Best Asardar Shayari

laḌā.ī hai to achchhā rāt-bhar yuuñ hī basar kar lo

ham apnā muñh idhar kar leñ tum apnā muñh udhar kar lo

laDai hai to achchha raat-bhar yun hi basar kar lo

hum apna munh idhar kar len tum apna munh udhar kar lo

asar ye tere anfās-e-masīhā.ī kā hai 'akbar'

allahabad se lañgDā chalā lahore tak pahuñchā

asar ye tere anfas-e-masihai ka hai 'akbar'

allahabad se langDa chala lahore tak pahuncha

asar bhī le rahā huuñ terī chup kā

tujhe qaa.il bhī kartā jā rahā huuñ

asar bhi le raha hun teri chup ka

tujhe qail bhi karta ja raha hun

itnā to jazb-e-ishq ne baare asar kiyā

us ko bhī ab malāl hai mere malāl kā

itna to jazb-e-ishq ne bare asar kiya

us ko bhi ab malal hai mere malal ka

huā yuuñ ki phir mujhe zindagī ne basar kiyā

koī din the jab mujhe har nazāra hasīñ milā

hua yun ki phir mujhe zindagi ne basar kiya

koi din the jab mujhe har nazara hasin mila

jis qadar jazb-e-mohabbat kā asar hotā gayā

ishq ḳhud tark o talab se be-ḳhabar hotā gayā

jis qadar jazb-e-mohabbat ka asar hota gaya

ishq KHud tark o talab se be-KHabar hota gaya

kyā asar ḳhaak thā majnūñ ke phaTe kapḌoñ meñ

ek TukḌā bhī to lailā kā garebāñ na huā

kya asar KHak tha majnun ke phaTe kapDon mein

ek TukDa bhi to laila ka gareban na hua

asar hai ye hamārī dastakoñ kā

jahāñ dīvār thī dar ho gayā hai

asar hai ye hamari dastakon ka

jahan diwar thi dar ho gaya hai

kis qadar terī duāoñ meñ asar thā ai dost

ho gayā huuñ maiñ sehat-yāb davā se pahle

kis qadar teri duaon mein asar tha ai dost

ho gaya hun main sehat-yab dawa se pahle

ai falak kuchh to asar husn-e-amal meñ hotā

shīsha ik roz to vaa.iz ke baġhal meñ hotā

ai falak kuchh to asar husn-e-amal mein hota

shisha ek roz to waiz ke baghal mein hota

junūñ kī ḳhair ho tujh ko 'asar' milā sab kuchh

ye kaifiyat bhī zarūrī thī āgahī ke liye

junun ki KHair ho tujh ko 'asar' mila sab kuchh

ye kaifiyat bhi zaruri thi aagahi ke liye

mai-e-kausar kā asar chashm-e-siyah-fām meñ hai

sāqī-e-mast ajab kaif tire jaam meñ hai

mai-e-kausar ka asar chashm-e-siyah-fam mein hai

saqi-e-mast ajab kaif tere jam mein hai

aatī hai yaad sub.h-e-masarrat kī baar baar

ḳhurshīd aate aate use kal uThā to lā

aati hai yaad subh-e-masarrat ki bar bar

KHurshid aate aate use kal uTha to la