa.n
jis ne ye baat nikaalii hai mai.n us ke qurbaa.n
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
kau.Dii paise o Take zar kii KHushaamad kiije
la.al o niilam dar o gauhar kii KHushaamad kiije
aur jo patthar ho to patthar kii KHushaamad kiije
nek o bad jitne hai.n yak-sar kii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
ham ne har dil kii KHushaamad kii mohabbat dekhii
pyaar iKHlaas o karam mehr muravvat dekhii
dilbaro.n me.n bhii KHushaamad hii kii ulfat dekhii
aashiqo.n mai.n bhii KHushaamad hii kii chaahat dekhii
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
paarsaa piir hai zaahid hai manaa jaatii hai
juvaariyaa chor daGaabaaz KHaraabaatii hai
maah se maahii talak chyuu.nTii hai yaa haathii hai
ye KHushaamad to miyaa.n sab ke ta.ii.n bhaatii hai
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
gar na miiThii ho to ka.Dvii bhii KHushaamad kiije
kuchh na ho paas to KHaalii bhii KHushaamad kiije
jaanii dushman ho to us kii KHushaamad kiije
sach agar puuchho to jhuuTii bhii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
mard o zan tifl o javaa.n KHurd o kalaa.n piir o faqiir
jitne aalam me.n hai.n mohtaaj o gadaa shaah vaziir
sab ke dil hote hai.n phande me.n KHushaamad ke asiir
to bhii vallaah ba.Dii baat ye kahtaa hai 'naziir'
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai

Nazeer Akbarabadi
Nazm

ye kis dayar-e-adam mein

nahii.n hai yuu.n to nahii.n hai ki ab nahii.n paidaa
kasii ke husn me.n shamshiir-e-aaftaab kaa husn
nigaah jis se milaa.o to aa.nkh dukhne lage
kisii adaa me.n adaa-e-KHiraam-e-baad-e-sabaa
jise KHayaal me.n laa.o to dil sulagne lage
nahii.n hai yuu.n to nahii.n hai ki ab nahii.n baaqii
jahaa.n me.n bazm-gah-e-husn-o-ishq kaa mela
binaa-e-lutf-o-mohabbat, rivaaj-e-mehr-o-vafaa
ye kas dayaar-e-adam me.n muqiim hai.n ham tum
jahaa.n pe muz.daa-e-diidaar-e-husn-e-yaar to kyaa
naved-e-aamad-e-roz-e-jazaa nahii.n aatii
ye kis KHumaar-kade me.n nadiim hai.n ham tum
jahaa.n pe shorish-e-rindaan-e-mai-gusaar to kyaa
shikast-e-shiisha-e-dil kii sadaa nahii.n aatii

