Search result for "u.dii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "u.dii"

Nazm MATCHES FOR "u.dii"

Nazm

dosti ka hath

tumhe.n bhii zid hai ki mashq-e-sitam rahe jaarii
hame.n bhii naaz ki jaur-o-jafaa ke aadii hai.n
tumhe.n bhii zo.am mahaa-bhaartaa la.Dii tum ne
hame.n bhii faKHr ki ham karbalaa ke aadii hai.n

Ahmad Faraz

Nazm

ek laDki

zaraa us KHud apne hii
jazbo.n se majbuur la.Dkii ko dekho
jo ik shaaKH-e-gul kii tarah
an-ginat chaahato.n ke jhakolo.n kii zad me.n
u.Dii jaa rahii hai
ye la.Dkii
jo apne hii phuul aaise kap.Do.n se sharmaatii
aa.nchal sameTe nigaahe.n jhukaa.e chalii jaa rahii hai
jab apne hasii.n ghar kii dahliiz par jaa rukegii
to mukh mo.D kar muskuraa.egii jaise
abhii us ne ik ghaat me.n baiThe
dil ko pasand aane vaale
shikaarii ko dhokaa diyaa hai

Muneer Niyazi

Nazm

jugnu

ye shaaKH-saar ke jhuulo.n me.n pe.ng pa.Dte hu.e
ye laakho.n pattiyo.n kaa naachnaa ye raqs-e-nabaat
ye be-KHudii-e-musarrat ye vaalihaana raqs
ye taal-sam ye chhamaa-chham ki kaan bajte hai.n
havaa ke dosh pe kuchh uudii uudii shaklo.n kii
nashe me.n chuur sii parchhaa.iyaa.n thiraktii hu.ii
ufuq pe Duubte din kii jhapaktii hai.n aa.nkhe.n
KHamosh soz-e-daruu.n se sulag rahii hai ye shaam!
mire makaan ke aage hai ek chau.Daa sahn vasii.a
kabhii vo ha.nstaa nazar aataa hai kabhii vo udaas
isii ke biich me.n hai ek pe.D piipal kaa
sunaa hai mai.n ne buzurgo.n se ye ki umr us kii
jo kuchh na hogii to hogii qariib chhiyaanve saal
chhi.Dii thii hind me.n jab pahlii ja.ng-e-aazaadii
jise dabaane ke baa'd us ko Gadr kahne lage
ye ahl-e-hind bhii hote hai.n kis qadar ma.asuum
vo daar-o-giir vo aazaadii-e-vatan kii ja.ng
vatan se thii ki Ganiim-e-vatan se Gaddaarii
biphar ga.e the hamaare vatan ke piir o javaa.n
dayaar-e-hind me.n ran pa.D gayaa thaa chaar taraf
usii zamaane me.n kahte hai.n mere daadaa ne
jab arz-e-hind si.nchii KHuun se ''sapuuto.n'' ke
miyaan-e-sahn lagaayaa thaa laa ke ik paudaa
jo aab-o-aatish-o-KHaak-o-havaa se paltaa hu.aa
KHud apne qad se ba-josh-e-numuu nikaltaa hu.aa
fusuun-e-ruuh banaatii rago.n me.n chaltaa hu.aa
nigaah-e-shauq ke saa.ncho.n me.n roz Dhaltaa hu.aa
sunaa hai raaviyo.n se diidanii thii us kii uThaan
har ik ke dekhte hii dekhte cha.Dhaa parvaan
vahii hai aaj ye chhitnaar pe.D piipal kaa
vo Tahniyo.n ke kamanDal liye jaTaadhaarii
zamaana dekhe hu.e hai ye pe.D bachpan se
rahii hai is ke liye daaKHlii kashish mujh me.n
rahaa huu.n dekhtaa chup-chaap der tak us ko
mai.n kho gayaa huu.n ka.ii baar is nazaare me.n
vo us kii gahrii ja.De.n thii.n ki zindagii kii ja.De.n?
pas-e-sukuun-e-shajar ko.ii dil dha.Daktaa thaa
mai.n dekhtaa thaa use hastii-e-bashar kii tarah
kabhii udaas kabhii shaadmaa.n kabhii gambhiir
fazaa kaa surma.ii rang aur ho chalaa gahraa
ghulaa ghulaa saa falak hai dhu.aa.n dhu.aa.n sii hai shaam
hai jhuTpuTaa ki ko.ii azhdahaa hai maa.il-e-KHvaab
sukuut-e-shaam me.n darmaandagii kaa aalam hai
rukii rukii sii kisii soch me.n hai mauj-e-sabaa

