Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "shariif-zaade"

Nazm MATCHES FOR "shariif-zaade"

Nazm

aawara parchhaiyan

saare din kii thakii,
viiraan aur be-masraf raat ko
ek ajiib mashGala haath aa gayaa hai
ab vo!
saare shahr kii aavaara parchhaa.iyo.n ko
jism dene kii koshish me.n masruuf hai
mujhe maaluum hai
agar gum-naam parchhaa.iyo.n ko
un kii pahchaan mil ga.ii
to shahr ke mu.azzaz aur ibaadat-guzaar shariif-zaade
ham-shakl parchhaa.iyo.n ke KHauf se
parchhaa.iyo.n me.n tabdiil ho jaa.e.nge
aur
be-masraf din bhar kii thakii hu.ii raat ko
ek aur mashGala mil jaa.egaa

Aashufta Changezi
Nazm

agar main chiKHun

agar mai.n chiiKHuu.n
mai.n apne dil kii tamaam gahraa.iyo.n se chiiKHuu.n
to kaa.enaatii nizaam me.n kyaa KHalal pa.Degaa
yahii ki
andhe ku.e.n se ik baaz-gasht hogii
kahegii kyuu.n tum ko kyaa hu.aa hai?
tumhii ba.De aa.e ho kahii.n ke
ye aasmaan o zamii.n
ye suuraj ye chaa.nd taare
tamaam maa.n baap saare ajdaad
shahr ke sab shariif-zaade
inhe.n bhii dekho
ye sab musiibat-zada, mataanat se
burd-baarii me.n sah rahe hai.n
tumhii me.n bardaasht kii kamii hai
agar mai.n chiiKHuu.n to
merii aavaaz bhii malaamat karegii mujh ko
vo sab kahe.nge
ki kaun ye shor kar rahaa hai
hamaarii niinde.n uchaaT kar dii.n
agar mai.n chiiKHuu.n
to saaraa amn-o-sukuun
nazm aur nasq
mujh ko KHilaaf-e-qanuun dushman-e-KHalq kah kar
saliib degaa
magar ye chiiKHo.n-bharaa hu.aa dil
kisii bhii lamhe
mujhe kahii.n KHaufnaak raaho.n pe Daal degaa
salaah degaa
ki zor se ciiKHo
ki jism ke saath
ruuh bhii sard ho ga.ii phir
to kyaa karoge

Farhat Ehsas
Nazm

sharif-zada

suno kal tumhe.n ham ne madras cafe me.n
aubaash logo.n ke hamraah dekhaa
vo sab la.Dkiyaa.n bad-chalan thii.n jinhe.n tum
saliiqe se kaafii ke cup de rahe the
bahut fuhsh aur mubtazil naach thaa vo
ki jis ke recordo.n kii ghaTiyaa dhuno.n par
thiraktii machaltii hu.ii la.Dkiyo.n ne
tumhe.n apnii baaho.n kii jannat me.n rakkhaa
bahut dukh hu.aa
tum ne hotel me.n kamra kiraa.e pe le kar
un aubaash logo.n aur un la.Dkiyo.n ke hujuum-e-tarab me.n
ga.ii rut tak jashn-e-sahbaa manaayaa
bahut dukh hu.aa KHaandaanii sharaafat
buzurgo.n kii baa.nkii sajiilii vajaahat ko
tum ne sar-e-aam yuu.n rau.nd Daalaa
saliiqa jo hotaa tumhe.n laGzisho.n kaa
to apne buzurgo.n kii maanind tum bhii
gharo.n me.n kaniizo.n se pahluu sajaate
pa.e ishrat-e-dil havelii me.n har shab
kabhii raqs hotaa kabhii jaam chalte
kisii maah-ruKH par dil-o-jaa.n luTaate
saliiqa jo hotaa tumhe.n laGzisho.n kaa
to yuu.n KHaandaanii sharaafat vajaahat
na miTTii me.n miltii na badnaam hotii

