Best Deen Shayari
'mīr' ke dīn-o-maz.hab ko ab pūchhte kyā ho un ne to
qashqa khīñchā dair meñ baiThā kab kā tark islām kiyā
Why is it you seek to know, of Miir's religion, sect, for he
Sits in temples, painted brow, well on the road to heresy
'mir' ke din-o-mazhab ko ab puchhte kya ho un ne to
qashqa khincha dair mein baiTha kab ka tark islam kiya
Why is it you seek to know, of Miir's religion, sect, for he
Sits in temples, painted brow, well on the road to heresy
-
Tag : Mazhab
yahī hai ibādat yahī diin o īmāñ
ki kaam aa.e duniyā meñ insāñ ke insāñ
yahi hai ibaadat yahi din o iman
ki kaam aae duniya mein insan ke insan
aap idhar aa.e udhar diin aur īmān ga.e
iid kā chāñd nazar aayā to ramzān ga.e
aap idhar aae udhar din aur iman gae
id ka chand nazar aaya to ramzan gae
bole ki tujh ko diin kī islāh farz hai
maiñ chal diyā ye kah ke ki ādāb arz hai
bole ki tujh ko din ki islah farz hai
main chal diya ye kah ke ki aadab arz hai
uThā hijāb to bas dīn-o-dil diye hī banī
janāb-e-shaiḳh ko da.avā thā pārsā.ī kā
uTha hijab to bas din-o-dil diye hi bani
janab-e-shaiKH ko dawa tha parsai ka
ab diin huā zamāna-sāzī
āfāq tamām dahriyā hai
ab din hua zamana-sazi
aafaq tamam dahriya hai
diin o duniyā kā jo nahīñ pāband
vo farāġhat tamām rakhtā hai
din o duniya ka jo nahin paband
wo faraghat tamam rakhta hai
le gayā de ek bosa aql o diin o dil vo shoḳh
kyā hisāb ab kiije kuchh apnā hī fāzil rah gayā
le gaya de ek bosa aql o din o dil wo shoKH
kya hisab ab kije kuchh apna hi fazil rah gaya
zāhid tirā to diin sarāsar fareb hai
rishte se tere sub.ha ke zunnār hī bhalā
zahid tera to din sarasar fareb hai
rishte se tere subha ke zunnar hi bhala