Firaq Gorakhpuri

Nazm

ek makDa aur makkhi

mak.De ne kahaa vaah farebii mujhe samjhe
tum saa ko.ii naadaan zamaane me.n na hogaa
manzuur tumhaarii mujhe KHaatir thii vagarna
kuchh faa.eda apnaa to miraa is me.n nahii.n thaa
u.Dtii hu.ii aa.ii ho KHudaa jaane kahaa.n se
Thahro jo mire ghar me.n to hai is me.n buraa kyaa
is ghar me.n ka.ii tum ko dikhaane kii hai.n chiize.n
baahar se nazar aataa hai chhoTii sii ye kuTiyaa
laTke hu.e darvaazo.n pe baariik hai.n parde
diivaaro.n ko aa.iino.n se hai mai.n ne sajaayaa
mehmaano.n ke aaraam ko haazir hai.n bichhaune
har shaKHs ko saamaa.n ye mayassar nahii.n hotaa
makkhii ne kahaa KHair ye sab Thiik hai lekin
mai.n aap ke ghar aa.uu.n ye ummiid na rakhnaa
in narm bichhauno.n se KHudaa mujh ko bachaa.e
so jaa.e ko.ii in pe to phir uTh nahii.n saktaa

Allama Iqbal

Nazm

ek aur raat

raat chup-chaap dabe paa.nv chale jaatii hai
raat KHaamosh hai rotii nahii.n ha.nstii bhii nahii.n
kaa.nch kaa niilaa saa gumbad hai u.Daa jaataa hai
KHaalii KHaalii ko.ii bajraa saa bahaa jaataa hai

Gulzar

Nazm

lab par nam kisi ka bhi ho

niile parbat uudii dhartii, chaaro.n kuuT me.n tuu hii tuu
tujh se apne jii kii KHalvat tujh se man kaa melaa hai

Ibn۔e۔Insha

Nazm

zaban-daraaz

zabaan me.n fii lafz ek inch izaafa ho rahaa hai
pahle bhii to ye kaa.ndho.n par pa.Dii thii
tumhe.n merii mushkil kaa andaaza ho rahaa hai
tum jo mujh se baat karne par a.Dii thii.n

Ammar Iqbal

Nazm

barsat ki bahaaren

jab koyal apnii un ko aavaaz hai sunaatii
sunte hii Gam ko maare chhaatii hai um.nDii aatii
pii pii kii dhun ko sun kar be-kal hai.n kahtii jaatii
mat bol ai papiihe phaTtii hai merii chhaatii
kyaa kyaa machii hai.n yaaro barsaat kii bahaare.n

Nazeer Akbarabadi

Nazm

bahut ghuTan hai

idhar bhii KHaak u.Dii hai udhar bhii zaKHm pa.De
jidhar se ho ke bahaaro.n ke kaarvaa.n nikle

Sahir Ludhianvi

Nazm

yaaden

vo baalak hai aaj bhii hairaa.n mela juu.n-kaa-tuu.n hai lagaa
hairaa.n hai baazaar me.n chup-chup kyaa kyaa biktaa hai saudaa
kahii.n sharaafat kahii.n najaabat kahii.n mohabbat kahii.n vafaa
aal-aulaad kahii.n biktii hai kahii.n buzurg aur kahii.n KHudaa
ham ne is ahmaq ko aaKHir isii tazabzub me.n chho.Daa
aur nikaalii raah mafar kii is aabaad KHaraabe me.n
dekho ham ne kaise basar kii is aabaad KHaraabe me.n