Zubair Rizvi
Nazm

madrasa ali-gaDh

KHudaa alii-ga.Dh ke madrase ko tamaam amraaz se shifaa de
bhare hu.e hai.n raiis-zaade amiir-zaade shariif-zaade
latiif o KHush-vaz.a chust o chaalaak o saaf o paakiiza shaad-o-KHurram
tabii.ato.n me.n hai in kii jaudat dilo.n me.n in ke hai.n nek iraade
kamaal-e-mehnat se pa.Dh rahe hai.n kamaal-e-Gairat se pa.Dh rahe hai.n
savaar mashriq raah me.n hai.n to maGribii raah me.n piyaade
har ik hai in me.n kaa be-shak aisaa ki aap use chaahte hai.n jaisaa
dikhaave mahfil me.n qadd-e-ra.anaa jo aap aa.e.n to sar jhukaa de
faqiir maa.nge to saaf kah de.n ki tuu hai mazbuut jaa kamaa khaa
qubuul farmaa.e.n aap daavat to apnaa sarmaaya kul khilaa de
buto.n se in ko nahii.n lagaavaT miso.n kii lete nahii.n vo aahaT
tamaam quvvat hai sarf-e-KHvaandan nazar ke bhole hai.n dil ke saade
nazar bhii aa.e jo zulf-e-pechaa.n to samjhe.n ye ko.ii policy hai
electric light us ko samjhe.n jo barq-vash ko.ii kuude
nikalte hai.n kar ke Gol-bandii ba-naam-e-tahziib o dard-mandii
ye kah ke lete hai.n sab se chande jo tum hame.n do tumhe.n KHudaa de
unhe.n isii baat par yaqii.n hai ki bas yahii asl kaar-e-dii.n hai
isii se hogaa faroG-e-qaumii isii se chamke.nge baap daade
makaan-e-college ke sab makii.n hai.n abhii unhe.n tajrabe nahii.n hai.n
KHabar nahii.n hai ki aage chal kar hai kaisii manzil hai.n kaise jaade
dilo.n me.n in ke hai.n nuur-e-iimaa.n qavii nahii.n hai magar nigahbaa.n
havaa-e-mantiq adaa-e-tiflii ye sham.a aisaa na ho bujhaa de
fareb de kar nikaale matlab sikhaa.e tahqiir-e-diin-o-mazhab
miTaa de aaKHir ko diin-o-maz.hab numuud-e-zaatii ko go ba.Dhaa de
yahii bas 'akbar' kii iltijaa hai janaab baarii me.n ye du.aa hai
uluum o hikmat kaa dars in ko professor de.n samajh KHudaa de

Akbar Allahabadi
Nazm

mom pighlata raha tera KHayal

kyaa sulagtii raat hai mere nadiim
aatishii.n shorish-zada tere KHayaal
tuu ki koso.n duur mujh se pur-yaqiin
tuu yahii.n paas mere hai kahii.n
ra.ng hai ki nuur kii barsaat hai
chaa.ndnii aur pyaar kii komal sadaa
tere saa.nso.n kii mahak phailii hu.ii
kitnii gaD-maD ho ga.ii hai.n dha.Dkane.n
laakh mai.n ne baa.ndh ke rakkhaa badan
terii nazro.n se jo pighlaa mom thaa
ruuh ko lazzat tumhaare qurb me.n
aur aa.nkho.n me.n teraa manzar rahaa
raat kitne karb me.n Dhaltii rahii
mom pighlaataa rahaa teraa KHayaal
mai.n ki mere jism kaa har saaz tuu
tuu ki terii be-niyaazii
kyaa kahuu.n!!

Rukhsana Noor
Nazm

dost shikari

hamaare rohii me.n kuchh parinde
dukho.n ke maare hu.e musaafir
hazaar miilo.n se kar ke hijrat
panaah lete hai.n is yaqii.n par
ki vo hai.n mehmaan is zamii.n par
jahaa.n ke baasii hazaar saalo.n se
in parindo.n ko jaante hai.n
aur un ko apnaa bhii maante hai.n
magar ye sab be-vatan parinde
dukho.n ke maare hu.e musaafir
hamaarii niyyat se be-KHabar hai.n
unhe.n to ye bhii KHabar nahii.n hai
ki rohii vaale badal chuke hai.n
gulaab kaa.nTo.n me.n Dhal chuke hai.n
jo saa.np kamsin the pal chuke hai.n
unhe.n to ye bhii KHabar nahii.n hai
ki mehrbaa.n mezbaan un ke
kisii kii u.nglii ke ik ishaare pe
aaj qaatil bane hu.e hai.n
aur un kii jaanib se har sa.Dak par
hazaaro.n banner lage hu.e hai.n
ki jin pe ye be-zamiir jumle
qalam se zar ke likhe hu.e hai.n
ki shaiKH-zaado chale bhii aa.o
chale bhii aa.o chale bhii aa.o
yahaa.n ke baasii yahaa.n ke shahrii
tumhaarii furqat me.n mar rahe hai.n
shikaar ke din guzar rahe hai.n
so ham Gariibo.n pe raham khaa.o
chale bhii aa.o chale bhii aa.o
ki be-vatan be-amaa.n musaafir
hamaare mehmaan sab parinde
dukho.n ke maare hu.e muhaajir
tumhaarii golii ke muntazir hai.n
lahuu kii holii ke muntazir hai.n

