Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "yak-baargii"

Nazm MATCHES FOR "yak-baargii"

Nazm

akaD shah

thii us kii tabii.at me.n aavaargii
himaaqat vo kartaa thaa yak-baargii

Mohammad Osama Sarsari
Nazm

ye sarae hai

chhiin lete hai.n vo yak-baargii jii kaa aaraam
phir bulaate bhii nahii.n paas biThaate bhii nahii.n

Ibn۔e۔Insha
Nazm

na-muradi ki ek nazm

aur ik dar ke baahar
jahaa.n tuu kha.Daa hai
mai.n yak-baargii us kii jaanib lapaktii huu.n
dahliiz daldal hai
daldal kii kyaa ho bayaa.n be-karaanii
falak is me.n Duube to vaapas na ubhre

Neelam Malik
Nazm

ye rasta

kiran bhuulii-bhaTkii ko.ii
un se aa kar achaanak jo milne lagii hai
to yak-baargii chau.nk kar... sab damakne lage hai.n
a.ndhere kii is hadd-e-imkaa.n talak
ta.ng, gahrii guphaa me.n...
sabhii yaad ke jugnu.o.n kii tarah
u.Dte u.Dte chamakne lage hai.n

Sameena Raja
Nazm

sanjiwni

dekhte dekhte nabzo.n me.n haraarat phuuTii
thaa jo aa'saab pe yak-baargii TuuTaa vo jumuud
sar uThaane lage bebaak sar-phire jazbaat
is tarah dil me.n sulagne lage KHvaahish ke alaav
jaise shiryaano.n me.n raqsaa.n ko.ii chingaarii ho
jaise sanjiivnii buuTii kii sehr-kaarii ho

Afzal Husain Afzal
Nazm

talabgar mard tha

gardishe.n tez hu.ii.n, tez hu.ii.n, tez hu.ii.n
aur phir tez, bahut tez, bahut tez hu.ii.n
jaise ye gardishe.n karte hu.e taare, ye chaa.nd
kurra-e-arz se yak-baargii Takraa.e.nge
aur phir gardishe.n kartaa hu.aa har ik taaraa
az-sar-e-nau kura-e-arz banaa hii legaa
aur phir gardishe.n kartaa hu.aa ye zard saa chaa.nd
ik ufuq apne liye aur sajaa hii legaa
kurra-e-arz jahaa.n maut na kaahish hogii
ik ufuq, jis me.n tapish aur na sozish hogii
tez-tar hotii ga.ii.n gardishe.n sayyaaro.n kii
naachtaa hii rahaa mehvar pe vo piilaa mahtaab
aur har samt isii gardish-e-paiham kaa KHarosh
aur phir rah na gayaa raqs ke andaaz me.n josh
ek parvaana giraa sham-e-fasurda ke qariib
ek taare ne kahaa TuuT ke, lo mai.n to chalaa
aur phir gardishe.n kartaa hu.aa
aur phir mai.n thaa vahii martaa sulagtaa maahaul
raqs karte hu.e sayyaaro.n kii sa.i-e-naakaam

Nazish Partap Gadhi
Nazm

faKHta ka rang zard tha

khaT ba.Dha.ii kii dastak par
tanaavar shajar ne
ka.ndhe jhaTak kar
apnii be-niyaazii kaa iz.haar kiyaa
havaa kaa tez jho.nkaa
gha.Dii-bhar ke liye patto.n se uljhaa
phuulii hu.ii saa.ns se kuchh kahnaa chaahaa
magar alfaaz ne saath na diyaa
shajar ne ba.Dii be-e'tinaa.ii se
us kii taraf ek nazar dekhaa
magar jho.nkaa itnii der me.n duur jaa chukaa thaa
abhii use aur bhii to paiGaam pahu.nchaane the
yak-baargii shajar kha.De qad se Dagmagaayaa
haalaa.nki fazaa bilkul saakit thii
patte anjaane KHauf se
haule haule kaa.np rahe the
khaT ba.Dha.ii kii dastak tez se tez-tar hotii jaa rahii thii
havaa kaa jho.nkaa
vaapsii me.n pal ke pal Thahraa
magar bahut der ho chukii thii
tanaavar daraKHt ek baar ba.Dii zor se kaa.npaa
aur ek taraf jhuktaa chalaa gayaa
us kii apnii Gaflat ne
diimak kii tarah
us ke vajuud ko khokhlaa kar diyaa thaa
khaT ba.Dha.ii kii dastak bhii dam to.D chukii thii
aur faaKHta
gire hu.e shajar ke uupar
musalsal chakkar kaaT rahii thii