Akhtarul Iman

Nazm

sham ka pahla tara

jab jho.nkaa tez havaa.o.n kaa
kuchh soch ke dhiime guzraa thaa
jab tapte suuraj kaa chehra
uudii chaadar me.n lipTaa thaa
jab suukhii miTTii kaa siina
saa.nso.n kii namii se jaagaa thaa
ham log us shaam ikaTThe the
jis ne hame.n ha.ns kar dekhaa thaa
vo pahlaa dost hamaaraa thaa
vo shaam kaa pahlaa taaraa thaa
jo shaayad ham dono.n ke liye
kuchh vaqt se pahle niklaa thaa
jab jhilmil kartaa vo kamra
cigaret ke dhu.e.n se dhundlaa thaa
jab nashsha-e-mai kii talKHii se!
har shaKHs kaa lahja miiThaa thaa
har fikr kii apnii manzil thii
har soch kaa apnaa rasta thaa
ham log us raat ikaTThe the
us raat bhii kyaa ha.ngaama thaa
mai.n mahv-e-mudaaraat-e-aalam
aur tum ko zauq-e-tamaashaa thaa
mauzuu-e-suKHan jis par ham ne
raa.e dii thii aur sochaa thaa
duniyaa kii badaltii haalat thii
kuchh aab-o-havaa kaa qissa thaa
jab sab logo.n kii aa.nkho.n me.n
kamre kaa dhu.aa.n bhar aayaa thaa
tab mai.n ne khi.Dkii kholii thii!
tum ne parda sarkaayaa thaa
jis ne hame.n dukh se dekhaa thaa
vo pahlaa dost hamaaraa thaa
vo shaam kaa pahlaa taaraa thaa
jo shaayad ham dono.n ke liye
us raat sahar tak jaagaa thaa

