Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "surma-saa"

Nazm MATCHES FOR "surma-saa"

Nazm

tin shamon ki ek sham

ye surma.ii sii shaam
rago.n me.n jis kii dau.Dtaa hai KHuu.n shafaq ke laala-zaar kaa
kisii hasiina kii utaarii o.Dhnii kii tarah
malgajii sii shaam
jo lamha lamha KHaamushii ke band kii asiir hai

Shamsur Rahman Faruqi
Nazm

mathe ka jhumar

shahnaa.ii bajaataa hu.aa ik nanhaa saa machchhar
pahu.nchaa kisii maidaan me.n naale se nikal kar
maidaan me.n kuchh der bhaTaktaa rahaa machchhar
kuchh kaam nahii.n thaa to maTaktaa rahaa machchhar
mausuuf ne ik bail ko baiThaa hu.aa paayaa
tab dil me.n savaarii kaa zaraa shauq samaayaa
aaraam se vo baiTh gayaa sii.ng ke uupar
phir apne KHayaalaat me.n gum ho gayaa machchhar
do ghanTe guzar jaane pe mausuuf ne sochaa
is bail ko be-jurm-o-KHataa mai.n ne dabochaa
ye bail pichak jaa.egaa sochaa nahii.n mai.n ne
ab kuchlaa gayaa piisaa gayaa mere badan se
ye dabtaa rahaa surma banaa TuuTii qayaamat
lekin ko.ii shikva na kiyaa vaah sharaafat

Abdul Qadir
Nazm

jamal

napaa-tulaa saa tabassum jachii hu.ii sii nazar
sanii sanii sii vo palke.n Gubaar-e-surmaa me.n

Masud Husain Khan
Nazm

surma ho ya tara

aaj na puuchho dukhne lagii hai surme se kyuu.n us kii aa.nkh
jis ko sunahre din kaa suuraj kirne.n baa.nTne aataa thaa
patthar aaKHir patthar hogaa surma ho yaa taaraa ho

Ali Akbar Natiq
Nazm

laila

ab tak zinda aur do bachche
rang-birange
aa.o dekho
kitne majnuu.n
aane vaalii
shaam sirhaane
rasm uThaa.e kuuche kuuche
raqs me.n Duube
surma.ii saa.e

Aazam Khursheed
Nazm

sahira

vo dha.Dkano.n ke saaz par bhii zindagii kaa raqs thaa
vo aa.ina-misaal thii yaa KHushbu.o.n kaa aks thaa
vo chuu.Diyo.n kii taal par bhii kaif thaa fazaa.o.n me.n
vo surma.ii sii shaam me.n kisii hasiin gaa.nv me.n

Ashfaq Ahmad Saim
Nazm

goDo

magar ye KHvaab kii baate.n saraab kii yaade.n
har ek baar pashemaan dil girafta hai.n
sub.h ke saare hii aKHbaar vahshat-afzaa hai.n
har ek rahzan o rahbar kii aaj ban aa.ii
ki ab har ek jiyaalaa hai suurmaa sab hai.n

