Apna Dard Shayari

hichkiyāñ raat dard tanhā.ī

aa bhī jaao tasalliyāñ de do

hichkiyan raat dard tanhai

aa bhi jao tasalliyan de do

dil dard kī bhaTTī meñ ka.ī baar jale hai

tab ek ġhazal husn ke sāñche meñ Dhale hai

dil dard ki bhaTTi mein kai bar jale hai

tab ek ghazal husn ke sanche mein Dhale hai

dil kā saarā dard bharā tasvīroñ meñ

ek musavvir naqsh huā tasvīroñ meñ

dil ka sara dard bhara taswiron mein

ek musawwir naqsh hua taswiron mein

ab dard meñ vo kaifiyat-e-dard nahīñ hai

aayā huuñ jo us bazm-e-gul-afshāñ se guzar ke

ab dard mein wo kaifiyat-e-dard nahin hai

aaya hun jo us bazm-e-gul-afshan se guzar ke

bahut kaam lene haiñ dard-e-jigar se

kahīñ zindagī ko qarār aa na jaa.e

bahut kaam lene hain dard-e-jigar se

kahin zindagi ko qarar aa na jae

kahūñ to kis se kahūñ apnā dard-e-dil maiñ ġharīb

na āshnā na musāhib na ham-nashīñ koī

kahun to kis se kahun apna dard-e-dil main gharib

na aashna na musahib na ham-nashin koi

bedard mujh se sharh-e-ġham-e-zindagī na pūchh

kaafī hai is qadar ki jiye jā rahā huuñ maiñ

bedard mujh se sharh-e-gham-e-zindagi na puchh

kafi hai is qadar ki jiye ja raha hun main

kahāñ pe khologe dard apnā kise kahoge

kahīñ chhupāo, ye haal le kar kahāñ chale ho

kahan pe khologe dard apna kise kahoge

kahin chhupao, ye haal le kar kahan chale ho

yuuñ hī ham dard apnā kho rahe haiñ

yahī ronā hai ham kyuuñ ro rahe haiñ

yun hi hum dard apna kho rahe hain

yahi rona hai hum kyun ro rahe hain

bahār dard bharā iqtibās chhoḌ ga.ī

har ik shajar kā badan be-libās chhoḌ ga.ī

bahaar dard bhara iqtibas chhoD gai

har ek shajar ka badan be-libas chhoD gai