Zehra Nigaah

Nazm

sham-e-ayaadat

ye kaun muskuraahaTo.n kaa kaarvaa.n liye hu.e
shabaab-e-sher-o-ra.ng-o-nuur kaa dhu.aa.n liye hu.e
dhu.aa.n ki barq-e-husn kaa mahaktaa sho.ala hai ko.ii
chaTiilii zindagii kii shaadmaaniyaa.n liye hu.e
labo.n se pa.nkhu.Dii gulaab kii hayaat maa.nge hai
ka.nval sii aa.nkh sau nigaah-e-mehrbaa.n liye hu.e
qadam qadam pe de uThii hai lau zamiin-e-rah-guzar
adaa adaa me.n be-shumaar bijliyaa.n liye hu.e
nikalte baiThte dino.n kii aahaTe.n nigaah me.n
rasiile ho.nT fasl-e-gul kii daastaa.n liye hu.e
KHutuut-e-ruKH me.n jalva-gar vafaa ke naqsh sar-ba-sar
dil-e-Ganii me.n kul hisaab-e-dostaa.n liye hu.e
vo muskuraatii aa.nkhe.n jin me.n raqs kartii hai bahaar
shafaq kii gul kii bijliyo.n kii shoKHiyaa.n liye hu.e
adaa-e-husn barq-paash shola-zan nazaara-soz
fazaa-e-husn uudii uudii bijliyaa.n liye hu.e
jagaane vaale naGma-e-sahar labo.n pe maujzan
nigaahe.n nii.nd laane vaalii loriyaa.n liye hu.e
vo nargis-e-siyaah-e-niim-baaz, mai-kada-ba-dosh
hazaar mast raato.n kii javaaniyaa.n liye hu.e
taGaaful-o-KHumaar aur be-KHudii kii oT me.n
nigaahe.n ik jahaa.n kii hoshiyaariyaa.n liye hu.e
harii-bharii rago.n me.n vo chahaktaa boltaa lahuu
vo sochtaa hu.aa badan KHud ik jahaa.n liye hu.e
za-farq taa-qadam tamaam chehra jism-e-naaznii.n
latiif jagmagaahaTo.n kaa kaarvaa.n liye hu.e
tabassumash takallume takallumash tarannume
nafas nafas me.n thartharaataa saaz-e-jaa.n liye hu.e
jabiin-e-nuur jis pe pa.D rahii hai narm chhuuT sii
KHud apnii jagmagaahTo.n kii kahkashaa.n liye hu.e
''sitaara-baar o mah-chakaa.n o KHuur-fishaa.n'' jamaal-e-yaar
jahaan-e-nuur kaarvaa.n-ba-kaarvaa.n liye hu.e
vo zulf-e-KHam-ba-KHam shamiim-e-mast se dhu.aa.n dhu.aa.n
vo ruKH chaman chaman bahaar-e-jaavedaa.n liye hu.e
ba-mastii-e-jamaal-e-kaa.enaat, KHvaab-e-kaa.enaat
ba-gardish-e-nigaah daur-e-aasmaa.n liye hu.e
ye kaun aa gayaa mire qariib uzv uzv me.n
javaaniyaa.n, javaaniyo.n kii aa.ndhiyaa.n liye hu.e
ye kaun aa.nkh pa.D rahii hai mujh par itne pyaar se
vo bhuulii sii vo yaad sii kahaaniyaa.n liye hu.e
ye kis kii mahkii mahkii saa.nse.n taaza kar ga.ii.n dimaaG
shabo.n ke raaz nuur-e-mah kii narmiyaa.n liye hu.e
ye kin nigaaho.n ne mire gale me.n baahe.n Daal dii.n
jahaan bhar ke dukh se dard se amaa.n liye hu.e
nigaah-e-yaar de ga.ii mujhe sukuun-e-be-karaa.n
vo be-kahii vafaa.o.n kii gavaahiyaa.n liye hu.e
mujhe jagaa rahaa hai maut kii Gunuudgii se kaun
nigaaho.n me.n suhaag-raat kaa samaa.n liye hu.e
mirii fasurda aur bujhii hu.ii jabii.n ko chhuu liyaa
ye kis nigaah kii kiran ne saaz-e-jaa.n liye hu.e
sute se chehre par hayaat rasmasaatii muskuraatii
na jaane kab ke aa.nsu.o.n kii daastaa.n liye hu.e
tabassum-e-sahar hai aspataal kii udaas shaam
ye kaun aa gayaa nashaat-e-be-karaa.n liye hu.e
tire na aane tak agarche mehrbaa.n thaa ik jahaa.n
mai.n ro ke rah gayaa huu.n sau Gam-e-nihaa.n liye hu.e
zamiin muskuraa uThii ye shaam jagmagaa uThii
bahaar lahlhaa uThii shamiim-e-jaa.n liye hu.e
fazaa-e-aspataal hai ki ra.ng-o-buu kii karvaTe.n
tire jamaal-e-laala-guu.n kii daastaa.n liye hu.e
'firaaq' aaj pichhlii raat kyuu.n na mar rahuu.n ki ab
hayaat aisii shaame.n hogii phir kahaa.n liye hu.e
(2)
magar nahii.n kuchh aur maslahat thii us ke aane me.n
jamaal-o-diid-e-yaar the nayaa jahaa.n liye hu.e
isii na.e jahaa.n me.n aadmii bane.nge aadmii
jabii.n pe shaahkaar-e-dahr kaa nishaa.n liye hu.e
isii na.e jahaa.n me.n aadmii bane.nge devtaa
tahaarato.n kaa farq-e-paak par nishaa.n liye hu.e
KHudaa.ii aadmii kii hogii is na.e jahaan par
sitaaro.n ke hai.n dil ye pesh-go.iiya.n liye hu.e
sulagte dil sharar-fishaa.n o sho.ala-baar barq-paash
guzarte din hayaat-e-nau kii surKHiyaa.n liye hu.e
tamaam qaul aur qasam nigaah-e-naaz-e-yaar thii
tuluu-e-zindagii-e-nau kii daastaa.n liye hu.e
nayaa janam hu.aa miraa ki zindagii na.ii milii
jiyuu.ngaa shaam-e-diid kii nishaaniyaa.n liye hu.e
na dekhaa aa.nkh uThaa ke ahd-e-nau ke parda-daaro.n ne
guzar gayaa zamaana yaad-e-raftagaa.n liye hu.e
ham inqilaabiyo.n ne ye jahaa.n bachaa liyaa magar
abhii hai ik jahaa.n vo bad-gumaaniyaa.n liye hu.e