Baqar Mehdi
Nazm

mere pyare watan

mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan
gul-posh terii vaadiyaa.n
farhat-nishaa.n raahat-rasaa.n
tere chaman-zaaro.n pe hai
gulzaar-e-jannat kaa gumaa.n
har shaaKH phuulo.n kii chha.Dii
har naKHl-e-tuubaa hai yahaa.n
kausar ke chashme jaa-ba-jaa
tasniim har aab-e-ravaa.n
har barg ruuh-e-taazgii
har phuul jaan-e-gulsitaa.n
har baaG baaG-e-dil-kashii
har baaG baaG-e-be-KHizaa.n
dilkash charaagaahe.n tirii
Dhoro.n ke jin me.n kaarvaa.n
anjum-sifat gulhaa-e-nau
har taKHta-e-gul aasmaa.n
naqsh-e-surayyaa jaa-ba-jaa
har har ravish ik kahkashaa.n
terii bahaare.n daa.imii
terii bahaare.n jaavedaa.n
tujh me.n hai ruuh-e-zindagii
paiham ravaa.n paiham davaa.n
dariyaa vo tere tund-KHuu
jhiile.n vo terii be-karaa.n
shaam-e-avadh ke lab pe hai
husn-e-azal kii daastaa.n
kahtii hai raaz-e-sarmadii
sub.h-e-banaras kii zabaa.n
u.Dtaa hai haft-aflaak par
un kaar-KHaano.n kaa dhu.aa.n
jin me.n hai.n laakho.n mehnatii
san.at-garii ke paasbaa.n
terii banaras kii zarii
rashk-e-hariir-o-parniyaa.n
biidar kii fankaarii me.n hai.n
san.at kii sab baariikiyaa.n
azmat tire iqbaal kii
tere pahaa.Do.n se ayaa.n
dariyaa.o.n kaa paanii, tarii
taqdiis kaa andaaza-daa.n
kyaa 'bhaarte.ndu' ne kiyaa
ga.ngaa kii lahro.n kaa bayaa.n
'iqbaal' aur chakbast hai.n
azmat ke terii naGma-KHvaa.n
'josh' o 'firaaq' o 'pant' hai.n
tere adab ke tarjumaa.n
'tulsii' o 'KHusrav' hai.n terii
taariif me.n ratb-ul-lisaa.n
gaate hai.n naGma mil ke sab
uu.nchaa rahe teraa nishaa.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tere nazaaro.n ke nagii.n
duniyaa kii KHaatam me.n nahii.n
saare jahaa.n me.n muntaKHab
kashmiir kii arz-e-hasii.n
fitrat kaa ra.ngii.n mo.ajaza
firdaus bar-ruu-e-zamii.n
firdaus bar-ruu-e-zamii.n
haa.n haa.n hamii.n ast o hamii.n
sarsabz jis ke dasht hai.n
jis ke jabal hai.n surmagii.n
meve ba-kasrat hai.n jahaa.n
shiirii.n misaal-e-a.ngbii.n
har za.afaraa.n ke phuul me.n
aks-e-jamaal-e-huura.ii.n
vo maalve kii chaa.ndnii
gum jis me.n ho.n duniyaa-o-dii.n
is KHitta-e-naira.ng me.n
har ik fazaa husn-aafrii.n
har shai me.n husn-e-zindagii
dilkash makaa.n dilkash zamii.n
har mard mard-e-KHuub-ruu
har ek aurat naaznii.n
vo taaj kii KHush-paikarii
har zaaviye se dil-nashii.n
san.at-garo.n ke daur kii
ik yaadgaar-e-marmarii.n
hotii hai jo har shaam ko
faiz-e-shafaq se ahmarii.n
dariyaa kii maujo.n se alag
yaa ik bat-e-nazzaara-bii.n
yaa taa.er-e-nuurii ko.ii
parvaaz karne ke qarii.n
yaa ahl-e-duniyaa se alag
ik aabid-e-uzlat-guzii.n
naqsh-e-ajantaa kii qasam
jachtaa nahii.n arzha.ng-e-chii۔n
shaan-e-ellora dekh kar
jhuktii hai aazar kii jabii.n
chittau.D ho yaa aagara
aise nahii.n qil.e kahii.n
but-gar ho yaa naqqaash ho
tuu sab kii azmat kaa amii.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
dilkash tire dasht o chaman
ra.ngii.n tire shahr o chaman
tere javaa.n raa.anaa javaa.n
tere hasii.n gul pairahan
ik anjuman duniyaa hai ye
tuu is me.n sadr-e-anjuman
tere muGannii KHush-navaa
shaa.er tire shiirii.n-suKHan
har zarra ik maah-e-mubii.n
har KHaar rashk-e-nastarii.n
Guncha tire sahraa kaa hai
ik naafa-e-mushk-e-KHutan
ka.nkar hai.n tere be-bahaa
patthar tire laal-e-yaman