Faiz Ahmad Faiz
Nazm

ram

aa.iina-e-KHuluus-o-mohabbat yahaa.n the raam
amn aur shaa.ntii kii zamaanat yahaa.n the raam
sachchaa.iyo.n kii ek alaamat yahaa.n the raam
ya.anii dil-o-nigaah kii chaahat yahaa.n the raam
qadmo.n se raam ke ye zamii.n sarfaraaz hai
hindostaa.n ko un kii shujaa.at pe naaz hai
un ke liye gunaah thaa ye zulm-o-intishaar
iisaar un kaa saare jahaa.n par hai aashkaar
daaman nahii.n thaa un kaa ta.assub se daaG-daar
hirs-o-havas se duur the vo saahab-e-vaqaar
be-shak unhii.n ke naam se raushan hai naam-e-hind
iqbaal ne bhii un ko kahaa hai imaam-e-hind
la.al-o-guhar kii ko.ii nahii.n thii talab unhe.n
izzat ke saath dil me.n basaate the sab unhe.n
bachpan se naa-pasand the Gaiz-o-Gazab unhe.n
logo.n kaa dil dukhaanaa gavaaraa thaa kab unhe.n
vo zaalimo.n pe qahr Gariibo.n kii Dhaal the
kirdaar-o-e'tibaar kii raushan misaal the
un ko thaa apnii rasm-e-uKHuvvat pe e'timaad
KHud khaa ke juuThe ber diyaa dars-e-ittihaad
farz-aashnaa the farz ko rakkhaa hamesha yaad
kahne pe apnii maa.n ke kahaa ghar ko KHair-baad
ruKHsat hu.e to lab pe na the shikva-o-fuGaa.n
ye hausla nasiib hu.aa hai kise yahaa.n
ban-baas par bhii lab pe na thaa un kaa ehtijaaj
bhaa.ii ke haq me.n chho.D diyaa apnaa taKHt-o-taaj
karte rahe vo chaudah baras tak dilo.n pe raaj
hindostaa.n me.n hai ko.ii un kii misaal aaj
raah-e-vafaa pe chal ke dikhaayaa hai raam ne
kahte hai.n kis ko tyaag bataayaa hai raam ne
rahbar ye shar-pasand kahaa.n aur kahaa.n vo raam
vo be-niyaaz-e-aish-o-tarab zar ke ye Gulaam
vo paikar-e-vafaa ye riyaa-kaar-o-bad-kalaam
vo amn ke naqiib ye shamshiir-e-be-niyaam
rasm-o-rivaaj-e-raam se aarii hai.n shar-pasand
raavan kii niitiyo.n ke pujaarii hai.n shar-pasand