Firoz Natiq Khusro
Nazm

mrs-sala-manka

KHudaa hashr me.n ho madad-gaar meraa
ki dekhii hai.n mai.n ne mrs.-saalaa-maa.nkaa kii aa.nkhe.n
mrs.-saalaa-maa.nkaa kii aa.nkhe.n
ki jin ke ufuq hai.n junuubii samundar kii niilii rasaa.ii se aage
junuubii samundar kii niilii rasaa.ii
ki jis ke jaziire hujuum-e-sahar se daraKHshaa.n
daraKHshaa.n jaziiro.n me.n zartaab o unnaab o qurmuz parindo.n kii jaulaa.n-gahe.n
aise phailii hu.ii jaise jannat ke daamaa.n
parinde azal aur abad ke mah o saal me.n baal-afshaa.n!
KHudaa hashr me.n ho madad-gaar meraa
ki mai.n ne liye hai.n mrs.-saalaa-ma.nkaa ke ho.nTo.n ke bose
vo bose ki jin kii halaavat ke chashme
shumaalii zamiino.n ke zartaab o unnaab o qurmuz daraKHto.n
ke mad.hosh baaGo.n se aage
jahaa.n zindagii ke rasiida shaguufo.n ke siino.n
se KHvaabo.n ke ram-diida zambuur lete hai.n ras aur piite hai.n vo
ki jis ke nashe kii jilaa se
zamaano.n kii naadiida mehraab ke do kinaaro.n ke niiche
hai.n yak-baargii guu.nj uThte KHalaa o malaa ke jalaajil
jalaajil ke naGme baham aise paivast hote hai.n jaise
mrs.-saalaa-ma.nikaa ke lab mere lab se!

Noon Meem Rashid
Nazm

motor

tez havaa se baate.n kartii
dau.Dtii aur farraaTe bhartii
motor aa.ii KHaak u.Daatii
puu.n puu.n kartii shor machaatii
chaal me.n tezii aisii balaa kii
dekh ke mat kaT jaa.e havaa kii
kaisii der kahaa.n kii sustii
pal me.n aa.ii aur ga.ii bhii
raat ko aa.e din ko aa.e
chalne se na kabhii ghabraa.e
aglii seat pe baiThaa shofar
saahab baiThe kuud ke andar
shofar ne bho.npuu ko bajaayaa
phir do ik purzo.n ko hilaayaa
chaabii pherii jaldii jaldii
dhak dhak kartii motor chal dii
mai.n batlaa.uu.n motor kyaa hai
chaltaa phirtaa ik kamraa hai
us ke paa.nv raba.D ke pahiye
chalne me.n bas aa.ndhii kahiye
kal kaa gho.Daa is me.n jutaa hai
purza purza KHuub banaa hai
paanii aur petrol pilaa.o
chaahe jahaa.n is ko le jaa.o
is ke sivaa kuchh aur na khaa.e
daane ghaas ke paas na jaa.e
bahlii yakka bagghii Tum Tum
tezii me.n hai.n is se sab kam
kyaa kahnaa teraa kaarii-gar
KHuub banaa.ii tuu ne motor

Mohammad Shafiuddin Nayyar
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

kisi ko yaad kab hoga

khubii tum ne bhii apne bachpane me.n
KHvaab bo.e the
kabhii sote me.n ro.e the
tumhe.n bhii yaad kab hogaa
sar-e-mizhgaa.n sitaaro.n kaa chamaknaa aur bikhar jaanaa
ba-ruu-e-barg-e-gul tahriir afsaana

Firoz Natiq Khusro
Nazm

chaqu

hamaarii tanhaa.ii se
ek bagghii banaa.ii jaa rahii hai
jise tafriihii maqaamaat par rakhaa jaa.egaa
yaa express train ke
paTrii se utar jaane ke ba.ad
KHaraab mausam me.n
ravaana kyaa jaa.egaa

Zeeshan Sahil
Nazm

ek nazm

ye kaun aa rahaa hai
nigaaho.n me.n vahshat kaa sahraa liye
aur sar par uThaa.e hu.e
Gam-e-roz-o-shab kii siyaahii kaa jangal
ye chehra hai yaa ki guzarte hu.e
vaqt kaa ek ujaa.D aur bayaabaan tanhaa jaziira
ye lab hai.n ki banjar zamiino.n ke patthar
jahaa.n par ko.ii lafz ugtaa nahii.n
ye aa.nkhe.n hai.n yaa ko.ii andhaa ku.aa.n hai
ki jis me.n ko.ii KHvaab kaa qaafila Duub kar mar gayaa hai
ye dast-e-giraa.n hai ki barg-e-KHizaa.n-diida
suukhii hu.ii zard shaaKHo.n pe laTke hu.e
ye Taa.nge.n hai.n yaa murda saaras
jinhe.n bhuuke pyaase KHatarnaak vahshii darinde
musalsal ghasiiTe chale jaa rahe hai.n

Abul Faiz Sahar
Nazm

ek nazm

ye kaun aa rahaa hai
nigaaho.n me.n vahshat kaa sahraa liye
aur sar par uThaa.e hu.e
Gam-e-roz-o-shab kii siyaahii kaa jangal
ye chehra hai yaa ki guzarte hu.e
vaqt kaa ek ujaa.D aur bayaabaan tanhaa jaziira
ye lab hai.n ki banjar zamiino.n ke patthar
jahaa.n par ko.ii lafz ugtaa nahii.n
ye aa.nkhe.n hai.n yaa ko.ii andhaa ku.aa.n hai
ki jis me.n ko.ii KHvaab kaa qaafila Duub kar mar gayaa hai
ye dast-e-giraa.n hai ki barg-e-KHizaa.n-diida
suukhii hu.ii zard shaaKHo.n pe laTke hu.e
ye Taa.nge.n hai.n yaa murda saaras
jinhe.n bhuuke pyaase KHatarnaak vahshii darinde
musalsal ghasiiTe chale jaa rahe hai.n