Jabbar Wasif
Nazm

lamp post

lamp post se Tek lagaa.e baiThaa hai vaqt
apnii aa.nkho.n me.n liye
bahut saare narm KHvaab
bahut saarii haul-naak yaade.n
koltaar kii chiknii sa.Dak par chaltii nahii.n bahtii hu.ii gaa.Diyaa.n
qataar dar qataar Traame.n aur buse.n
shaam kaa dhu.ndalkaa
shariif-zaado.n se khusur-phusur kartii
sastii quality kii KHushbuu me.n basii falaakat-zada suurate.n
ek do tilaa bas
uupar vaalii khi.Dkii par nigaaho.n ko gudgudaataa miiThaa saa chehra
yaa
be-rahm pahiyo.n ke niiche dam to.Dtaa
lahuuluhaan raahgiir

Nasr Ghazali
Nazm

be-samt rah

puunam kii shab kaa aks
sadmo.n-zada ‘adsa se bahtaa hu.aa
injiir ke iKHtilaajii zaKHmii patto.n par jam gayaa hai
shabiih chhedo.n se aaraasta
nazro.n se lipaT kar gum hone se bach
to ga.ii hai
ab nazre.n phailaa.uu.n to
vo
manfii hajm me.n baT jaa.egii
us vaqt nauhagar tinkaa faaKHta ke lahuu
me.n tar
andhe jaalo.n me.n soyaa hogaa
nahii.n
nahii.n mai.n nahii.n chaahtaa
mai.n ne junuu.n-zada samto.n se pyaar
kiyaa hai
jin me.n
tirii suurat se ziyaada
chaa.ndnii-bharii aa.nkho.n kaa fusuu.n hai

Lateef Hazin
Nazm

dua

na shariik-e-safar-o-zaad-e-safar maa.ngaa hai
na sadaa-e-jaras-o-baa.ng-e-daraa maa.ngii hai

Kaleem Aajiz
Nazm

shor-alud

ek muddat hu.ii
dasht-e-aavaaz me.n
ko.ii tanhaa sadaa
KHaamushii kii navaa
mai.n nahii.n sun sakaa
gosh-e-muflis mire
ab tarasne lage hai.n
ki fitrat kii aavaaz Gam ho ga.ii
zindagii apne ha.ngaam me.n kho ga.ii

Salman Sarwat
Nazm

ham-zad

mai.n aaj daftar me.n sub.h pahu.nchaa
to ik nayaa zard zard chehra nazar pa.Daa
jis ko dekhte hii
ma.an mire dil me.n ik dariicha khulaa
aur us ke aqab se
us zard shakl kii ham-shabiih
ik surKH shakl ubhrii
shariir gustaaKH be-takalluf
ubhar ke mere qariib aa.ii

Khursheed Rizvi
Nazm

sukun

na zahr-e-KHand labo.n par, na aa.nkh me.n aa.nsuu
na zaKHm-haa-e-daruu.n ko hai justujuu-e-ma.aal
na tiirgii kaa talaatum, na sail-e-ra.ng-o-nuur
na KHaar-zaar-e-tamannaa me.n gumrahii kaa KHayaal
na aatish-e-gul-e-laala kaa daaG siine me.n
na shorish-e-Gam-e-pinhaa.n na aarzuu-e-visaal
na ishtiyaaq, na hairat, na iztiraab, na sog
sukuut-e-shaam me.n kho.ii hu.ii kahaanii kaa
taviil raat kii tanhaa.iyaa.n nahii.n be-ra.ng
abhii hu.aa nahii.n shaayad lahuu javaanii kaa