Rahbar Jaunpuri
Nazm

mera watan

dil-rubaa laala ho fazaa terii
mujh ko bhaa.ii na ik adaa terii
lutf se ba.Dh ke hai jafaa terii
vaah-re hindostaa.n vafaa terii
mai.n na maanuu.n kabhii tiraa kahnaa
mai.n na baKHshuu.n kabhii KHataa terii
bar-tar-az-KHaar hai tiraa gulshan
zahr se kam nahii.n havaa terii
KHaalii-az-kaifiyat tirii har chiiz
baat har ek be mazaa terii
dard-e-dil me.n ta.Dap ke mar jaa.uu.n
mai.n na Dhuu.nDuu.n kabhii shifaa terii
kaun sii baat terii lutf-aamez
kaun sii chiiz dil-kushaa terii
tujh ko jannat-nishaan kahte hai.n
ham jahannam kii jaan kahte hai.n
tujh ko kas baat par hai naaz bataa
kyaa nahii.n aur mulk tere sivaa
terii aab o havaa latiif sahii
tujh se ba.Dh kar spain kaa KHitta
tujh ko apnii zamiin kaa hai ghamanD
tujh se afzal kahii.n hai america
hasan par apne naaz hai tujh ko
hasan tujh se sivaa etaaliyaa kaa
tujh ko ga.ngaa kaa apnii dhokaa hai
tuu ne dekhaa nahii.n hai siin ko jaa
mausiiqii par tujhe hai naaz bahut
is me.n juz dard-o-Gam dharaa hai kyaa
falsafa teraa agle vaqto.n kaa
falsafa dekh jaa ke europe kaa
tujh me.n phir aan kyaa rahii baaqii
terii mahfil na kuchh na kuchh saaqii
haa.n muravvat kaa tujh me.n naam nahii.n
haa.n uKHuvvat kaa tujh me.n naam nahii.n
tujh se bad-naam ishq saa ustaad
aur mohabbat kaa tujh me.n naam nahii.n
aashtii siikhe tujh se aa ke ko.ii
haa.n KHusuumat kaa tujh me.n naam nahii.n
terii har baat me.n safaa.ii hai
aur kuduurat kaa tujh me.n naam nahii.n
tujh ko aur hurriyat se kyaa nisbat
is zaruurat kaa tujh me.n naam nahii.n
shaad hai.n taire apne begaane
aur shikaayat kaa tujh me.n naam nahii.n
terii tahziib tujh ko maujib-e-faKHr
haa.n jahaalat kaa tujh me.n naam nahii.n
baat duniyaa se hai judaa terii
vaah ai hindostaa.n adaa terii
tere rasm-o-rivaaj ne maaraa
is maraz ke ilaaj ne maaraa
terii Gairat nai kar diyaa barbaad
KHaandaano.n ke laaj ne maaraa
kyaa kare.n har gha.Dii yahii hai fikr
roz kii ehtiyaaj ne maaraa
aa.e din call kaa hai zikr-azkaar
ik zaraa se anaaj ne maaraa
aur sab par vabaa kaa ik turra
is anokhe KHiraaj ne maaraa
baKHt bargashta aarzu.e.n bahut
havas-e-siim-o-aaj nai maaraa
na kare.n kaam kuchh to khaa.e.n kyaa
roz ke kaam-kaaj ne maaraa
tuu to rahne kaa kuchh maqaam nahii.n
tujh me.n insaaniyat kaa naam nahii.n
qaid tuu ne kiyaa hasiino.n ko
mah-jabiino.n ko naazniino.n ko
zevar-e-ilm se rakhaa aarii
tuu ne qudrat ke in nagiino.n ko
iKHtiyaar o pasand kii ai hind
kyaa zaruurat na thii hasiino.n ko
KHuub pahchaanii tuu ne qadr in kii
KHuub samjhaa tuu in KHaziino.n ko
ku.e.n jha.nkvaa.e naazniino.n se
zahr khilvaayaa mah-jabiino.n ko
Duube jaate hai.n kaun aa ke bachaa.e
bahr-e-hastii ke in safiino.n ko
tuu makaa.n thaa makaan ho ke diyaa
KHauf-e-aaraam in makiino.n ko
tujh pe tahziib ta.an kartii hai
tujh pe ilzaam KHalq dhartii hai
aarzuu hai tujhe hukuumat kii
jaah-o-sarvat kii shaan-o-shaukat kii
kyuu.n na ho tujh me.n himmat-e-aalii
dhuum har suu hai terii jur.at kii
to ne kasb-e-funuun-e-ja.ng kiyaa
sab me.n shohrat hai terii quvvat kii
qasme.n khaate hai.n log duniyaa me.n
terii millat tirii uKHuvvat kii
mulk-daarii me.n mulk-giirii me.n
vaah kyaa paidaa qaabiliyyat kii
tuu to ustaad se bhii ba.Dh niklaa
hairat-a.ngez tuu ne mehnat kii
aap aalam me.n tuu hai apnii misaal
aadamiyyat kii aur shujaa.at kii
ham-sarii kii kasii ko taab nahii.n
tiraa aafaaq me.n javaab nahii.n
daaG dil ke kise dikhaa.e.n ham
aisaa mushfiq kahaa.n se laa.e.n ham
dil me.n hai apne ham-nashii.n ik roz
aap ro kar tujhe rulaa.e.n ham
is tabii.at ko kas tarah bahlaa.e.n
dil ko kis chiiz se lagaa.e.n ham
kab talak roz ke kahe.n sadme
kab talak aafate.n uThaa.e.n ham
zahr kyuu.n ai falak na ham khaa le.n
jii se apne guzar na jaa.e.n ham
jo shikaayat ho kyuu.n na lab par aa.e
ek dukh ho use chhupaa.e.n ham
ai tamaddun ke raahat-o-aaraam
haa.e kas tarah tum ko paa.e.n ham
log uThaate hai.n zindagii ke maze
ham uThaate hai.n naa-KHushii ke maze

