بیسٹ اثردار شاعری

لڑائی ہے تو اچھا رات بھر یوں ہی بسر کر لو

ہم اپنا منہ ادھر کر لیں تم اپنا منہ ادھر کر لو

اثر یہ تیرے انفاس مسیحائی کا ہے اکبرؔ

الہ آباد سے لنگڑا چلا لاہور تک پہنچا

اثر بھی لے رہا ہوں تیری چپ کا

تجھے قائل بھی کرتا جا رہا ہوں

اتنا تو جذب عشق نے بارے اثر کیا

اس کو بھی اب ملال ہے میرے ملال کا

ہوا یوں کہ پھر مجھے زندگی نے بسر کیا

کوئی دن تھے جب مجھے ہر نظارہ حسیں ملا

جس قدر جذب محبت کا اثر ہوتا گیا

عشق خود ترک و طلب سے بے خبر ہوتا گیا

کیا اثر خاک تھا مجنوں کے پھٹے کپڑوں میں

ایک ٹکڑا بھی تو لیلیٰ کا گریباں نہ ہوا

کس قدر تیری دعاؤں میں اثر تھا اے دوست

ہو گیا ہوں میں صحت یاب دوا سے پہلے

اثر ہے یہ ہماری دستکوں کا

جہاں دیوار تھی در ہو گیا ہے

اے فلک کچھ تو اثر حسن عمل میں ہوتا

شیشہ اک روز تو واعظ کے بغل میں ہوتا

جنوں کی خیر ہو تجھ کو اثرؔ ملا سب کچھ

یہ کیفیت بھی ضروری تھی آگہی کے لیے

مئے کوثر کا اثر چشم سیہ فام میں ہے

ساقیٔ مست عجب کیف ترے جام میں ہے

آتی ہے یاد صبح مسرت کی بار بار

خورشید آتے آتے اسے کل اٹھا تو لا