گلی شاعری

اس گلی نے یہ سن کے صبر کیا

جانے والے یہاں کے تھے ہی نہیں

دل مجھے اس گلی میں لے جا کر

اور بھی خاک میں ملا لایا

ہر گلی کوچے میں رونے کی صدا میری ہے

شہر میں جو بھی ہوا ہے وہ خطا میری ہے

یوں اٹھے آہ اس گلی سے ہم

جیسے کوئی جہاں سے اٹھتا ہے

گلی کے موڑ سے گھر تک اندھیرا کیوں ہے نظامؔ

چراغ یاد کا اس نے بجھا دیا ہوگا

تیرا کوچہ ترا در تیری گلی کافی ہے

بے ٹھکانوں کو ٹھکانے کی ضرورت کیا ہے

آپ اپنی گلی کے سائل کو

کم سے کم پر سوال تو رکھئے

اک دن تری گلی میں مجھے لے گئی ہوا

اور پھر تمام عمر مجھے ڈھونڈھتی رہی

گلی کا عام سا چہرہ بھی پیارا ہونے لگتا ہے

محبت میں تو ذرہ بھی ستارا ہونے لگتا ہے

کتنی ویران ہے گلی دل کی

دور تک کوئی نقش پا بھی نہیں