Meer Syed Nazeer Husain Nashad
Nazm

aadmi

jis qadar duniyaa me.n maKHluuqaat hai
sab se ashraf aadmii kii zaat hai
is kii paidaa.ish me.n hai ulfat kaa raaz
is kii hastii par hai KHud KHaaliq ko naaz
is kii KHaatir kul jahaa.n paidaa hu.aa
ye zamii.n ye aasmaa.n paidaa hu.aa
aql kaa jauhar ise baKHshaa gayaa
ilm kaa zevar ise baKHshaa gayaa
is ke sar me.n hai nihaa.n aisaa dimaaG
jis me.n raushan hai liyaaqat kaa charaaG
soch kar har kaam kar saktaa hai ye
sher ko bhii raam kar saktaa hai ye
ye safaa.ii se chaTaane.n to.D de
apnii daanaa.ii se dariyaa mo.D de
man-chalaa hai is kii himmat hai buland
Daal saktaa hai sitaaro.n par kamand
is ko KHatro.n kii nahii.n parvaa zaraa
aag me.n kuudaa ye suulii par cha.Dhaa
is ke har andaaz me.n e.ajaaz hai
arsh tak is nuur kii parvaaz hai
is kii baato.n me.n ajab taasiir hai
KHaak kaa putlaa nahii.n iksiir hai
ye agar nekii ke ziine par cha.Dhe
ek din saare farishto.n se ba.Dhe
aur agar isyaa.n kii daldal me.n pha.nse
is kaa darja kam ho haivaanaat se
ye kabhii ru.ii se ba.Dh kar narm hai
ye kabhii suuraj se ba.Dh kar garm hai
ek haalat par nahii.n is kaa mizaaj
har zamaane me.n badaltaa hai rivaaj
aur thaa pahle ye ab kuchh aur hai
aa.e din is kaa niraalaa taur hai
is ne behad ruup badle aaj tak
is kii tadbiiro.n se hairaa.n hai falak
doctor taajir professor vakiil
in kaa honaa hai taraqqii kii daliil
is ke pahluu me.n vo dil maujuud hai
jo bha.Dakne me.n niraa baaruud hai
rail gaa.Dii radio motor jahaaz
is kii iijaado.n kaa qissa hai daraaz
dast-kaarii me.n ba.Daa mashshaaq hai
jiddato.n kaa har gha.Dii mushtaaq hai
khol aa.nkhe.n jang kii raftaar dekh
dekh is ke KHaufnaak auzaar dekh
ye kahii.n haakim kahii.n mahkuum hai
ye kahii.n zaalim kahii.n mazluum hai
aadmii jab Gair ke aage jhukaa
aadamiyyat se bhaTaktaa hii gayaa
aadmii milnaa bahut dushvaar hai
KHud KHudaa ko aadmii darkaar hai
pyaare bachcho aadmii ban kar raho
har kisii ke saath hamdardii karo
sach agar puuchho to bas vo mard hai
jis ke dil me.n duusro.n kaa dard hai
'faiz' pahu.nchaataa nahii.n jo aadmii
us ko apnii zaat se hai dushmanii
us ko apnii zaat se hai dushmanii

Faiz Ludhianvi
Nazm

darKHwast

ta.alluq is tarah to.Daa nahii.n karte
ki phir se jo.Dnaa dushvaar ho jaa.e
hayaat ik zahr me.n Duubii hu.ii talvaar ho jaa.e
mohabbat is tarah chho.Daa nahii.n karte
KHafaa hone kii rasme.n hai.n
biga.Dne ke tariiqe hai.n
rivaaj-o-rasm tark-e-dostii par sau kitaabe.n hai.n
likhaa hai jin me.n
rasta vaz.a-daarii kaa yuu.nhii chho.Daa nahii.n karte
ta.alluq is tarah to.Daa nahii.n karte
kabhii bulbul gulo.n kii KHaamushii se ruuTh jaatii hai
par agle saal
sab kuchh bhuul kar phir lauT aatii hai
agar paudo.n se paanii duur ho jaa.e
to ham-saaya daraKHto.n kii ja.Do.n ke haath
paiGaamaat jaate hai.n
mohabbat me.n sabhii ik duusre ko aazmaate hai.n
magar aisaa nahii.n karte
ki har ummiid har imkaan miT jaa.e
kahaa.n tak khii.nchnii hai Dor
ye andaaza rakhte hai.n
hamesha chaar-diivaarii me.n ik darvaaza rakhte hai.n
judaa.ii mustaqil ho jaa.e
to ye zindagii zindaan ho jaa.e
agar KHushbuu havaa.o.n se maraasim munqata.a kar le
to KHud me.n Duub kar be-jaan ho jaa.e

