اموتیونل شاعری

آنسو ہمارے گر گئے ان کی نگاہ سے

ان موتیوں کی اب کوئی قیمت نہیں رہی

درد کی دھوپ میں صحرا کی طرح ساتھ رہے

شام آئی تو لپٹ کر ہمیں دیوار کیا

آنسو آنسو جس نے دریا پار کئے

قطرہ قطرہ آب میں الجھا بیٹھا ہے

درد کی بات کسی ہنستی ہوئی محفل میں

جیسے کہہ دے کسی تربت پہ لطیفہ کوئی

آنسو فلک کی آنکھ سے ٹپکے تمام رات

اور صبح تک زمین کا آنچل بھگو گئے

درد کی حد سے گزرنا تو ابھی باقی ہے

ٹوٹ کر میرا بکھرنا تو ابھی باقی ہے

درد کی دھوپ ڈھلے غم کے زمانے جائیں

دیکھیے روح سے کب داغ پرانے جائیں

درد کی آنچ بنا دیتی ہے دل کو اکسیر

درد سے دل ہے اگر درد نہیں دل بھی نہیں

آنسو ہوں ہنس رہا ہوں شگوفوں کے درمیاں

شبنم ہوں جل رہا ہوں شراروں کے شہر میں

آنسو ہیں کفن پوش ستارے ہیں کفن رنگ

لو چاک کئے دیتے ہیں دامان سحر ہم