Best Miss You Shayari

aa ga.ī yaad shaam Dhalte hī

bujh gayā dil charāġh jalte hī

aa gai yaad sham Dhalte hi

bujh gaya dil charagh jalte hi

aap kī yaad aatī rahī raat bhar

chashm-e-nam muskurātī rahī raat bhar

aap ki yaad aati rahi raat bhar

chashm-e-nam muskuraati rahi raat bhar

zindagī yuuñ bhī guzar hī jaatī

kyuuñ tirā rāhguzar yaad aayā

zindagi yun bhi guzar hi jati

kyun tera rahguzar yaad aaya

zindagī naam hai judā.ī kā

aap aa.e to mujh ko yaad aayā

zindagi nam hai judai ka

aap aae to mujh ko yaad aaya

aa.ī jab un kī yaad to aatī chalī ga.ī

har naqsh-e-mā-sivā ko miTātī chalī ga.ī

aai jab un ki yaad to aati chali gai

har naqsh-e-ma-siwa ko miTati chali gai

ayādat ko aa.e shifā ho ga.ī

mirī ruuh tan se judā ho ga.ī

ayaadat ko aae shifa ho gai

meri ruh tan se juda ho gai

aaj tak yaad hai vo shām-e-judā.ī kā samāñ

terī āvāz kī larzish tire lahje kī thakan

aaj tak yaad hai wo sham-e-judai ka saman

teri aawaz ki larzish tere lahje ki thakan

rañg-e-dil rañg-e-nazar yaad aayā

tere jalvoñ kā asar yaad aayā

rang-e-dil rang-e-nazar yaad aaya

tere jalwon ka asar yaad aaya

bas itnā yaad hai ik bhuul sī huī thī kahīñ

ab is se baḌh ke dukhoñ kā hisāb kyā rakhnā

bas itna yaad hai ek bhul si hui thi kahin

ab is se baDh ke dukhon ka hisab kya rakhna

bas ek baar yaad ne tumhārā saath chhū liyā

phir is ke ba.ad to ka.ī jamāl jāgte rahe

bas ek bar yaad ne tumhaara sath chhu liya

phir is ke baad to kai jamal jagte rahe