Firaq Gorakhpuri

Nazm

KHuda ke qatil

vafaa ke paimaan sab bhulaa kar
jafaa.e.n karte vafaa ke qaatil
rasuul-e-haq ke jo ummatii hai.n
vahii hai.n aal-e-ebaa ke qaatil
ye us kii apnii hii maslahat hai
vo jism rakhtaa nahii.n hai varna
ye mansabo.n ke Gasab ke aadii
zaruur hote KHudaa ke qaatil
na hii amaanat na hii diyaanat
na hii sadaaqat na hii sharaafat
nabii ke mimbar par aa ga.e hai.n
nabii kii har ik adaa ke qaatil
imaam jin kaa yaziid hogaa
vo kaise jaane.n husain kyaa hai
bane bhii hai.n qaarii laa-ilaah ke
ye laa-ilaah kii baqaa ke qaatil
ye mansabo.n ke Gasab ke aadii
zaruur hote KHudaa ke qaatil

Unknown

Nazm

be-rozgar 2

du.aa.e.n
tum bhii to
maa.ngtii ho
milii ho jab se
namaaz ko.ii
qazaa tumhaarii
nahii.n hu.ii hai
ha.nsii labo.n se u.Dii hu.ii hai
tumhaarii ra.ngat badal ga.ii hai
magar
du.aa.e.n
asar naa laa.e.n to kyaa karo tum

Siraj Faisal Khan

Nazm

pyar ka tohfa

jis ne har daam me.n aane me.n takalluf bartaa
le u.Dii hai use zulf-e-girah-giir ab ke

Sahir Ludhianvi

Nazm

lori

ai mire nuur-e-nazar laKHt-e-jigar jaan-e-sukuu.n
nii.nd aanaa tujhe dushvaar nahii.n hai so jaa
aaise bad-baKHt zamaane me.n hazaaro.n ho.nge
jin ko lorii bhii mayassar nahii.n aatii hogii
merii lorii se tirii bhuuk nahii.n miT saktii
mai.n ne maanaa ki tujhe bhuuk sataatii hogii

Kafeel Aazar Amrohvi

Nazm

main jinsi khel ko sirf ek tan-asani samajhta hun

lubhaate naach naache.n aur rasiile raag bhii gaa.e.n
magar ye murda-dil aadii hai bas Gamgii.n KHayaalo.n kaa
ghaTaa aatii nahii.n KHushiyo.n kii baarish laa nahii.n saktii
mirii ruuh-e-hazii.n mahkuum hai apne ta.assur kii

