Emotional Shayari

aañsū hamāre gir ga.e un kī nigāh se

in motiyoñ kī ab koī qīmat nahīñ rahī

aansu hamare gir gae un ki nigah se

in motiyon ki ab koi qimat nahin rahi

dard kī dhuup meñ sahrā kī tarah saath rahe

shaam aa.ī to lipaT kar hameñ dīvār kiyā

dard ki dhup mein sahra ki tarah sath rahe

sham aai to lipaT kar hamein diwar kiya

aañsū aañsū jis ne dariyā paar kiye

qatra qatra aab meñ uljhā baiThā hai

aansu aansu jis ne dariya par kiye

qatra qatra aab mein uljha baiTha hai

dard kī baat kisī hañstī huī mahfil meñ

jaise kah de kisī turbat pe latīfa koī

dard ki baat kisi hansti hui mahfil mein

jaise kah de kisi turbat pe latifa koi

aañsū falak kī aañkh se Tapke tamām raat

aur sub.h tak zamīn kā āñchal bhigo ga.e

aansu falak ki aankh se Tapke tamam raat

aur subh tak zamin ka aanchal bhigo gae

dard kī had se guzarnā to abhī baaqī hai

TuuT kar merā bikharnā to abhī baaqī hai

dard ki had se guzarna to abhi baqi hai

TuT kar mera bikharna to abhi baqi hai

dard kī dhuup Dhale ġham ke zamāne jaa.eñ

dekhiye ruuh se kab daaġh purāne jaa.eñ

dard ki dhup Dhale gham ke zamane jaen

dekhiye ruh se kab dagh purane jaen

dard kī aañch banā detī hai dil ko iksīr

dard se dil hai agar dard nahīñ dil bhī nahīñ

dard ki aanch bana deti hai dil ko iksir

dard se dil hai agar dard nahin dil bhi nahin

aañsū huuñ hañs rahā huuñ shagūfoñ ke darmiyāñ

shabnam huuñ jal rahā huuñ sharāroñ ke shahr meñ

aansu hun hans raha hun shagufon ke darmiyan

shabnam hun jal raha hun shararon ke shahr mein

aañsū haiñ kafan-posh sitāre haiñ kafan-rañg

lo chaak kiye dete haiñ dāmān-e-sahar ham

aansu hain kafan-posh sitare hain kafan-rang

lo chaak kiye dete hain daman-e-sahar hum