Best Pyaas Shayari

kis ne bhīge hue bāloñ se ye jhaTkā paanī

jhuum ke aa.ī ghaTā TuuT ke barsā paanī

kis ne bhige hue baalon se ye jhaTka pani

jhum ke aai ghaTa TuT ke barsa pani

agar fursat mile paanī kī tahrīroñ ko paḌh lenā

har ik dariyā hazāroñ saal kā afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

ye paanī ḳhāmushī se bah rahā hai

ise dekheñ ki is meñ Duub jaa.eñ

ye pani KHamushi se bah raha hai

ise dekhen ki is mein Dub jaen

aadmī bulbula hai paanī kā

kyā bharosā hai zindagānī kā

aadmi bulbula hai pani ka

kya bharosa hai zindagani ka

ab to is tālāb kā paanī badal do

ye kañval ke phuul kumhlāne lage haiñ

ab to is talab ka pani badal do

ye kanwal ke phul kumhlane lage hain

naam paanī pe likhne se kyā fā.eda

likhte likhte tire haath thak jā.eñge

nam pani pe likhne se kya faeda

likhte likhte tere hath thak jaenge

chal to saktā thā maiñ bhī paanī par

maiñ ne dariyā kā ehtirām kiyā

chal to sakta tha main bhi pani par

main ne dariya ka ehtiram kiya

hañstā paanī rotā paanī

mujh ko āvāzeñ detā thā

hansta pani rota pani

mujh ko aawazen deta tha

ishq meñ piine kā paanī bas aañkh kā paanī

khāne meñ bas patthar khaa.e jā sakte the

ishq mein pine ka pani bas aankh ka pani

khane mein bas patthar khae ja sakte the

bahut gadlā thā paanī us nadī kā

magar maiñ apnā chehra dekh aayā

bahut gadla tha pani us nadi ka

magar main apna chehra dekh aaya