Hasan Shahnawaz Zaidi
Nazm

rishte ki sachchai

ham jaante hai.n
ye duniyaa hame.n jiine nahii.n degii
faasle kii diivaare.n
ham dono.n ke darmiyaan
ba.Dhtii rahe.ngii
ye kaisaa rishta hai
ham dono.n apne apne ehsaasaat se vaaqif hai.n
magar ye rasm-o-rivaaj
aadmii se aadmii kii tafriiq ke...
ham dono.n mahz apnii aa.nkho.n ke alaava
ek duusre ko chhuu nahii.n sakte
aab-e-zam-zam yaa ga.ngaa-jal
ek ra.ng, ek KHumaar aur ek ehsaas
kyuu.n na ham dono.n
ek aafaaqii rishte se
munsalik ho jaa.e.n
aise rishte se
ki jahaa.n talvaare.n jhuk jaatii hai.n
aur a.ngaare ban jaate hai.n phuul
aur niilaa aasmaan muskuraa uThtaa hai
aa.o aaj
tum merii kalaa.ii me.n ye raakhii baa.ndh do
ham dono.n apnii apnii
anokhii chaahat ke havaale se
ban jaa.e.n janm janm ke saathii
aTuuT ho jaa.e.nge jab
phir shaayad zamaana u.nglii nahii.n uThaa sakegaa!!

Ehsan Saqib
Nazm

urdu

faroG-e-chashm hai taskiin-e-dil hai be-gumaa.n urdu
har ik aalam me.n hai goyaa bahaar-e-gul-fishaa.n urdu
ko.ii dekhe to is kii quvvat-e-taKHliiq kaa aalam
banaa saktii hai zer-e-charKH laakho.n aasmaa.n urdu
muqallid jo nahii.n is kaa vo pahu.nchegaa na manzil par
sar-e-har-jaada-e-manzil hai miir-e-kaarvaa.n urdu
muhaafiz apnii quvvat se hai tahziib-o-tamaddun kii
na kyuu.n ho irtiqaa-e-zindagii kii raaz-daa.n urdu
gulistaan-e-adab me.n jis qadar the muntashir jalve
munazzam kar chukii hai un ko misl-e-jism-o-jaa.n urdu
fazaa-e-ilm-o-fan par ye misaal-e-abr chhaa.ii hai
mazaaq-e-justujuu ban kar rag-e-dil me.n samaa.ii hai
zabaane.n aur bhii duniyaa me.n kuchh garmii-e-mahfil hai.n
magar manzil hai urdu aur vo sab gard-e-manzil hai.n
har ik andaaz raushan har bayaa.n pur-kaif hai is kaa
adaa.e.n jis qadar bhii hai.n vo sharh-e-jazba-e-dil hai.n
zamiin-e-sher is kii ik chaman-zaar-e-mohabbbat hai
hai.n jitne giit vo sab naGma-e-fitrat kaa haasil hai
riyaazii ho ki mantiq falsafa ho yaa tasavvuf ho
sab is kii bazm me.n maujuud hai.n aur jaan-e-mahfil hai.n
milii hai.n jalva-e-fitrat kii sab ra.ngiiniyaa.n is ko
muraqqe is ke siine se lagaa lene ke qaabil hai.n
rivaaj is kaa jahaa.n kii vus.ato.n me.n be-takalluf hai
ye paakiiza zabaa.n hai aur latiif is kaa tasarruf hai
miTaa saktaa hai kaun aisii zabaan-e-paak-fitrat ko
dayaa dars-e-vafaa jis ne mazaaq-e-mulk-o-millat ko
jumuud-e-zindagii me.n hashr barpaa kar diyaa is ne
ataa kii hai.n isii ne bijliyaa.n ehsaas-e-ulfat ko
nizaam-e-zindagaanii par ba.Daa ehsaan hai is kaa
bahut aasaaniyaa.n is me.n mile.n tabliiG-e-fitrat ko
rahe shaan-e-talaaqat lafz-o-ma.anii hai.n ki gul-buuTe
zahe auj-e-hazaaqat jaan de dii murda hikmat ko
ye mumkin hai ki qaumo.n ko miTaa de gardish-e-aalam
magar ko.ii miTaa saktaa nahii.n urdu kii azmat ko
har ik tahriik is kii tarjumaan jazb-e-kaamil hai
ki har aaha.ng-e-urdu hamnavaa-e-barbat-e-dil hai

