Gali Shayari

dil mujhe us galī meñ le jā kar

aur bhī ḳhaak meñ milā laayā

dil mujhe us gali mein le ja kar

aur bhi KHak mein mila laya

aap apnī galī ke saa.il ko

kam se kam par savāl to rakhiye

aap apni gali ke sail ko

kam se kam par sawal to rakhiye

yuuñ uThe aah us galī se ham

jaise koī jahāñ se uThtā hai

yun uThe aah us gali se hum

jaise koi jahan se uThta hai

ik din tirī galī meñ mujhe le ga.ī havā

aur phir tamām umr mujhe DhūñDhtī rahī

ek din teri gali mein mujhe le gai hawa

aur phir tamam umr mujhe DhunDhti rahi

us galī ne ye sun ke sabr kiyā

jaane vaale yahāñ ke the hī nahīñ

us gali ne ye sun ke sabr kiya

jaane wale yahan ke the hi nahin

galī kā aam sā chehra bhī pyārā hone lagtā hai

mohabbat meñ to zarra bhī sitārā hone lagtā hai

gali ka aam sa chehra bhi pyara hone lagta hai

mohabbat mein to zarra bhi sitara hone lagta hai

galī ke moḌ se ghar tak añdherā kyuuñ hai 'nizām'

charāġh yaad kā us ne bujhā diyā hogā

gali ke moD se ghar tak andhera kyun hai 'nizam'

charagh yaad ka us ne bujha diya hoga

har galī kūche meñ rone kī sadā merī hai

shahr meñ jo bhī huā hai vo ḳhatā merī hai

har gali kuche mein rone ki sada meri hai

shahr mein jo bhi hua hai wo KHata meri hai

kitnī vīrān hai galī dil kī

duur tak koī naqsh-e-pā bhī nahīñ

kitni viran hai gali dil ki

dur tak koi naqsh-e-pa bhi nahin

terā kūcha tirā dar terī galī kaafī hai

be-Thikānoñ ko Thikāne kī zarūrat kyā hai

tera kucha tera dar teri gali kafi hai

be-Thikanon ko Thikane ki zarurat kya hai