bastii se jangal KHuub-tar
baaGo.n se husn afroz ban
vo mor vo kabk-e-darii
vo chauk.Dii bharte hiran
ra.ngii.n-adaa vo titliyaa.n
baa.nbnii me.n vo naago.n ke phan
vo sher jin ke naam se
larze me.n aa.e ahrman
kheto.n kii barkat se ayaa.n
faizaan-e-rabb-e-zul-minan
chashmo.n ke shiirii.n aab se
lazzat-kashaa.n kaam-o-dahan
taabinda teraa ahd-e-nau
raushan tiraa ahd-e-kuhan
kitno.n ne tujh par kar diyaa
qurbaan apnaa maal dhan
kitne shahiido.n ko mile
tere liye daar-o-rasan
kitno.n ko teraa ishq thaa
kitno.n ko thii terii lagan
tere jafaa-kash mehnatii
rakhte hai.n azm-e-kohkan
tere sipaahii suurmaa
be-misl yaktaa-e-zaman
'bhisham' saa jin me.n hausla
'arjun' saa jin me.n baa.nkpan
aalim jo faKHr-e-ilm hai.n
fankaar naazaa.n jin pe fan
'raa.e' o 'bos' o 'shergil'
'dinkar,' 'jigar' 'maithli-sharan'
'vallathol' 'maahir', bhaartii
'bachchan', 'mahaadevii' 'suman'
'krishnan', 'niraalaa', 'prem-chand'
'tagore' o 'aazaad' o 'raman'
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
khetii tirii har ik harii
dilkash tirii KHush-manzarii
terii bisaat-e-KHaak ke
zarre hai.n mahr-o-mushtarii
jhelum kaveri naag vo
ga.ngaa kii vo ga.ngotarii
vo narbadaa kii tamkanat
vo shaukat-e-godaavarii
paakiizgii sarjuu kii vo
jamunaa kii vo KHush-gauharii
dullarba aab-e-niil-guu.n
kashmiir kii niilam-parii
dilkash papiihe kii sadaa
koyal kii taane.n mad-bharii
tiitar kaa vo haq sirrahu
tuutii kaa vo vird-e-harii
suufii tire har daur me.n
karte rahe paiGambarii
'chishtii' o 'nanak' se milii
faqr-o-Ginaa ko bartarii
adl-e-jahaa.ngiirii me.n thii
muzmar re.aayaa-parvarii
vo nau-ratan jin se hu.ii
tahziib-e-daur-e-akbarii
rakhte the afGaan-o-muGal
ik saulat-e-askandarii
raanaa.on ke iqbaal kii
hotii hai kis se ham-sarii
saava.nt vo yodhdhaa tire
tere jiyaale vo jarii
niiatii vidur kii aaj tak
kartii hai terii rahbarii
ab tak hai mash.huur-e-zamaa.n
'chanakya' kii daanish-varii
vayaas aur vishvamitr se
muniyo.n kii shaan-e-qaisarii
paatanjalii o saa.nkh se
rishiyo.n kii hikmat-parvarii
baKHshe tujhe in.aam-e-nau
har daur charKH-e-chambarii
KHush-gauharii de aab ko
aur KHaak ko KHush-jauharii
zarro.n ko mahr-afshaaniyaa.n
qatro.n ko dariyaa-gustarii
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tuu rahbar-e-nau-e-bashar
tuu amn kaa paiGaam-bar
paale hai.n tuu ne god me.n
saahib-KHirad saahib-e-nazar
afzal-tarii.n in sab me.n hai
baapuu kaa naam-e-mo'tabar
har lafz jis kaa dil-nashii.n
har baat jis kii pur-asar
jis ne lagaayaa dahr me.n
na.ara ye be-KHauf-o-KHatar
be-kaar hai.n tiir-o-sinaa.n
be-suud hai.n teG-o-tabar
hinsaa kaa rasta jhuuT hai
haq hai ahinsaa kii Dagar
darmaa.n hai ye har dard kaa
ye har maraz kaa chaara-gar
ja.ngaah-e-aalam me.n ko.ii
is se nahii.n behtar sipar
kartaa huu.n mai.n tere liye
ab ye du.aa-e-muKHtasar
raunaq pe ho.n tere chaman
sarsabz ho.n tere shajar
naKHl-e-umiid-e-behtarii
har fasl me.n ho baarvar
koshish ho duniyaa me.n ko.ii
KHitta na ho zer-o-zabar
teraa har ik baasii rahe
neko-sifat neko-siyar
har zan saliiqa-ma.nd ho
har mard ho saahib-hunar
jab tak hai.n ye arz o falak
jab tak hai.n ye shams o qamar
mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan

Arsh Malsiyani
Nazm

decline

mai.n jiine kii tamannaa le ke uThtii huu.n
magar jab din guzartaa hai
sunahrii dhuup kii kirne.n kisii dariyaa kinaare par utartii shaam ke bikhre hu.e chamkiile baalo.n se lipaT kar sone lagtii hai.n
havaa bezaar ho kar phir thake panchhii kii baa.nho.n me.n simaT kar baiTh jaatii hai
zamii.n kaa shor bhii tab rafta rafta maa.nd pa.Dtaa hai
falak ke aaKHirii kone pe jis dam kuchh syaahii jhilmilaatii hai
sitaare surma.ii se aasmaano.n kii bichhii chaadar pe aise baiTh jaate hai.n
ki jaise Duubte suuraj kii mayyat par sipaare pa.Dhne aa.e ho.n
tabhii ehsaas hotaa hai ki goyaa zindagii bas ek din kii thii

Seema Ghazal
Nazm

the last samurai

gavaah rahnaa
ye past-qaamat kariih chehro.n ghamanD lahjo.n sisaktii sargoshiyo.n ke haamil
mire qabiile ke suurmaa sab
najis akhaa.Do.n me.n apne laaGar nahiif jismo.n ko chaaTte hai.n
mire qabiile ke falsafa-gar
Galiiz faasid rutuubato.n se bharii Tapaktii saraab socho.n se kaam le kar ajiib mantiq taraashte hai.n
ye falsafa-gar sadaa-o-aahang-o-harf-o-ma.anii ko zaKHm de kar lahuu kaa kachchaa khuranD daa.nto.n se nochte hai.n

Kamran Nafees
Nazm

hijr nagri

tirii maujuudgii maujuud hai to phir
yahaa.n sab kuchh
mujhe phiikaa fanaa jaisaa
sukuut-e-marg jaisaa lag rahaa hai kyo.n
na duniyaa hai na shor-o-Gul
na hangaame
na dil ko khii.nchte maile jhamele hai.n
na logo.n ke tamaashe hai.n na aa.nkho.n me.n ko.ii raunaq
na saa.nso.n me.n haraarat hai
na haatho.n me.n qalam mere
na hii takiye tale Gazle.n na hii nazme.n
na zulfo.n ko sa.nvarnaa aa rahaa hai aur na ab eyebrow
me.n hai.n dhanak qause.n na mascare se palko.n ko shab kii syaahii dii
na surme se banaa.ii tuur sii aa.nkhe.n
na ab saa.Dii pahantii huu.n
na ab paTiyaala shalvaare.n na kurte aur na chuu.Dii-daar paajaame
na naaKHun nail-polish se banaatii huu.n sitaare mai.n
na 'aatif' kaa ko.ii gaanaa sunaa hai aur na 'raahat' kii qavvaalii hii
ajab bezaar se din-raat hai.n mere
na baadal hai.n na baarish hai
na jugnuu hai.n parinde hai.n
yuu.nhii be-vaqt rotii huu.n
damaa-dam bas
a.Dhaa.ii tiin tak mai.n raat ke sotii huu.n aaKHir ye
hu.aa kyaa hai mujhe 'saadii'
ye kyaa viiraanagii hai saamne mere
miraa kamra hai yaa sahraa
mirii aa.nkhe.n hai.n yaa dariyaa
hu.aa kyaa hai khule kuchh to
ba.Dii ma.asuum la.Dkii huu.n
mujhe kab yaad hai mai.n huu.n muqayyad kuchh dino.n se
hijr nagrii me.n

Sadiya Safdar Saadi
Nazm

barsat ki KHushk sham

sunahre sabz patte
surma.ii niilaa saa naaranjii ba-maa.il surKH rang aasmaa.n
KHushbuu havaa me.n bhiigii so.ndhii sii
abhii suuraj Dhalaa hii hai
KHunuk kamre kii saarii khi.Dkiyo.n ko band kar ke
jhaa.nknaa shiisho.n ke andar se
KHush-aagii.n mashGala hai

Tarannum Riyaz
Nazm

surmai sham ki ek nazm

luGat se alfaaz ko churaa.uu.n
ko.ii mohabbat kaa giit ban kar
pahaa.Dii jharne pe gungunaa.uu.n
magar yahaa.n se vahaa.n talak
aagahii kaa ik duudhiyaa kafan

Badnam Nazar
Nazm

pardes ka shahr

ye surma.ii baadalo.n ke saa.e
ye shaam kii taaza taaza sii rut
ye gaa.Diyo.n kii ka.ii qataare.n
ye baaG me.n sair karte jo.De
ye bachcho.n ke qahqahe suriile
vo duur se koktii koyaliyaa
ye aks paanii me.n bijliyo.n kaa
chahaar jaanib hai shaadmaanii
magar mai.n huu.n be-qaraar muztar
nahii.n hai us shahr me.n miraa ghar

Tarannum Riyaz
Nazm

samay

mere saamne
ka.ii kau.ndhtii talvaare.n TuuTii.n
dekhte dekhte
ka.ii suurmaa shahiid hu.e
KHirad-o-junuu.n kii mai.n ne
ka.ii ja.nge.n dekhii.n
mai.n ne dekhaa
surya-putra ko bebas hote
ka.ii shaaho.n ke au.ndhe pa.De parcham dekhe
ye aur baat ki
KHaamoshii merii fitrat hai
merii aa.nkhe.n lekin kabhii band nahii.n hotii.n
ba.De tariiqe se mai.n sab pe vaar kartaa huu.n
mujhe parakhne kii zaruurat kyaa hai
ki
mai.n to samay huu.n