Abul Faiz Sahar
Nazm

nazm

tirii aa.nkho.n ke kaajal par
tire gul-barg aariz par
havaa ke ho.nT ne ulfat bharaa bosa diyaa hogaa
tabhii ye rang nikhraa hai
tire chehre kii rangat se dhanak sii bantii jaatii hai
tirii chuu.Dii kii khan-khan me.n mohabbat kii sadaa.e.n hai.n
yuu.n lagtaa hai ki goyaa ik parii-timsaal
yak-dam ik tasavvur ke
shabistaa.n se nikal aa.ii

Ushba Tabeer
Nazm

hum phul nahin toD sakte

mahl se baahar
baarish ho rahii hai
aur baadshaah kii bahan
naukaro.n ke saath
black-queen khel rahii hai
baadshaah ke bachche qaumii taraana yaad kar rahe hai.n
malka piano ke paas baiThii
kap.De kii gu.Diyaa banaa rahii hai
baadshaah apnii barsaatii Dhuu.nD rahaa hai
chhatrii vaziir-e-aazam ke paas hai
chaar gho.Do.n vaalii bagghii ke baGair
baadshaah kaniiz ko phuul pesh karnaa chaahtaa hai
kisii bhii haalat me.n
ham phuul nahii.n to.D sakte
ja.ngii mashqo.n kii vaj.h se
baaG marammat ke liye band hai

Zeeshan Sahil
Nazm

istiri karte hue

vo merii shirt jalne par
tiraa be-saaKHta ha.nsnaa
mujhe jab yaad aataa hai
to jaanaa.n aise lagtaa hai
tuu mere paas baiThii hai
mujhe mahsuus hotii hai
magar mai.n chhuu nahii.n saktaa
tirii aavaaz kaano.n me.n
abhii tak guu.nj uThtii hai
vo merii shirt jalne par
tiraa be-saaKHta ha.nsnaa
mujhe jab yaad aataa hai

Imran Shanawar
Nazm

taKHliq

mai.n kitnii der se
aa.nkhe.n band kiye baiThii huu.n
jaise saa.ns lene ko
aur zindagii karne ko
ko.ii bahaana na mil rahaa ho
jaise aa.nsuu aur dard
be-ma.anii ho.n
jaise apnaa vajuud
duusro.n kii zaruuriyaat kaa
ek zariiya ho
jaise ha.nsii aur KHushii
aur rang-birangii duniyaa
kisii KHvaab kaa hissa ho.n
mai.n kab se aa.nkhe.n band kiye baiThii huu.n
aur yake-ba.ad-diigre
ka.ii dhamaako.n se
kitnii duniyaa.e.n taKHliiq ho kar
uja.D chukii hai.n

Qurratulain Fatima
Nazm

adhuri dastan

nazhaad-e-barg-o-gul
sahar kii samt jaa rahii hai
KHvaab-kaar zulmato.n ke dasht se
huruuf
zaa.iche
puraane adh-jale
kha.nDar imaarate.n makaan
un ke bhuut bhii hai.n un ke ham-safar
hujuum-e-kaarvaa.n sehr-zada hai
zard daa.ero.n me.n aks-rez putliyaa.n
fazaa ko nochtii hai.n
maa.ngtii hai.n KHuun-e-dil kaa
ek ek raahgiir se KHiraaj
mai.n un ke saath huu.n
yaa apnaa raahzan
du.aa kii KHaak baal-o-par se
mai.n jhaTak chukaa huu.n
merii raat
merii tiirgii
mujhe utaarnaa hai tujh ko KHuun-e-dil kii
mauj-e-be-karaa.n ke sail-e-garm me.n
mujhe pukaarnaa hai us fasurda-dil
udaas ajnabii ko
mujh se jaane kab jo daf.atan bichha.D gayaa

Balraj Komal
Nazm

rangin jild

tum merii mazbuut sii diivaar ho
mere kamzor palo.n kii jild sii
tabhii har mausam se be-KHauf bachaayaa hai use
jild saKHt aur vahii ra.ngiin sii rahe
pichhle baras yaad hai
kitnii umas thii
ham galne se lage the aa.nsu.o.n se yaa badle
mausam se
shaayad dono.n se
jaantii huu.n jild kii fitrat
kasii ba.ndhii puKHta kone ru.ndne ke ba.ad
bhii mazbuut sii
lekin ab safhe galne lage
be-vaqt mausam se
sambhaal sako to mu.Daa.ii kar lo phir se
aksar puraanii jild na.e safho.n me.n be-ma.aanii be-raunaq sii ma.aluum hotii hai
safhe lugdii se gal jaa.e kahii.n

divya maheshwari
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now