بیسٹ پیاس شاعری

کس نے بھیگے ہوئے بالوں سے یہ جھٹکا پانی

جھوم کے آئی گھٹا ٹوٹ کے برسا پانی

اگر فرصت ملے پانی کی تحریروں کو پڑھ لینا

ہر اک دریا ہزاروں سال کا افسانہ لکھتا ہے

یہ پانی خامشی سے بہہ رہا ہے

اسے دیکھیں کہ اس میں ڈوب جائیں

آدمی بلبلہ ہے پانی کا

کیا بھروسا ہے زندگانی کا

اب تو اس تالاب کا پانی بدل دو

یہ کنول کے پھول کمہلانے لگے ہیں

نام پانی پہ لکھنے سے کیا فائدہ

لکھتے لکھتے ترے ہاتھ تھک جائیں گے

چل تو سکتا تھا میں بھی پانی پر

میں نے دریا کا احترام کیا

ہنستا پانی، روتا پانی

مجھ کو آوازیں دیتا تھا

عشق میں پینے کا پانی بس آنکھ کا پانی

کھانے میں بس پتھر کھائے جا سکتے تھے

بہت گدلا تھا پانی اس ندی کا

مگر میں اپنا چہرہ دیکھ آیا