Afroz Alam
Nazm

KHud-kalami se puchha nahin

surma.ii baadalo.n ko u.Daa le ga.ii
ras bharii baarishe.n khaa ga.ii
ab ufuq par hai.n zahraab niilaahaTe.n
kaasnii bel diivaar par
so.ii hii rah ga.ii
nargisii phuul the
jaagte rah ga.e
champa.ii ra.ngto.n me.n
ajab zardiyaa.n ghul ga.ii.n
khel ra.ngo.n kaa hai
oT kaaGaz kii hai
haath kii be-hunar larzishe.n
ra.ng kab chun sakii.n
sochte sochte aa.nkh saakit hu.ii
kaun se rang me.n
kaun saa rang hai ghul gayaa
aatishii.n hai dahak
yaa gulaabii mahak
dekhtii bhii nahii.n
suu.nghtii bhii nahii.n
chhuu ke bhii to yahaa.n se guzartii nahii.n
kaun sii his jag.ho.n
ki jaage hu.aa

Arifa Shahzad
Nazm

nazm

dard-o-yaas me.n Duubii hu.ii
shiddat-e-ehsaas se laraztii hu.ii
kyaa tum merii aavaaz sun rahii ho shaanuu
sub.h kii taaza havaa
shaam ke Dhalte saa.e
surma.ii dhuup kii
miiThii miiThii sii tapish
phuul shabnam shafaq aabjuu chaa.ndnii
ye sab tumhaare baare me.n
mujh se savaal karte hai.n
kabhii tum milo to tum se puuchhuu.n
ki mujhe kyaa javaab denaa hai
in se ye kaise kah duu.n
vo jo har dam us ke qariib rahtii thii
aaj apne 'aKHtar' ko bhuul baiThii hai

Azeem Akhtar
Nazm

lakaDhaari

safiina-saaz thaa vo lak.Diyaa.n mai.n kaaT laatii thii
so bas ik din kahaa us ne laka.Dhaarii
anokhe ik safiine kii hii ab taKHliiq baaqii hai
mujhe darkaar hai jis ke liye naadiida jangal kii
khanaktii surma.ii lak.Dii
agar tuu Dhuu.nD laa.e to
banaa saktaa huu.n mai.n naadir safiina ik
mai.n us kii baat sunte hii yakaayak chau.nk uTThii phir
nazar bhar kar use dekhaa zaraa saa muskuraa.ii aur
kisii naadiida jangal kii taraf chalne lagii paiham
na-jaane kitne miilo.n kii masaafat par kha.Dii huu.n par
ko.ii naadiida jangal hii nahii.n miltaa
khanaktii surma.ii lak.Dii
kahaa.n se haath aa.egii
magar ab sochtii huu.n ki safiina-saaz ko mere kisii sarsabz jangal kii khanaktii surma.ii lak.Dii yaqiinan mil ga.ii hogii

Shumaila Bahzad
Nazm

aaKHiri samt mein bichhi bisat

hame.n har khel me.n har baat par
ai maat ke KHvaahaa.n
kabhii khii.nche.nge ham baage.n
junuunii sar-phirii andhii havaa.o.n kii
u.Daa.e.nge falak par
chaa.nd taaro.n se bane rath ko
phir aa.e.nge tujhe hamraah karne
surma.ii dhu.ndle jaziiro.n se
sunahrii aas ra.ngii sar zamii.n tak
na.e mohro.n se phir apnaa
puraanaa khel khele.nge
tirii har maat kii har chaal ko
shah-maat dekhe.nge

Parveen Tahir
Nazm

chyunTiyan

surma.ii raat me.n
apne KHvaabo.n ko diivaar par maar kar
pahle to.Daa
phir us kii sabhii kirchiyaa.n
apne daaman me.n bhar ke
samundar kii maujo.n me.n Daal aa.e ham
tho.Dii halchal hu.ii
daa.ere daa.ere se bikharne lage
naqsh chho.De binaa
KHushbu.o.n kii tarah
KHvaahishe.n Duub kar aise martii.n rahii.n
jaise martii hai.n pairo.n tale chyuu.nTiyaa.n

Neel Ahmed
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now