Akhtarul Iman
Nazm

kam-nigahi

mar ke dekhtaa huu.n mai.n
zindagii kii razm-gaah sard aur bujhii hu.ii
jaise ek besvaa raat kii thakii hu.ii
ho pala.ng par udaas niim-jaa.n pa.Dii hu.ii
ko.ii kashmakash nahii.n ko.ii justujuu nahii.n
ab to duur duur tak hashr-e-haa.o-huu nahii.n
chaar-suu nigaah me.n suukhe suukhe jism me.n
maut kii jabii.n pe hai.n yaa kariih tevriyaa.n
chaar-suu nigaah me.n haDDiyo.n ke Dher hai.n
aaj bhii jhalakte hai.n jin se bhuuk ke nishaa.n
zindagii giraa.n rahii maut raa.egaa.n ga.ii
sair ho ke jaa rahe hai.n gadho.n ke kaarvaa.n
mere ham-safar tamaam saadgii shi.aar the
ra.nj ke shikaar the Gam se dil-figaar the
phir bhii mutma.in jiye kitne vaz.a-daar the
vo pa.Dii hai naazima, vo mirii rafiiq-e-kaar
vo mirii shariik-e-Gam ziist kii shaguftagii
sach ki Gam-zada rahii ifaaqa-kash rahii magar
bhe.Diyo.n ke vaaste tar nivaala hii rahii
is kaa jism Dhaa.np duu.n ki har ik barahnagii
is fareb-zaar me.n naa-pasand kii ga.ii
haalat-e-sitam-nasiib dekhtaa nahii.n ko.ii
kyuu.n hu.aa ko.ii Gariib dekhtaa nahii.n ko.ii
aur haqaa.eq-e-muhiib dekhtaa nahii.n ko.ii
baaG dekhte hai.n sab raag dekhte nahii.n
chaa.nd dekhte hai.n sab daaG dekhte nahii.n

Makhmoor Jalandhari
Nazm

aur ye insan

aur ye insaa.n jo... miTTii kaa ik zarra hai... jo miTTii se bhii kam-tar hai
apne liye Dhuu.nDe to us ke saare sharaf sachchii tamkiino.n me.n hai.n
lekin kyaa ye takriime.n miltii hai.n
zar kii chamak se
tahziibo.n kii chhab se
saltanto.n kii dhaj se
nahii.n nahii.n... to...
phir kyuu.n miTTii ke is zarre ko sajda kiyaa ik ik taaqat ne
kyaa us kii rif.at hii kii ye sab tasKHiire.n hai.n
mai.n batlaa duu.n
kyaa us kii quvvat aur kaisii us kii tasKHiire.n
mai.n batlaa duu.n
qaahir jazbo.n ke aage bebas hone me.n miTTii kaa ye zarra
apne aap me.n
jab miTTii se bhii kam-tar ho jaataa hai sun.ne vaalaa us kii suntaa hai
sun.ne vaalaa jis kii sune vo to apne miTTii hone me.n bhii anmol hai

Majeed Amjad
Nazm

mere mahbub

mere mahbuub
chal ab duur kahii.n duur chale.n
Gam me.n Duubii hu.ii har raat kii zad me.n aa kar
uljhe uljhe se KHayaalaat kii zad me.n aa kar
aur phir shorish-e-jazbaat kii zad me.n aa kar

Habeeb Aasim
Nazm

sipahi ki sharik-e-zindagi

zabaa.n-zad naam-e-naamii hai miraa himmat me.n jur.at me.n
nahii.n jhaa.nsii kii raanii se mai.n kam ‘azm-o-shujaa’at me.n
nahii.n huu.n 'taahira' kam chaa.nd-sultaana se 'izzat me.n
uThaa saktii huu.n mai.n talvaar bhaarat kii himaayat me.n
shariik-e-zindagii huu.n desh bhaarat ke sipaahii kii

Bano Tahira Sayeed
Nazm

andoh-nak

mai.n apnii aatish me.n jal rahaa thaa
to mai.n ne dekhaa
ki log mujh se zaraa hii duur
ik ga.Dhe ke atraaf yuu.n jam.a the
ki jaise duniyaa ke saare kaamo.n ko chho.D kar
sirf mere jalne ke muntazir ho.n
vo der se
ustuKHvaa.n lahad me.n utaarne ke liye kha.De the
vo sab azaadaar the magar
hasb-e-aadat hii phabtiyaa.n kas rahe the mujh par
mai.n jal rahaa thaa
magar mire kaan un kii aavaaz sun rahe the
mirii nigaahe.n talaash me.n thii.n
ki vaar mujh par kiyaa thaa kis ne
mai.n sochtaa thaa ki apne bujhne se peshtar hii
mai.n apnii aa.nkhe.n
havaa ke jho.nko.n se baa.ndh duu.ngaa
phir is ke kuchh der baa'd
mujh ko shabiih merii dikhaa.ii dii thii
mai.n apnii aa.nkho.n me.n jal rahaa thaa
pighal rahaa thaa
aur agle lamhe
mirii nazar jab dobaara uTThii to mai.n ne dekhaa
ki meraa ham-zaad ek patthar kii aa.D le kar
miraa hii Dhaa.ncha chabaa rahaa thaa