Alam Muzaffar Nagari
Nazm

gandhi-ji ki aawaz

salaam ai ufuq-e-hind ke hasii.n taaro
salaam tum pe sip.har-e-vatan ke mah-paaro
salaam tum pe mire bachcho ai mire pyaaro
bhulaa.e baiThe ho tum mujh ko kis liye yaaro
jalaa.o mere payaamaat ke diye yaaro
suno ki merii tamannaa-o-aarzuu tum ho
suno ki maadar-e-bhaarat kii aabruu tum ho
suno ki amn-e-zamaana kii justujuu tum ho
KHamosh baiThe ho kyuu.n apne lab siye yaaro
jalaa.o mere payaamaat ke diye yaaro
salaam tum pe ki mere chaman ke phuul ho tum
mirii nazar mirii fitrat miraa usuul ho tum
magar ye kyaa hu.aa kis vaaste maluul ho tum
ye tum ne chand Galat kaam kyuu.n kiye yaaro
jalaa.o mere payaamaat ke diye yaaro
vatan me.n KHuun ke dariyaa bahaa diye tum ne
sabhii nuquush-e-ahinsaa miTaa diye tum ne
rivaaj-kaar-e-mohabbat bhalaa diye tum ne
rusuum-e-mehr-o-vafaa tark kar diye yaaro
jalaa.o mere payaamaat ke diye yaaro
sabaq pa.Dhaayaa thaa tum ko adam-tashaddud kaa
tumhe.n bataayaa thaa mai.n ne gunaah hai hinsaa
ye tum ne kis liye teG-o-tabar se kaam liyaa
tumhaare haatho.n me.n KHanjar hai.n kis liye yaaro
jalaa.o mere payaamaat ke diye yaaro
tumhaare zehno.n me.n makruuh saazish aur fasaad
dilo.n me.n nafrat-o-kiina hai aur buGz-o-inaad
magar labo.n pe hai baabaa-e-qaum zindabaad
mujhe ye khokhle na.are na chaahiye yaaro
jalaa.o mere payaamaat ke diye yaaro
zamiin naanak-o-chishtii pukaartii hai tumhe.n
dayaar-e-budh kii tajallii pukaartii hai tumhe.n
suno kanhaiyaa kii bansii pukaartii hai tumhe.n
ab aur der bhii karnii na chaahiye yaaro
jalaa.o mere payaamaat ke diye yaaro
uTho zamaana-e-haazir hai ik payaam-e-amal
uTho ki kaa.np rahii hai navaa-e-saaz-e-Gazal
uTho ki maa.nd na ho jaa.e husn-e-taaj-mahal
uTho ki siino.n me.n phir raushnii jiye yaaro
jalaa.o mere payaamaat ke diye yaaro
phir apne zehno.n me.n lahkaa.o dostii kaa chaman
phir apnii saa.nso.n se mahkaa.o pyaar kaa madhuuban
phir apne kaamo.n se chamkaa.o sar-zamiin-e-vatan
tumhaare mai-kade me.n dahr phir piye yaaro
jalaa.o mere payaamaat ke diye yaaro
na chho.Do zinda vatan me.n kisii luTere ko
kuchal do ba.Dh ke har ik saa.np ko sapere ko
miTaa.o firqa-parastii ke har a.ndhere ko
bachaa.o desh ko bhagvaan ke liye yaaro
jalaa.o mere payaamaat ke diye yaaro
mujhe ye khokhle na.are na chaahiye yaaro

