Aapki baat,baat phoolon ki: On Rose day

guloñ meñ rañg bhare bād-e-nau-bahār chale

chale bhī aao ki gulshan kā kārobār chale

gulon mein rang bhare baad-e-nau-bahaar chale

chale bhi aao ki gulshan ka karobar chale

gul ho mahtāb ho ā.īna ho ḳhurshīd ho miir

apnā mahbūb vahī hai jo adā rakhtā ho

gul ho mahtab ho aaina ho KHurshid ho mir

apna mahbub wahi hai jo ada rakhta ho

maiñ chāhtā thā ki us ko gulāb pesh karūñ

vo ḳhud gulāb thā us ko gulāb kyā detā

main chahta tha ki us ko gulab pesh karun

wo KHud gulab tha us ko gulab kya deta

mahak rahī hai zamīñ chāñdnī ke phūloñ se

ḳhudā kisī kī mohabbat pe muskurāyā hai

mahak rahi hai zamin chandni ke phulon se

KHuda kisi ki mohabbat pe muskuraya hai

kisī kalī kisī gul meñ kisī chaman meñ nahīñ

vo rañg hai hī nahīñ jo tire badan meñ nahīñ

kisi kali kisi gul mein kisi chaman mein nahin

wo rang hai hi nahin jo tere badan mein nahin

aaj bhī shāyad koī phūloñ kā tohfa bhej de

titliyāñ mañDlā rahī haiñ kāñch ke gul-dān par

aaj bhi shayad koi phulon ka tohfa bhej de

titliyan manDla rahi hain kanch ke gul-dan par

sunā hai bole to bātoñ se phuul jhaḌte haiñ

ye baat hai to chalo baat kar ke dekhte haiñ

suna hai bole to baaton se phul jhaDte hain

ye baat hai to chalo baat kar ke dekhte hain

suno ki ab ham gulāb deñge gulāb leñge

mohabbatoñ meñ koī ḳhasāra nahīñ chalegā

suno ki ab hum gulab denge gulab lenge

mohabbaton mein koi KHasara nahin chalega

ye aarzū thī tujhe gul ke rū-ba-rū karte

ham aur bulbul-e-betāb guftugū karte

ye aarzu thi tujhe gul ke ru-ba-ru karte

hum aur bulbul-e-betab guftugu karte

na.e daur ke na.e ḳhvāb haiñ na.e mausamoñ ke gulāb haiñ

ye mohabbatoñ ke charāġh haiñ inheñ nafratoñ kī havā na de

nae daur ke nae KHwab hain nae mausamon ke gulab hain

ye mohabbaton ke charagh hain inhen nafraton ki hawa na de

kisī ke lams kī tāsīr hai ki barsoñ ba.ad

mirī kitāboñ meñ ab bhī gulāb jāgte haiñ

kisi ke lams ki tasir hai ki barson baad

meri kitabon mein ab bhi gulab jagte hain

aap chhū dekheñ kisī ġhunche ko apne haath se

ġhuncha gul ho jā.egā aur gul chaman ho jā.egā

aap chhu dekhen kisi ghunche ko apne hath se

ghuncha gul ho jaega aur gul chaman ho jaega

use kisī se mohabbat na thī magar us ne

gulāb toḌ ke duniyā ko shak meñ Daal diyā

use kisi se mohabbat na thi magar us ne

gulab toD ke duniya ko shak mein Dal diya

dimāġh de jo ḳhudā gulshan-e-mohabbat meñ

har ek gul se tire pairahan kī bū aa.e

dimagh de jo KHuda gulshan-e-mohabbat mein

har ek gul se tere pairahan ki bu aae

din meñ aane lage haiñ ḳhvāb mujhe

us ne bhejā hai ik gulāb mujhe

din mein aane lage hain KHwab mujhe

us ne bheja hai ek gulab mujhe

chaman tum se ibārat hai bahāreñ tum se zinda haiñ

tumhāre sāmne phūloñ se murjhāyā nahīñ jaatā

chaman tum se ibarat hai bahaaren tum se zinda hain

tumhaare samne phulon se murjhaya nahin jata

ravish ravish pe chaman ke bujhe bujhe manzar

ye kah rahe haiñ yahāñ se bahār guzrī hai

rawish rawish pe chaman ke bujhe bujhe manzar

ye kah rahe hain yahan se bahaar guzri hai

mujhe to ishq hai phūloñ meñ sirf ḳhushbū se

bulā rahī hai kisī laala kī mahak mujh ko

mujhe to ishq hai phulon mein sirf KHushbu se

bula rahi hai kisi lala ki mahak mujh ko

guzrā hai kaun phuul khilātā ḳhirām se

'shādāb' aaj rāhguzar pā rahā huuñ maiñ

guzra hai kaun phul khilata KHiram se

'shadab' aaj rahguzar pa raha hun main

lachak hai shāḳhoñ meñ jumbish havā se phūloñ meñ

bahār jhuul rahī hai ḳhushī ke phūloñ meñ

lachak hai shaKHon mein jumbish hawa se phulon mein

bahaar jhul rahi hai KHushi ke phulon mein