Meeraji

Nazm

kohre ka khet

vo sard raat jabki safar kar rahaa thaa mai.n
ra.ngiiniyo.n se zarf-e-nazar bhar rahaa thaa mai.n
tezii se ja.ngalo.n me.n u.Dii jaa rahii thii rail
KHvaabiida kaa.enaat ko chau.nkaa rahii thii rail
mu.Dtii uchhaltii kaa.nptii chi.nghaa.Dtii hu.ii
kohre kii vo dabiiz ridaa phaa.Dtii hu.ii
pahiyo.n kii gardisho.n me.n machaltii thii raagnii
aahan se aag ban ke nikaltii thii raagnii
pahu.nchii jidhar zamii.n kaa kaleja hilaa diyaa
daaman me.n tiirgii ke garebaa.n banaa diyaa
jho.nke havaa ke barf bichhaate the raah me.n
jalve samaa rahe the laraz kar nigaah me.n
dhoke se chhuu ga.ii.n jo kahii.n sard u.ngliyaa.n
bichchhuu saa Da.nk maarne lagtii thii.n khi.Dkiyaa.n
pichhle pahar kaa narm dhu.ndlakaa thaa pur-fishaa.n
maayuusiyo.n me.n jaise umiido.n kaa kaarvaa.n
be-nuur ho ke Duubne vaalaa thaa maahtaab
kohre me.n khup ga.ii thii sitaaro.n kii aab-o-taab
qabze se tiirgii ke sahar chhuuTne ko thii
mashriq ke haashiye me.n kiran phuuTne ko thii
kohre me.n thaa Dhake hu.e baaGo.n kaa ye samaa.n
jis tarah zer-e-aab jhalaktii ho.n bastiyaa.n
bhiigii hu.ii zamii.n thii namii sii fazaa me.n thii
ik kisht-e-barf thii ki mu.allaq havaa me.n thii
jaaduu ke farsh sehr ke sab saqf-o-baam the
dosh-e-havaa pe pariyo.n ke siimii.n KHiyaam the
thii ThanDe ThanDe nuur me.n kho.ii hu.ii nigaah
Dhal kar fazaa me.n aa.ii thii huuro.n kii KHvaab-gaah
ban ban ke phen suu-e-falak dekhtaa hu.aa
dariyaa chalaa thaa chho.D ke daaman zamiin kaa
is shabnamii dhundalke me.n bagule the yuu.n ravaa.n
maujo.n pe mast ho ke chale.n jaise machhliyaa.n
Daalaa kabhii fazaa.o.n me.n KHat kho ga.e kabhii
jhalke kabhii ufuq me.n nihaa.n ho ga.e kabhii
engine se u.D ke kaa.nptaa phirtaa thaa yuu.n dhu.aa.n
letaa thaa lahr khet me.n kohre ke aasmaa.n
us vaqt kyaa thaa ruuh pe sadma na puuchhiye
yaad aa rahaa thaa kis se bichha.Dnaa na puuchhiye
dil me.n kuchh aise ghaav the tiir-e-malaal ke
ro ro diyaa thaa khi.Dkii se gardan nikaal ke

Kaifi Azmi

Nazm

mahatma-gandhi

sunaa rahaa huu.n tumhe.n daastaan gaa.ndhii kii
zamaane-bhar se niraalii hai shaan gaa.ndhii kii
rahe rahe na rahe is me.n jaan gaa.ndhii kii
na ruk sakii na rukegii zabaan gaa.ndhii kii
yahii sabab hai jo vo dil se sab ko pyaaraa hai
vatan kaa apne chamaktaa hu.aa sitaaraa hai
banaa thaa mast ko.ii aur ko.ii saudaa.ii
har ek samt thii Gaflat kii jab ghaTaa chhaa.ii
to us kii aql-e-rasaa kaam vaqt par aa.ii
mariiz-e-mulk hai mamnuun-e-chaara-farmaa.ii
na.e KHayaal me.n ik ik kaa dil asiir hu.aa
udhar amiir hu.aa aur udhar faqiir hu.aa
jafaa-o-jaur ne kii KHuub apnii barbaadii
KHaraab-haal na dil raat kyuu.n huu.n fariyaadii
banaa diyaa thaa qafas kaa burii tarah aadii
magar hai shukr milaa ham ko dars-e-aazaadii
zamaana kahtaa hai gaa.ndhii mahaatmaa vo hai
bashar nahii.n hai haqiiqat me.n devtaa vo hai
jo dil me.n yaad hai to lab pe naam us kaa hai
jo hai to zikr faqat sub.h-o-shaam us kaa hai

Bismil Allahabadi

Nazm

dost

aisii haalat me.n
ko.ii kisii ke haath
bhalaa kaise thaam saktaa hai
ko.ii kisii ke saath
kaise dostii kar saktaa hai

Zeeshan Sahil

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now