Nazish Partap Gadhi
Nazm

nani-aman ki wafat par ek nazm

mohnii jhurriyaa.n subuk aa.nkhe.n
mehrbaa.n shafqato.n se pur chehra
thapkiyaa.n dete haath narm aaGosh
chaahate.n dekh-bhaal pyaar dulaar
saare kumbe kii fikr sab kaa KHayaal
raabte rishte-daariyaa.n naate
KHaatire.n vaz.a-daariyaa.n mehmaa.n
martabe haisiyat hisaab-nisaab
nazm-o-tartiib ghar ke iKHraajaat
maut mayyat byaah paidaa.ish
ta.aziyat tahniyat ke chaal-chalan
chhuTTii aa.shuura iid aur baraat
har ba.De chhoTe din kaa pas-o-lihaaz
roze nafle.n vaziife tasbiihe.n
sadqa minnat muraad piir-faqiir
KHair-KHairaat baKHshishe.n nazre.n
laag-lag len-den mel-milaap
puuchh-gachh rakh-rakhaav riit-rivaaj
raunaqe.n KHush-kalaamiyaa.n aadaab
raat qisse kahaaniyaa.n chuhle.n
mez almaarii pandaan pala.ng
zaa.iqe rang KHushbu.e.n chehre

Abdul Ahad Saaz
Nazm

message

ai Gazaalii aa.nkho.n vaalii
sunaa hai tumhaare shahr me.n chaa.e achchhii miltii hai
so mai.n chaa.e piine aa jaa.uu.n
tum bhii kisii cafe me.n aa jaanaa
aur suno
farsuuda samaaj ke laaya.anii rasm-o-rivaaj
kii baat mat karnaa
chalii aanaa

Zehra Alvi
Nazm

urdu

Gaur kiije kaise is ta.aliim ne paayaa rivaaj
kis liye haamii the is ke saahibaan-e-taKHt-o-taaj
kaun sii dushvaariyaa.n thii.n jin kaa sochaa ye ilaaj
thii clerko.n kii hukuumat ko nihaayat ehtiyaaj
dars-gaahe.n thii.n pa a.ngrezii pa.Dhe baabuu na the
daftarii gaa.Dii chalaane ke liye yaabuu na the

Syed Mohammad Jafri
Nazm

mujhse milo tum

mujh se milo tum
ajnabii mulko.n kii sair-o-siyaahat me.n
pyaar ke rasm-o-rivaaj me.n
halqa-e-yaaraa.n me.n
tuufaan-e-baad-o-baaraa.n me.n
senToras ke aqab me.n
chhappar hotel ke TuuTe hu.e Table par
chaa.nd pe baiThii hu.ii bu.Dhiyaa ke nuuraanii charKHe me.n
assii kii dahaa.ii kii filmo.n ke zikr me.n
puraanii kitaabo.n kii duukaan par
nisvaanii KHushbu.o.n ke chauk par
boso.n kii takraar me.n
mujh se milo tum

Faisal Rehan
Nazm

shah-e-daula chuha

mai.n choriyaa.n kartaa
siskaariyaa.n bhartaa
karachi se multaan
multaan se lahore
lahore se gujraat pahu.nchaa thaa
tarah tarah ke ghinaa.one pesho.n
aur ghane andesho.n se
la.D bhi.D ke
faqiirii iKHtiyaar kii thii
yahii qaumii mizaaj
aur KHitte kaa rivaaj thaa

Saqi Faruqi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now