Muhammad Rashid Athar
Nazm

maut aur ishq

diida-e-aflaak ne dekhe bahut inqilaab
ahd-e-kuhan ke nishaa.n mahv hu.e misl-e-KHvaab
ek fareb-e-nazar vahm-e-sukuun-o-sabaat
ziist hai ik mustaqil kashmakash-e-iztiraab
jin kii nigaaho.n se thii shorish-e-bazm-e-jahaa.n
maut kii aaGosh me.n aaj hai.n vo mahv-e-KHvaab
jin kii bulandii se thii rif.at-e-garduu.n KHajil
hai.n vo ravaaq-e-buland aaj tabaah-o-KHaraab
vaqt ke har naqsh kaa maut hii anjaam hai
hai.n isii qaanuun me.n jak.De hu.e shaiKH-o-shaab
maut ke be-rahm haath chhiin liyaa tuu ne aah
kitne saro.n kaa uruuj kitne dilo.n kaa sabaat
nesh-e-ajal se magar un ko nahii.n kuchh gazand
ishq kii lazzat se hai.n jin ke jigar kaamyaab
jin kii nigaaho.n me.n hai ishq kaa sirr-e-nihaa.n
ishq hai asl-e-kamaal ishq hai ain-e-sabaat
kyaa hai ajal parda-e-hastii ke uThne kaa naam
ishq uThaa detaa hai pahle hii se ye hijaab
maut se hotii hai duur ruuh kii aaluudgii
ishq se paatii hai ruuh aur sivaa aab-o-taab
maut milaa detii hai zarre ko KHurshiid se
ishq banaa detaa hai zarra hii ko aaftaab
un ke liye maut ik hosh kaa paiGaam hai
zindagii musta.aar jin kii hai maanind-e-KHvaab
ruuh agar pahle hii ishq se bedaar ho
be-asar us ke liye maut ho yaa inqilaab

Zafar Ahmad Siddiqi
Nazm

shattul-arab

ye surKH dhaare qadiim vaqto.n kii daastaano.n ke surKH-raavii
kanaar-e-aab-e-falak hai.n dastaar ban.ne vaale naKHiil-zaade
navaah-e-basra me.n phailtii bad-gumaan sub.he.n
fazaa me.n be-naam siskiyo.n kii shikasta-lahre.n
jinhe.n munaafiq sifaarato.n ke hisaar ne qatl kar diyaa thaa
yahii.n kahii.n hai.n
ye shahr-e-basara jahaa.n pe faaras kii apsaraa.e.n
qadiim uu.nTo.n kii ja.ng me.n kaam aa ga.ii thii.n
KHilaafato.n aur hijrato.n ke asiil shaahid
ye surKH dhaare
ajab nahii.n KHaamushii kii tasbiih kartii raate.n
kisii zamaane me.n chiiKH uTThii.n
ki kaise abbaasiyo.n ke ahd-e-muvaafaqat me.n
siyaah-sanjii ubal pa.De the
Gulaam-gardish kii daastaano.n me.n raKHna pa.Dnaa kahaa.n likhaa thaa
ye surKH dhaare mo.arriKHo.n kii taraash-karda
qabiih girhe.n kabhii to khole.nge sach kii KHaatir
ai ahal-e-basra ye e.atizaalo.n kii daastaane.n kahaa.n likhii thii.n
to vaasil-ibn-e-ataa kii baate.n jo razm-gaah-e-kalaam-andar
chunii ga.ii thii.n samaa.ato.n ne kabhii sunii hai.n
to ahal-e-basra hasan jo basrii the jaante ho
muhaasba kii naved le kar tumhaarii KHaatir tumhaarii miTTii pe aa ga.e the
tumhe.n KHabar hai jab ahal-e-basra namaaz pa.Dhnaa hii bhuul baiThe
hasan jo basrii the yaa.n kii shorish se duur jangal me.n
taar-e-anfaas ke tajallii se bahra-var the magar jo is roz
qahr TuuTaa janaaza-gah me.n the ahal-e-basra
ko.ii nahii.n thaa KHudaa ke ghar me.n
to ahal-e-basra ye surKH dhaare KHamosh the kyaa

Iliyas Babar Aawan
Nazm

husn

duniyaa me.n kyaa nahii.n hasii.n
be-husn ko.ii shai nahii.n
husn hai laala-zaar me.n
kaifiyat-e-bahaar me.n
siina-e-daaG-daar me.n
nargis-e-sogvaar me.n
sabza-e-juu.ebaar me.n
mausam-e-KHush-gavaar me.n
vaadii-o-kohsaar me.n
jalva-e-husn hai nihaa.n
jalva-e-husn hai nihaa.n
shorish-e-aabshaar me.n

Asghar Hasan Mujibi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now