بارش شاعری

بارش شراب عرش ہے یہ سوچ کر عدمؔ

بارش کے سب حروف کو الٹا کے پی گیا

یاد آئی وہ پہلی بارش

جب تجھے ایک نظر دیکھا تھا

بارش ہوئی تو گھر کے دریچے سے لگ کے ہم

چپ چاپ سوگوار تمہیں سوچتے رہے

ہم سے پوچھو مزاج بارش کا

ہم جو کچے مکان والے ہیں

کتنی دل کش ہیں یہ بارش کی پھواریں لیکن

ایسی بارش میں مری جان بھی جا سکتی ہے

چلے آتے ہیں بے موسم کی بارش کی طرح آنسو

بسا اوقات رونے کا سبب کچھ بھی نہیں ہوتا

یوں دل میں آج نور کی بارش ہوئی جمیلؔ

جیسے کوئی چراغ جلا دے بجھا ہوا

تھوڑی سی بارش ہوتی ہے

کتنی جلدی بھر جاتا ہوں

بارش کی بہت تیز ہوا میں کہیں مجھ کو

درپیش تھا اک مرحلہ جلنے کی طرح کا

آنکھوں کی پیالیوں میں بارش مچی ہوئی ہے

صحرا میں کوئی منظر شاداب آ رہا ہے